Nysa Devgan: ಬೋಲ್ಡ್ ಬಟ್ಟೆ ಧರಿಸಿ ಟ್ರೋಲ್ ಆದ ಅಜಯ್ ದೇವಗನ್-ಕಾಜೋಲ್ ದಂಪತಿ ಮಗಳು ನಿಸಾ
Nysa Devgan Viral Video: ಡೀಪ್ ನೆಕ್ ಇರುವಂತಹ ಗುಲಾಬಿ ಬಣ್ಣದ ಬಾಡಿ ಫಿಟ್ ಡ್ರೆಸ್ ಧರಿಸಿ ನಿಸಾ ದೇವಗನ್ ಕಾಣಿಸಿಕೊಂಡಿದ್ದಾರೆ. ಸ್ನೇಹಿತನ ಜೊತೆ ಕೈ ಹಿಡಿದು ನಡೆಯುತ್ತಿರುವ ಅವರ ವಿಡಿಯೋ ವೈರಲ್ ಆಗಿದೆ.
ಬಾಲಿವುಡ್ನಲ್ಲಿ ನೆಪೋಟಿಸಂ ಆಳವಾಗಿ ಬೇರು ಬಿಟ್ಟಿದೆ. ಅದು ತಪ್ಪೋ-ಸರಿಯೋ ಎಂಬ ವಾದ ನಡೆಯುತ್ತಲೇ ಇದೆ. ಅದರ ನಡುವೆಯೂ ಸ್ಟಾರ್ ಸೆಲೆಬ್ರಿಟಿಗಳ ಮಕ್ಕಳು ಸಖತ್ ಸದ್ದು ಮಾಡುತ್ತಿದ್ದಾರೆ. ಹೊಸ ತಲೆಮಾರಿನ ಸ್ಟಾರ್ ಕಿಡ್ಗಳ ಎಂಟ್ರಿಗೆ ಭಾರಿ ತಯಾರಿ ನಡೆಯುತ್ತಿದೆ. ಆ ಪೈಕಿ ಅಜಯ್ ದೇವಗನ್ (Ajay Devgn) ಮತ್ತು ಕಾಜೋಲ್ ದಂಪತಿಯ ಮಗಳು ನಿಸಾ ದೇವಗನ್ ಬಗ್ಗೆ ಹೆಚ್ಚು ಸುದ್ದಿ ಆಗುತ್ತಿದೆ. ನಿಸಾ ದೇವಗನ್ (Nysa Devgan) ಇನ್ನೂ ಯಾವುದೇ ಸಿನಿಮಾ ಮಾಡಿಲ್ಲ. ಹಾಗಿದ್ದರೂ ಕೂಡ ಅವರ ಹಿಂದೆ ಪಾಪರಾಜಿಗಳು ಬಿದ್ದಿದ್ದಾರೆ. ಅವರು ಎಲ್ಲೇ ಕಾಣಿಸಿಕೊಂಡರು ಫೋಟೋ ಕ್ಲಿಕ್ಕಿಸುವ ಸಲುವಾಗಿ ಕ್ಯಾಮೆರಾಗಳು ಮುತ್ತಿಕೊಳ್ಳುತ್ತಿವೆ. ಇತ್ತೀಚೆಗೆ ನಿಸಾ ದೇವಗನ್ ಟ್ರೋಲ್ (Nysa Devgan Troll) ಆಗಿದ್ದಾರೆ. ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಕ್ಕಾಗಿ ನೆಟ್ಟಿಗರು ಕಟು ಟೀಕೆ ಮಾಡುತ್ತಿದ್ದಾರೆ.
ಒಂದೆಡೆ ಕ್ರಿಸ್ ಮಸ್, ಇನ್ನೊಂದೆಡೆ ವರ್ಷಾಂತ್ಯದ ಪಾರ್ಟಿ ಜೊತೆಯಾಗಿ ಬಂದಿದೆ. ಈ ಪಾರ್ಟಿಗಳಲ್ಲಿ ಸೆಲೆಬ್ರಿಟಿಗಳ ಮಕ್ಕಳು ಸಖತ್ ಎಂಜಾಯ್ ಮಾಡುತ್ತಿದ್ದಾರೆ. ನಿಸಾ ದೇವಗನ್ ಕೂಡ ಈ ವಿಚಾರದಲ್ಲಿ ಹಿಂದೆ ಬಿದ್ದಿಲ್ಲ. ಸ್ನೇಹಿತರ ಜೊತೆ ಸೇರಿ ಅವರು ಕ್ರಿಸ್ ಮಸ್ ಪಾರ್ಟಿಯಲ್ಲಿ ಭಾಗಿಯಾಗಿದ್ದಾರೆ. ಈ ವೇಳೆ ಅವರು ಧರಿಸಿದ್ದ ಡ್ರೆಸ್ ಹೆಚ್ಚು ಹೈಲೈಟ್ ಆಗಿದೆ.
ಇದನ್ನೂ ಓದಿ: ‘ಚಿತ್ರರಂಗದಲ್ಲಿ ನೆಪೋಟಿಸಂಗಿಂತಲೂ ಈ ಸಮಸ್ಯೆ ಬಹಳ ಅಪಾಯಕಾರಿ’; ಮುಕ್ತವಾಗಿ ಹೇಳಿಕೊಂಡ ನವಾಜುದ್ದೀನ್ ಸಿದ್ದಿಕಿ
ಡೀಪ್ ನೆಕ್ ಇರುವಂತಹ ಗುಲಾಬಿ ಬಣ್ಣದ ಬಾಡಿ ಫಿಟ್ ಡ್ರೆಸ್ ಧರಿಸಿ ನಿಸಾ ದೇವಗನ್ ಕಾಣಿಸಿಕೊಂಡಿದ್ದಾರೆ. ಸ್ನೇಹಿತ ಅವತ್ರಮಣಿ ಜೊತೆ ಕೈ ಹಿಡಿದು ನಡೆಯುತ್ತಿರುವ ಅವರ ವಿಡಿಯೋ ವೈರಲ್ ಆಗಿದೆ. ಇದನ್ನು ನೋಡಿ ನೆಟ್ಟಿಗರು ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ‘ಅಪ್ಪ-ಅಮ್ಮ ಕಷ್ಟಪಟ್ಟು ಬದುಕು ಕಟ್ಟಿಕೊಂಡಿದ್ದಾರೆ. ಇಂಥ ಮಕ್ಕಳು 15 ನಿಮಿಷದಲ್ಲಿ ಎಲ್ಲವನ್ನೂ ಹಾಳು ಮಾಡ್ತಾರೆ’ ಎಂದು ನೆಟ್ಟಿಗರೊಬ್ಬರು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ: Kajol: ಮದುವೆ ಬಳಿಕ 2 ತಿಂಗಳಲ್ಲಿ 8 ಕೆಜಿ ತೂಕ ಜಾಸ್ತಿ ಆಗಿದ್ದಕ್ಕೆ ಅಸಲಿ ಕಾರಣ ತಿಳಿಸಿದ ಕಾಜೋಲ್
‘ಈ ಹುಡುಗಿಯನ್ನು ನೋಡಿದರೆ ನನಗೆ ಬೇಜಾರಾಗುತ್ತಿದೆ. ಆಕೆ ಗೊಂದಲದಲ್ಲಿ ಇರುವಂತೆ ಕಾಣುತ್ತಿದ್ದಾಳೆ. ತನಗೆ ಏನು ಬೇಕು ಎಂಬುದು ಆಕೆಗೆ ತಿಳಿದಿಲ್ಲ. ಅದರ ಜೊತೆ ಅಸಭ್ಯ ಡ್ರೆಸ್ ಬೇರೆ. ಕೆಟ್ಟ ಹುಡುಗನ ಜೊತೆ ಇದ್ದಾಳೆ. ಮಗಳ ಬಗ್ಗೆ ಆಕೆಯ ತಾಯಿ ಸ್ವಲ್ಪ ಗಮನ ಹರಿಸಬೇಕು’ ಎಂಬ ಕಮೆಂಟ್ ಕೂಡ ಬಂದಿದೆ.
ನಿಸಾ ಕಪೂರ್ ಜೊತೆ ಇಬ್ರಾಹಿಂ ಅಲಿ ಖಾನ್, ಖುಷಿ ಕಪೂರ್, ಅವರ್ತಮಣಿ, ಮಹಿಕಾ ರಾಮ್ಪಾಲ್ ಮುಂತಾದ ಸ್ಟಾರ್ ಕಿಡ್ಗಳು ಕಾಣಿಸಿಕೊಂಡಿದ್ದಾರೆ. ನಿಸಾ ಅವರ ಚರ್ಮದ ಬಣ್ಣದ ಬಗ್ಗೆಯೂ ಅನೇಕರು ಟ್ರೋಲ್ ಮಾಡಿದ್ದಾರೆ. ‘ಈಕೆ ಇಷ್ಟು ಬೆಳ್ಳಗೆ ಯಾವಾಗ ಆದಳು’ ಎಂದು ಅನೇಕರು ಅಚ್ಚರಿಯಿಂದ ಪ್ರಶ್ನೆ ಮಾಡಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.