ಶ್ರೀಲಂಕಾದಲ್ಲಿ ಅದಾನಿ ನೇತೃತ್ವದ ಡಬ್ಲ್ಯುಸಿಟಿ ಪೋರ್ಟ್ ಟರ್ಮಿನಲ್ ಪ್ರಾಜೆಕ್ಟ್​ಗೆ ಅಮೆರಿಕದ ಹಣಕಾಸು ನೆರವು

ಕೊಲಂಬೋ, ನವೆಂಬರ್ 8: ಇಲ್ಲಿಯ ಪೋರ್ಟ್​ನಲ್ಲಿ (Columbo Port) ಅದಾನಿ ಗ್ರೂಪ್​ನಿಂದ ನಡೆಯುತ್ತಿರುವ ಟರ್ಮಿನಲ್ (West Terminal Project)​ ನಿರ್ಮಾಣ ಯೋಜನೆಗೆ ಅಮೆರಿಕ ಧನಸಹಾಯ ಒದಗಿಸಲಿದೆ. ಈ ಪ್ರಾಜೆಕ್ಟ್​ಗೆ ಅಮೆರಿಕದ ಇಂಟರ್ನ್ಯಾಷನಲ್ ಡೆವಲಪ್ಮೆಂಟ್ ಫೈನಾನ್ಸ್ ಕಾರ್ಪೊರೇಶನ್ ಸಂಸ್ಥೆ 553 ಮಿಲಿಯನ್ ಡಾಲರ್ (4,600 ಕೋಟಿ ರೂ) ನೀಡಲಿದೆ. ಸರ್ಕಾರಿ ಸ್ವಾಮ್ಯದ ಡಿಎಫ್​ಸಿ (DFC) ಸಂಸ್ಥೆಯೇ ಈ ವಿಚಾರವನ್ನು ಖಚಿತಪಡಿಸಿದೆ.

‘ಡಿಎಫ್​ಸಿ ಕೇವಲ ನಾಲ್ಕು ವರ್ಷದಲ್ಲಿ ಶ್ರೀಲಂಕಾದ್ಯಂತ 20 ಮಿಲಿಯನ್ ಡಾಲರ್ (166 ಕೋಟಿ ರೂ) ಇದ್ದ ಹೂಡಿಕೆಯನ್ನು 1 ಬಿಲಿಯನ್ ಡಾಲರ್​ಗೆ (ಸುಮಾರು 8,300 ಕೋಟಿ ರೂ) ಹೆಚ್ಚಿಸಿದೆ. ಇವತ್ತು ಡಿಎಫ್​ಸಿ ಸಿಇಒ ನೇಥನ್ ಅವರು ಸರ್ಕಾರದ ಜೊತೆ ಮಾತನಾಡಿ ಶ್ರೀಲಂಕಾದೊಂದಿಗಿನ ಸಂಬಂಧವನ್ನು ಇನ್ನೊಂದು ಎತ್ತರಕ್ಕೆ ಕೊಂಡೊಯ್ಯುವ ಅವಕಾಶಗಳ ಬಗ್ಗೆ ಚರ್ಚಿಸಿದರು,’ ಎಂದು ಟ್ವೀಟ್ ಮಾಡಲಾಗಿದೆ.

ಇದನ್ನೂ ಓದಿ: ಈ ಎರಡು ಯುದ್ಧಗಳು ವಿಶ್ವವನ್ನು ಆರ್ಥಿಕ ಹಿಂಜರಿತಕ್ಕೆ ನೂಕುತ್ತಿವೆ: ಜಾಗತಿಕ ಹಣಕಾಸು ತಜ್ಞರು ಕಂಗಾಲು

‘ಕೊಲಂಬೋ ಪೋರ್ಟ್​ನ ವೆಸ್ಟ್ ಕಂಟೇನರ್ ಟರ್ಮಿನಲ್​ನ ದೀರ್ಘಕಾಲದ ಅಭಿವೃದ್ಧಿಗೆ ಡಿಎಫ್​ಸಿ 553 ಮಿಲಿಯನ್ ಡಾಲರ್​ನಷ್ಟು ಹೂಡಿಕೆ ಮಾಡಲಿದೆ. ಶ್ರೀಲಂಕಾದಲ್ಲಿ ಖಾಸಗಿ ವಲಯದ ನೇತೃತ್ವದಲ್ಲಿ ಪ್ರಗತಿ ಹೊಂದಲು ಈ ಟರ್ಮಿನಲ್ ಸಹಾಯವಾಗುತ್ತದೆ. ಲಂಕಾದ ಆರ್ಥಿಕ ಚೇತರಿಕೆ ಸಾಧ್ಯವಾಗುವಂತೆ ವಿದೇಶೀ ವಿನಿಮಯ ಹರಿದುಬರಲು ಅನುವು ಮಾಡಿಕೊಡುತ್ತದೆ. ಶ್ರೀಲಂಕಾದ ಅಭಿವೃದ್ಧಿ ಮತ್ತು ಅದರ ಜನರ ಕಲ್ಯಾಣಕ್ಕಾಗಿ ಅಮೆರಿಕ ಹೊಂದಿರುವ ದೀರ್ಘಕಾಲೀನ ಬದ್ಧತೆಗೆ ಈ ಧನಸಹಾಯ ಒಂದು ಸಂಕೇತವಾಗಿದೆ. ಶ್ರೀಲಂಕಾದ ಆರ್ಥಿಕತೆ ಚೇರಿಸಿಕೊಂಡರೆ, ಇಂಡೋ ಪೆಸಿಫಿಕ್ ಪ್ರದೇಶ ಮುಕ್ತ ಮತ್ತು ಸಂಪದ್ಭರಿತವಾಗಬೇಕೆನ್ನುವ ಆಶಯ ಈಡೇರಲು ಸಾಧ್ಯವಾಗುತ್ತದೆ,’ ಎಂದು ಶ್ರೀಲಂಕಾಗೆ ಅಮೆರಿಕದ ರಾಯಭಾರಿಯಾಗಿರುವ ಜೂಲೀ ಚುಂಗ್ ಹೇಳಿಕೆ ನೀಡಿದ್ದಾರೆ.

In just four years, DFC has gone from under $20 million to now almost $1 billion dollars invested across Sri Lanka.

Today in Colombo, @RW_UNP and CEO Nathan discussed opportunities to take DFC’s partnership with Sri Lanka to the next level. pic.twitter.com/2WYPyBiXVj

— DFCgov (@DFCgov) November 7, 2023

ಏನಿದು ಟರ್ಮಿನಲ್ ಪ್ರಾಜೆಕ್ಟ್?

ಕೊಲಂಬೋ ಬಂದರಿನಲ್ಲಿ ವಿವಿಧ ಟರ್ಮಿನಲ್​ಗಳಿವೆ, ಇನ್ನೂ ಕೆಲವನ್ನು ನಿರ್ಮಿಸಲಾಗುತ್ತಿದೆ. ಚೀನಾದ ಒಂದು ಕಂಪನಿಯಿಂದ ಒಂದು ಟರ್ಮಿನಲ್ ನಿರ್ಮಾಣವಾಗಿದೆ. ಅದಾನಿ ಗ್ರೂಪ್​ನಿಂದ ವೆಸ್ಟ್ ಕಂಟೇನರ್ ಟರ್ಮಿನಲ್ ನಿರ್ಮಾಣವಾಗುತ್ತಿದೆ. ಕಳೆದ ವರ್ಷದ ನವೆಂಬರ್ ತಿಂಗಳಲ್ಲಿ ಆರಂಭವಾದ ಟರ್ಮಿನಲ್ ಪ್ರಾಜೆಕ್ಟ್​ನ ಮೊದಲ ಹಂತವು 2024ರ ಮೂರನೇ ತ್ರೈಮಾಸಿಕದಲ್ಲಿ ಮುಗಿಯಲಿದ್ದು, 2025ರ ವರ್ಷಾಂತ್ಯದೊಳಗೆ ಯೋಜನೆ ಪೂರ್ಣಗೊಳ್ಳುವ ನಿರೀಕ್ಷೆ ಇದೆ.

ಇದನ್ನೂ ಓದಿ: Jobs In Israel: ಪ್ಯಾಲೆಸ್ಟೀನೀಯರ ಬದಲು ಭಾರತದಿಂದ 1 ಲಕ್ಷ ಕಾರ್ಮಿಕರನ್ನು ನೇಮಕ ಮಾಡಲಿರುವ ಇಸ್ರೇಲ್

ವೆಸ್ಟ್ ಟರ್ಮಿನಲ್ ಪ್ರಾಜೆಕ್ಟ್​ನ ಶೇ. 51ರಷ್ಟು ಪಾಲನ್ನು ಅದಾನಿ ಗ್ರೂಪ್ ಹೊಂದಿದೆ. ಶ್ರೀಲಂಕಾದ ಇನ್ನೊಂದು ಖಾಸಗಿ ಸಂಸ್ಥೆ ಜಾನ್ ಕೀಲ್ಸ್ ಹೋಲ್ಡಿಂಗ್ಸ್​ಗೆ ಶೇ. 34ರಷ್ಟು ಪಾಲಿದ್ದರೆ, ಉಳಿದವನ್ನು ಸರ್ಕಾರಿ ಸ್ವಾಮ್ಯದ ಶ್ರೀಲಂಕಾ ಪೋರ್ಟ್ಸ್ ಅಥಾರಿಟಿ ಹೊಂದಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 2:46 pm, Wed, 8 November 23