Kareena Kapoor: ಕರಣ್ ಜೋಹರ್, ಕರಿಷ್ಮಾ ಮೊದಲಾದವರಿಗೆ ಮನೆಯಲ್ಲಿಯೇ ಭರ್ಜರಿ ಪಾರ್ಟಿ ನೀಡಿದ ಕರೀನಾ; ಏನು ವಿಶೇಷ?
Karan Johar: ಬಾಲಿವುಡ್ನ ಖ್ಯಾತ ನಟಿ ಕರೀನಾ ಕಪೂರ್ ಸೋಮವಾರ ತಮ್ಮ ಮನೆಯಲ್ಲಿ ಬಾಲಿವುಡ್ನ ಹಲವು ತಾರೆಯರಿಗೆ ಪಾರ್ಟಿ ನೀಡಿದ್ದಾರೆ. ಪಾರ್ಟಿಯಲ್ಲಿ ಕರಣ್ ಜೋಹರ್, ಕರಿಷ್ಮಾ ಸೇರಿದಂತೆ ಹಲವರು ಭಾಗವಹಿಸಿದ್ದಾರೆ.
Updated on: Sep 28, 2021 | 9:39 AM
ಬಾಲಿವುಡ್ನ ಅತ್ಯಂತ ಬೇಡಿಕೆಯುಳ್ಳ ನಟಿಯರಲ್ಲಿ ಒಬ್ಬರಾದ ಕರೀನಾ ಕಪೂರ್, ಖ್ಯಾತ ನಿರ್ಮಾಪಕ ಕರಣ್ ಜೋಹರ್, ಸಹೋದರಿ ಕರಿಷ್ಮಾ ಕಪೂರ್ ಮೊದಲಾದವರಿಗೆ ಭರ್ಜರಿ ಪಾರ್ಟಿ ನೀಡಿದ್ದಾರೆ. ಸೋಮವಾರ ನಡೆದ ಪಾರ್ಟಿಯಲ್ಲಿ ಅಮೃತಾ ರೋರಾ, ಮನೀಶ್ ಮಲ್ಹೋತ್ರಾ ಮೊದಲಾದವರೂ ಭಾಗವಹಿಸಿದ್ದಾರೆ. ಮನೀಶ್ ಹಲವು ಚಿತ್ರಗಳನ್ನು ಹಂಚಿಕೊಂಡಿದ್ದು, ‘ಫ್ರೆಂಡ್ಸ್ ಫಾರೆವರ್’ ಎಂಬ ಹ್ಯಾಶ್ ಟ್ಯಾಗ್ನೊಂದಿಗೆ ಶೇರ್ ಮಾಡಿದ್ದಾರೆ.
ಕರೀನಾ ಕಪೂರ್ ಸಹೋದರಿ ಕರಿಷ್ಮಾ ಕಪೂರ್ ಕೂಡ ಹಲವು ಚಿತ್ರಗಳನ್ನು ಹಂಚಿಕೊಂಡಿದ್ದು, ಪಾರ್ಟಿಯಲ್ಲಿದ್ದ ಪದಾರ್ಥಗಳ ಫೋಟೋಗಳನ್ನು ಅವರು ಹಂಚಿಕೊಂಡಿದ್ದಾರೆ. ಅವರೊಂದಿಗೆ ಅಮೃತಾ ಅರೋರಾ ಕೂಡ ಫೋಟೋಗೆ ಭರ್ಜರಿ ಪೋಸ್ ನೀಡಿದ್ದಾರೆ.
ಕಳೆದ ವಾರವಷ್ಟೇ ಕರೀನಾ ಕಪೂರ್ ಮಾಲ್ಡೀವ್ಸ್ಗೆ ತೆರಳಿ ತಮ್ಮ ಜನ್ಮದಿನವನ್ನು ಭರ್ಜರಿಯಾಗಿ ಆಚರಿಸಿದ್ದರು. ಅಲ್ಲಿ ಅವರೊಂದಿಗೆ ಪತಿ ಸೈಫ್ ಅಲಿ ಖಾನ್ ಹಾಗೂ ಮಕ್ಕಳಾದ ತೈಮೂರ್ ಹಾಗೂ ಜೇಹ್ ಸಾಥ್ ನೀಡಿದ್ದರು. ಕರೀನಾ ಜನ್ಮ ದಿನಕ್ಕೆ ಬಾಲಿವುಡ್ ಚಿತ್ರರಂಗದ ತಾರೆಯರು ಸೇರಿದಂತೆ ಎಲ್ಲೆಡೆಯಿಂದ ಭರಪೂರ್ ಶುಭಾಶಯ ಹರಿದುಬಂದಿತ್ತು. ಪ್ರಸ್ತುತ ಅವರು ನೀಡಿರುವ ಪಾರ್ಟಿ ಹುಟ್ಟುಹಬ್ಬದ ಪ್ರಯುಕ್ತ ಎಂದು ಬಾಲಿವುಡ್ ಮಂದಿ ಮಾತನಾಡಿಕೊಳ್ಳುತ್ತಿದ್ದಾರೆ.
View this post on Instagram
ಚಿತ್ರಗಳ ವಿಷಯಕ್ಕೆ ಬಂದರೆ, ಕರೀನಾ ಅಮೀರ್ ಖಾನ್ ನಿರ್ಮಿಸಿ, ನಟಿಸುತ್ತಿರುವ ‘ಲಾಲ್ ಸಿಂಗ್ ಛಡ್ಡಾ’ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರ ಹಾಲಿವುಡ್ನ ಸೂಪರ್ ಹಿಟ್ ಚಿತ್ರವಾದ ‘ಫಾರೆಸ್ಟ್ ಗಂಪ್’ನ ಅಧಿಕೃತ ಹಿಂದಿ ರಿಮೇಕ್ ಆಗಿದೆ. ಇದಲ್ಲದೇ ಸದ್ಯ ಕರೀನಾ ಯಾವುದೇ ಹೊಸ ಚಿತ್ರಗಳನ್ನು ಘೋಷಿಸಿಲ್ಲ. ವಿಶೇಷವೆಂದರೆ ಈ ಚಿತ್ರಕ್ಕಾಗಿ ಕರೀನಾ ಮೊದಲ ಬಾರಿಗೆ ಆಡಿಷನ್ ನೀಡಿದ್ದರು. ಅಮೀರ್ ಖಾನ್ ಚಿತ್ರಕ್ಕಾಗಿ ಬಹಳ ಶ್ರಮ ವಹಿಸುತ್ತಿದ್ದು, ಪರಿಪೂರ್ಣವಾಗಿ ಮೂಡಿಬರಬೇಕೆಂದು ಶ್ರಮಿಸುತ್ತಿದ್ದಾರೆ. ಆದ್ದರಿಂದಲೇ ಆಡಿಷನ್ ನೀಡಿದ್ದೆ ಎಂದು ಕರೀನಾ ಸಂದರ್ಶನವೊಂದರಲ್ಲಿ ತಿಳಿಸಿದ್ದರು. ‘ಸೀತಾ’ ಚಿತ್ರಕ್ಕಾಗಿ ಕರೀನಾ ₹ 12 ಕೋಟಿ ಬೇಡಿಕೆ ಇಟ್ಟಿದ್ದಾರೆ ಎಂದು ಸುದ್ದಿಯಾಗಿತ್ತು. ಆದರೆ ಇದು ಸುಳ್ಳು ಎಂದು ಚಿತ್ರತಂಡ ಇತ್ತೀಚೆಗಷ್ಟೇ ಸ್ಪಷ್ಟನೆ ನೀಡಿದೆ.
ಇದನ್ನೂ ಓದಿ:
(Kareena Kapoor gives party to Karan Johar Karishma Kapoor Amritha and others in her house)
