‘ಜೈಲರ್’ ಮ್ಯೂಸಿಕ್ ಕಂಪೋಸರ್ ಅನಿರುದ್ಧ್ ರವಿಚಂದರ್​ಗೆ ದುಬಾರಿ ಪೋರ್ಷಾ ಕಾರು; ಇದರ ಬೆಲೆ ಎಷ್ಟು?

‘ಜೈಲರ್’ ಸಿನಿಮಾ (Jailer Movie) ಸೂಪರ್ ಹಿಟ್ ಆಗಿದೆ. 650 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ಸಿನಿಮಾ ಬೀಗಿದೆ. ಈ ಚಿತ್ರದ ಗೆಲುವಿಗೆ ಕಾರಣರಾದ ಎಲ್ಲರಿಗೂ ಸನ್ ಪಿಕ್ಚರ್ಸ್​​ ಮಾಲೀಕ ಕಲಾನಿಧಿ ಮಾರನ್ (Kalanithi Maran) ಅವರು ಉಡುಗೊರೆ ನೀಡುತ್ತಿದ್ದಾರೆ. ಈ ಮೂಲಕ ತಮಗೆ ಲಾಭ ತಂದುಕೊಟ್ಟ ಎಲ್ಲರಿಗೆ ಅವರು ಈ ರೀತಿಯಲ್ಲಿ ಕೃತಜ್ಞತೆ ಸಲ್ಲಿಸುತ್ತಿದ್ದಾರೆ. ‘ಜೈಲರ್’ ಸಿನಿಮಾ ಹಿಟ್ ಆಗಲು ಮ್ಯೂಸಿಕ್ ಕೂಡ ಕಾರಣ ಆಗಿತ್ತು. ಈ ಕಾರಣಕ್ಕೆ ಚಿತ್ರದ ಸಂಗೀತ ಸಂಯೋಜಕ ಅನಿರುದ್ಧ್ ರವಿಚಂದರ್ ಅವರಿಗೆ ಕಲಾನಿಧಿ ಮಾರನ್ ದುಬಾರಿ ಉಡುಗೊರೆ ನೀಡಿದ್ದಾರೆ. ಈ ವಿಡಿಯೋ ವೈರಲ್ ಆಗಿದೆ.

‘ಜೈಲರ್’ ಚಿತ್ರದ ಬಿಜಿಎಂ ಗಮನ ಸೆಳೆದಿದೆ. ಈ ಚಿತ್ರದ ‘ಕಾವಾಲಾ..’ ಹಾಡು ಯೂಟ್ಯೂಬ್​ನಲ್ಲಿ ಬಹುಕೋಟಿ ವೀಕ್ಷಣೆ ಕಂಡಿದೆ. ಇದಕ್ಕೆಲ್ಲ ಕಾರಣ ಆಗಿರೋದು ಅನಿರುದ್ಧ್ ರವಿಚಂದರ್ ಅವರ ಮಾಂತ್ರಿಕ ಮ್ಯೂಸಿಕ್. ಈ ಕಾರಣದಿಂದಲೇ ಕಲಾನಿಧಿ ಮಾರನ್ ಅವರು ಪೋರ್ಷಾ ಕಾರನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ವಿಶೇಷ ಎಂದರೆ ಅನಿರುದ್ಧ್​ ಎದುರು ಮೂರು ಕಾರಗಳನ್ನು ಆಯ್ಕೆಯಾಗಿ ನೀಡಲಾಗಿತ್ತು. ಬಿಎಂಡಬ್ಲ್ಯೂ ಎಕ್ಸ್​5, ಬಿಎಂಡಬ್ಲ್ಯೂ ಐಎಕ್ಸ್​ ಹಾಗೂ ಪೋರ್ಷಾ ಮಕಾನ್ ಕಾರನ್ನು ಇಡಲಾಗಿತ್ತು. ಎಲ್ಲಾ ಕಾರುಗಳನ್ನು ಒಮ್ಮೆ ಏರಿ ಬಂದರು ಅನಿರುದ್ಧ್. ಆ ಬಳಿಕ ಪೋರ್ಷಾ ಎಸ್​ಯುವಿನ ಆಯ್ಕೆ ಮಾಡಿಕೊಂಡಿದ್ದಾರೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಪೋರ್ಷಾ ಮಕಾನ್ ಹೈ ಎಂಡ್​ಗೆ 1.92 ಕೋಟಿ ರೂಪಾಯಿ ಇದೆ. ಈಗ ಅನಿರುದ್ಧ್​ ಅವರಿಗೆ ನೀಡಿರೋದು ಹೈಎಂಡ್​ಕಾರು  ಎನ್ನಲಾಗುತ್ತಿದೆ. ದೊಡ್ಡ ಮೊತ್ತದ ಸಂಭಾವನೆ ಜೊತೆಗೆ ಅನಿರುದ್ಧ್​ ಅವರಿಗೆ ದುಬಾರಿ ಕಾರು ಕೂಡ ಸಿಕ್ಕಿದೆ. ಎಲ್ಲರೂ ಅವರಿಗೆ ಶುಭಾಶಯ ಕೋರುತ್ತಿದ್ದಾರೆ.

ಇದನ್ನೂ ಓದಿ: ರಜನೀಕಾಂತ್ ಬಳಿಕ ಜೈಲರ್ ನಿರ್ದೇಶಕನಿಗೂ ಕಾರು, ಹಣ ಉಡುಗೊರೆ ಕೊಟ್ಟ ನಿರ್ಮಾಪಕ

To celebrate the humongous Blockbuster #Jailer, Mr. Kalanithi Maran presented the key of a brand new Porsche car to @anirudhofficial#JailerSuccessCelebrations pic.twitter.com/lbkiRrqv7B

— Sun Pictures (@sunpictures) September 4, 2023

ಈ ಮೊದಲು ‘ಜೈಲರ್’ ಸಿನಿಮಾದ ಹೀರೋ ರಜನಿಕಾಂತ್​ಗೆ ದೊಡ್ಡ ಮೊತ್ತದ ಚೆಕ್ ನೀಡಿದ್ದರು ಕಲಾನಿಧಿ ಮಾರನ್. ಕಲೆಕ್ಷನ್ ಮೊತ್ತದ ಒಂದಷ್ಟು ಭಾಗವನ್ನು ರಜನಿಗೆ ನೀಡಲಾಗಿತ್ತು. ಇದರ ಜೊತೆಗೆ ಬಿಎಂಡಬ್ಲ್ಯು ಕಾರನ್ನು ಸಹ ಉಡುಗೊರೆ ಆಗಿ ನೀಡಲಾಗಿತ್ತು. ಅದೇ ರೀತಿ ನಿರ್ದೇಶಕ ನೆಲ್ಸನ್ ದಿಲೀಪ್​ ಕುಮಾರ್​ಗೂ ಕಾರು ಸಿಕ್ಕಿತ್ತು.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 9:59 am, Wed, 6 September 23