Highest Gold Reserves: ಅತಿಹೆಚ್ಚು ಗೋಲ್ಡ್ ರಿಸರ್ವ್ಸ್ ಹೊಂದಿರುವ ದೇಶಗಳು; ಭಾರತ ಹೊಂದಿರುವ ಚಿನ್ನ ಎಷ್ಟು? ಯಾಕೆ ಈ ನಿಧಿ ಮುಖ್ಯ?

ಗೋಲ್ಡ್ ರಿಸರ್ವ್ಸ್ ಅಥವಾ ಚಿನ್ನದ ನಿಧಿ (gold reserves) ಒಂದು ದೇಶದ ಆರ್ಥಿಕ ಸ್ಥಿರತೆಗೆ (economic stability) ಬಹಳ ಮುಖ್ಯವಾದ ಸಂಪತ್ತಾಗಿದೆ. 19ನೇ ಶತಮಾನದಲ್ಲಿ ಮತ್ತು 20ನೇ ಶತಮಾನದ ಆರಂಭದಲ್ಲಿ ಬಹುತೇಕ ಎಲ್ಲಾ ದೇಶಗಳ ಕರೆನ್ಸಿಗಳ ಮೌಲ್ಯವು ಚಿನ್ನದ ಮೇಲೆ ತಳುಕು ಹಾಕಿಕೊಂಡಿತ್ತು. ಎಪತ್ತರ ದಶಕದಲ್ಲಿ ಚಿನ್ನ ಮತ್ತು ಕರೆನ್ಸಿ ನಡುವಿನ ಬಂಧವನ್ನು ಅಧಿಕೃತವಾಗಿ ತೆಗೆದುಹಾಕಲಾಗಿತ್ತು. ಆದರೂ ಕೂಡ ಎಲ್ಲಾ ದೇಶಗಳು ಚಿನ್ನದ ನಿಧಿ ಶೇಖರಿಸುವ ರೂಢಿಯನ್ನು ಮುಂದುವರಿಸಿವೆ.

ಭಾರತದಲ್ಲಿ ಆರ್​ಬಿಐ ಇರುವಂತೆ ಬೇರೆ ಬೇರೆ ದೇಶಗಳಲ್ಲಿ ಸೆಂಟ್ರಲ್ ಬ್ಯಾಂಕುಗಳು ಇರುತ್ತವೆ. ಅವು ಗೋಲ್ಡ್ ರಿಸರ್ವ್ಸ್ ಸಂಗ್ರಹಿಸುತ್ತವೆ. ಆರ್ಥಿಕ ಅನಿಶ್ಚಿತ ಸಂದರ್ಭದಲ್ಲಿ ಈ ಚಿನ್ನದ ಸಂಪತ್ತು ಸಹಾಯಕ್ಕೆ ಬರುತ್ತದೆ. ಒಂದು ದೇಶದ ಸಾಲ ತೀರಿಸುವಿಕೆಯ ಶಕ್ತಿಯನ್ನು ಅಂದಾಜಿಸಲು ಇರುವ ಮಾಪಕಗಳಲ್ಲಿ ಗೋಲ್ಡ್ ರಿಸರ್ವ್ಸ್ ಒಂದು. ಉದಾಹರಣೆಗೆ, ಒಬ್ಬ ವ್ಯಕ್ತಿಯ ಬಳಿ ಚಿನ್ನ ಇದ್ದರೆ ಅದನ್ನು ಅಡಮಾನವಾಗಿ ಇಟ್ಟುಕೊಂಡು ಬ್ಯಾಂಕುಗಳು ಸುಲಭವಾಗಿ ಸಾಲ ನೀಡುತ್ತವೆ. ಅದು ಬಹಳ ಸುರಕ್ಷಿತ ಲೋನ್ ಎಂದು ಪರಿಗಣಿಸಲಾಗುತ್ತದೆ. ಒಂದು ದೇಶದ ಚಿನ್ನದ ಸಂಪತ್ತು (ಆರ್​ಬಿಐನ ಗೋಲ್ಡ್ ರಿಸರ್ವ್) ಕೂಡ ಆ ದೇಶದ ಕ್ರೆಡಿಟ್ ಶಕ್ತಿಯನ್ನು ಸೂಚಿಸುತ್ತದೆ.

ಇದನ್ನೂ ಓದಿ: ಅಲರ್ಟ್..! ಇಪಿಎಫ್​ಗೆ ಜನ್ಮ ದಿನಾಂಕ ದಾಖಲೆಯಾಗಿ ಆಧಾರ್ ಕಾರ್ಡ್ ಸ್ವೀಕಾರಾರ್ಹ ಅಲ್ಲ; ಯಾವ ದಾಖಲೆಗಳು ಬೇಕು?

ಅತಿಹೆಚ್ಚು ಗೋಲ್ಡ್ ರಿಸರ್ವ್ಸ್ ಹೊಂದಿರುವ ದೇಶಗಳು

ಫೋರ್ಬ್ಸ್ ಪ್ರಕಾರ ಅಮೆರಿಕ ಅತಿ ಹೆಚ್ಚು ಗೋಲ್ಡ್ ರಿಸರ್ವ್ಸ್ ಹೊಂದಿದೆ. ಚಿನ್ನಕ್ಕೆ ಅತಿಯಾಗಿ ಬೇಡಿಕೆ ಇರುವ ಚೀನಾ ಮತ್ತು ಭಾರತ ಗೋಲ್ಡ್ ರಿಸರ್ವ್ಸ್ ಸಂಪತ್ತಿನಲ್ಲಿ ಕ್ರಮವಾಗಿ 6 ಮತ್ತು 9ನೇ ಸ್ಥಾನ ಹೊಂದಿವೆ. ಅತಿಹೆಚ್ಚಿ ಚಿನ್ನ ಸಂಪತ್ತು ಹೊಂದಿರುವ ಜಗತ್ತಿನ 10 ದೇಶಗಳ ಪಟ್ಟಿ ಇಂತಿದೆ:

1. ಅಮೆರಿಕ: 8,336 ಟನ್ ಗೋಲ್ಡ್ ರಿಸರ್ವ್ಸ್
2. ಜರ್ಮನಿ: 3,352 ಟನ್ ಗೋಲ್ಡ್ ರಿಸರ್ವ್ಸ್
3. ಇಟಲಿ: 2,451 ಟನ್
4. ಫ್ರಾನ್ಸ್: 2,436 ಟನ್
5. ರಷ್ಯಾ: 2,332 ಟನ್
6. ಚೀನಾ: 2,191 ಟನ್
7. ಸ್ವಿಟ್ಜರ್​ಲ್ಯಾಂಡ್: 1,040 ಟನ್
8. ಜಪಾನ್: 845.97 ಟನ್
9. ಭಾರತ: 800.78 ಟನ್
10. ನೆದರ್​ಲ್ಯಾಂಡ್ಸ್: 612 ಟನ್ ಗೋಲ್ಡ್ ರಿಸರ್ವ್ಸ್

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ