ಒರಿ ಭೇಟಿ ಆಗಬೇಕಾ? 2500 ರೂಪಾಯಿ ಇದ್ದರೆ ಸಾಕು; ಇಲ್ಲಿದೆ ನೋಡಿ ವಿವರ

ಡಿಜಿಟಲ್​ ಯುಗದಲ್ಲಿ ಯಾರು, ಯಾವಾಗ ಬೇಕಾದರೂ ಫೇಮಸ್​ ಆಗುತ್ತಾರೆ. ಬಾಲಿವುಡ್​ (Bollywood) ಸೆಲೆಬ್ರಿಟಿಗಳ ವಲಯದಲ್ಲಿ ಒರಿ ಅಲಿಯಾಸ್​ ಒರ್ಹಾನ್​ ಅವತ್ರಮಣಿ (Orhan Awatramani) ಕೂಡ ಇದೇ ರೀತಿ ಫೇಮಸ್​ ಆಗಿದ್ದಾರೆ. ರಾತ್ರೋರಾತ್ರಿ ಅವರು ಸೋಶಿಯಲ್​ ಮೀಡಿಯಾ ಸೆನ್ಸೇಷನ್​ ಆಗಿದ್ದಾರೆ. ದೊಡ್ಡ ದೊಡ್ಡ ಸೆಲೆಬ್ರಿಟಿಗಳು ಕೂಡ ಒರಿ ಜೊತೆ ಫೋಟೋಗೆ ಪೋಸ್​ ನೀಡಿದ್ದಾರೆ. ಬಿಗ್​ ಬಾಸ್​ ಶೋಗೆ ಒರಿ ಗೆಸ್ಟ್​ ಆಗಿ ಬಂದಿದ್ದರು. ಈಗ ಒರಿ (Orry) ಅವರನ್ನು ನೀವು ಕೂಡ ಭೇಟಿ ಆಗಬಹುದು. ಅದಕ್ಕಾಗಿ ಅವರ ಕಡೆಯಿಂದ ಒಂದು ಆಫರ್​ ನೀಡಲಾಗಿದೆ. ಮುಂಬೈನಲ್ಲಿ ಪಾರ್ಟಿ ಏರ್ಪಡಿಸಲಾಗಿದ್ದು, ಅದಕ್ಕೆ 2500 ರೂಪಾಯಿ ಟಿಕೆಟ್​ ಇಡಲಾಗಿದೆ!

ಮುಂಬೈನ ಜುಹೂನಲ್ಲಿ ಇರುವ ‘ದಿ ನೈನ್ಸ್​’ ಹೋಟೆಲ್​ನಲ್ಲಿ ‘ಒರಿ ಪಾರ್ಟಿ’ ನಡೆಯಲಿದೆ. ಇದರಲ್ಲಿ ಭಾಗಿಯಾಗಬೇಕು ಎಂದರೆ ಟಿಕೆಟ್​ ರೂಪದಲ್ಲಿ 2500 ರೂಪಾಯಿ ಬೆಲೆಯ ಟಿ-ಶರ್ಟ್​ ಖರೀದಿಸಬೇಕು. ಆ ಟೀ-ಶರ್ಟ್​ ಮೇಲೆ ಒರಿ ಫೋಟೋ ಪ್ರಿಂಟ್​ ಆಗಿರುತ್ತದೆ. ತಮ್ಮ ಆಪ್ತರಿಗಾಗಿ ಮತ್ತು ಸಹೋದ್ಯೋಗಿಗಳಿಗಾಗಿ ಮಾಡಿಸಿದ್ದ ಟೀ-ಶರ್ಟ್​ಗಳನ್ನು ಈಗ ಟಿಕೆಟ್​ ರೂಪದಲ್ಲಿ ಮಾರಾಟ ಮಾಡಲಾಗುತ್ತಿದೆ.

ಇದನ್ನೂ ಓದಿ: ರಿಯಾನಾಗೂ ಇಷ್ಟವಾಯ್ತು ಒರಿ ಅವತಾರ; ಕಿವಿಯೋಲೆಗೆ ಖ್ಯಾತ ಗಾಯಕಿ ಫಿದಾ

2500 ರೂಪಾಯಿಯ ಟಿಕೆಟ್​ ಖರೀದಿಸಿ ಪಾರ್ಟಿಗೆ ಬರುವ ಎಲ್ಲರನ್ನೂ ಒರಿ ಭೇಟಿ ಮಾಡಲಿದ್ದಾರೆ. ಎಷ್ಟೇ ಜನರು ಬಂದರೂ ಎಲ್ಲರನ್ನೂ ಸಮಾನವಾಗಿ ಮಾತನಾಡಿಸುವುದಾಗಿ ಒರಿ ಅವರು ಸೋಶಿಯಲ್​ ಮೀಡಿಯಾದಲ್ಲಿ ತಿಳಿಸಿದ್ದಾರೆ. ಈ ಪಾರ್ಟಿಯು ಏಪ್ರಿಲ್​ 15ರಂದು ನಡೆಯಲಿದೆ. ಅದಕ್ಕೆ ಎಷ್ಟು ಜನರು ಹಾಜರಿ ಹಾಕುತ್ತಾರೆ ಎಂಬುದನ್ನು ಕಾದುನೋಡಬೇಕು. ಒಟ್ಟಿನಲ್ಲಿ ಒರಿ ಅವರು ತಮಗೆ ಸಿಕ್ಕಿರುವ ಜನಪ್ರಿಯತೆಯಿಂದ ಲಾಭ ಪಡೆಯಲು ಈ ಪಾರ್ಟಿ ಮಾಡುತ್ತಿದ್ದಾರೆ ಎಂಬುದು ಸ್ಪಷ್ಟ.

ಇದನ್ನೂ ಓದಿ: ‘ಸಲಾರ್​’ ನಟಿ ಶ್ರುತಿ ಹಾಸನ್​ ಗುಟ್ಟಾಗಿ ಮದುವೆ ಆಗಿದ್ದಾರಾ? ಸ್ಪಷ್ಟನೆ ನೀಡಿದ ಕಮಲ್​ ಪುತ್ರಿ

ಬಾಲಿವುಡ್​ನ ಅನೇಕ ಸ್ಟಾರ್​ ಕಿಡ್​ಗಳ ಜೊತೆ ಒರಿ ಅವರಿಗೆ ಸ್ನೇಹ ಇದೆ. ಸೆಲೆಬ್ರಿಟಿಗಳ ಅನೇಕ ಪಾರ್ಟಿ, ಸಮಾರಂಭಗಳಲ್ಲಿ ಒರಿ ಕೂಡ ಕಾಣಿಸಿಕೊಳ್ಳುತ್ತಾರೆ. ಇತ್ತೀಚೆಗೆ ನಡೆದ ಅನಂತ್​ ಅಂಬಾನಿ-ರಾಧಿಕಾ ಮರ್ಚೆಂಟ್​ ಅವರ ಪ್ರೀ-ವೆಡ್ಡಿಂಗ್​ ಸಮಾರಂಭದಲ್ಲಿ ಒರಿ ಮಿಂಚಿದ್ದರು. ವಿಶ್ವ ವಿಖ್ಯಾತ ಸಿಂಗರ್​ ರಿಯಾನಾ ಜೊತೆಯೂ ಒರಿ ಫೋಟೋ ತೆಗೆದುಕೊಂಡು ಸುದ್ದಿಯಾದರು. ಅವರ ಬಗ್ಗೆ ನೆಟ್ಟಿಗರಿಗೆ ಸಖತ್​ ಕುತೂಹಲ ಇದೆ. ಅದನ್ನು ಎನ್​ಕ್ಯಾಶ್​ ಮಾಡಿಕೊಳ್ಳಲು ಒರಿ ಇಂಥದ್ದೊಂದು ಪಾರ್ಟಿ ಆಯೋಜನೆ ಮಾಡುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.