Bengaluru Crime: ಸಲಿಂಗಿಗಳ ಡೇಟಿಂಗ್ ಆ್ಯಪ್​ನಿಂದ ಬಯಲಾಯ್ತು ಗಂಡನ ರಹಸ್ಯ; ಶಾಕ್ ಆದ ಹೆಂಡತಿ ಮಾಡಿದ್ದೇನು?

Dating Apps: ಮದುವೆಯಾಗಿ 3 ವರ್ಷಗಳ ನಂತರ ಈ ಬಾರಿಯ ಲಾಕ್​ಡೌನ್ ವೇಳೆ ತನ್ನ ಗಂಡ ಸಲಿಂಗಿ ಎಂಬುದು ಹೆಂಡತಿಗೆ ಗೊತ್ತಾಯಿತು. ಇದರಿಂದ ಶಾಕ್ ಆದ ಬೆಂಗಳೂರಿನ ಮಹಿಳೆ ಏನು ಮಾಡಿದಳು ಗೊತ್ತಾ?

Bengaluru Crime: ಸಲಿಂಗಿಗಳ ಡೇಟಿಂಗ್ ಆ್ಯಪ್​ನಿಂದ ಬಯಲಾಯ್ತು ಗಂಡನ ರಹಸ್ಯ; ಶಾಕ್ ಆದ ಹೆಂಡತಿ ಮಾಡಿದ್ದೇನು?
ಸಾಂದರ್ಭಿಕ ಚಿತ್ರ
TV9kannada Web Team

| Edited By: Sushma Chakre

Jul 27, 2021 | 5:42 PM

ಬೆಂಗಳೂರು: ಒಳ್ಳೆ ಉದ್ಯೋಗದಲ್ಲಿದ್ದ ಸಾಫ್ಟ್​ವೇರ್ ಇಂಜಿನಿಯರ್ ಜೊತೆ ಮದುವೆಯಾಗಿದ್ದ ಬೆಂಗಳೂರಿನ ಜಯನಗರದಲ್ಲಿ ನೆಲೆಸಿರುವ ಯುವತಿಗೆ ಎಲ್ಲರಂತೆ ತನ್ನ ಗಂಡ ಮತ್ತು ವೈವಾಹಿಕ ಜೀವನದ ಬಗ್ಗೆ ಏನೇನೋ ಕನಸುಗಳಿದ್ದವು. ಆತನಿಗೆ ಇದಕ್ಕೂ ಮೊದಲೇ ಒಂದು ಮದುವೆಯಾಗಿತ್ತು ಎಂಬ ವಿಷಯ ಗೊತ್ತಿದ್ದರೂ ಆಕೆಯ ತಂದೆ-ತಾಯಿ ಆತನೊಂದಿಗೆ ಆಕೆಯ ಮದುವೆ ಮಾಡಿಸಿದ್ದರು. ಹಳೆಯದೆಲ್ಲವನ್ನೂ ಮರೆತು ಹೊಸ ಜೀವನ ಕಟ್ಟಿಕೊಳ್ಳುವ ಯೋಚನೆಯಲ್ಲಿದ್ದ ಆಕೆಗೆ ತನ್ನ ಗಂಡ ಓರ್ವ ಸಲಿಂಗಿ (Gay) ಎಂಬ ರಹಸ್ಯ ಗೊತ್ತಾಗಿತ್ತು. ಈ ಆಘಾತದಿಂದ ಚೇತರಿಸಿಕೊಳ್ಳಲಾಗದೆ ಆತನನ್ನು ದ್ವೇಷಿಸತೊಡಗಿದ ಆಕೆ ಡೈವೋರ್ಸ್​ (Divorce) ಪಡೆಯಲು ಕೋರ್ಟ್ ಮೆಟ್ಟಿಲೇರಿದ್ದಾಳೆ. ಆಕೆಗೆ ತನ್ನ ಗಂಡ ಸಲಿಂಗಿ ಎಂದು ಗೊತ್ತಾಗಿದ್ದು ಕೂಡ ಬಹಳ ಕುತೂಹಲಕಾರಿ ಕತೆ…

2018ರಲ್ಲಿ 31 ವರ್ಷದ ಸಾಫ್ಟ್​ವೇರ್ ಇಂಜಿನಿಯರ್ ಜೊತೆ ಮದುವೆಯಾಗಿದ್ದ 28 ವರ್ಷದ ಯುವತಿ ಆತನೊಂದಿಗೆ ಸಂತೋಷದ ಜೀವನ ನಡೆಸಲು ಕಾತುರಳಾಗಿದ್ದಳು. ಆದರೆ, ಆತ ಮಾತ್ರ ಆಕೆಯೊಂದಿಗೆ ಮಲಗುತ್ತಿರಲಿಲ್ಲ, ಸರಿಯಾಗಿ ಮಾತನಾಡುತ್ತಿರಲಿಲ್ಲ. ಮದುವೆಯಾಗಿ ಎರಡೂವರೆ ವರ್ಷವಾದರೂ ಅವರ ಸಂಸಾರ ಶುರುವಾಗಿರಲಿಲ್ಲ. ಲೈಂಗಿಕ ಕ್ರಿಯೆ ಬಗ್ಗೆ ಗಂಡನಿಗೆ ಆಸಕ್ತಿ ಇಲ್ಲದಿರುವುದನ್ನು ನೋಡಿದ ಹೆಂಡತಿಗೆ ಅನುಮಾನ ಶುರುವಾಗಿತ್ತು. ಆತನಿಗೆ ಲೈಂಗಿಕ ಸಮಸ್ಯೆಯೇನಾದರೂ ಇರಬಹುದೇ? ಎಂಬ ಸಂಶಯ ಮೂಡಿತ್ತು. ಆದರೆ, ಆಕೆ ಕೇಳಿದ ಯಾವ ಪ್ರಶ್ನೆಗೂ ಆತ ಉತ್ತರ ನೀಡುತ್ತಿರಲಿಲ್ಲ. ಒಂದೇ ಮನೆಯಲ್ಲಿದ್ದರೂ ಅಪರಿಚಿತರಂತೆ ಬದುಕುತ್ತಿದ್ದ ಅವರ ಮಧ್ಯೆ ಪ್ರೀತಿ ಚಿಗುರೊಡೆಯಲೇ ಇಲ್ಲ.

ಲಾಕ್​ಡೌನ್ ವೇಳೆ ವರ್ಕ್ ಫ್ರಂ ಹೋಂನಿಂದಾಗಿ ಮನೆಯಲ್ಲಿಯೇ ಇದ್ದ ಗಂಡ ಆಗಲೂ ಹೆಂಡತಿಯೊಂದಿಗೆ ಬೆರೆಯುತ್ತಿರಲಿಲ್ಲ. ಲಾಕ್​ಡೌನ್​ನಲ್ಲಿ ಅದೊಂದು ದಿನ ಅನುಮಾನದಿಂದ ಗಂಡನ ಮೊಬೈಲನ್ನು ಪರಿಶೀಲಿಸಿದ ಆಕೆಗೆ ಅದರಲ್ಲಿ 2 ಸಲಿಂಗಿಗಳ ಡೇಟಿಂಗ್ ಆ್ಯಪ್​ಗಳು (Gay Dating Apps) ಇರುವುದು ಗಮನಕ್ಕೆ ಬಂದಿತು. ಆ ಆ್ಯಪ್ ಓಪನ್ ಮಾಡಿ ನೋಡಿದಾಗ ತನ್ನ ಗಂಡನ ಪ್ರೊಫೈಲ್ ಇರುವುದು ಗೊತ್ತಾಯಿತು. ತನ್ನ ಗಂಡ ಸಲಿಂಗಿಯಾಗಿದ್ದರಿಂದಲೇ ಇಷ್ಟು ವರ್ಷ ತನ್ನಿಂದ ದೂರ ಸರಿಯುತ್ತಿದ್ದ, ಆತನಿಗೆ ಮಹಿಳೆಯ ಬಗ್ಗೆ ಯಾವ ಆಸಕ್ತಿಯೂ ಇಲ್ಲವೆಂಬ ಸತ್ಯ ಆಕೆಗೆ ಗೊತ್ತಾಗಿತ್ತು.

ಸಲಿಂಗಿಯಾದ ಗಂಡನ ಜೊತೆ ಜೀವನ ನಡೆಸಲು ಸಾಧ್ಯವಿಲ್ಲ ಎಂದು ಆ ಯುವತಿ ಮಹಿಳಾ ಸಹಾಯವಾಣಿಗೆ ದೂರು ನೀಡಿದ್ದು, ಬಳಿಕ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. ಈ ಬಗ್ಗೆ ಆಕೆಯ ಗಂಡನನ್ನು ವಿಚಾರಣೆ ನಡೆಸಿದಾಗ ಆತ ತಾನು ಸಲಿಂಗಿ ಎಂಬುದೆಲ್ಲ ಸುಳ್ಳು ಎಂದು ವಾದಿಸಿದ್ದಾನೆ. ನನ್ನ ಮೊಬೈಲಲ್ಲಿ ಗೇ ಡೇಟಿಂಗ್ ಆ್ಯಪ್ ಇರುವುದು ನಿಜ, ಆದರೆ, ನಾನು ಯಾವುದೇ ಪುರುಷರೊಂದಿಗೆ ಡೇಟಿಂಗ್ ನಡೆಸಿಲ್ಲ ಎಂದು ಆತ ಹೇಳಿದ್ದಾನೆ.

ಇದನ್ನೂ ಓದಿ: Crime News: ಬಾಯ್​ಫ್ರೆಂಡ್ ಜೊತೆ ಸೇರಿ ಗಂಡನನ್ನೇ ಕೊಂದು, ಸುಟ್ಟುಹಾಕಿದ ಹೆಂಡತಿ; 10 ವರ್ಷಗಳ ಬಳಿಕ ಸೆರೆ ಸಿಕ್ಕ ಹಂತಕಿ

ಪರಸ್ಪರ ಪ್ರೀತಿಸಿ, ಹಿಂದೂ ಶಾಸ್ತ್ರದಂತೆ ಮದುವೆಯಾದ ಇಬ್ಬರು ಯುವತಿಯರು; ಸಲಿಂಗಿಗಳ ವಿವಾಹ ನೋಡಿ ಸ್ಥಳೀಯರು ಕಂಗಾಲು

(Bangalore Techie Wife finds husbands profile on gay dating apps in Mobile What Happened Next?)

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada