ವೇತನ ಹೆಚ್ಚಳವಾಯ್ತೇ? ಹಾಗಿದ್ದರೆ ಹೆಚ್ಚುವರಿ ತೆರಿಗೆ ಉಳಿಸಲು ಈ ಅಂಶಗಳನ್ನು ಫಾಲೋ ಮಾಡಿ

ಹಣದುಬ್ಬರ (Inflation)ದ ಈ ಸಂದರ್ಭದಲ್ಲಿ ವೇತನ ಹೆಚ್ಚಳ (Salary Hike)ವಾದರೆ ಅದಕ್ಕಿಂತ ಸಂತಸದ ವಿಷಯ ಇನ್ನೊಂದಿಲ್ಲ. ಈ ನಡುವೆ ತೆರಿಗೆ (Tax)ಯೂ ಪಾವತಿಸಬೇಕು ಎಂಬುದು ಮತ್ತೊಂದು ಸಂಗತಿ ನೆನಪಿನಲ್ಲಿಡಬೇಕು. ಸಂಬಳ ಹೆಚ್ಚಾದರೆ ಕಟ್ಟಬೇಕಾದ ತೆರಿಗೆಯೂ ಹೆಚ್ಚಾಗುತ್ತದೆ. ಹೀಗಿದ್ದಾಗ  ಹೆಚ್ಚಿನ ತೆರಿಗೆ ಪಾವತಿಸುವುದನ್ನು ತಪ್ಪಿಸುವುದು ಹೇಗೆ ಎಂದು ನಾವು ತಿಳಿಸುತ್ತೇವೆ. ನೀವು ಮಾಡಬೇಕಾದ ಕೆಲಸವೆಂದರೆ, ತೆರಿಗೆ ಉಳಿಸಬಹುದಾದ ವೇದಿಕೆಗಳಲ್ಲಿ ಹೂಡಿಕೆ (Invest) ಮಾಡಬೇಕು. ಆ ವೇದಿಕೆಗಳು ಯಾವುವು ಎಂದು ನಾವು ಮುಂದಕ್ಕೆ ತಿಳಿಸುತ್ತೇವೆ. ಈ ಸುದ್ದಿಯನ್ನು ಸಂಪೂರ್ಣವಾಗಿ ಓದಿ. 

ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ

ಹೆಚ್ಚುವರಿ ತೆರಿಗೆಗಳನ್ನು ಉಳಿಸಬೇಕಾದರೆ, ನಿಮ್ಮ ಮೊದಲ ಆಯ್ಕೆ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆ (NPS) ಆಯ್ಕೆ ಮಾಡಿಕೊಳ್ಳಿ. ಇದು ಸರ್ಕಾರಿ ಬೆಂಬಲಿತ ನಿವೃತ್ತಿ ಉಳಿತಾಯ ಯೋಜನೆಯಾಗಿದ್ದು, ಸೆಕ್ಷನ್ 80C ಅಡಿಯಲ್ಲಿ ವರ್ಷಕ್ಕೆ 1.5 ಲಕ್ಷಕ್ಕಿಂತ ಹೆಚ್ಚಿನ ತೆರಿಗೆ ಕಡಿತವನ್ನು ನೀಡುತ್ತದೆ.  ಈಕ್ವಿಟಿ, ಸರ್ಕಾರಿ ಭದ್ರತೆಗಳು, ಕಾರ್ಪೊರೇಟ್ ಸಾಲ ಮತ್ತು ಪರ್ಯಾಯ ಹೂಡಿಕೆ ನಿಧಿಗಳಂತಹ ಆಸ್ತಿ ವರ್ಗಗಳನ್ನು ನೀಡುತ್ತದೆ.

ಇದನ್ನೂ ಓದಿ: Investment Ideas: ಮಕ್ಕಳ ವಿದೇಶಿ ಉನ್ನತ ವಿದ್ಯಾಭ್ಯಾಸಕ್ಕೆ ಹಣ ಕೂಡಿಸುವುದು ಹೇಗೆ? ಉಳಿತಾಯ, ಹೂಡಿಕೆ ಆಯ್ಕೆ ಹೀಗಿರಲಿ

NPS, ಶ್ರೇಣಿ I ಮತ್ತು ಶ್ರೇಣಿ II ಎಂಬ ಎರಡು ವಿಭಿನ್ನ ಖಾತೆಗಳನ್ನು ನೀಡುತ್ತದೆ. ಎನ್‌ಪಿಎಸ್‌ನಲ್ಲಿ ಹೂಡಿಕೆ ಮಾಡಲು ಒಬ್ಬರು ಟೈರ್ I ಖಾತೆಯನ್ನು ಕಡ್ಡಾಯವಾಗಿ ತೆರೆಯಬೇಕು. ಶ್ರೇಣಿ II ಸ್ವಯಂಪ್ರೇರಿತ ಖಾತೆಯಾಗಿದೆ. ಹೂಡಿಕೆದಾರರು ತಮ್ಮ ಅಪಾಯದ ಪ್ರೊಫೈಲ್ ಅನ್ನು ಆಧರಿಸಿ ಆಸ್ತಿ ವರ್ಗಗಳನ್ನು ಆಯ್ಕೆ ಮಾಡಬಹುದು. ಆದಾಗ್ಯೂ, ಎನ್‌ಪಿಎಸ್ ಈಕ್ವಿಟಿ ಹೂಡಿಕೆಗಳನ್ನು ಶೇ.75 ಕ್ಕೆ ಮಿತಿಗೊಳಿಸುತ್ತದೆ.

ಸಾರ್ವಜನಿಕ ಭವಿಷ್ಯ ನಿಧಿ

ಹೆಚ್ಚಿನ ತೆರಿಗೆ ಉಳಿಸಲು ಸಂಪ್ರದಾಯವಾದಿ ಹೂಡಿಕೆದಾರರು ಸಾರ್ವಜನಿಕ ಭವಿಷ್ಯ ನಿಧಿ (PPF) ಅಥವಾ ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರದಲ್ಲಿ ಹೂಡಿಕೆ ಮಾಡಬಹುದು. ಇದು ಬ್ಯಾಂಕ್ FD ಗಳಿಗಿಂತ ಹೆಚ್ಚಿನ ಬಡ್ಡಿದರಗಳನ್ನು ನೀಡುತ್ತದೆ. ಅಲ್ಲಿ ವರ್ಷಕ್ಕೆ 1.5 ಲಕ್ಷ ರೂಪಾಯಿವರೆಗಿನ ಹೂಡಿಕೆಗಳು ಸೆಕ್ಷನ್ 80C ತೆರಿಗೆ ಕಡಿತಕ್ಕೆ ಅರ್ಹತೆ ಪಡೆಯುತ್ತವೆ. ಇದಲ್ಲದೆ, ಮುಕ್ತಾಯದ ಸಮಯದಲ್ಲಿ ಹಿಂತೆಗೆದುಕೊಳ್ಳಲಾದ ಬಡ್ಡಿ ಮತ್ತು ಮೊತ್ತವು ತೆರಿಗೆ–ಮುಕ್ತವಾಗಿರುತ್ತದೆ.

ಇದನ್ನೂ ಓದಿ: ಲೈಂಗಿಕ ಕಾರ್ಯಕರ್ತರಿಗೂ ಆಧಾರ್ ಕಾರ್ಡ್ ನೀಡಲು ಸುಪ್ರೀಂ ಕೋರ್ಟ್​ ಆದೇಶ

ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ

ಹೆಚ್ಚುವರಿ ತೆರಿಗೆ ಉಳಿತಾಯಕ್ಕೆ ಸಹಾಯಕವಾಗುವ ಮತ್ತೊಂದು ವೇದಿಕೆ ಎಂದರೆ, ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರದ (NSC). ಗಳಿಸಿದ ಬಡ್ಡಿಯನ್ನು ಹೂಡಿಕೆದಾರರಿಗೆ ಪಾವತಿಸಲಾಗುವುದಿಲ್ಲ. ಆದರೆ ಮರುಹೂಡಿಕೆ ಮತ್ತು ಸಂಗ್ರಹಿಸಲಾಗುತ್ತದೆ. ಹೂಡಿಕೆಯ ಮೊದಲ ನಾಲ್ಕು ವರ್ಷಗಳಲ್ಲಿ NSC ಮೇಲಿನ ಬಡ್ಡಿಯು ಅದರ ಮರುಹೂಡಿಕೆಯಂತೆ ಸೆಕ್ಷನ್ 80C ತೆರಿಗೆ ಕಡಿತಕ್ಕೆ ಅರ್ಹವಾಗಿದೆ. ಆದಾಗ್ಯೂ, ಮೆಚ್ಯೂರಿಟಿಯಲ್ಲಿ ಐದನೇ ವರ್ಷದಲ್ಲಿ NSC ಬಡ್ಡಿಯನ್ನು ನಿಮ್ಮ ಆದಾಯ ತೆರಿಗೆ ಬ್ರಾಕೆಟ್ ಪ್ರಕಾರ ತೆರಿಗೆ ವಿಧಿಸಲಾಗುತ್ತದೆ.

ಪ್ರತಿ ತ್ರೈಮಾಸಿಕದಲ್ಲಿ, ಸರ್ಕಾರವು PPF ಮತ್ತು NSC ನಂತಹ ಸಣ್ಣ ಉಳಿತಾಯ ಯೋಜನೆಗಳ ಮೇಲಿನ ಬಡ್ಡಿದರಗಳನ್ನು ಪರಿಷ್ಕರಿಸುತ್ತದೆ. PPF ಪ್ರಸ್ತುತ 7.1 ಶೇಕಡಾ ಬಡ್ಡಿದರವನ್ನು ಮತ್ತು NSC 6.8 ಶೇಕಡಾ ಬಡ್ಡಿ ದರವನ್ನು ಏಪ್ರಿಲ್​ನಿಂದ ಜೂನ್ 2022 ತ್ರೈಮಾಸಿಕಕ್ಕೆ ನೀಡುತ್ತದೆ. ಶೀಘ್ರದಲ್ಲೇ ಬಡ್ಡಿದರಗಳ ಪರಿಷ್ಕರಣೆ ಆಗುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಕರ್ನಾಟಕದ ಹಲವೆಡೆ ಮುಂದುವರಿದ ಮಳೆ; ಅಪಾರ ಬೆಳ ನಾಶಕ್ಕೆ ರೈತರು ಕಂಗಾಲು

ಇದನ್ನೂ ಓದಿ: Virat Kohli: ಕೊಹ್ಲಿ ಕಡೆಯಿಂದ ರಶೀದ್ ಖಾನ್​​ಗೆ ಸ್ಪೆಷಲ್ ಗಿಫ್ಟ್​: ಸೇಫ್ ಆಗಿ ಇಟ್ಟಿರಿ ಎಂದ ಸೌತ್ ಆಫ್ರಿಕಾ ಕ್ರಿಕೆಟಿಗ

ಮತ್ತಷ್ಟು ಸುದ್ದಿಗಳಿಗಾಗಿ ಲಿಂಕ್ ಕ್ಲಿಕ್ ಮಾಡಿ