ಮದುವೆ ಆಗದೆ ಎರಡು ಮಗು ಹೊಂದಿದ್ದಾರೆ ಸುಶ್ಮಿತಾ ಸೇನ್; ಮಾಡಿಕೊಂಡ ವಿವಾದಗಳು ಒಂದೆರಡಲ್ಲ

ಬಾಲಿವುಡ್​ನಲ್ಲಿ ನಟಿ ಸುಶ್ಮಿತಾ ಸೇನ್ ಸಾಕಷ್ಟು​ ಜನಪ್ರಿಯತೆ ಪಡೆದಿದ್ದಾರೆ. ಮಾಡೆಲಿಂಗ್​ ಜಗತ್ತಿನಲ್ಲಿ ಮಿಂಚಿದ ಬಳಿಕ ಅವರು ಸಿನಿಮಾ ರಂಗಕ್ಕೆ ಬಂದರು. ಈ ಕ್ಷೇತ್ರದಲ್ಲೂ ಅವರಿಗೆ ಗೆಲುವು ಸಿಕ್ಕಿದೆ. ಮಾಡೆಲ್​ ಆಗಿ, ನಟಿಯಾಗಿ ಅವರು ಗೆಲುವು ಸಾಧಿಸಿದ್ದಾರೆ. ಅವರು ತೆಗೆದುಕೊಂಡ ನಿರ್ಧಾರಗಳು ಅನೇಕರಿಗೆ ಶಾಕಿಂಗ್ ಎನಿಸಿದೆ. ವಯಸ್ಸಿನಲ್ಲಿ ತಮಗಿಂತ 15 ವರ್ಷ ಚಿಕ್ಕ ಯುವಕನ ಜೊತೆ ಅವರು ಡೇಟಿಂಗ್​ ಮಾಡಿದ್ದರು. ಆ ಬಳಿಕ ಅವರು ತಮಗಿಂತ 10 ವರ್ಷ ಹಿರಿಯರಾದ ಲಲಿತ್​ ಮೋದಿ ಜೊತೆ ಪ್ರೀತಿಯಲ್ಲಿ ಮುಳುಗಿದ್ದರು. ಈವರೆಗೂ ಮದುವೆ ಆಗದ ಸುಶ್ಮಿತಾ ಸೇನ್​ ಅವರಿಗೆ ಇಬ್ಬರು ಮಕ್ಕಳು ಇರೋದು ಅಚ್ಚರಿಯ ಸಂಗತಿ. ಅವರು ಅನೇಕ ಕಾರಣಕ್ಕೆ ವಿವಾದ ಮಾಡಿಕೊಂಡಿದ್ದಾರೆ.

ಸುಶ್ಮಿತಾ ಸೇನ್ 18ನೇ ವಯಸ್ಸಿನಲ್ಲೇ ​ ಮಿಸ್​ ಇಂಡಿಯಾ ​ ಮತ್ತು ಮಿಸ್ ಯೂನಿವರ್ಸ್  ಆದರು. ಬಳಿಕ ಅವರಿಗೆ ಸಿನಿಮಾಗಳಿಂದ ಸಾಕಷ್ಟು ಆಫರ್ ಬಂತು. 24ನೇ ವಯಸ್ಸಿಗೆ ಹೆಣ್ಣು ಮಗುವನ್ನು ದತ್ತು ಪಡೆಯುವ ನಿರ್ಧಾರಕ್ಕೆ ಬಂದರು. ಇದನ್ನು ಅನೇಕರು ವಿರೋಧಿಸಿದರು. ಕೆಲವರು ಬೇಡ ಎಂದು ಕೂಡ ಹೇಳಿದರು. ಸುಶ್ಮಿತಾ ಸೇನ್ ಈ ಬಗ್ಗೆ​ ತಲೆ ಕೆಡಿಸಿಕೊಳ್ಳಲಿಲ್ಲ. 2000ನೇ ಇಸವಿಯಲ್ಲಿ ರೀನೀ ಎಂಬ ಹೆಣ್ಣು ಮಗಳನ್ನು ಅವರು ದತ್ತು ಪಡೆದುಕೊಂಡರು. 2010ರಲ್ಲಿ ಆಲಿಶಾ ಎಂಬ ಮಗುವನ್ನು ಅವರು ದತ್ತು ಪಡೆದರು.

ಸುಶ್ಮಿತಾ ಸೇನ್ ಮದುವೆ ಆಗಿಲ್ಲ. ಆದರೆ, ಅವರ ಬಾಯ್​ಫ್ರೆಂಡ್ ಲಿಸ್ಟ್ ಉದ್ದ ಇದೆ.  2018ರಿಂದ 2022ರವರೆಗೆ ರೋಹ್ಮನ್​ ಶಾಲ್​ ಜೊತೆ ಅವರು ಲಿವ್​-ಇನ್-ರಿಲೇಶನ್​ಶಿಪ್ ಹೊಂದಿದ್ದರು. ರೋಹ್ಮಲ್​ ಶಾಲ್​ ಅವರಿಗಿಂತ 15 ವರ್ಷ ಸಣ್ಣವರು. ಆ ಬಳಿಕ ಅವರಿಬ್ಬರ ನಡುವೆ ಬ್ರೇಕಪ್​ ಆಯಿತು. ಐಪಿಎಲ್​ ಮಾಜಿ ಚೇರ್ಮನ್​ ಲಲಿತ್​ ಮೋದಿ ಜೊತೆ ಈಗ ಸುಶ್ಮಿತಾ ಸೇನ್​ ಡೇಟಿಂಗ್ ಮಾಡಿದರು.  ಈಗ ಅವರು ಮತ್ತೆ ರೋಹ್ಮನ್ ಜೊತೆ ಸೇರಿದ್ದಾರೆ.

ಇದನ್ನೂ ಓದಿ: ‘ಮದುವೆ ಬಗ್ಗೆ ಚಿಂತೆ ಇಲ್ಲ’; 48ನೇ ವಯಸ್ಸಿನಲ್ಲಿ ಸುಶ್ಮಿತಾ ಸೇನ್​ ನಿರ್ಧಾರ

‘ದಸ್ತಕ್​’ ಇದು ಸುಶ್ಮಿತಾ ಸೇನ್​ ನಟಿಸಿದ ಮೊದಲ ಸಿನಿಮಾ. ನಾಯಕಿಯಾಗಿ ನಟಿಸುವುದರ ಜೊತೆಗೆ ಕೆಲವು ಸಿನಿಮಾಗಳಲ್ಲಿ ಅತಿಥಿ ಪಾತ್ರ ಮಾಡಿದ್ದಾರೆ. ‘ಬೀವಿ ನಂ.1’, ‘ಮೈ ಹೂ ನಾ’, ‘ಮೈ ನೇ ಪ್ಯಾರ್​ ಕ್ಯೂ ಕಿಯಾ’ ಮುಂತಾದವು ಸುಶ್ಮಿತಾ ಸೇನ್​ ಅವರು ಪ್ರಮುಖ ಸಿನಿಮಾಗಳು. ಇತ್ತೀಚೆಗೆ ಅವರು ‘ಆರ್ಯ’ ವೆಬ್​ ಸೀರಿಸ್​ನಲ್ಲಿ ನಟಿಸಿ ಗಮನ ಸೆಳೆದಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 7:42 am, Tue, 19 November 24