ಸೈಬರ್ ವಂಚನೆ ತಪ್ಪಿಸಲು ಟೆಲಿಕಾಂ ಇಲಾಖೆ ಹೊಸ ಕ್ರಮ; ಮೊಬೈಲ್ ಐಡಿ ಪರಿಶೀಲನೆಗೆ ಪ್ರತ್ಯೇಕ ಪ್ಲಾಟ್​ಫಾರ್ಮ್?

ನವದೆಹಲಿ, ಜೂನ್ 27: ಸೈಬರ್ ವಂಚನೆಗೆ ಕಡಿವಾಣ ಹಾಕಲು ಟೆಲಿಕಾಂ ಇಲಾಖೆ ಬಿಗಿ ನಿಯಮಗಳನ್ನು ರೂಪಿಸಲು ಮುಂದಾಗಿದೆ. ಅದರಂತೆ, ಗ್ರಾಹಕರ ಮೊಬೈಲ್ ನಂಬರ್ ಅಥವಾ ಗುರುತುಗಳನ್ನು ಪರಿಶೀಲಿಸಬಹುದಾದಂತಹ ಕೇಂದ್ರೀಕೃತ ಪ್ಲಾಟ್​​ಫಾರ್​ಮ್​​ವೊಂದನ್ನು ರಚಿಸಲು ಮುಂದಾಗಿದೆ. ಟೆಲಿಕಾಂ ಆಪರೇಟರ್​​ಗಳು, ಬ್ಯಾಂಕುಗಳು, ಇಕಾಮರ್ಸ್ ಸಂಸ್ಥೆಗಳು ಮೊದಲಾದವು ಈಗ ಈ ಪ್ಲಾಟ್​​ಫಾರ್ಮ್ ಮೂಲಕ ತಮ್ಮ ಗ್ರಾಹಕರ ಗುರುತುಗಳನ್ನು ಪರಿಶೀಲಿಸುವುದು ಕಡ್ಡಾಯವಾಗಲಿದೆ. ಈ ನಿಟ್ಟಿನಲ್ಲಿ 2024ರ ದೂರಸಂಪರ್ಕ ಟೆಲಿಕಾಂ ಸೈಬರ್ ಭದ್ರತೆ ನಿಯಮಗಳಿಗೆ (Telecommunications Rules 2024) ತಿದ್ದುಪಡಿ ತರಲು ರೂಪಿಸಲಾದ ಕರಡು ಅಧಿಸೂಚನೆಯಲ್ಲಿ ಇಂಥದ್ದೊಂದು ಪ್ರಸ್ತಾಪ ಮಾಡಲಾಗಿದೆ.

ಇದು ಮೊಬೈಲ್ ನಂಬರ್ ವ್ಯಾಲಿಡೇಶನ್ (ಎಂಎನ್​​ವಿ) ಪ್ಲಾಟ್​​ಫಾರ್ಮ್ ಆಗಿದ್ದು, ಕೇಂದ್ರ ಸರ್ಕಾರವೇ ಖುದ್ದಾಗಿ ಇದನ್ನು ಸ್ಥಾಪಿಸಬಹುದು. ಅಥವಾ ಏಜೆನ್ಸಿಯೊಂದಕ್ಕೆ ಇದರ ಜವಾಬ್ದಾರಿ ವಹಿಸಬಹುದು. ಈ ಪ್ಲಾಟ್​​ಫಾರ್ಮ್ ಅನ್ನು ವೆರಿಫಿಕೇಶನ್​​ಗೆ ಬಳಸಲು ನಿರ್ದಿಷ್ಟ ಶುಲ್ಕ ನಿಗದಿ ಮಾಡುವ ಸಾಧ್ಯತೆ ಇದೆ.

ಇದನ್ನೂ ಓದಿ: Credit Score: ಸಂಬಳ ಹೆಚ್ಚಿದರೆ ಕ್ರೆಡಿಟ್ ಸ್ಕೋರ್ ಹೆಚ್ಚುತ್ತಾ? ಅಂಕ ನಿರ್ಧಾರ ಆಗೋದು ಹೇಗೆ?

ನಕಲಿ ದಾಖಲೆ ಬಳಸಿ 21 ಲಕ್ಷ ಸಿಮ್ ಕನೆಕ್ಷನ್?

ದೂರಸಂಪರ್ಕ ಇಲಾಖೆಯು ಎಐ ಟೆಕ್ನಾಲಜಿ ಬಳಸಿ ಸಿಮ್ ಕನೆಕ್ಷನ್​​ಗಳನ್ನು ಪರಿಶೀಲನೆ ನಡೆಸುತ್ತಿದೆ. ನಕಲಿ ದಾಖಲೆಗಳನ್ನು ಸಲ್ಲಿಸಿ ಪಡೆಯಲಾದ ಕೋಟ್ಯಂತರ ಸಿಮ್​​ಗಳನ್ನು ಡಿಸ್​​ಕನೆಕ್ಟ್ ಮಾಡಲಾಗಿದೆ.

ಐಎಂಇಐ ವಿಚಾರದಲ್ಲಿ ಸರ್ಕಾರದ ಕ್ರಮ

ಭಾರತದ ಟೆಲಿಕಾಂ ನೆಟ್ವರ್ಕ್​ಗಳಲ್ಲಿ ಈಗಾಗಲೇ ಇರುವ ಐಎಂಇಐಗಳನ್ನು ಮತ್ತೊಂದು ಸಾಧನಗಳಿಗೆ ನಿಯೋಜಿಸದಂತೆ ಎಚ್ಚರ ವಹಿಸಿ ಎಂದು ಮೊಬೈಲ್ ತಯಾರಕರನ್ನು ಸರ್ಕಾರ ಕೇಳಲು ನಿರ್ಧರಿಸಿದೆ. ಭಾರತದಲ್ಲಿ ತಯಾರಾಗುವ ಅಥವಾ ಆಮದಾಗುವ ಫೋನ್​​ಗಳ ಐಎಂಇಐ ಸಂಖ್ಯೆ ಪುನಾವರ್ತನೆ ಆಗುವಂತಿಲ್ಲ.

ಇದನ್ನೂ ಓದಿ: ಫಿಕ್ಸೆಡ್ ಡೆಪಾಸಿಟ್​ಗೆ ಟಿಡಿಎಸ್ ಕಡಿತ ಇರುತ್ತಾ? ಅದನ್ನು ತಪ್ಪಿಸಲು ಏನು ಮಾಡಬೇಕು? ಇಲ್ಲಿದೆ ಡೀಟೇಲ್ಸ್

ಇದೇ ವೇಳೆ, ಸರ್ಕಾರವು ಭಾರತದಲ್ಲಿ ಬಳಕೆಯಲ್ಲಿದ್ದ ಐಎಂಇಐಗಳ ಡಾಟಾಬೇಸ್ ಅನ್ನು ನಿರ್ಮಿಸಲಿದೆ. ನಿರ್ಬಂಧದಲ್ಲಿರುವ ಐಎಂಇಐಗಳೂ ಕೂಡ ಈ ಡಾಟಾಬೇಸ್​​ನಲ್ಲಿ ಇರಲಿವೆ. ಈ ಐಎಂಇಐ ಸಂಖ್ಯೆಯು ಹೊಸ ಉಪಕರಣಗಳಿಗೆ ನಿಯೋಜನೆ ಆಗದಂತೆ ನೋಡಿಕೊಳ್ಳುವುದು ಸರ್ಕಾರದ ಉದ್ದೇಶ. ಮೊಬೈಲ್ ತಯಾರಕರು ಐಎಂಇಐಗಳನ್ನು ನಿಯೋಜಿಸುವ ಮೊದಲು ಈ ಡಾಟಾಬೇಸ್​ ಅನ್ನು ಗಮನಿಸಬೇಕಾಗುತ್ತದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ