ಸಲ್ಮಾನ್​ ಖಾನ್ ಫಾರ್ಮ್​ಹೌಸ್​ ಬೆಲೆ 80 ಕೋಟಿ ರೂ.! ಸಲ್ಲು ಮೆಚ್ಚಿನ ಈ ಸ್ಥಳದಲ್ಲಿ ಏನೆಲ್ಲ ಇದೆ?

ಸಿನಿಮಾಗಳಲ್ಲಿ ನಟಿಸುವ ಮೂಲಕ ಸಲ್ಮಾನ್​ ಖಾನ್ (Salman Khan)​ ಅವರು ಕೋಟ್ಯಂತರ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಜಾಹೀರಾತುಗಳಿಂದಲೂ ಅವರಿಗೆ ಕೈತುಂಬ ಸಂಭಾವನೆ ಸಿಗುತ್ತದೆ. ಬಿಗ್​ ಬಾಸ್​ ನಿರೂಪಣೆ ಮೂಲಕವೂ ಸಲ್ಲು ಸಿಕ್ಕಾಪಟ್ಟೆ ಹಣ ಸಂಪಾದಿಸುತ್ತಾರೆ. ಶೂಟಿಂಗ್​ ಇಲ್ಲದಿರುವಾಗ ಅವರು ಹೆಚ್ಚಿನ ಸಮಯವನ್ನು ಫಾರ್ಮ್​ಹೌಸ್​ನಲ್ಲಿ ಕಳೆಯುತ್ತಾರೆ. ಮಂಬೈನ ಹೊರವಲಯದ ಪನ್ವೇಲ್​ನಲ್ಲಿ ಅವರ ಫಾರ್ಮ್​ಹೌಸ್​ (Salman Khan Farmhouse) ಇದೆ. ಮೊದಲ ಬಾರಿಗೆ ಲಾಕ್​ಡೌನ್​ ಆಗಿದ್ದಾಗ ಸಲ್ಮಾನ್​ ಖಾನ್​ ಅವರು ಅಲ್ಲಿಯೇ ಕಾಲ ಕಳೆದಿದ್ದರು. ಅದು ಅವರ ನೆಚ್ಚಿನ ಸ್ಥಳ. ಅತಿಥಿಗಳನ್ನು ಕರೆದು ಪಾರ್ಟಿ ಮಾಡಲು ಕೂಡ ಅದು ಅವರ ಬೆಸ್ಟ್​ ಲೊಕೇಷನ್​. ಹಾಗಾದ್ರೆ ಈ ಫಾರ್ಮ್​ಹೌಸ್​ನ ಬೆಲೆ ಎಷ್ಟು ಇರಬಹುದು ಎಂಬ ಪ್ರಶ್ನೆ ಎಲ್ಲರ ಮನದಲ್ಲೂ ಕೊರೆಯುತ್ತಲೇ ಇದೆ. ಅದಕ್ಕೀಗ ಉತ್ತರ ಸಿಕ್ಕಿದೆ. ಒಂದು ಅಂದಾಜಿನ ಪ್ರಕಾರ ಬರೋಬ್ಬರಿ 80 ಕೋಟಿ ರೂಪಾಯಿಗೆ ಈ ಫಾರ್ಮ್​ಹೌಸ್​ ಬೆಲೆಬಾಳುತ್ತದೆ. ಈ ತೋಟದ ಮನೆಯಲ್ಲಿ ಏನುಂಟು ಏನಿಲ್ಲ ಎಂಬುದನ್ನು ತಿಳಿಯಲು ಈ ಸುದ್ದಿ ಪೂರ್ತಿ ಓದಿ..

ಸಲ್ಮಾನ್​ ಖಾನ್​ ಅವರ ಪನ್ವೇಲ್​ ಫಾರ್ಮ್​ಹೌಸ್​ ಬರೋಬ್ಬರಿ 150 ಎಕರೆ ವಿಸ್ತೀರ್ಣ ಹೊಂದಿದೆ. ಇದರಲ್ಲಿ ಮೂರು ಬೃಹತ್​ ಬಂಗಲೆಗಳಿವೆ. ನೂರಾರು ಅತಿಥಿಗಳ ವಾಸ್ತವ್ಯಕ್ಕೆ ಅನುಕೂಲ ಆಗುವಷ್ಟು ಸೌಲಭ್ಯ ಇದೆ. ಸ್ವಿಮಿಂಗ್​ ಪೂಲ್​ ಮತ್ತು ಜಿಮ್​ ಕೂಡ ಈ ಫಾರ್ಮ್​ಹೌಸ್​ನಲ್ಲಿ ಇದೆ. ಪ್ರತಿ ಬಾರಿ ಸಲ್ಮಾನ್​ ಖಾನ್​ ಅವರು ಇದೇ ಫಾರ್ಮ್​ ಹೌಸ್​ನಲ್ಲಿ ಬರ್ತ್​ಡೇ ಆಚರಿಸಿಕೊಳ್ಳುತ್ತಾರೆ.

ಇತ್ತೀಚೆಗೆ ಸಲ್ಲು ಹುಟ್ಟುಹಬ್ಬಕ್ಕೆ ಪನ್ವೇಲ್​ ಫಾರ್ಮ್​ಹೌಸ್​ ಸಿಂಗಾರಗೊಂಡಿತ್ತು. ಆದರೆ ಬರ್ತ್​ಡೇ ಸಂಭ್ರಮಕ್ಕೆ ತಯಾರಿ ನಡೆಯುತ್ತಿರುವಾಗಲೇ ಅವರಿಗೆ ಫಾರ್ಮ್​ಹೌಸ್​ನಲ್ಲಿ ಹಾವು ಕಚ್ಚಿತು. ಕೂಡಲೇ ಅವರನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ನೀಡಲಾಯಿತು ಎಂಬ ಸುದ್ದಿ ಕೇಳಿಬಂತು. ಬಳಿಕ ಸಲ್ಮಾನ್​ ಖಾನ್​ ತಂದೆ ಆ ಬಗ್ಗೆ ಮಾಹಿತಿ ನೀಡಿದರು. ಅದೊಂದು ವಿಷಕಾರಿಯಲ್ಲದ ಹಾವಾಗಿತ್ತು ಎಂದು ಅವರು ಹೇಳಿದ ಬಳಿಕ ಫ್ಯಾನ್ಸ್​ ನಿಟ್ಟುಸಿರು ಬಿಟ್ಟರು.

ಸದ್ಯ ಸಲ್ಮಾನ್​ ಖಾನ್​ ಕೈಯಲ್ಲಿ ಹತ್ತು ಹಲವು ಆಫರ್​ಗಳಿವೆ. ಪ್ರಸ್ತುತ ‘ಟೈಗರ್​ 3’ ಚಿತ್ರದ ಕೆಲಸಗಳತ್ತ ಅವರು ಗಮನ ಹರಿಸಿದ್ದಾರೆ. ‘ಬಜರಂಗಿ ಭಾಯಿಜಾನ್​’ ಸಿನಿಮಾದ ಸೀಕ್ವೆಲ್​ ಆಗಿ ‘ಪವನ ಪುತ್ರ ಭಾಯಿಜಾನ್​’ ಚಿತ್ರ ಸಿದ್ಧವಾಗಲಿದೆ. ಆ ಕುರಿತು ಕೂಡ ಬರ್ತ್​ಡೇ ಹಿಂದಿನ ದಿನವೇ ಸಲ್ಲು ಮಾಹಿತಿ ಹಂಚಿಕೊಂಡಿದ್ದರು. ಫಾರ್ಮ್​ಹೌಸ್​ ಮುಂಭಾಗ ಮಾಧ್ಯಮದವರ ಜೊತೆ ಮಾತನಾಡುವಾಗ ಅವರು ಈ ಸುದ್ದಿ ನೀಡಿದ್ದರು.

ಇದನ್ನೂ ಓದಿ:

ಸೀಕ್ರೆಟ್​ ಕ್ಯಾಮೆರಾದಲ್ಲಿ ಮಹಿಳಾ ಫ್ಯಾನ್ಸ್​ ಫೋಟೋ ಸೆರೆ ಹಿಡಿಯುತ್ತಿದ್ದ ಸಲ್ಮಾನ್​ ಖಾನ್​; ಕಾರಣ ಏನು?

ಸಲ್ಮಾನ್​ ಖಾನ್​ ಹೊಸ ಗರ್ಲ್​ಫ್ರೆಂಡ್​ ಸಮಂತಾ; ಆದ್ರೆ ಇದು ನೀವಂದುಕೊಂಡ ಸಮಂತಾ ಅಲ್ಲ