Sanjay Dutt Birthday: ಸಂಜಯ್​ ದತ್ ಬದುಕಿನ 308 ಪ್ರೇಯಸಿಯರು ಮತ್ತು ಮೂವರು ಪತ್ನಿಯರ ಬಗ್ಗೆ ಅಚ್ಚರಿಯ ಮಾಹಿತಿ

Sanjay Dutt Birthday: ‘ಕೆಜಿಎಫ್​: ಚಾಪ್ಟರ್​ 2’ (KGF: Chapter 2) ಚಿತ್ರದ ಮೂಲಕ ಸ್ಯಾಂಡಲ್​ವುಡ್​ಗೆ ಕಾಲಿಡುತ್ತಿರುವ ನಟ ಸಂಜಯ್​ ದತ್​ ಅವರಿಗೆ ಇಂದು (ಜು.29) ಜನ್ಮದಿನದ (Birthday) ಸಂಭ್ರಮ. ಎಲ್ಲರಿಂದ ಅವರಿಗೆ ಶುಭಾಶಯಗಳ ಸುರಿಮಳೆ ಆಗುತ್ತಿದೆ. ಸಂಜಯ್​ ದತ್​ (Sanjay Dutt) ಬದುಕಿನಲ್ಲಿ ಹಲವು ಏರಿಳಿತಗಳಿವೆ. ಐಷಾರಾಮಿ ಜೀವನವನ್ನು ಕಂಡ ಅವರು ಜೈಲುವಾಸವನ್ನೂ ಅನುಭವಿಸಿ ಬಂದಿದ್ದಾರೆ. ಭಾರಿ ಜನಪ್ರಿಯತೆ ಪಡೆದ ಅವರು ಕೆಲವು ಕಾರಣಗಳಿಗೆ ಕುಖ್ಯಾತಿ ಪಡೆದಿದ್ದೂ ಉಂಟು. ಭಾರತದಲ್ಲಿ ಶ್ರೀಮಂತಿಕೆಯ ಜೀವನ ನಡೆಸಿದ ಸಂಜಯ್​ ದತ್​ ಅವರು ವಿದೇಶದ ಬೀದಿಯಲ್ಲಿ ಭಿಕ್ಷೆ ಬೇಡಿದ್ದರು! ಹೀಗೆ ಅವರ ವೈಯಕ್ತಿಕ ಜೀವನದ ವಿವರಗಳು ಒಂದಕ್ಕಿಂತ ಮತ್ತೊಂದು ಇಂಟರೆಸ್ಟಿಂಗ್​ ಆಗಿವೆ. 

ಮದುವೆ ಮತ್ತು ರಿಲೇಷನ್​ಶಿಪ್​ ಕಾರಣದಿಂದಲೂ ಸಂಜಯ್​ ದತ್​ ಆಗಾಗ ಸುದ್ದಿ ಆಗಿದ್ದಾರೆ. ಮೂರು ಬಾರಿ ಮದುವೆಯಾದ ಅವರಿಗೆ ಅಂದಾಜು 308 ಪ್ರೇಯಸಿಯರು ಇದ್ದರು! ಹಾಗಂತ ಇದು ಗಾಸಿಪ್​ ಅಲ್ಲ. ಅವರೇ ಹೇಳಿಕೊಂಡಿರುವ ಸತ್ಯ. ಸಂಜಯ್​ ದತ್​ ಜೀವನ ಆಧರಿಸಿ ಮೂಡಿಬಂದ ‘ಸಂಜು’ ಚಿತ್ರದಲ್ಲೂ ಈ ವಿಚಾರದ ಬಗ್ಗೆ ಝಲಕ್ ನೀಡಲಾಗಿತ್ತು. ಸಂಜಯ್​ ದತ್​ ಅವರ ಮೂರು ಮದುವೆ ಬಗ್ಗೆ ಇಲ್ಲಿದೆ ವಿವರ.

ಸಂಜು ಮೊದಲ ಪತ್ನಿ ರಿಚಾ ಶರ್ಮಾ

ನಟಿ ರಿಚಾ ಶರ್ಮಾ ಜೊತೆ ಸಂಜಯ್​ ದತ್​ ಮೊದಲ ಮದುವೆ ನೆರವೇರಿತ್ತು. 1987ರಲ್ಲಿ ರಿಚಾ ಮತ್ತು ಸಂಜು ಮದುವೆಯಾದರು. ರಿಚಾ ಅವರ ಸರಳತೆಗೆ ಸಂಜಯ್​ ದತ್​ ಫಿದಾ ಆಗಿದ್ದರಂತೆ. 1988ರಲ್ಲಿ ಈ ಜೋಡಿಗೆ ತ್ರಿಶಾಲಾ ಎಂಬ ಮಗಳು ಜನಿಸಿದಳು. ಕ್ಯಾನ್ಸರ್​ನಿಂದಾಗಿ 1996ರಲ್ಲಿ ರಿಚಾ ನಿಧನರಾದರು.

ಹೆಚ್ಚು ಕಾಲ ಬಾಳಲಿಲ್ಲ ಎರಡನೇ ಮದುವೆ

ಮಾಡೆಲಿಂಗ್​ ಕ್ಷೇತ್ರದಲ್ಲಿ ತೊಡಗಿಕೊಂಡಿದ್ದ ರಿಯಾ ಪಿಳ್ಳೈ ಅವರನ್ನು ಸಂಜಯ್​ ದತ್​ 1998ರಲ್ಲಿ ವಿವಾಹವಾದರು. ಆದರೆ ಕೆಲವೇ ವರ್ಷಗಳಲ್ಲಿ ಇಬ್ಬರ ನಡುವೆ ವೈಮನಸ್ಸು ಮೂಡಿತು. 2005ರಲ್ಲಿ ಈ ಜೋಡಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿತು. 2008ರಲ್ಲಿ ಸಂಜಯ್​ ದತ್​ ಮತ್ತು ರಿಯಾ ಪಿಳ್ಳೈ ಡಿವೋರ್ಸ್​ ಪಡೆದರು.

ಮೂರನೇ ಪತ್ನಿ ಮಾನ್ಯಾತಾ

ಅನೇಕ ನಟಿಯರ ಜೊತೆ ಸಂಜು ಹೆಸರು ತಳುಕು ಹಾಕಿಕೊಂಡಿತ್ತು. ಸಂಜಯ್​ ದತ್​ಗೆ 308ಕ್ಕೂ ಹೆಚ್ಚು ಪ್ರೇಯಸಿಯರು ಇದ್ದರು ಮತ್ತು ಈಗಾಗಲೇ ಎರಡು ಮದುವೆ ವಿಚ್ಛೇದನದಲ್ಲಿ ಅಂತ್ಯವಾಗಿದೆ ಎಂಬುದು ಗೊತ್ತಿದ್ದರೂ ಕೂಡ ಮಾನ್ಯತಾ ಅವರು ಸಂಜಯ್​ ಜೊತೆ ಮದುವೆಯಾಗಲು ಒಪ್ಪಿದರು. 2008ರಲ್ಲಿ ಸಂಜು ಮತ್ತು ಮಾನ್ಯತಾ ಮದುವೆ ನೆರವೇರಿತು. ಒಬ್ಬರ ನಡುವೆ ಒಳ್ಳೆಯ ಹೊಂದಾಣಿಕೆ ಇದೆ. ಸಂಜಯ್​ ದತ್​ ಅವರು ಹಲವು ಏರುಪೇರಿನ ಹಾದಿನಲ್ಲಿ ಮಾನ್ಯತಾ ಜೊತೆಯಾಗಿದ್ದಾರೆ.

ಇದನ್ನೂ ಓದಿ:

ಸಂಜಯ್​ ದತ್​ ಮಗಳು ತ್ರಿಶಲಾ ಬಾಯ್​ ಫ್ರೆಂಡ್​ ಸತ್ತಿದ್ದು ಹೇಗೆ? ಸ್ಟಾರ್ ಪುತ್ರಿಗೆ ಕಿರಿಕಿರಿ ತಂದ ಪ್ರಶ್ನೆ!

ಸಂಜಯ್​ ದತ್​ಗೆ ಯುಎಇ ಸರ್ಕಾರದಿಂದ ಸಿಕ್ತು ಗೋಲ್ಡನ್​ ವೀಸಾ; ಇದರಿಂದ ಸಿಗೋ ಸವಲತ್ತುಗಳೇನು ಗೊತ್ತಾ?

(Sanjay Dutt Birthday: 308 girlfriends and 3 wives of Sanjay Dutt)