IPL 2024: ಬ್ಲ್ಯಾಕ್ನಲ್ಲಿ ಆರ್ಸಿಬಿ ಪಂದ್ಯ ಟಿಕೆಟ್ ಮಾರಾಟ ಆರೋಪ
ಕೆಲ ದುಷ್ಕರ್ಮಿಗಳು ಆನ್ಲೈನ್ಲ್ಲಿ ಆರ್ಸಿಬಿ ಪಂದ್ಯದ ಟಿಕೆಟ್ ಖರೀದಿಸಿ, ಬಳಿಕ ಬ್ಲ್ಯಾಕ್ನಲ್ಲಿ ನಿಗದಿತ ದರಕ್ಕಿಂತಲೂ ಹೆಚ್ಚಿನ ಬಲೆಯಲ್ಲಿ ಟಿಕೆಟ್ ಮಾರಾಟ ಮಾಡುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಈ ಬಗ್ಗೆ ಜೋಕ್ಸ್ ಎಂಬುವರು ಟ್ವೀಟ್ ಮಾಡಿ ಆರೋಪಿಗಳನ್ನು ಬಂಧಿಸುವಂತೆ ಒತ್ತಾಯಿಸಿದ್ದಾರೆ.
Updated on:Apr 12, 2024 | 11:37 AM
ಬೆಂಗಳೂರು, ಏಪ್ರಿಲ್ 12: ದೇಶದಲ್ಲಿ 17ನೇ ಆವೃತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (IPL) ಆರಂಭವಾಗಿದೆ. ಪ್ರತಿ ಪಂದ್ಯಗಳು ರಣ ರೋಚಕತೆಯಿಂದ ಕೂಡಿರುತ್ತವೆ. ಐಪಿಎಲ್ ಅಂದ್ರೆ ಕ್ರಿಕೆಟ್ ಅಭಿಮಾನಿಗಳು ಹುಚ್ಚೆದ್ದು ಕುಣಿಯುತ್ತಾರೆ. ಎಲ್ಲಡೆ ಐಪಿಎಲ್ನದ್ದೆ ಚರ್ಚೆಯಾಗುತ್ತಿರುತ್ತದೆ. ಅದರಲ್ಲಂತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಅಂದ್ರೆ ಅತಿ ಹೆಚ್ಚು ಅಭಿಮಾನಗಳನ್ನು ಹೊಂದಿರುವ ತಂಡ ಎನ್ನಬಹುದು. ಆರ್ಸಿಬಿ ಪಂದ್ಯಗಳನ್ನು ಗ್ರೌಂಡ್ನಲ್ಲಿ ಕುಳಿತು ನೋಡಲು ಅದೆಷ್ಟೊ ಅಭಿಮಾನಿಗಳು ಕಾತುರರಾಗಿರುತ್ತಾರೆ. ಹೀಗಾಗಿ ಆರ್ಸಿಬಿ ಪಂದ್ಯದ ಟಿಕೆಟ್ಗಳು ಬೇಗನೆ ಮಾರಟವಾಗಿ ಬಿಡುತ್ತವೆ. ಅದೆಷ್ಟೊ ಅಭಿಮಾನಿಗಳು ಟಿಕೆಟ್ ಸಿಗದೆ ನಿರಾಶೆಗೊಳ್ಳುತ್ತಾರೆ. ಇದನ್ನೇ ಲಾಭ ಮಾಡಿಕೊಂಡಿರುವ ಕೆಲವರು ಬ್ಲ್ಯಾಕ್ನಲ್ಲಿ ಹೆಚ್ಚಿನ ದರದಲ್ಲಿ ಟಿಕೆಟ್ ಮಾರಟ ಮಾಡುತ್ತಿದ್ದಾರೆ.
DNA ಎಂಬ ಹೆಸರಿನ ತಂಡ ಆನ್ಲೈನ್ನಲ್ಲಿ ಬಹಳಷ್ಟು ಟಿಕೆಟ್ಗಳನ್ನು ಖರೀದಿಸುತ್ತದೆ. ನಂತರ ಬ್ಯ್ಲಾಕ್ನಲ್ಲಿ ಹೆಚ್ಚಿನ ದರದಲ್ಲಿ ಮಾರಾಟ ಮಾಡುತ್ತದೆ. ಜೋಕ್ಸ್ ಎಂಬುವರು DNA ತಂಡದ ವಿನೋದ್ ಎಂಬುವನಿಂದ ಬ್ಲ್ಯಾಕ್ನಲ್ಲಿ ಟಿಕೆಟ್ ಖರೀದಿಸಲು ಮುಂದಾಗುತ್ತಾರೆ. ಆಗ ವಿನೋದ ನಿಗದಿತ ಬೆಲೆಗಿಂತ ಹೆಚ್ಚಿನ ದರದಲ್ಲಿ ಹೇಳುತ್ತಾರೆ. ಆಗ ಜೋಕ್ಸ್ ಹೆಚ್ಚುವರಿ ದರದ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ.
ಇದನ್ನೂ ಓದಿ: ಕಾಲ್ ಗರ್ಲ್ಗಾಗಿ ಕರೆ ಮಾಡಿ ಎಂದು ಫೇಸ್ಬುಕ್ನಲ್ಲಿ ಪತ್ನಿಯ ಫೋಟೊ, ಮೊಬೈಲ್ ನಂಬರ್ ಪೋಸ್ಟ್ ಮಾಡಿದ ವ್ಯಕ್ತಿ!
ಆಗ ವಿನೋದ್ “ಏನ್ಮಾಡೋದು ಬ್ರೋ.. ಆನ್ಲೈನ್ನಲ್ಲಿ ಬಲ್ಕ್ ಆಗಿ ಟಿಕೆಟ್ ಖರೀದಿಸಿ, ಬ್ಲ್ಯಾಕ್ನಲ್ಲಿ ಮಾರಾಟ ಮಾಡುತ್ತೇವೆ. ಇದು ಬಹಳ ರಿಸ್ಕ್ ಕೆಲಸ. ಹೀಗಾಗಿ ಹೆಚ್ಚಿನ ದರ” ಅಂತ ಮೆಸೇಜ್ ಮಾಡಿದ್ದಾನೆ.
ವಿನೋದ್ ಕಳಸಿರುವ ಮೆಸೇಜ್ ಚಾಟಿಂಗ್ ಸ್ಕ್ರೀನ್ ಶಾಟ್ ತೆಗೆದು ಜೋಕ್ಸ್ ಎಕ್ಸ್ (ಟ್ವಿಟರ್)ನಲ್ಲಿ ಪೋಸ್ಟ್ ಮಾಡಿ, ಬೆಂಗಳೂರು ಪೊಲೀಸರಿಗೆ ಟ್ಯಾಗ್ ಮಾಡಿದ್ದಾರೆ. ಪ್ರಕರಣ ಸಂಬಂಧ ಸ್ಥಳೀಯ ಠಾಣೆಗೆ ಲಿಖಿತ ದೂರು ನೀಡುವಂತೆ ಪೊಲೀಸ್ ಇಲಾಖೆ ಟ್ವೀಟ್ ಮುಖಾಂತರವೆ ಸೂಚನೆ ನೀಡಿದೆ.
ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 11:36 am, Fri, 12 April 24
