ಕ್ಯಾಪ್ಟನ್ ಆದ ಮರುದಿನವೇ ಚಕ್ರವರ್ತಿಗೆ ದ್ರೋಹ ಬಗೆದ ರಘು; ಮಾಡಿದ ಸಹಾಯ ಇಷ್ಟು ಬೇಗ ಮರೆತೋಯ್ತಾ?
ಕ್ಯಾಪ್ಟನ್ ಆದ ನಂತರ ರಘು ಹಾಗೂ ಚಕ್ರವರ್ತಿ ಚಂದ್ರಚೂಡ್ ನಡುವೆ ಘನಘೋರ ಜಗಳವೊಂದು ನಡೆದಿದೆ. ಕಲರ್ಸ್ ಕನ್ನಡ ವಾಹಿನಿ ಇಂದು ಪ್ರೋಮೋ ಒಂದನ್ನು ಹಂಚಿಕೊಂಡಿದೆ.
Updated on: Apr 26, 2021 | 7:17 PM
ಬಿಗ್ ಬಾಸ್ ಮನೆಯಲ್ಲಿರುವ ಎಲ್ಲಾ ಸ್ಪರ್ಧಿಗಳು ಒಬ್ಬರಿಗೊಬ್ಬರು ಆಟ್ಯಾಚ್ ಆಗಿದ್ದಂತೆ ತೋರಿಸಿಕೊಳ್ಳುತ್ತಾರೆ. ಆದರೆ, ಕಷ್ಟದ ಸಮಯ ಬಂದರೆ ಹಿಂದುಮುಂದು ನೋಡದೆ ನಂಬಿದವರನ್ನು ಅರ್ಧಕ್ಕೆ ಬಿಟ್ಟು ಹೋಗುತ್ತಾರೆ. ಈ ರೀತಿಯ ಘಟನೆಗಳು ಬಿಗ್ ಬಾಸ್ ಮನೆಯಲ್ಲಿ ಅನೇಕ ಬಾರಿ ನಡೆದಿವೆ. ಈಗ ಇಂತಹುದೇ ಘಟನೆ ಮತ್ತೆ ಮರುಕಳಿಸಿದೆ. ಕ್ಯಾಪ್ಟನ್ ಆದ ಬೆನ್ನಲ್ಲೇ ರಘು ಗೌಡ ದ್ರೋಹ ಬಗೆದ ಆರೋಪ ಕೇಳಿ ಬಂದಿದೆ.
ಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿಗಳು ಎಂಟು ವಾರ ಪೂರೈಸಿ 9ನೇ ವಾರಕ್ಕೆ ಕಾಲಿಟ್ಟಿದ್ದಾರೆ. ಈ ವಾರ ರಘು ಗೌಡ ಕ್ಯಾಪ್ಟನ್. ಅವರ ನೇತೃತ್ವದಲ್ಲಿ ಮನೆ ಸಾಗಲಿದೆ. ಅವರು ಕ್ಯಾಪ್ಟನ್ ಆಗೋಕೆ ಪ್ರಶಾಂತ್ ಸಂಬರಗಿ, ಅರವಿಂದ್, ಚಕ್ರವರ್ತಿ ಚಂದ್ರಚೂಡ್ ಕೂಡ ಕಾರಣರು.
ಕ್ಯಾಪ್ಟನ್ಸಿ ಟಾಸ್ಕ್ ವೇಳೆ ಮನೆಯ ಅನೇಕ ಸದಸ್ಯರು ರಘುಗೆ ಸಹಾಯ ಮಾಡಿದ್ದರು. ಟಾಸ್ಕ್ ಮುಗಿದು ಕ್ಯಾಪ್ಟನ್ ಆದ ನಂತರ ರಘು ಬಗ್ಗೆ ಮಾತನಾಡಿದ್ದ ಪ್ರಶಾಂತ್ ಸಂಬರಗಿ, ಆತ ಕೃತಜ್ಞನಾಗಿರುತ್ತಾನೋ ಅಥವಾ ಕೃತಘ್ನನಾಗುತ್ತಾನೋ ಎನ್ನುವುದನ್ನು ನೋಡಬೇಕು ಎಂದಿದ್ದರು. ರಘು ಅವರನ್ನು ತಮ್ಮತ್ತ ಸೆಳೆದುಕೊಳ್ಳಬೇಕು ಎನ್ನುವ ಕಾರಣಕ್ಕೆ ಪ್ರಶಾಂತ್ ಹಾಗೂ ಚಕ್ರವರ್ತಿ ಸಹಾಯ ಮಾಡಿದ್ದರು ಎಂಬುದು ಸ್ಪಷ್ಟವಾಗಿದೆ.
ಕ್ಯಾಪ್ಟನ್ ಆದ ನಂತರ ರಘು ಹಾಗೂ ಚಕ್ರವರ್ತಿ ಚಂದ್ರಚೂಡ್ ನಡುವೆ ಘನಘೋರ ಜಗಳವೊಂದು ನಡೆದಿದೆ. ಕಲರ್ಸ್ ಕನ್ನಡ ವಾಹಿನಿ ಇಂದು ಪ್ರೋಮೋ ಒಂದನ್ನು ಹಂಚಿಕೊಂಡಿದೆ. ಈ ಪ್ರೋಮೋದಲ್ಲಿ, ನನಗೆ ಕ್ಯಾಪ್ಟನ್ ಬೆಳಗ್ಗೆ ಸಕ್ಕರೆ ಕಡಿಮೆ ಹಾಕ್ಕೊಳ್ಳಿ ಎಂದರು. ನನಗೆ ಅವಮಾನ ಆಯ್ತು ಎಂದಿದ್ದಾರೆ ಚಕ್ರವರ್ತಿ. ಆಗ ಉತ್ತರಿಸಿದ ರಘು, ನೀವು ಅನಾವಶ್ಯಕ ಜಗಳ ಮಾಡ್ತೀರಾ. ಕೆಲವೊಂದು ವಿಚಾರಗಳನ್ನು ಜಗಳ ಮಾಡಬೇಕು ಎನ್ನುವ ಕಾರಣಕ್ಕೆ ಎತ್ತಿ ಎತ್ತಿ ಹೇಳ್ತೀರಾ ಎಂದರು.
ದಯವಿಟ್ಟು ನನ್ನನ್ನು ಟಾರ್ಗೆಟ್ ಮಾಡಬೇಡಿ ಎಂದು ಚಕ್ರವರ್ತಿ ಮನವಿ ಮಾಡಿಕೊಂಡರು. ಇದಕ್ಕೆ ಕಟುವಾಗೇ ಉತ್ತರಿಸಿದ ರಘು, ಟಾರ್ಗೆಟ್ ಮಾಡ್ತೀರಾ ಎಂಬುದನ್ನು ಪದೇಪದೇ ಒತ್ತಿ ಹೇಳಿ ಅದನ್ನು ತಲೆಯಲ್ಲಿ ತುಂಬಿಸುತ್ತಿದ್ದೀರಾ ಎಂದರು. ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆಯಿತು.
View this post on Instagram
ರಘು ಕ್ಯಾಪ್ಟನ್ ಆಗೋಕೆ ನಾನು ಕಾರಣ ಎಂಬುದು ಚಕ್ರವರ್ತಿ ತಲೆಯಲ್ಲಿದೆ. ಈಗ ಕ್ಯಾಪ್ಟನ್ ಆದ ಎರಡೇ ದಿನಕ್ಕೆ ಜಗಳ ನಡೆದಿರುವುದು ಚಕ್ರವರ್ತಿಗೆ ಬೇಸರ ಮೂಡಿಸಿದೆ. ರಘು ನನಗೆ ದ್ರೋಹ ಬಗೆದಿದ್ದಾರೆ ಎನ್ನುವುದು ಅವರ ತಲೆಯಲ್ಲಿ ಮೂಡಿದ್ದರೂ ಮೂಡಿರಬಹುದು.
ಇದನ್ನೂ ಓದಿ: ವೈಷ್ಣವಿ ಜತೆ ರಘು ಗೌಡ ಕ್ಲೋಸ್ ಆಗಿರೋ ಬಗ್ಗೆ ಅವರ ಪತ್ನಿ ವಿದ್ಯಾಶ್ರೀ ಹೇಳಿದ್ದೇನು?
