Shah Rukh Khan: ‘ಪಠಾಣ್’ ಚಿತ್ರದ ಮೊದಲ ಹಾಡು ಡಿ. 12ಕ್ಕೆ ಬಿಡುಗಡೆ: ರಿವೀಲ್ ಆಯ್ತು ಶಾರುಖ್ ಖಾನ್ ಲುಕ್
ನಟ ಶಾರುಖ್ ಖಾನ್ ಮತ್ತು ನಟಿ ದೀಪಿಕಾ ಪಡುಕೋಣೆ ಅಭಿನಯದ 'ಪಠಾಣ್' ಚಿತ್ರ ನಿರೀಕ್ಷೆ ಹೆಚ್ಚಿದ್ದು, ಸದ್ಯ ಚಿತ್ರದ ಮೊದಲು ಹಾಡು ಡಿ. 12ರಂದು ಬಿಡುಗಡೆ ಆಗಲಿದೆ.
Updated on:Dec 11, 2022 | 7:59 PM
ಬಾಲಿವುಡ್ ಬಾದ್ಷಾ ನಟ ಶಾರುಖ್ ಖಾನ್ (Shah Rukh Khan) ಅವರು ‘ಪಠಾಣ್’ (Pathaan) ಚಿತ್ರದಲ್ಲಿ ಬ್ಯುಸಿ ಆಗಿದ್ದಾರೆ. 2023ರ ಬಹು ನಿರೀಕ್ಷಿತ ಚಿತ್ರಗಳಲ್ಲಿ ಒಂದು. ಏಕೆಂದರೆ ನಟ ಶಾರುಖ್ ಖಾನ್ ಸತತ 4 ವರ್ಷಗಳ ಬಳಿಕ ತೆರೆಗೆ ಬರಲು ಸಿದ್ಧರಾಗಿದ್ದಾರೆ. ಹಾಗಾಗಿ ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಾಗಿದೆ. ಸದ್ಯ ‘ಪಠಾಣ್’ ಚಿತ್ರದ ಚಿತ್ರೀಕರಣ ಭರದಿಂದ ಸಾಗಿದ್ದು, ಶಾರುಖ್ ಖಾನ್ ಭಾಗಿಯಾಗಿದ್ದಾರೆ. ಟೀಸರ್ ಮತ್ತು ಕೆಲ ಪೋಸ್ಟರ್ಗಳಿಂದ ‘ಪಠಾಣ್’ ಚಿತ್ರ ಗಮನ ಸೆಳೆದಿತ್ತು. ಇದೀಗ ಹೊಸ ಹಾಡನ್ನು ರಿಲೀಸ್ ಮಾಡಲು ಚಿತ್ರತಂಡ ಮುಂದಾಗಿದೆ. ಸಿದ್ಧಾರ್ಥ್ ಆನಂದ್ ಚಿತ್ರವನ್ನು ನಿರ್ದೇಶಿಸುತ್ತಿದ್ದು, ನಟಿ ದೀಪಿಕಾ ಪಡುಕೋಣೆ ನಟಿಸುತ್ತಿದ್ದಾರೆ. ನಟ ಶಾರುಖ್ ಖಾನ್ ‘ಪಠಾಣ್’ ಚಿತ್ರದ ಮೊದಲ ಹಾಡು ‘ಬೇಷರಂ’ (Besharam) ನ ತಮ್ಮ ಲುಕ್ನ್ನುಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
‘ಪಠಾಣ್’ ಚಿತ್ರ ಆಕ್ಷನ್ ಪ್ಯಾಕ್ಡ್ ಚಿತ್ರವಾಗಿದ್ದು, ಶಾರುಖ್ ಖಾನ್ ಅವರು ಸ್ಪೈ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಇತ್ತೀಚೆಗೆ ಶಾರುಖ್ ಖಾನ್ ‘ಬೇಷರಂ’ ಹಾಡಿನ ದೀಪಿಕಾ ಪಡುಕೋಣೆ ಅವರ ಫಸ್ಟ್ ಲುಕ್ನ್ನು ಹಂಚಿಕೊಂಡಿದ್ದರು. ‘ಬೇಷರಂ’ ಹಾಡಿನಲ್ಲಿ ದೀಪಿಕಾ ಪಡುಕೋಣೆ ಅವರು ಬಿಕಿನಿ ತೊಟ್ಟು ಹಾಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಇದು ಎಲ್ಲೆಡೆ ವೈರಲ್ ಕೂಡ ಆಗಿದೆ. ಇದೀಗ ಶಾರುಖ್ ಖಾನ್ ತಮ್ಮ ಲುಕ್ ಹಂಚಿಕೊಂಡಿದ್ದಾರೆ.
View this post on Instagram
ಶಾರುಖ್ ಖಾನ್ ಅವರು ಓಪನ್ ಶರ್ಟ್ನಲ್ಲಿ ತಮ್ಮ ಬಾಡಿಯನ್ನು ಪ್ರದರ್ಶಿಸಿದ್ದು, ಸಮುದ್ರದ ಮಧ್ಯೆ ತಂಗಾಳಿಗೆ ಮೈ ಒಡ್ಡಿ ಪೋಸ್ ನೀಡಿದ್ದಾರೆ. ಕಣ್ಣಿಗೊಂದು ಬ್ಲಾಕ್ ಸನ್ಗ್ಲಾಸ್, ಕುತ್ತಿಗೆಗೆ ಚೈನ್ವೊಂದನ್ನು ಹಾಕಿಕೊಂಡು ಲುಕ್ ನೀಡಿದ್ದಾರೆ. ಸದ್ಯ ಶಾರುಖ್ ಖಾನ್ ಲುಕ್ ವೈರಲ್ ಆಗಿದ್ದು, ಫ್ಯಾನ್ಸ್ ಫುಲ್ ಫಿದಾ ಆಗಿದ್ದಾರೆ. ಜೊತೆಗೆ ಬಗೆಬಗೆಯಾಗಿ ಕಮೆಂಟ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ: Shah Rukh Khan: ಮೆಕ್ಕಾಗೆ ಭೇಟಿ ನೀಡಿದ ಶಾರುಖ್ ಖಾನ್; ಫ್ಯಾನ್ಸ್ ರಿಯಾಕ್ಷನ್ ಏನು?
‘ಪಠಾಣ್’ ಚಿತ್ರದ ಮೊದಲು ಹಾಡು ‘ಬೇಷರಂ’ ಸೋಮವಾರ (ಡಿ. 12) ಬೆಳಿಗ್ಗೆ 11 ಗಂಟೆಗೆ ಬಿಡುಗಡೆಯಾಗುತ್ತಿದೆ. ಪ್ರೀಮಿಯರ್ ವಿಡಿಯೋವನ್ನು ಯಶ್ ರಾಜ್ ಫಿಲಂಸ್ನ ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಲಾಗುತ್ತಿದ್ದು, 2 ದಿನಗಳ ಬಳಿಕ ಹಾಡನ್ನು ಈ ವಿಡಿಯೋದಲ್ಲಿ ನೋಡಬಹುದಾಗಿದೆ ಎಂದು ಶಾರುಖ್ ಖಾನ್ ಮಾಹಿತಿ ನೀಡಿದ್ದಾರೆ.
ಮತ್ತಷ್ಟು ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 7:55 pm, Sun, 11 December 22
