SBI New Rules: ಸ್ಟೇಟ್ ಬ್ಯಾಂಕ್​ ಆಫ್​ ಇಂಡಿಯಾದ ಈ ನಿಯಮಗಳಲ್ಲಿ ಫೆಬ್ರವರಿಯಿಂದ ಬದಲಾವಣೆ

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಈ ನಿಯಮಾವಳಿಗಳಲ್ಲಿ ಫೆಬ್ರವರಿಯಿಂದ ಬದಲಾವಣೆ ಮಾಡುವುದಕ್ಕೆ ಎಲ್ಲ ಸಿದ್ಧತೆ ನಡೆದಿದೆ ಎಂದು ತಿಳಿಸಲಾಗಿದೆ.

SBI New Rules: ಸ್ಟೇಟ್ ಬ್ಯಾಂಕ್​ ಆಫ್​ ಇಂಡಿಯಾದ ಈ ನಿಯಮಗಳಲ್ಲಿ ಫೆಬ್ರವರಿಯಿಂದ ಬದಲಾವಣೆ
ಸಾಂದರ್ಭಿಕ ಚಿತ್ರ

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾವು ಐಎಂಪಿಎಸ್, ಎನ್​ಇಎಫ್​ಟಿ ಮತ್ತು ಆರ್​ಟಿಜಿಎಸ್​ ವಹಿವಾಟುಗಳೂ ಸೇರಿ ಆನ್​ಲೈನ್ ವ್ಯವಹಾರಗಳ ಕಾರ್ಯ ಚಟುವಟಿಕೆಯನ್ನು ಬದಲಾವಣೆಗೆ ಸಿದ್ಧವಾಗಿದೆ. ದೇಶದ ಅತಿ ದೊಡ್ಡ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಇಮಿಡೆಯೆಟ್ ಪೇಮೆಂಟ್ ಸರ್ವೀಸ್ (ಐಎಂಪಿಎಸ್) ವಹಿವಾಟಿನ ಮಿತಿಯನ್ನು ಹೆಚ್ಚಳ ಮಾಡಿದೆ. ಇದರ ಅಡಿಯಲ್ಲಿ ಎಸ್​ಬಿಐ ಖಾತೆದಾರರು 2 ಲಕ್ಷದ ಬಲಿಗೆ 5 ಲಕ್ಷ ರೂಪಾಯಿ ತನಕ ವಹಿವಾಟು ನಡೆಸಬಹುದು, ಎಂದು ಈ ತಿಂಗಳ ಆರಂಭದಲ್ಲಿ ಬ್ಯಾಂಕ್ ಸೂಚನೆ ಹೊರಡಿಸಿದೆ. ಡಿಜಿಟಲ್​ ಆಗಿ ವಹಿವಾಟು ನಡೆಸಿದಲ್ಲಿ 5 ಲಕ್ಷ ರೂಪಾಯಿ ತನಕ ಮಾಡುವ ಐಎಂಪಿಎಸ್ ವಹಿವಾಟುಗಳಿಗೆ ಯಾವುದೇ ಶುಲ್ಕ ಇಲ್ಲ, ಅದು ಕೂಡ ಇಂಟರ್​ನೆಟ್ ಬ್ಯಾಂಕಿಂಗ್, ಮೊಬೈಲ್ ಬ್ಯಾಂಕಿಂಗ್ ಮತ್ತು ಯೋನೋ ಮೂಲಕ.

“ಗ್ರಾಹಕರು ಡಿಜಿಟಲ್ ಬ್ಯಾಂಕಿಂಗ್ ಅಳವಡಿಸಿಕೊಳ್ಳಲು ಉತ್ತೇಜಿಸುವ ಗುರಿಯೊಂದಿಗೆ 5 ಲಕ್ಷ ರೂಪಾಯಿ ತನಕ ಐಎಂಪಿಎಸ್​ ವಹಿವಾಟಿಗೆ ಯಾವುದೇ ಶುಲ್ಕ ವಿಧಿಸುತ್ತಿಲ್ಲ. ಆ ವಹಿವಾಟನ್ನು ಯೋನೋ ಸೇರಿದಂತೆ ಇಂಟರ್​ನೆಟ್ ಬ್ಯಾಂಕಿಂಗ್/ಮೊಬೈಲ್ ಬ್ಯಾಂಕಿಂಗ್ ಮೂಲಕ ಮಾಡಿರಬೇಕು. ಒಂದು ವೇಳೆ ಶಾಖೆಯ ಮೂಲಕ ಮಾಡಿದ್ದಲ್ಲಿ ಈಗಿರುವಂತೆಯೇ ಐಎಂಪಿಎಸ್​ಗೆ ವಿಧಿಸುತ್ತಿರುವ ಸೇವಾ ಶುಲ್ಕವು ಅನ್ವಯ ಆಗುತ್ತದೆ,” ಎಂದು ಜನವರಿ 4ರಂದು ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಲಾಗಿದೆ.

ಆದರೆ, 2 ಲಕ್ಷ ರೂಪಾಯಿಯಿಂದ 5 ಲಕ್ಷ ರೂಪಾಯಿಗೆ ಹೊಸ ಸ್ಲ್ಯಾಬ್ ಸೇರ್ಪಡೆಯಾಗಿದ್ದು, ಇದಕ್ಕೆ ಪ್ರಸ್ತಾವಿತ ಸೇವಾ ಶುಲ್ಕವಾಗಿ ರೂ. 20+ ಜಿಎಸ್​ಟಿ ಫೆಬ್ರವರಿ 1, 2022ರಿಂದ ಅನ್ವಯಿಸುತ್ತದೆ. ಎನ್​ಇಎಫ್​ಟಿ/ಆರ್​ಟಿಜಿಎಸ್​ ಮೇಲಿನ ಸೇವಾ ಶುಲ್ಕದಂತೆಯೇ ಐಎಂಪಿಎಸ್​ ಮೇಲೆ ಸೇವಾ ಶುಲ್ಕ ಇದೆ,” ಎಂದು ಬ್ಯಾಂಕ್ ತಿಳಿಸಿದೆ. ಈ ಹೊಸ ಬದಲಾವಣೆಯು ಈ ವರ್ಷದ ಫೆಬ್ರವರಿ 1ರಿಂದ ಅನ್ವಯ ಆಗುತ್ತದೆ.

ಎಸ್​ಬಿಐನಲ್ಲಿ ಐಎಂಪಿಎಸ್, ಎನ್​ಇಎಫ್​ಟಿ ಮತ್ತು ಆರ್​ಟಿಜಿಎಸ್​ ವಹಿವಾಟುಗಳಿಗೆ ಹೊಸ ನಿಯಮ ಐಎಂಪಿಎಸ್​ ಶುಲ್ಕ- ಆನ್​ಲೈನ್ ವಿಧಾನ ಇಂಟರ್​ನೆಟ್ ಅಥವಾ ಮೊಬೈಲ್ ಬ್ಯಾಂಕಿಂಗ್ ಮೂಲಕ ವಹಿವಾಟು ನಡೆಸಿದಲ್ಲಿ ಐಎಂಪಿಎಸ್ ವಹಿವಾಟುಗಳಿಗೆ ಯಾವುದೇ ಸೇವಾ ಶುಲ್ಕ ಅಥವಾ ಜಿಎಸ್​ಟಿ ಅನ್ವಯಿಸಲ್ಲ. ಅದು 5 ಲಕ್ಷ ರೂಪಾಯಿಯೊಳಗಿನ ಮೊತ್ತಕ್ಕೆ. ಇದರಲ್ಲಿ ಯೋನೋ ಆ್ಯಪ್ ಮೂಲಕದ ವಹಿವಾಟುಗಳು ಒಳಗೊಂಡಿವೆ.

ಐಎಂಪಿಎಸ್ ಶುಲ್ಕಗಳು- ಆಫ್​ಲೈನ್ ವಿಧಾನ 1000 ರೂ. ತನಕ: ಯಾವುದೇ ಶುಲ್ಕವಿಲ್ಲ 1000 ರೂ. ಮೇಲ್ಪಟ್ಟು ರೂ. 10 ಸಾವಿರ ತನಕ: ರೂ. 2 ಸೇವಾ ಶುಲ್ಕ + ಜಿಎಸ್​ಟಿ 10000 ರೂ. ಮೇಲ್ಪಟ್ಟು ರೂ. 1 ಲಕ್ಷ ತನಕ: ರೂ. 4 ಸೇವಾ ಶುಲ್ಕ + ಜಿಎಸ್​ಟಿ 1 ಲಕ್ಷ ರೂ. ಮೇಲ್ಪಟ್ಟು ರೂ. 2 ಲಕ್ಷ ತನಕ: ರೂ. 12 ಸೇವಾ ಶುಲ್ಕ + ಜಿಎಸ್​ಟಿ 2 ಲಕ್ಷ ರೂ. ಮೇಲ್ಪಟ್ಟು ರೂ. 5 ಲಕ್ಷ ತನಕ (ಹೊಸ ಸ್ಲ್ಯಾಬ್): ರೂ. 20 ಸೇವಾ ಶುಲ್ಕ + ಜಿಎಸ್​ಟಿ

ಎನ್​ಇಎಫ್​ಟಿ ಸೇವಾ ಶುಲ್ಕಗಳು- ಆನ್​ಲೈನ್ ವಿಧಾನ ಇಂಟರ್​ನೆಟ್ ಬ್ಯಾಂಕಿಂಗ್ ಅಥವಾ ಮೊಬೈಲ್ ಬ್ಯಾಂಕಿಂಗ್, ಯೋನೋ ಆ್ಯಪ್ ಸೇರಿದಂತೆ ಎನ್​ಇಎಫ್​ಟಿ ವಹಿವಾಟುಗಳಿಗೆ ಯಾವುದೇ ಜಿಎಸ್​ಟಿ ಅಥವಾ ಸೇವಾ ಶುಲ್ಕ ಇಲ್ಲ. 2 ಲಕ್ಷ ರೂಪಾಯಿ ಮೇಲ್ಪಟ್ಟ ಮೊತ್ತಕ್ಕೂ ಇದು ಅನ್ವಯಿಸುತ್ತದೆ.

ಎನ್​ಇಎಫ್​ಟಿ ಸೇವಾ ಶುಲ್ಕಗಳು- ಆಫ್​​ಲೈನ್ ವಿಧಾನ 10,000 ರೂ. ತನಕ: ರೂ. 2 ಸೇವಾ ಶುಲ್ಕ + ಜಿಎಸ್​ಟಿ 10,000 ರೂ. ಮೇಲ್ಪಟ್ಟು ರೂ. 1 ಲಕ್ಷ ತನಕ: ರೂ. 4 ಸೇವಾ ಶುಲ್ಕ + ಜಿಎಸ್​ಟಿ 1 ಲಕ್ಷ ರೂ. ಮೇಲ್ಪಟ್ಟು ರೂ. 2 ಲಕ್ಷ ತನಕ: ರೂ. 12 ಸೇವಾ ಶುಲ್ಕ + ಜಿಎಸ್​ಟಿ 2 ಲಕ್ಷ ರೂ. ಮೇಲ್ಪಟ್ಟು : ರೂ. 20 ಸೇವಾ ಶುಲ್ಕ + ಜಿಎಸ್​ಟಿ

ಆರ್​ಟಿಜಿಎಸ್​ ಶುಲ್ಕಗಳು: ಆನ್​ಲೈನ್ ವಿಧಾನ ಇಂಟರ್​ನೆಟ್​ ಅಥವಾ ಮೊಬೈಲ್​ ಬ್ಯಾಂಕಿಂಗ್ ಸೇರಿದಂತೆ ಯೋನೋ ಆ್ಯಪ್ ಮೂಲಕ ಮಾಡುವ ಆರ್​ಟಿಜಿಎಸ್​ ವಹಿವಾಟುಗಳಿಗೆ ಯಾವುದೇ ಸೇವಾ ಶುಲ್ಕ ಅಥವಾ ಜಿಎಸ್​ಟಿ ಅನ್ವಯ ಆಗಲ್ಲ. ಮೊತ್ತವು 5 ಲಕ್ಷ ರೂಪಾಯಿ ದಾಟಿದರೂ ಯಾವುದೇ ಶುಲ್ಕ ತಗುಲುವುದಿಲ್ಲ.

ಆರ್​ಟಿಜಿಎಸ್​ ಶುಲ್ಕಗಳು: ಆಫ್​​ಲೈನ್ ವಿಧಾನ 2 ಲಕ್ಷ ರೂಪಾಯಿ ಮೇಲ್ಪಟ್ಟು ಮತ್ತು 5 ಲಕ್ಷ ರೂಪಾಯಿವರೆಗೆ: ರೂ. 20 ಸೇವಾ ಶುಲ್ಕ + ಜಿಎಸ್​ಟಿ 5 ಲಕ್ಷ ರೂಪಾಯಿ ಮೇಲ್ಪಟ್ಟು: ರೂ. 40 ಸೇವಾ ಶುಲ್ಕ + ಜಿಎಸ್​ಟಿ

ಈ ಮೇಲ್ಕಂಡ ಸೇವೆಗಳ ಎಲ್ಲ ಶುಲ್ಕಗಳು ಭಾರತದ ಅತಿ ದೊಡ್ಡ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾಗೆ ಅನ್ವಯ ಆಗುವಂಥದ್ದು.

ಇದನ್ನೂ ಓದಿ: IMPS Charges: ಎಸ್​ಬಿಐನಲ್ಲಿ 5 ಲಕ್ಷ ರೂಪಾಯಿ ತನಕ ಆನ್​ಲೈನ್ ಐಎಂಪಿಎಸ್​ ವಹಿವಾಟುಗಳಿಗೆ ಯಾವುದೇ ಶುಲ್ಕವಿಲ್ಲ

Published On - 1:48 pm, Fri, 14 January 22

Click on your DTH Provider to Add TV9 Kannada