ವಿದ್ಯಾರ್ಥಿಗಳ ಪ್ರತಿಭಟನೆ ಕುರಿತಾದ ಸಿನಿಮಾಗಳು: ಪಟ್ಟಿ ಇಲ್ಲಿದೆ
Upcoming Movie: ಸಿಜೆಪಿ (ಕಾಕ್ರೂಚ್ ಜನತಾ ಪಾರ್ಟಿ) ಪ್ರತಿಭಟನೆ ಅಂತ್ಯವಾಗಿದೆ. ವಿದ್ಯಾರ್ಥಿಗಳ ಪ್ರತಿಭಟನೆ ದೇಶ, ವಿದೇಶಗಳಲ್ಲಿ ಸದ್ದು-ಸುದ್ದಿ ಆಗಿದೆ. ಈ ಹಿಂದೆ ಸಹ ಹಲವು ವಿದ್ಯಾರ್ಥಿ ಪ್ರತಿಭಟನೆಗಳು ನಡೆದಿವೆ. ಆದರೆ ಜೆನ್-ಜಿಗಳು ಪ್ರತಿಭಟನೆಯ ಬಹಳ ಭಿನ್ನವಾಗಿತ್ತು, ಅಂತಿಮ ಜಯ ಜೆನ್-ಜಿಗಳಿಗೆ ದೊರಕಿದೆ. ಭಾರತೀಯ ಸಿನಿಮಾಗಳಲ್ಲಿ ಸಹ ವಿದ್ಯಾರ್ಥಿ ಪ್ರತಿಭಟನೆಯ ಬಗ್ಗೆ ಹಲವು ಸಿನಿಮಾಗಳು ಬಂದಿದ್ದು, ಅವುಗಳಲ್ಲಿ ಕೆಲ ಪ್ರಮುಖವಾದ ಸಿನಿಮಾಗಳ ಪಟ್ಟಿ ಇಲ್ಲಿದೆ...
ಆಮಿರ್ ಖಾನ್ ಸೇರಿದಂತೆ ಹಲವು ನಟ-ನಟಿಯರು ನಟಿಸಿದ್ದ ‘ರಂಗ್ ದೇ ಬಸಂತಿ’ ಸಿನಿಮಾ ಬಿಡುಗಡೆ ಆಗಿದ್ದು 2006 ರಲ್ಲಿ ಅಂದರೆ 20 ವರ್ಷದ ಹಿಂದೆ ಆದರೆ ಈಗಲೂ ಸಹ ಯುವ ಹೋರಾಟದ ವಿಷಯ ಬಂದಾಗ ಈ ಸಿನಿಮಾವನ್ನು ನೆನಪು ಮಾಡಿಕೊಳ್ಳಲಾಗುತ್ತದೆ. ಈಗ ಸಿಜೆಪಿ ಪ್ರತಿಭಟನೆ ವೇಳೆ ಸಹ ‘ರಂಗ್ ದೇ ಬಸಂತಿ’ ಸಿನಿಮಾದ ಹಾಡುಗಳನ್ನೇ ವಿಡಿಯೋಗಳಿಗೆ ಬಳಸಲಾಗಿತ್ತು. ಈ ಸಿನಿಮಾವನ್ನು ಅಮೆಜಾನ್ ಮತ್ತು ಜಿಯೋ ಹಾಟ್ಸ್ಟಾರ್ನಲ್ಲಿ ವೀಕ್ಷಿಸಬಹುದು.
‘ರಾಂಝನಾ’ ಪ್ರೇಕ್ಷಕರ ಮನದಲ್ಲಿ ಅದ್ಭುತ ಪ್ರೇಮಕಥಾ ಸಿನಿಮಾ ಆಗಿ ಉಳಿದುಕೊಂಡಿದೆ. ಆದರೆ ಈ ಪ್ರೇಮಕಥಾ ಸಿನಿಮಾದ ಮೂಲ ಧಾತು ವಿದ್ಯಾರ್ಥಿಗಳ ಹೋರಾಟದ ಗುಣ ಮತ್ತು ಬದಲಾವಣೆ ಮೇಲಿನ ಪ್ರೀತಿ. ದೆಹಲಿ ಯೂನಿವರ್ಸಿಟಿಯ ಯುವಕರು ಮಾಡುವ ವಿವಿಧ ಹೋರಾಟಗಳ ಕತೆಯನ್ನು ಹಾಗೂ ರಾಜಕೀಯವನ್ನು ಈ ಸಿನಿಮಾ ಒಳಗೊಂಡಿದೆ.
‘ಆರಕ್ಷಣ್’ ಬಹಳ ಜನಪ್ರಿಯ ಸಿನಿಮಾ ಅಲ್ಲ. ಆದರೆ ಈ ಸಿನಿಮಾನಲ್ಲಿ ವಿದ್ಯಾರ್ಥಿಗಳ ಸಮಸ್ಯೆಗಳು, ಶಿಕ್ಷಣ ಸಂಸ್ಥೆಗಳ ಲಾಭಿ, ಶಿಕ್ಷಣ ಕ್ಷೇತ್ರದಲ್ಲಿ ರಿಸರ್ವೇಶನ್ ಇನ್ನೂ ಹಲವು ವಿಷಯಗಳ ಬಗ್ಗೆ ಚರ್ಚಿಸಲಾಗಿದೆ. ಸಿನಿಮಾನಲ್ಲಿ ಅಮಿತಾಬ್ ಬಚ್ಚನ್, ಸೈಫ್ ಅಲಿ ಖಾನ್ ಮತ್ತು ದೀಪಿಕಾ ನಟಿಸಿದ್ದಾರೆ. ಸಿನಿಮಾವನ್ನು ಅಮೆಜಾನ್ ಮತ್ತು ಜಿಯೋ ಹಾಟ್ಸ್ಟಾರ್ನಲ್ಲಿ ವೀಕ್ಷಿಸಬಹುದಾಗಿದೆ.
ಅನುರಾಗ್ ಕಶ್ಯಪ್ ನಿರ್ದೇಶನ ಮಾಡಿರುವ ಈ ಸಿನಿಮಾ ವಿದ್ಯಾರ್ಥಿಗಳನ್ನು ರಾಜಕಾರಣಿಗಳು ಬಳಸಿಕೊಳ್ಳು ರೀತಿಯನ್ನು ತೋರಿಸುತ್ತದೆ. ರಾಜಕೀಯದ ಬಗ್ಗೆ ನಿರ್ಮಾಣವಾದ ಭಾರತೀಯ ಸಿನಿಮಾಗಳಲ್ಲೇ ಅತ್ಯುತ್ತಮ ಸಿನಿಮಾ ಎನಿಸಿಕೊಳ್ಳುವ ಗುಲಾಲ್ ಸಿನಿಮಾದ ‘ಆರಂಭಹೇ’ ಹಾಡನ್ನು ಈಗಲೂ ಪ್ರತಿಭಟನೆಗಳಲ್ಲಿ ಬಳಸಿಕೊಳ್ಳಲಾಗುತ್ತದೆ.
ಇರ್ಫಾನ್ ಖಾನ್, ಜಿಮ್ಮಿ ಶೇರ್ಗಿಲ್ ಇನ್ನೂ ಕೆಲವರು ನಟಿಸಿರುವ ‘ಹಾಸಿಲ್’ ಸಿನಿಮಾ ಸ್ಟೂಡೆಂಟ್ ಪಾಲಿಟಿಕ್ಸ್ನ ಒಳ-ಹೊರಗುಗಳನ್ನು ತೋರಿಸಿದ್ದ ಸಿನಿಮಾ. ಸ್ವಚ್ಛ ಉದ್ದೇಶದಿಂದ ಹೋರಾಟಕ್ಕೆ ಧುಮುಕುವ ವಿದ್ಯಾರ್ಥಿ ಆ ನಂತರ ರಾಜಕಾರಣದ ಬಲೆಯೊಳಗೆ ಸಿಕ್ಕಿಕೊಳ್ಳು ಕತೆಯನ್ನು ಈ ಸಿನಿಮಾ ಒಳಗೊಂಡಿದೆ.
ದಕ್ಷಿಣದಲ್ಲಿ ಸಂಪೂರ್ಣವಾಗಿ ವಿದ್ಯಾರ್ಥಿಗಳ ಪ್ರತಿಭಟನೆ ಬಗ್ಗೆಯೇ ಆಧಾರವಾದ ಸಿನಿಮಾಗಳ ಸಂಖ್ಯೆ ಕಡಿಮೆ. ಆದರೆ ತೆಲುಗಿನ ‘ಶಿವ’, ಮಲಯಾಳಂನ ‘ಪೂಮರಂ’, ‘ಜನ ಗಣ ಮನ’, ಇತ್ತೀಚೆಗೆ ಬಿಡುಗಡೆ ಆದ ‘ಪರಾಶಕ್ತಿ’, ಕನ್ನಡದ ‘ಕಂಠಿ’ ಇನ್ನೂ ಕೆಲ ಸಿನಿಮಾಗಳನ್ನು ಹೆಸರಿಸಬಹುದು.
‘ಯುವ’ ಮಣಿರತ್ನಂ ನಿರ್ದೇಶನದ ಸಿನಿಮಾ. ಇಡೀ ಸಿನಿಮಾ ಇರುವುದೇ ವಿದ್ಯಾರ್ಥಿಗಳ ಬಗ್ಗೆ. ಸಿನಿಮಾದ ನಾಯಕ ಅಭಿಷೇಕ್ ಬಚ್ಚನ್. ವಿದ್ಯಾರ್ಥಿಗಳು ಹೋರಾಟದ ಮೂಲಕ ಸಂಘಟನೆ ಮಾಡಿ ಕೊನೆಗೆ ಚುನಾವಣೆಯಲ್ಲಿ ಸ್ಪರ್ಧಿಸಿ ಲೋಕಸಭೆ ಪ್ರವೇಶಿಸುವ ಕತೆಯನ್ನು ಈ ಸಿನಿಮಾ ಒಳಗೊಂಡಿದೆ. ಈ ಸಿನಿಮಾವನ್ನು ಹಿಂದಿ ಮತ್ತು ತಮಿಳಿನಲ್ಲಿ ಯೂಟ್ಯೂಬ್ನಲ್ಲೇ ವೀಕ್ಷಿಸಬಹುದು.