17 ವರ್ಷದ ಹುಡುಗಿಗೆ 35 ವರ್ಷದವನ ಜೊತೆ ಲವ್ವಿ-ಡವ್ವಿ: ಲಾಡ್ಜ್​ನಲ್ಲಿ ಇಬ್ಬರನ್ನು ನೋಡಿ ಬೆಚ್ಚಿಬಿದ್ದ ಸಿಬ್ಬಂದಿ

Crime News In Kannada: ಆಕೆಗಿನ್ನೂ 18 ವರ್ಷ ದಾಟಿರಲಿಲ್ಲ. ಆದರೂ ಪ್ರೀತಿ ಎಂಬ ಮಾಯಾಲೋಕದಲ್ಲಿ ತೇಲಾಡುತ್ತಿದ್ದಳು. ಆತ ಅದಾಗಲೇ ಮದುವೆಯಾಗಿ ಸಂಸಾರದ ಸುಖ ಸುಪ್ಪತ್ತಿಗೆಯನ್ನೂ ಅನುಭವಿಸಿದ್ದ. ಅದಾಗ್ಯೂ ಹದಿಹರೆಯದ ಹುಡುಗಿಯ ಹಿಂದೆ ಬಿದ್ದಿದ್ದ. ಹೀಗಾಗಿ ಇಬ್ಬರ ನಡುವಣ ಪ್ರಣಯದಾಟಕ್ಕೆ ವಯಸ್ಸು ಕೂಡ ಅಡ್ಡಿ ಬರಲಿಲ್ಲ. ಇಬ್ಬರೂ ತಮ್ಮ ಗಾಢವಾದ ಪ್ರೀತಿಯಲ್ಲಿ ವಯಸ್ಸು ಎಂಬುದು ಜಸ್ಟ್ ನಂಬರ್ ಎಂಬ ಭಾವಿಸಿದ್ದರು. ಹೌದು, ಆಂಧ್ರಪ್ರದೇಶದ ಪ್ರೇಮಪಕ್ಷಿಗಳ ಅನೈತಿಕ ಸಂಬಂಧದ ವಿಚಾರವೊಂದು ಇದೀಗ ಆತ್ಮಹತ್ಯೆ ಸುದ್ದಿಯೊಂದಿಗೆ ಹೊರಬಿದ್ದಿದೆ.

ನೆಲ್ಲೂರು ಜಿಲ್ಲೆಯ ಬುಚಿರೆಡ್ಡಿಪಾಲೆಂ ಗ್ರಾಮದ ರಾಮಯ್ಯ ಎಂಬ ವ್ಯಕ್ತಿ ತನ್ನ 17 ವರ್ಷದ ಸೋದರ ಸೊಸೆಯೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದನು. ಅತ್ತ ಮನೆಯವರು ಆಕೆಗಾಗಿ ವಿವಾಹ ಸಂಬಂಧ ಹುಡುಕುತ್ತಿದ್ದರು. ಆದರೆ 17ರ ಪ್ರಾಯದ ಹುಡುಗಿಗೆ ತನ್ನಗಿಂತ 18 ವರ್ಷದ ಹಿರಿಯ ಪ್ರಿಯತಮನನ್ನು ಬಿಟ್ಟಿರಲು ಸಾಧ್ಯವಿರಲಿಲ್ಲ. ಅತ್ತ ರಾಮಯ್ಯಗೆ ಅದಾಗಲೇ ಮದುವೆ ಆಗಿದ್ದರಿಂದ ಹೆಣ್ಣು ಕೇಳಲು ದೈರ್ಯವಿರಲಿಲ್ಲ.

ಹೀಗಾಗಿ ಇಬ್ಬರು ಬುಚಿರೆಡ್ಡಿಪಾಲೆಂನ ಲಾಡ್ಜ್​ವೊಂದಕ್ಕೆ ತೆರಳಿದ್ದರು. ಲಾಡ್ಜ್ ಸಿಬ್ಬಂದಿ ತಂದೆ ಮಗಳೆಂದು ರೂಮ್ ನೀಡಿದ್ದರು. ಅದಾಗಲೇ ಒಂದು ಗಟ್ಟಿ ನಿರ್ಧಾರದೊಂದಿಗೆ ಬಂದಿದ್ದ ಜೋಡಿ ಲಾಡ್ಜ್​ ರೂಮ್​ನಲ್ಲಿ ಆತ್ಮಹತ್ಯೆಗೆ ಮುಂದಾಗಿದ್ದಾರೆ. ಅದರಂತೆ ಬರುವಾಗಲೇ ತಂದಿದ್ದ ಕೀಟನಾಶಕವನ್ನು ಸೇವಿಸಿದ್ದಾರೆ. ಇತ್ತ ಆತ್ಮಹತ್ಯೆಯ ವಿಚಾರ ತಿಳಿದು ಕುಟುಂಬಸ್ಥರು ಲಾಡ್ಜ್​ಗೆ ಆಗಮಿಸಿದ್ದರು. ಈ ವೇಳೆ ಲಾಡ್ಜ್​ ಸಿಬ್ಬಂದಿ ಬಾಗಿಲನ್ನು ಹೊಡೆದಾಗ ಇಬ್ಬರೂ ನೆಲದಲ್ಲಿ ಬಿದ್ದು ಪ್ರಾಣ ಉಳಿಸುವಂತೆ ಹಾತೊರೆಯುತ್ತಿದ್ದರು. ಕೂಡಲೇ ಇಬ್ಬರನ್ನು ಹತ್ತಿರ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಇದೀಗ ಹುಡುಗಿಯ ಕುಟುಂಬಸ್ಥರು ರಾಮಯ್ಯ ವಿರುದ್ದ ದೂರು ನೀಡಿದ್ದು, ಅದರಂತೆ ಪೊಲೀಸರು ಲೈಂಗಿಕ ದೌರ್ಜನ್ಯಮತ್ತು ಆತ್ಮಹತ್ಯೆಗೆ ಕುಮ್ಮಕ್ಕು ಸಂಬಂಧಿತ ಕಾಯ್ದೆ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಇದನ್ನೂ ಓದಿ: ಲಕ್ಷ್ಮಣ್ ಅವರಿಂದ ಆಟೋಗ್ರಾಫ್ ಪಡೆಯುತ್ತಿರುವ ಟೀಮ್ ಇಂಡಿಯಾದ ಈ ಆಟಗಾರ ಯಾರೆಂದು ಗುರುತಿಸಬಲ್ಲಿರಾ?

ಇದನ್ನೂ ಓದಿ: Crime News: ನರೇಶ್ ಎಂಬ ನರರಾಕ್ಷಸ: 50 ರೂಪಾಯಿಗಾಗಿ ಪುಟ್ಟ ಮಗುವಿನ ಕೊಲೆ..!

ಇದನ್ನೂ ಓದಿ: Ola Electric scooter S1: ಯಾವ ರಾಜ್ಯದಿಂದ ಅತೀ ಕಡಿಮೆ ಬೆಲೆಗೆ ಓಲಾ ಸ್ಕೂಟರ್ ಖರೀದಿಸಬಹುದು?

(Extramarital relationship leads to suicide attempt in Nellore)