UP Crime: ಕೋಟಿ ಹಣಕ್ಕಾಗಿ ಪಿಎಚ್​ಡಿ ಪದವೀಧರನ ಕೊಲೆ: ದೇಹವನ್ನು ತುಂಡು ತುಂಡಾಗಿ ಕತ್ತರಿಸಿ ಎಸೆದ ಮನೆ ಮಾಲೀಕ

ದೆಹಲಿಯ ಶ್ರದ್ಧಾ ವಾಕರ್ ಹತ್ಯೆ ವಿಚಾರ ಮಾಸುವ ಮುನ್ನವೇ ಉತ್ತರ ಪ್ರದೇಶದಲ್ಲಿ ಅದೇ ಮಾದರಿಯ ಹತ್ಯೆಯೊಂದು ನಡೆದಿದೆ. ಮನೆಯ ಮಾಲೀಕನೊಬ್ಬ 1 ಕೋಟಿ ರೂ. ಆಸೆಗಾಗಿ ಪಿಎಚ್​ಡಿ ಪದವೀಧರನನ್ನು ಕೊಲೆ  ಮಾಡಿ, ನಗರದ ವಿವಿಧ ಕಡೆ ದೇಹದ ಭಾಗಗಳನ್ನು ಎಸೆದಿದ್ದಾನೆ.ಈ ಪ್ರಕರಣವು ಉತ್ತರ ಪ್ರದೇಶದ ಘಾಜಿಯಾಬಾದ್‌ನ ಮೋದಿನಗರದ ರಾಧಾ ಎನ್‌ಕ್ಲೇವ್ ಗಲಿ ನಂ-3 ನಲ್ಲಿ ಅಕ್ಟೋಬರ್ 6 ರಂದು ವಿದ್ಯಾರ್ಥಿಯನ್ನು ಕೊಲೆ ಮಾಡಲಾಗಿತ್ತು. ಅನುಮಾನಗೊಂಡ ಸ್ನೇಹಿತರು ಡಿಸೆಂಬರ್ 12 ರಂದು ಪೊಲೀಸರಿಗೆ ದೂರು ನೀಡಿದ್ದಾರೆ. ಬಂಧಿತ ಮೃತ ಅಂಕಿತ್ ವಾಸಿಸುತ್ತಿದ್ದ ಮನೆಯ ಮಾಲೀಕ, ಆತನ ಪತ್ನಿ ಹಾಗೂ 6 ಮಂದಿಯನ್ನು ಪೊಲೀಸರು ವಿಚಾರಣೆಗೊಳಪಡಿಸಿದಾಗ ಆರೋಪಿಗಳು ಕೊಲೆ ಮಾಡಿದ್ದನ್ನು ಒಪ್ಪಿಕೊಂಡಿದ್ದಾರೆ. ಈ ಸಂಬಂಧ ಪೊಲೀಸರು ಮನೆ ಮಾಲೀಕ ಉಮೇಶ್ ಹಾಗೂ ಆತನ ಸ್ನೇಹಿತ ಪ್ರವೇಶ್ ನನ್ನು ಬಂಧಿಸಿದ್ದಾರೆ. ಆತನ ಜಾಡು ಹಿಡಿದ ಪೊಲೀಸರು ಕೊಲೆಗೆ ಬಳಸಿದ ಗರಗಸ, ಸುಟ್ಟ ಬಟ್ಟೆ, ಪಾಸ್‌ಬುಕ್, ಡೆಬಿಟ್ ಕಾರ್ಡ್, ಮೊಬೈಲ್ ಫೋನ್ ಮತ್ತು ಬೈಕ್ ವಶಪಡಿಸಿಕೊಂಡಿದ್ದಾರೆ. ಇತರ ಆರೋಪಿಗಳ ಪಾತ್ರದ ಬಗ್ಗೆ ತನಿಖೆ ನಡೆಯುತ್ತಿದೆ. ಮೃತದೇಹ ಹೇಳಿರುವ 4 ಸ್ಥಳಗಳಲ್ಲಿ ಶೋಧ ನಡೆಸಲಾಗುತ್ತಿದೆ ಎಂದು ಡಿಸಿಪಿ ದೇಹತ್ ಎರಾಜ್ ರಾಜಾ ತಿಳಿಸಿದ್ದಾರೆ. ಆದರೆ, ಕೊಲೆ ನಡೆದ ಸ್ಥಳದಲ್ಲಿ ಪೊಲೀಸರು ರಕ್ತದ ಕಲೆಗಳು ಮತ್ತು ಕೆಲವು ಕೂದಲುಗಳನ್ನು ವಶಪಡಿಸಿಕೊಂಡಿದ್ದು, ಫೋರೆನ್ಸಿಕ್ ತನಿಖೆ ನಡೆಸಲಾಗುತ್ತಿದೆ.

ಅಂಕಿತ್ ಲಕ್ನೋದಲ್ಲಿ ಪಿಎಚ್‌ಡಿ ಮಾಡುತ್ತಿದ್ದ. ಕಳೆದ ಆರು ತಿಂಗಳ ಹಿಂದೆ ಉಮೇಶ್ ಮನೆಗೆ ವ್ಯಾಸಂಗಕ್ಕಾಗಿ ಬಾಡಿಗೆಗೆ ಬಂದಿದ್ದ. ಆದರೆ, ಪ್ರಸ್ತುತ ಅವರು ಸ್ಟ್ಯಾಟಿಕ್ಸ್‌ನಲ್ಲಿ ಪಿಎಚ್‌ಡಿ ವಿದ್ವಾಂಸರಾಗಿದ್ದಾರೆ. ತಂದೆ-ತಾಯಿ ತೀರಿಕೊಂಡ ನಂತರ ಪಿತ್ರಾರ್ಜಿತ ಆಸ್ತಿಯನ್ನು ಮಾರಾಟ ಮಾಡಿದ್ದರು. ಇದರಿಂದ ಒಂದು ಕೋಟಿ ರೂ ಬಂದಿತ್ತು, ಈ ವಿಷಯ ಭೂಮಾಲೀಕ ಉಮೇಶ್​ಗೂ ತಿಳಿದಿತ್ತು.

ಉಮೇಶ್ ಉದ್ಯಮವೊಂದನ್ನು ಮುಂದುವರಿಸಲು ಅಂಕಿತ್‌ನಿಂದ 40 ಲಕ್ಷ ರೂ. ಹಣವನ್ನು ತೆಗೆದುಕೊಂಡಿದ್ದರು. ವ್ಯವಹಾರ ಉತ್ತಮವಾದ ಬಳಿಕ ಹಣವನ್ನು ಹಿಂದಿರುಗಿಸುವುದಾಗಿ ಭರವಸೆ ನೀಡಿದ್ದರು.

40 ಲಕ್ಷ ತೆಗೆದುಕೊಂಡರೂ ಅಂಕಿತ್ ಖಾತೆಯಲ್ಲಿ ಸಾಕಷ್ಟು ಹಣ ಉಳಿದಿತ್ತು ಹೀಗಿರುವಾಗ ಉಮೇಶ್ ಅಂಕಿತ್‌ನನ್ನು ಕೊಂದು ಖಾತೆಯಲ್ಲಿ ಉಳಿದ ಹಣವನ್ನು ದೋಚಲು ಯೋಜನೆ ರೂಪಿಸಿದ್ದ.

ಮತ್ತಷ್ಟು ಓದಿ: Shraddha Walker Murder Case: ಶಿಕ್ಷಿತ ಹೆಣ್ಣು ಮಕ್ಕಳು ಈ ಘಟನೆಯಿಂದ ಪಾಠ ಕಲಿಯಬೇಕಿದೆ: ಕೇಂದ್ರ ಸಚಿವ ಕೌಶಲ್

ಈ ವೇಳೆ ಅಂಕಿತ್ ಲಕ್ನೋಗೆ ತೆರಳಿದ್ದರು. ಮರಳಿದ ನಂತರ ಉಮೇಶ್ ಒಂದು ದಿನ ಹಬ್ಬದ ಹೆಸರಿನಲ್ಲಿ ಆತನ ಮನೆಗೆ ಹೋಗಿದ್ದು, ಅವಕಾಶ ನೋಡಿದ ಕೆಲ ಸಹಚರರು ಸೇರಿ ಕತ್ತು ಹಿಸುಕಿ ಕೊಲೆ ಮಾಡಿದ್ದಾರೆ.

ಮೃತ ದೇಹವನ್ನು ಗರಗಸದಿಂದ 4 ಭಾಗಗಳಾಗಿ ಕತ್ತರಿಸಲಾಗಿದ್ದು, ಅಕ್ಟೋಬರ್ 6 ರಂದು ಉಮೇಶ್ ಅಂಕಿತ್ ನನ್ನು ತನ್ನ ಕೊಠಡಿಯಲ್ಲೇ ಕತ್ತು ಹಿಸುಕಿ ಕೊಲೆ ಮಾಡಿರುವುದು ಪೊಲೀಸರ ವಿಚಾರಣೆಯಲ್ಲಿ ಬೆಳಕಿಗೆ ಬಂದಿದೆ.

ಇದಾದ ನಂತರ ಆತ ತನ್ನ ಕೋಣೆಗೆ ಬಾಗಿಲು ಹಾಕಿಕೊಂಡಿದ್ದ, ಬಳಿಕ ಮಾರುಕಟ್ಟೆಯಿಂದ ಬಿಳಿ ಪಾಲಿಥಿನ್ ಗರಗಸ ಹಾಗೂ ಪ್ಯಾಕಿಂಗ್ ತಂದಿದ್ದರು. ಇದಾದ ಬಳಿಕ ಗರಗಸದ ಸಹಾಯದಿಂದ ಕೊಠಡಿಯಲ್ಲಿಯೇ ಮೃತದೇಹವನ್ನು ಮೂರು ಭಾಗಗಳಾಗಿ ಕತ್ತರಿಸಿ ಪಾಲಿಥಿನ್‌ನಲ್ಲಿ ಪ್ಯಾಕ್ ಮಾಡಿದ್ದಾರೆ.

ಮೃತದೇಹದ ತುಂಡುಗಳನ್ನು ಬೇರೆ ಬೇರೆ ಕಡೆ ಎಸೆದಿದ್ದಾರೆ. ಅಂಕಿತ್​ಗೆ ಯಾರೂ ಇಲ್ಲ ಎಂಬುದು ಗೊತ್ತಿತ್ತು ಎಂದು ಉಮೇಶ್ ಪೊಲೀಸರಿಗೆ ತಿಳಿಸಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ಅವರು ಕಣ್ಮರೆಯಾಗಿರುವ ಬಗ್ಗೆ ಯಾರೂ ಶೀಘ್ರದಲ್ಲೇ ದೂರು ನೀಡುವುದಿಲ್ಲ. ಅದೇ ಸಮಯದಲ್ಲಿ, ಅವನ ದೇಹವು ಸಿಗದಿದ್ದರೆ, ಯಾರೂ ತಮ್ಮನ್ನು ಪತ್ತೆಹಚ್ಚುವುದಿಲ್ಲ ಎಂದು ತಿಳಿದಿದ್ದರು.

ಕೊಲೆಯ ನಂತರ ಖಾತೆಯಿಂದ ಹಣ ಡ್ರಾ ಕೊಲೆಯ ನಂತರ ಉಮೇಶ್ ಅಂಕಿತ್‌ನ ಎರಡು ಖಾತೆಗಳಿಂದ ತಲಾ 20 ಲಕ್ಷ ರೂಪಾಯಿಯನ್ನು ಫೋನ್ ಮೂಲಕ ಆನ್‌ಲೈನ್‌ನಲ್ಲಿ ವರ್ಗಾಯಿಸಿದ್ದಾನೆ ಎಂದು ತನಿಖೆಯಿಂದ ತಿಳಿದುಬಂದಿದೆ.

ಯಾವುದೇ ದೂರು ಬಾರದಿದ್ದಾಗ ಆತ ತನ್ನ ಸ್ನೇಹಿತ ಬಿಸ್ರಾಖ್ ನಿವಾಸಿ ಪ್ರವೇಶ್ ಎಂಬಾತನಿಗೆ ಎಟಿಎಂ ಕಾರ್ಡ್​ ನೀಡಿ ಹಣ ಡ್ರಾ ಮಾಡಲು ಉತ್ತರಾಖಂಡಕ್ಕೆ ಹೋಗುವಂತೆ ಹೇಳಿದ್ದಾನೆ.

ವಿಚಾರಣೆ ವೇಳೆ ಅಂಕಿತ್ ಸ್ನೇಹಿತರು ರಾತ್ರಿ ವೇಳೆ ಫೋನ್ ನಲ್ಲಿ ಮಾತನಾಡುತ್ತಿದ್ದೆವು. ಈ ಪ್ರಕ್ರಿಯೆ ಮಧ್ಯದಲ್ಲಿಯೇ ನಿಂತು ಹೋಗಿತ್ತು. ಕಾಲ್ ಮಾಡಿದಾಗ ಕಾಲ್ ಪಿಕ್ ಮಾಡದೆ ಚಾಟಿಂಗ್ ಗೆ ರಿಪ್ಲೈ ಬರತೊಡಗಿತು. ಆದರೆ ಈ ಚಾಟಿಂಗ್‌ನಲ್ಲಿ ಹಲವು ಸಂಗತಿಗಳು ನಡೆದಿದ್ದು ಅನುಮಾನ ಹುಟ್ಟಿಸುವಂತಿದ್ದವು, ಸ್ಪೆಲ್ಲಿಂಗ ಮಿಸ್ಟೇಕ್​ನಿಂದ ಅನುಮಾನ ಮೂಡಿತ್ತು. ಅನುಮಾನದ ಮೇಲೆ ಭೂಮಾಲೀಕ ಉಮೇಶ್ ಶರ್ಮಾ ಅವರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿತ್ತು.

ಮೊದಲಿಗೆ ಅವರು ಮಾಹಿತಿ ಇಲ್ಲ ಎಂದು ನಿರಾಕರಿಸಿದರು. ನಂತರ ಅಂಕಿತ್ ನೀಡಿದ ಡಿಜಿಟಲ್ ಮಾಹಿತಿ ಮತ್ತು ಹಣದ ಬಗ್ಗೆ ತಿಳಿದುಕೊಂಡಾಗ ಅನುಮಾನ ಮತ್ತಷ್ಟು ಬಲವಾಗಿತ್ತು, ಬಳಿಕ ವಿಚಾರಣೆ ವೇಳೆ ಕೊಲೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾರೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 12:11 pm, Thu, 15 December 22