ಬೆಂಗಳೂರಿಗೆ ನಾನೇ ಡಾನ್ ಆಗುತ್ತೇನೆ..! ವೈರಲ್ ಆಯ್ತು ಆಡಿಯೋ
ಅವಲಹಳ್ಳಿ ಪೊಲೀಸರಿಗೆ ಮೆಂಟಲ್ ಮಂಜ ಆವಾಜ್ ಹಾಕಿದ್ದಾನೆ ಎಂದೇ ಕ್ರೈಂ ಜಗತ್ತಿನಲ್ಲಿ ಮಾತು ಕೇಳಿಬರುತ್ತಿದೆ. ಆಡಿಯೋ ವೈರಲ್ ಮೂಲಕ ರೌಡಿ ಪಟ್ಟಕ್ಕಾಗಿ ಬೆಂಗಳೂರಲ್ಲಿ ರೌಡಿಶೀಟರ್ಗಳ ನಡುವೆ ಶೀತಲ ಸಮರ ನಡೆದಿರುವುದು ಬೆಳಕಿಗೆ ಬಂದಿದೆ.
Updated on:Oct 02, 2021 | 4:47 PM
ಬೆಂಗಳೂರು: ಕುಳ್ಳ ವೆಂಕಟೇಶ್ನನ್ನು ಕೊಲೆ ಮಾಡಿದ್ದು ನಾನೇ, ನಾನು ಬೆಂಗಳೂರಿಗೆ ಡಾನ್ ಆಗುತ್ತೇನೆ ಎಂಬ ಆಡಿಯೋವೊಂದು ಭರ್ಜರಿ ವೈರಲ್ ಆಗುತ್ತಿದೆ ಈ ಆಡಿಯೋದಲ್ಲಿ ಕೇಳಿಸುವ ಧ್ವನಿ ಮೆಂಟಲ್ ಮಂಜ ಎಂಬಾತನದು ಎನ್ನಲಾಗಿದ್ದು, ಅವಲಹಳ್ಳಿ ಪೊಲೀಸರಿಗೆ ಮೆಂಟಲ್ ಮಂಜ ಆವಾಜ್ ಹಾಕಿದ್ದಾನೆ ಎಂದೇ ಕ್ರೈಂ ಜಗತ್ತಿನಲ್ಲಿ ಮಾತು ಕೇಳಿಬರುತ್ತಿದೆ. ಆಡಿಯೋ ವೈರಲ್ ಮೂಲಕ ರೌಡಿ ಪಟ್ಟಕ್ಕಾಗಿ ಬೆಂಗಳೂರಲ್ಲಿ ರೌಡಿಶೀಟರ್ಗಳ ನಡುವೆ ಶೀತಲ ಸಮರ ನಡೆದಿರುವುದು ಬೆಳಕಿಗೆ ಬಂದಿದೆ.
ವೈರಲ್ ಆದ ಆಡಿಯೋದಲ್ಲಿ ನಾನು ಬೆಂಗಳೂರಿಗೇ ಡಾನ್ ಆಗುತ್ತೇನೆ. ಕುಳ್ಳ ವೆಂಕಟೇಶ್ನನ್ನು ಕೊಂದದ್ದೇ ನಾನು ಎಂದು ಎಂಬ ಮಾತುಗಳು ಕೇಳುತ್ತದೆ. ಸೆಪ್ಟೆಂಬರ್ 25ರಂದು ಹಾಡಹಗಲಲ್ಲೇ ಕುಳ್ಳ ವೆಂಕಟೇಶ್ನ ಮರ್ಡರ್ ಆಗಿತ್ತು. ನಡುರಸ್ತೆಯಲ್ಲೇ ಹಂತಕರು ಲಾಂಗು ಮಚ್ಚಿನಿಂದ ಕುಳ್ಳ ಮಂಜನನ್ನು ಕೊಚ್ಚಿ ಕೊಲೆ ಮಾಡಿದ್ದರು. ಅವಲಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯ ರೌಡಿಶೀಟರ್ ಕುಳ್ಳ ವೆಂಕಟೇಶನ ಹತ್ಯೆಯಾಗಿತ್ತು. ಪ್ರಕರಣ ಸಂಬಂಧ ಅನಿಲ್, ಅಪ್ಪು ಸೇರಿದಂತೆ 6 ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದರು.
ಕುಳ್ಳ ವೆಂಕಟೇಶ್ಗೂ ಅನಿಲ್ಗೂ ಏರಿಯಾ ವಿಚಾರಕ್ಕೆ ಗಲಾಟೆ ನಡೆದಿತ್ತು. ಅದೇ ಕಾರಣಕ್ಕೆ ಅನಿಲ್ ಮತ್ತು ಸಂಗಡಿಗರು ಕುಳ್ಳ ವೆಂಕಟೇಶ್ನ ಕೊಲೆ ಮಾಡಿದ ಆರೋಪದಡಿ ಬಂಧಿಸಲಾಗಿದೆ. ಆದರೆ ಕುಳ್ಳ ವೆಂಕಟೇಶ್ನ ಕೊಲೆ ಮಾಡಿದ್ದುಅನಿಲ್ ಅಲ್ಲ, ನಾನು ಎಂದು ಆಡಿಯೋದಲ್ಲಿ ಹೇಳಿಕೊಳ್ಳಲಾಗಿದೆ. ಆದರೆ ಆ ಆಡಿಯೋದಲ್ಲಿ ಇರುವ ಧ್ವನಿ ಯಾರದ್ದು ಎಂಬುದರ ಬಗ್ಗೆ ಈವರೆಗೂ ಯಾವುದೇ ಖಚಿತ ಮಾಹಿತಿ ತಿಳಿದುಬಂದಿಲ್ಲ.ಭೂಗತ ಲೋಕದಲ್ಲಿ ಮಾತ್ರ ಆ ಧ್ವನಿ ಮೆಂಟಲ್ ಮಂಜನದ್ದು ಎಂಬ ಸುದ್ದಿಗಳು ಹರಿದಾಡುತ್ತಿವೆ.
ಇದನ್ನೂ ಓದಿ:
Nomads Education : ಅಪರಾಧ ಜಗತ್ತಿನೊಳಗೆ ಅಲೆಮಾರಿ ಮಕ್ಕಳ ಮುಖಗಳನ್ನು ಎದುರುಗೊಳ್ಳುವುದು ಬೇಡ ಅಲ್ಲವೆ?
Viral Video: ದೆಹಲಿಯ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದೊಳಗೆ ಕಾಣಿಸಿಕೊಂಡ ಮಂಗ; ವಿಡಿಯೊ ವೈರಲ್
Published On - 4:41 pm, Sat, 2 October 21
