ಬಿಜೆಪಿ ಸೇರಿ ಸಚಿವರಾದ 3 ವರ್ಷಗಳಲ್ಲಿ ಎಂಟಿಬಿ ನಾಗರಾಜ್ ಆಸ್ತಿಯಲ್ಲಿ ಶೇ 23ರಷ್ಟು ಹೆಚ್ಚಳ!

ಬೆಂಗಳೂರು: ಕರ್ನಾಟಕದ ಶ್ರೀಮಂತ ರಾಜಕಾರಣಗಳಿಲ್ಲಿ ಒಬ್ಬರಾಗಿರುವ ಸಚಿವ ಎಂಟಿಬಿ ನಾಗರಾಜ್ (MTB Nagaraj) ಅವರು ನಾಮಪತ್ರ ಸಲ್ಲಿಕೆ ವೇಳೆ ತಮ್ಮ ಒಟ್ಟು ಆಸ್ತಿ ವಿವರವನ್ನೂ ಘೋಷಣೆ ಮಾಡಿದ್ದಾರೆ. ಅಚ್ಚರಿ ಎಂದರೆ, 2019ರಲ್ಲಿ ಕಾಂಗ್ರೆಸ್ ತೊರೆದು ಬಿಜೆಪಿ ಸೇರಿ ಸಚಿವ ಸ್ಥಾನ ಪಡೆದ ಎಂಟಿಬಿ ನಾಗರಾಜ್ ಅವರ ಆಸ್ತಿ ಕೇವಲ ಮೂರೇ ವರ್ಷಗಳಲ್ಲಿ ಶೇ 23ರಷ್ಟು ಹೆಚ್ಚಳವಾಗಿದೆ. ಸಲ್ಲಿಸಿದ ಆಸ್ತಿ ವಿವರಗಳ ಪ್ರಕಾರ, ಎಂಟಿಬಿ ಅವರು ಒಟ್ಟು 1510 ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ. ಹಾಗಿದ್ದರೆ ಎಂಟಿಬಿ ಹಾಗೂ ಅವರ ಕುಟುಂಬದ ಸದಸ್ಯರ ಹೆಸರಿನಲ್ಲಿ ಏನೇನಿದೆ? ಎಷ್ಟೆಷ್ಟಿದೆ? ಎಂಬುದು ಇಲ್ಲಿದೆ.

ಎಂಟಿಬಿ ನಾಗರಾಜ್ ಹೆಸರಿನಲ್ಲಿ ಚರಾಸ್ತಿ-ಚಿರಾಸ್ತಿ

• ಚರಾಸ್ತಿ ಮೌಲ್ಯ : 372 ಕೋಟಿ
• ಸ್ತಿರಾಸ್ಥಿ ಮೌಲ್ಯ: 792 ಕೋಟಿ

ಎಂಟಿಬಿ ಪತ್ನಿ ಶಾಂತಮ್ಮ ನಾಗರಾಜ್ ಹೆಸರಿನಲ್ಲಿ ಚರಾಸ್ತಿ-ಚಿರಾಸ್ತಿ

• ಚರಾಸ್ತಿ: 163 ಕೋಟಿ
• ಸ್ಥಿರಾಸ್ಥಿ: 274 ಕೋಟಿ

ಎಂಟಿಬಿ ಮತ್ತು ಅವರ ಪತ್ನಿ ಹೆಸರಿನಲ್ಲಿರುವ ಸಾಲ

• ಎಂಟಿಬಿ ನಾಗರಾಜ್ ಸಾಲ: 71 ಕೋಟಿ
• ಎಂಟಿಬಿ ನಾಗರಾಜ್ ಪತ್ನಿಯ ಹೆಸರಿನಲ್ಲಿ ಸಾಲ: 27 ಕೋಟಿ
• ವಿವಿಧ ಬ್ಯಾ‌ಂಕ್​ಗಳಲ್ಲಿ ಒಟ್ಟು ಸಾಲ 98 ಕೋಟಿ

ಎಂಟಿಬಿ ನಾಗರಾಜ್ ಬಳಿ ಇರುವ ಕಾರುಗಳು

• ಐ10, ಲ್ಯಾಂಡ್ ರೋವರ್ ಡಿವೆಂಡರ್, ಬೊಲೆರೋ
• ಕಾರುಗಳ ಒಟ್ಟು ಮೌಲ್ಯ: 1ಕೋಟಿ 72 ಲಕ್ಷ

ಇದನ್ನೂ ಓದಿ: ಆಸ್ತಿ ವಿವರ ಘೋಷಣೆ; ಕುಟುಂಬದವರಿಗೇ ಕೋಟ್ಯಾಂತರ ಸಾಲ ಕೊಟ್ಟ ಸಚಿವ ಎಸ್​ಟಿ ಸೋಮಶೇಖರ್, ವಿವರ ಇಲ್ಲಿದೆ

ಎಂಟಿಬಿ ನಾಗರಾಜ್ ಪತ್ನಿ ಹೆಸರಲ್ಲಿರುವ ಕಾರುಗಳು

• ಪೋರ್ಶ್ ಮತ್ತು ಇನ್ನೋವಾ ಕ್ರಿಸ್ಟಾ
• ಎರಡು ಕಾರಿನ ಮೌಲ್ಯ: 1.33 ಕೋಟಿ

ಎಂಟಿಬಿ ಮತ್ತು ಅವರ ಪತ್ನಿ ಬಳಿ ಇರುವ ನಗದು

• ಎಂಟಿಬಿ ಬಳಿ ಇರುವ ನಗದು: 64 ಲಕ್ಷ
• ಎಂಟಿಬಿ ಪತ್ನಿ ಬಳಿ ಇರುವ ನಗದು: 34 ಲಕ್ಷ

ಎಂಟಿಬಿ ನಾಗರಾಜ್ ಬಳಿ ಇರುವ ಆಭರಣಗಳು ಮತ್ತು ಮೌಲ್ಯ

• ಎಂಟಿಬಿಯ ಒಟ್ಟು ಆಭರಣ ಮೌಲ್ಯ: 2 ಕೋಟಿ 41 ಲಕ್ಷ
• 38 ಲಕ್ಷ ಮೌಲ್ಯದ 996 ಗ್ರಾಂ ಚಿನ್ನ
• 98 ಲಕ್ಷ ಮೌಲ್ಯದ ಡೈಮೆಂಡ್ 78.28 cent.
• 2 ಲಕ್ಷ 20 ಸಾವಿರ ಮೌಲ್ಯದ ಪ್ಲಾಟಿನಂ 100.71 ಗ್ರಾಂ.
• ಬೆಳ್ಳಿ 214 ಕೆಜಿ 500 ಗ್ರಾಂ 1 ಕೋಟಿ 1 ಲಕ್ಷ ಮೌಲ್ಯ

ಇದನ್ನೂ ಓದಿ: ನಾಮಪತ್ರ ಸಲ್ಲಿಸಿದ ಮುಧೋಳ ಬಿಜೆಪಿ ಅಭ್ಯರ್ಥಿ ಗೋವಿಂದ ಕಾರಜೋಳ ಒಟ್ಟು ಆಸ್ತಿ ವಿವರ ಎಷ್ಟು ಗೊತ್ತಾ?

ಎಂಟಿಬಿ ಪತ್ನಿ ಬಳಿ ಇರುವ ಆಭರಣಗಳು ಮತ್ತು ಮೌಲ್ಯ

• ಒಟ್ಟು ಆಭರಣಗಳ ಮೌಲ್ಯ: 1 ಕೋಟಿ 64 ಲಕ್ಷ
• 84 ಲಕ್ಷ ಮೌಲ್ಯದ 2 ಕೆಜಿ 879 ಗ್ರಾಂ ಚಿನ್ನ
• 63.5 ಲಕ್ಷ ಮೌಲ್ಯದ 76.01 cent ಡೈಮೆಂಡ್
• 2 ಲಕ್ಷ 63 ಸಾವಿರ ಮೌಲ್ಯದ ಪ 74.550 ಗ್ರಾಂ ಪ್ಲಾಟಿನಂ
• 13 ಲಕ್ಷ 34 ಸಾವಿರ ಮೌಲ್ಯದ 26 ಕೆಜಿ 483 ಗ್ರಾಂ ಬೆಳ್ಳಿ

2020ರ ಎಂಎಲ್‌ಸಿ ಚುನಾವಣೆ ಸಂದರ್ಭದಲ್ಲಿ ನಾಗರಾಜ್ ಅವರು ಒಟ್ಟು 1,220 ಕೋಟಿ ರೂ. ಮೌಲ್ಯದ ಆಸ್ತಿ ಹೊಂದಿದ್ದರು. 2020 ಮತ್ತು 2023 ರ ನಡುವೆ ಅವರ ಆಸ್ತಿಯಲ್ಲಿ ಶೇಕಡಾ 23.7 ರಷ್ಟು ಹೆಚ್ಚಳ ಕಂಡಿದ್ದು, ಸದ್ಯ ಒಟ್ಟು ಆಸ್ತಿ ಮೌಲ್ಯ 1,510 ಕೋಟಿ ಆಗಿದೆ.

ವಿಧಾನಸಭೆ ಚುನಾವಣೆ ತಾಜಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 7:32 pm, Mon, 17 April 23