Punjab Election: ಚುನಾವಣೋತ್ತರ ಸಮೀಕ್ಷೆ; ಪಂಜಾಬ್ ದಲಿತರ ಮೇಲೆ ಚರಣ್ಜಿತ್ ಸಿಂಗ್ ಚನ್ನಿ ಪ್ರಭಾವ ಕೆಲಸ ಮಾಡಲಿಲ್ಲವೇ?
ಎರಡು ಎಕ್ಸಿಟ್ ಪೋಲ್ಗಳನ್ನು ಹೊರತುಪಡಿಸಿ, ಉಳಿದವರೆಲ್ಲರೂ ಈ ಬಾರಿ ಪಂಜಾಬ್ನಲ್ಲಿ ಆಪ್ ಭಾರೀ ಬಹುಮತವನ್ನು ಪಡೆಯುತ್ತದೆ ಅಥವಾ ಏಕೈಕ ದೊಡ್ಡ ಪಕ್ಷವಾಗಿ ಹೊರಹೊಮ್ಮುತ್ತದೆ ಎಂದು ಭವಿಷ್ಯ ನುಡಿದಿದ್ದಾರೆ.
Updated on: Mar 08, 2022 | 4:39 PM
ನವದೆಹಲಿ: ಈಗಾಗಲೇ ಪಂಜಾಬ್ ವಿಧಾನಸಭಾ ಚುನಾವಣೆ (Punjab Assembly Polls) ಮುಗಿದಿದ್ದು, ತೀರ್ಪು ಹೊರಬೀಳಲು ಎರಡೇ ದಿನ ಬಾಕಿ ಇದೆ. ಪಂಜಾಬ್ನಲ್ಲಿ ಈ ಬಾರಿ ಆಮ್ ಆದ್ಮಿ ಪಕ್ಷ (Aam Aadmi Party) ಅಧಿಕಾರಕ್ಕೆ ಬರಲಿದೆ ಎಂದು ಚುನಾವಣೋತ್ತರ ಸಮೀಕ್ಷೆ ತಿಳಿಸಿರುವುದರಿಂದ ಆಮ್ ಆದ್ಮಿ ಪಕ್ಷದ ನಾಯಕರು ಸಂಭ್ರಮಾಚರಣೆ ನಡೆಸುತ್ತಿದ್ದರೆ, ಆಡಳಿತಾರೂಢ ಕಾಂಗ್ರೆಸ್ ಸೇರಿದಂತೆ ಇತರ ಪಕ್ಷಗಳವರು ನಿದ್ರೆಯಿಲ್ಲದ ರಾತ್ರಿಗಳನ್ನು ಕಳೆಯುತ್ತಿದ್ದಾರೆ. ಎರಡು ಎಕ್ಸಿಟ್ ಪೋಲ್ಗಳನ್ನು ಹೊರತುಪಡಿಸಿ, ಉಳಿದವರೆಲ್ಲರೂ ಈ ಬಾರಿ ಪಂಜಾಬ್ನಲ್ಲಿ ಆಪ್ ಭಾರೀ ಬಹುಮತವನ್ನು ಪಡೆಯುತ್ತದೆ ಅಥವಾ ಏಕೈಕ ದೊಡ್ಡ ಪಕ್ಷವಾಗಿ ಹೊರಹೊಮ್ಮುತ್ತದೆ ಎಂದು ಭವಿಷ್ಯ ನುಡಿದಿದ್ದಾರೆ. ಆಮ್ ಆದ್ಮಿ ಪಕ್ಷ ಪಂಜಾಬ್ನಲ್ಲಿ ತನ್ನದೇ ಸ್ವಂತ ಬಲದಿಂದ ಅಥವಾ ಇನ್ನೊಂದು ಪಕ್ಷದ ಬೆಂಬಲದೊಂದಿಗೆ ಸರ್ಕಾರವನ್ನು ರಚಿಸುವ ಸಾಧ್ಯತೆ ಹೆಚ್ಚಾಗಿದೆ.
ಎಕ್ಸಿಟ್ ಪೋಲ್ಗಳು ನಿಖರವಾಗಿರಲಿ ಅಥವಾ ಇಲ್ಲದಿರಲಿ ಫೆಬ್ರವರಿ 20ರಂದು ನಡೆದ ಮತದಾನದ ಬಳಿಕ ಬಂದ ಚುನಾವಣೋತ್ತರ ಸಮೀಕ್ಷೆಗಳು ಪಂಜಾಬ್ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷ ಅಧಿಕಾರಕ್ಕೆ ಬರಲಿದೆ ಎಂದು ತಿಳಿಸಿದೆ. ಅದೇನೇ ಇದ್ದರೂ, ಸಮೀಕ್ಷೆಯ ಪಂಡಿತರು ಎಎಪಿ ಗೆಲುವಿನ ಮುನ್ಸೂಚನೆ ನೀಡಿದೆ. ಈ ಬಾರಿ ಒಂದು ಡಜನ್ಗಿಂತಲೂ ಹೆಚ್ಚು ಎಕ್ಸಿಟ್ ಪೋಲ್ಗಳು ಬಂದಿವೆ. ಚುನಾವಣೋತ್ತರ ಸಮೀಕ್ಷೆಯಲ್ಲಿ ಅರ್ಧಕ್ಕಿಂತ ಹೆಚ್ಚು ಮಂದಿ AAPಗೆ ಸ್ಪಷ್ಟ ಬಹುಮತದ ಮುನ್ಸೂಚನೆ ನೀಡಿದ್ದಾರೆ. ನ್ಯೂಸ್ 24-ಚಾಣಕ್ಯ ಆಪ್ 100ಕ್ಕೂ ಹೆಚ್ಚು ಸ್ಥಾನಗಳನ್ನು ಪಡೆಯಲಿದೆ ಎಂದಿದೆ. ಇನ್ನು ಆರು ಸಮೀಕ್ಷೆಗಳು ಎಎಪಿಗೆ 62-90 ಸ್ಥಾನಗಳು ಸಿಗಲಿದೆ ಎಂದು ಹೇಳಿದೆ.
ಆಮ್ ಆದ್ಮಿ ಪಕ್ಷಕ್ಕೆ ಸ್ಪಷ್ಟ ಬಹುಮತವನ್ನು ಊಹಿಸುವ ಎಕ್ಸಿಟ್ ಪೋಲ್ಗಳು ಕಾಂಗ್ರೆಸ್ ಅನ್ನು ಕೇವಲ 10ರಿಂದ 30 ಸ್ಥಾನಗಳಿಗೆ ಸೀಮಿತಗೊಳಿಸಿವೆ. ಕಾಂಗ್ರೆಸ್ ಸೋಲಿಗೆ ನೇರವಾಗಿ ಆಡಳಿತ ವಿರೋಧಿತನದ ಕಾರಣವಲ್ಲ, ಆದರೆ ಮತಗಳ ಎಣಿಕೆಗಾಗಿ ಕಾಯುತ್ತಿರುವಾಗ ಮತದಾನದ ದಿನದವರೆಗೂ ಮುಂದುವರಿದ ತೀವ್ರ ಒಳಜಗಳಗಳು ನೇರವಾಗಿ ಕಾರಣವೆಂದು ಹೇಳಬಹುದು. ಮತ ಎಣಿಕೆ ನಡೆಯುವ ಮಾರ್ಚ್ 10ರಂದು ಅಂತಿಮ ಫಲಿತಾಂಶದೊಂದಿಗೆ ಚುನಾವಣಾ ಫಲಿತಾಂಶಗಳು ನಿಜವಾಗಿಯೂ ಸಮನಾಗಿದ್ದರೆ, ಆಮ್ ಆದ್ಮಿ ಪಕ್ಷವು ರಾಜ್ಯದಲ್ಲಿ ದೊಡ್ಡ ಜಟಾಪಟಿಯನ್ನು ಎದುರಿಸಲಿದೆ.
ಪಂಜಾಬ್ ವಿಧಾನಸಭಾ ಚುನಾವಣೆಗೆ 6 ತಿಂಗಳ ಮೊದಲು ಆಮ್ ಆದ್ಮಿ ಪಕ್ಷವು ಸುನಿಲ್ ಜಖಾರ್ ಅವರ ಬದಲಿಗೆ ನವಜೋತ್ ಸಿಂಗ್ ಸಿಧು ಅವರನ್ನು ಪಕ್ಷದ ರಾಜ್ಯಾಧ್ಯಕ್ಷರನ್ನಾಗಿ ನೇಮಿಸಿತ್ತು. ಚುನಾವಣೆಗೂ 4 ತಿಂಗಳು ಮೊದಲು ಕ್ಯಾಪ್ಟನ್ ಅಮರಿಂದರ್ ಸಿಂಗ್ ಬದಲಿಗೆ ದಲಿತ ನಾಯಕ ಚರಣ್ಜಿತ್ ಸಿಂಗ್ ಚನ್ನಿ ಅವರನ್ನು ಮುಖ್ಯಮಂತ್ರಿಯನ್ನಾಗಿ ಮಾಡಲಾಯಿತು. ಇದರಿಂದ ಅವಮಾನಕ್ಕೊಳಗಾದ ಅಮರಿಂದರ್ ಸಿಂಗ್ ತಮ್ಮದೇ ಆದ ಪಕ್ಷವನ್ನು ಸ್ಥಾಪಿಸಿದರು. ಅದು ಬಿಜೆಪಿಯೊಂದಿಗೆ ಮೈತ್ರಿ ಮಾಡಿಕೊಂಡಿತು. ನಂತರ ಚರಣ್ಜಿತ್ ಸಿಂಗ್ ಚನ್ನಿ ಅವರ ಕುಟುಂಬದ ವಿರುದ್ಧ ಗಂಭೀರ ಭ್ರಷ್ಟಾಚಾರದ ಆರೋಪದ ಹೊರತಾಗಿಯೂ ಅವರನ್ನೇ ಸಿಎಂ ಅಭ್ಯರ್ಥಿ ಎಂದು ಮತ್ತೆ ಖಚಿತಪಡಿಸಲಾಯಿತು.
ಇದೆಲ್ಲವೂ ನವಜೋತ್ ಸಿಂಗ್ ಸಿಧು ಅವರನ್ನು ಕೆರಳಿಸಿತು ಮತ್ತು ಎಎಪಿಯ ಭಗವಂತ್ ಮಾನ್ ಅವರನ್ನು ಎದುರಿಸಲು ಪರಿಣಾಮಕಾರಿ ಪ್ರಚಾರಕರಿಲ್ಲದೆ ಆಪ್ ಪ್ರಚಾರದಿಂದ ಕೊಂಚ ದೂರ ಉಳಿಯಿತು. ಪಂಜಾಬ್ನ ನಟ-ಕಾರ್ಯಕರ್ತ ದೀಪ್ ಸಿಧು ಮತದಾನದ ದಿನದ ಮೊದಲು ಅಪಘಾತದಲ್ಲಿ ನಿಧನರಾದರು. ಒಂದು ವರ್ಷದ ರೈತರ ಆಂದೋಲನದ ಯಶಸ್ಸಿನ ಹೊರತಾಗಿಯೂ ಚುನಾವಣೆಯಲ್ಲಿ ತಡವಾಗಿ ಪ್ರವೇಶಿಸಿದ ಎಸ್ಎಸ್ಎಂ ಮತದಾರರನ್ನು ಕ್ಲಿಕ್ ಮಾಡಲು ವಿಫಲವಾಗಿದೆ ಎಂಬ ಅಂಶವನ್ನು ಎಕ್ಸಿಟ್ ಪೋಲ್ಗಳು ಪುನರುಚ್ಚರಿಸಿವೆ. ವಾಸ್ತವವಾಗಿ SSM, SAD ಮತ್ತು ಕಾಂಗ್ರೆಸ್ ಅನ್ನು ಹಾನಿಗೊಳಿಸಿರಬಹುದು ಇದರಿಂದ ಆಮ್ ಆದ್ಮಿ ಪಕ್ಷಕ್ಕೆ ಲಾಭವಾಗಿದೆ.
ಎರಡು ಸಮೀಕ್ಷೆಗಳು ಮೂರು ಪಕ್ಷಗಳಿಗೆ ಸಮಾನ ಸ್ಥಾನಗಳನ್ನು ನೀಡಿವೆ. ಎಎಪಿಗೆ 36ರಿಂದ 39, ಕಾಂಗ್ರೆಸ್ಗೆ 35ರಿಂದ 38, ಎಸ್ಎಡಿ-ಬಿಎಸ್ಪಿಗೆ 32ರಿಂದ 35 ಮತ್ತು ಬಿಜೆಪಿಗೆ 4ರಿಂದ 7 ಸ್ಥಾನಗಳು ಬರಲಿದೆ ಎಂದು ಝೀ ಎಕ್ಸಿಟ್ ಪೋಲ್ ಭವಿಷ್ಯ ನುಡಿದಿದೆ. ಎಎಪಿಗೆ 38-44, ಎಸ್ಎಡಿ-ಬಿಎಸ್ಪಿಗೆ 30-39, ಕಾಂಗ್ರೆಸ್ಗೆ 26-32, ಬಿಜೆಪಿಗೆ 7-10 ಸ್ಥಾನ ಬರಲಿದೆ ಎಂದು ಗ್ರೌಂಡ್ ಝೀರೋ ಎಕ್ಸಿಟ್ ಪೋಲ್ ತಿಳಿಸಿದೆ.
ಇದನ್ನೂ ಓದಿ: Punjab Election Exit Poll Result 2022: ಪಂಜಾಬ್ನಲ್ಲಿ ಆಮ್ ಆದ್ಮಿ ಪಕ್ಷಕ್ಕೆ ಸರಳ ಬಹುಮತ ಸಾಧ್ಯತೆ
