ಎನ್​​ಡಿಎ ಸೇರಲು ನಮಗೇನು ಎಂದು ಹುಚ್ಚು ನಾಯಿ ಕಚ್ಚಿದೆಯೇ?: ಕೆಸಿಆರ್ ಪುತ್ರ

ಹೈದರಾಬಾದ್ ಅಕ್ಟೋಬರ್ 03: ತೆಲಂಗಾಣ ಮುಖ್ಯಮಂತ್ರಿ ಕೆ ಚಂದ್ರಶೇಖರ ರಾವ್ (KCR) ಎನ್​​ಡಿಎ (NDA) ಮೈತ್ರಿಕೂಟವನ್ನು ಸೇರಲು ಬಯಸಿದ್ದರು “ಆದರೆ ನಾನು ಅವರಿಗೆ ಪ್ರವೇಶವನ್ನು ನಿರಾಕರಿಸಿದೆ” ಎಂದು ಮಂಗಳವಾರ ತೆಲಂಗಾಣದಲ್ಲಿ (Telangana ) ಚುನಾವಣಾ ಪ್ರಚಾರದ ವೇಳೆ ಭಾಷಣ ಮಾಡಿದ ಪ್ರಧಾನಿ ಮೋದಿ (PM Modi) ಹೇಳಿದ್ದಾರೆ. ಈ ಹೇಳಿಕೆಗೆ ಪ್ರತಿಕ್ರಿಯಿಸಿದ ಕೆಸಿಆರ್ ಅವರ ಮಗ ಕೆಟಿ ರಾಮರಾವ್, ಎನ್​​​ಡಿಎ ಸೇರಲು ನಮಗೆ ತಲೆ ಕೆಟ್ಟಿಲ್ಲ ಎಂದಿದ್ದಾರೆ. ಪ್ರಧಾನಿ ಏನೇನೋ ಮಾತನಾಡುತ್ತಿದ್ದಾರೆ. ಅವರು ಬಿಆರ್​​ಎಸ್ ಕರ್ನಾಟಕದಲ್ಲಿ ಕಾಂಗ್ರೆಸ್​​ಗೆ ಧನಸಹಾಯ ಮಾಡಿದೆ ಅಂತಾರೆ. ಅವರು ನಮಗೆ ಎನ್‌ಡಿಎಯಲ್ಲಿ ಅವಕಾಶ ನೀಡಿಲ್ಲ ಎಂದು ಹೇಳುತ್ತಾರೆ. ಎನ್​​ಡಿಎ ಸೇರಲು ನಮಗೇನು ಎಂದು ಹುಚ್ಚು ನಾಯಿ ಕಚ್ಚಿದೆಯೇ? ಇಂದು ಶಿವಸೇನಾ, ಜೆಡಿಯು, ಟಿಡಿಪಿ, ಶಿರೋಮಣಿ ಅಕಾಲಿದಳ ಸೇರಿದಂತೆ ಹಲವು ಪಕ್ಷಗಳು ಬಿಜೆಪಿ ತೊರೆದಿವೆ.ನಿಮ್ಮೊಂದಿಗೆ ಯಾರಿದ್ದಾರೆ? ಸಿಬಿಐ, ಇಡಿ ಮತ್ತು ಐಟಿ ಹೊರತುಪಡಿಸಿ ನಿಮ್ಮ ಬಳಿ ಯಾರಿದ್ದಾರೆ? ಎಂದು ರಾಮರಾವ್ ಗುಡುಗಿದ್ದಾರೆ.

ಭಾಷಣದಲ್ಲಿ ಮೋದಿ ಕೆಸಿಆರ್ ಮತ್ತು ಅವರ ಭಾರತ ರಾಷ್ಟ್ರ ಸಮಿತಿಯುಎನ್​​ಡಿಎಗೆ ಸೇರಲು ಅನೇಕ ಪ್ರಯತ್ನಗಳನ್ನು ಮಾಡಿತು. ಇವುಗಳನ್ನು ವೈಯಕ್ತಿಕವಾಗಿ ತಿರಸ್ಕರಿದೆವು.ನಾವು ತೆಲಂಗಾಣದ ಜನರಿಗೆ ಮೋಸ ಮಾಡುವುದಿಲ್ಲ ಎಂದು ನಾನು ಹೇಳಿದೆ ಎಂದಿದ್ದಾರೆ.

BRS Working President KT Rama Rao reacts to PM Modi’s statement that Telangana CM KC Rao wanted to join NDA

“…This PM is so inconsistent, he says that BRS funded Congress in Karnataka and that he has not allowed us in NDA. Have we been bitten by a mad dog that we will join… pic.twitter.com/PKyTBSGNZ0

— ANI (@ANI) October 3, 2023

ನಾನು ನಿಮಗೆ ಒಂದು ರಹಸ್ಯವನ್ನು ಹೇಳಲಿದ್ದೇನೆ. ಇದು 100 ಪರ್ಸೆಂಟ್ ಸತ್ಯ ಎಂದು ಪ್ರಾರಂಭಿಸಿದ ಪ್ರಧಾನಿ, “ಪುರಸಭೆ ಚುನಾವಣೆಗಳು ನಡೆದಾಗ (2020 ರಲ್ಲಿ) ಯಾರಿಗೂ ಬಹುಮತ ಬರಲಿಲ್ಲ. ಬಿಜೆಪಿ 48 ಸ್ಥಾನ ಗೆದ್ದಿದೆ… ಕೆಸಿಆರ್‌ಗೆ ಬೆಂಬಲ ಬೇಕಿತ್ತು. ಕೆಸಿಆರ್ ನನ್ನ ಮೇಲೆ ಪ್ರೀತಿಯ ಸುರಿಮಳೆಗೈದರು. ನನಗೆ ಶಾಲು ಹೊದಿಸಿದರು. ಇದು ಕೆಸಿಆರ್ ಪಾತ್ರದಲ್ಲಿ ಇರಲಿಲ್ಲ. ನಂತರ ಅವರು ಎನ್‌ಡಿಎಗೆ ಸೇರಿಸುವಂತೆ ಕೇಳಿದರು. ಹೈದರಾಬಾದ್ ಮುನ್ಸಿಪಾಲಿಟಿ (ಚುನಾವಣೆ) ನಲ್ಲಿ ನೀವು ನಮಗೆ ಸಹಾಯ ಮಾಡಿ,” ಎಂದು ಅವರು ಹೇಳಿದ್ದರು. “ನಾನು ನಿರಾಕರಿಸಿದೆ… ತೆಲಂಗಾಣದ ಜನರಿಗೆ ನಾವು ಮೋಸ ಮಾಡುವುದಿಲ್ಲ ಎಂದು ಅವರಿಗೆ ಹೇಳಿದ್ದೇನೆ”ಎಂದಿದ್ದಾರೆ ಪ್ರಧಾನಿ.

2020 ರ ಹೈದರಾಬಾದ್ ನಾಗರಿಕ ಚುನಾವಣೆಯು ಬಿಜೆಪಿಗೆ ಮಹತ್ವದ ಹೆಜ್ಜೆಯಾಗಿದೆ, ಅದುವರೆಗೂ ರಾಜ್ಯದಲ್ಲಿ ಬಲವರ್ಧನೆಗಾಗಿ ಹೆಣಗಾಡಿತ್ತು. 150 ವಾರ್ಡ್‌ಗಳಲ್ಲಿ, ಕೆಸಿಆರ್ ಅವರ ಪಕ್ಷವು ಕೇವಲ 56 ರಲ್ಲಿ ಗೆದ್ದಿದೆ. ಬಿಆರ್​​ಎಸ್ ನಷ್ಟವು ಬಿಜೆಪಿಯ ಲಾಭವಾಗಿದೆ, ಇದು ಅದರ ಸಂಖ್ಯೆಯನ್ನು ನಾಲ್ಕರಿಂದ 48 ಕ್ಕೆ ಏರಿಸಿತು. ಅಂತಿಮವಾಗಿ ಬಿಆರ್ಎಸ್ 44 ಸ್ಥಾನಗಳನ್ನು ಗೆದ್ದ ಅಸಾದುದ್ದೀನ್ ಓವೈಸಿಯವ AIMIM ನಿಂದ ಕೊನೆಯ ಕ್ಷಣದ ಬೆಂಬಲದ ನಂತರ ನಾಗರಿಕ ಸಂಸ್ಥೆಯಲ್ಲಿ ಅಧಿಕಾರಕ್ಕೇರಿತು. ಕೇವಲ ಎರಡು ವಾರ್ಡ್‌ಗಳಲ್ಲಿ ಗೆದ್ದಿತ್ತು ಕಾಂಗ್ರೆಸ್.

ಎನ್‌ಡಿಎಗೆ ಪ್ರವೇಶ ನಿರಾಕರಿಸಿದ ನಂತರ ಅವರು (ಬಿಆರ್‌ಎಸ್) ಕೋಪಗೊಂಡರು. ಆದರೆ ನಂತರ ಕೆಸಿಆರ್ ನಮ್ಮ ಬಳಿ ಬಂದರು.ಈಗ ಎಲ್ಲಾ ಜವಾಬ್ದಾರಿಯನ್ನು ಕೆಟಿಆರ್‌ಗೆ (ಕೆಟಿ ರಾಮರಾವ್, ಅವರ ಮಗ) ನೀಡಲು ಬಯಸುವುದಾಗಿ ಹೇಳಿದರು. ನಾನು ಕೆಟಿಆರ್ ಅವರನ್ನು ಕಳುಹಿಸುತ್ತೇನೆ, ನೀವು ಅವರನ್ನು ಆಶೀರ್ವದಿಸಿ’ ಎಂದು ಕೆಸಿಆರ್ ನನಗೆ ಹೇಳಿದರು.

ಆಗ ನಾನು, “ಕೆಸಿಆರ್, ಇದು ಪ್ರಜಾಪ್ರಭುತ್ವ, ಕೆಟಿಆರ್‌ಗೆ ಎಲ್ಲವನ್ನು ನೀಡಲು ನೀವು ಯಾರು? ನೀವು ರಾಜನಾ?” ಎಂದು ಹೇಳಿದೆ. ಆ ನಂತರ ಅವರು ನನ್ನ ಮುಂದೆ ಬರಲೇ ಇಲ್ಲ, ನನ್ನನ್ನು ಎದುರಿಸಲು ಅವರಿಗೆ ಸಾಧ್ಯವಾಗುತ್ತಿಲ್ಲ. ಯಾವುದೇ ಭ್ರಷ್ಟರು ನನ್ನ ಪಕ್ಕದಲ್ಲಿ ಕೂರಲು ಸಾಧ್ಯವಿಲ್ಲ ಎಂದು ಮೋದಿ ಹೇಳಿದ್ದಾರೆ.

ಇದನ್ನೂ ಓದಿ: ಕೆಸಿಆರ್ ಎನ್‌ಡಿಎ ಸೇರಲು ಬಯಸಿದ್ದರು, ಆದರೆ ನಾವು ಅವಕಾಶ ನೀಡಲಿಲ್ಲ: ಮೋದಿ

ಕಳೆದ ವರ್ಷ ಪಿಎಂ ಮತ್ತು ಕೆಸಿಆರ್ ನಡುವಿನ ಬಿರುಕು ಸ್ಫೋಟಗೊಂಡವು. ಜುಲೈನಲ್ಲಿ ಕೆಸಿಆರ್, ಮೋದಿ ಭಾರತ ಕಂಡ “ಅತ್ಯಂತ ದುರ್ಬಲ” ಪ್ರಧಾನಿ ಎಂದು ಟೀಕಿಸಿದರು. ಬಿಜೆಪಿಯನ್ನು “ದೇಶದ್ರೋಹಿಗಳು, ರಾಕ್ಷಸರು ಮತ್ತು ಸರ್ವಾಧಿಕಾರಿಗಳು” ಎಂದು ಉಲ್ಲೇಖಿಸಿದರು. ಏತನ್ಮಧ್ಯೆ, ತಮ್ಮ ಭಾಷಣದಲ್ಲಿ ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದ ಮೋದಿ,ಕಾಂಗ್ರೆಸ್ ಪಕ್ಷ ಬಿಆರ್‌ಎಸ್‌ನೊಂದಿಗೆ ಒಪ್ಪಂದ ಮಾಡಿಕೊಂಡಿದೆ ಎಂದು ಆರೋಪಿಸಿದ್ದಾರೆ.

“ಕರ್ನಾಟಕದಲ್ಲಿ ಮೇ ತಿಂಗಳಲ್ಲಿ ಕಾಂಗ್ರೆಸ್ ಬಿಜೆಪಿಯನ್ನು ಸೋಲಿಸಿತು. ಬಿಆರ್ ಎಸ್ ಅವರಿಗೆ ಹಣಕಾಸು ಒದಗಿಸುವ ಮೂಲಕ ಸಹಾಯ ಮಾಡಿತು. ಅವರು (ಎರಡು ವಿರೋಧ ಪಕ್ಷಗಳು) ತೆಲಂಗಾಣದಲ್ಲಿ ಖಚಿತವಾಗಿ ಪರಸ್ಪರ ಒಪ್ಪಂದ ಮಾಡಿಕೊಂಡಿದ್ದಾರೆ. ತೆಲಂಗಾಣದಲ್ಲಿ ಕಾಂಗ್ರೆಸ್‌ಗೆ ಇದು “ತಿರುಗೇಟು ನೀಡುವ ಸಮಯ” ಎಂದು ಪ್ರಧಾನಿ ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ