ಶ್ವಾನಕ್ಕೆ ಹೊಟ್ಟೆಕಿಚ್ಚು ತಂದ ನತಾಶಾ ಕಿಸ್; ವರುಣ್ ಧವನ್ ಹಂಚಿಕೊಂಡ್ರು ವಿಶೇಷ ವಿಡಿಯೋ

ಶ್ವಾನಕ್ಕೆ ಹೊಟ್ಟೆಕಿಚ್ಚು ತಂದ ನತಾಶಾ ಕಿಸ್; ವರುಣ್ ಧವನ್ ಹಂಚಿಕೊಂಡ್ರು ವಿಶೇಷ ವಿಡಿಯೋ
ವರುಣ್ ಧವನ್

ಈ ರೀಲ್ಸ್​ಗೆ ‘ತೇರಾ ಜೇಸಾ ಯಾರ್​ ಕಹಾ..’ ಹಾಡನ್ನು ಹಾಕಿದ್ದಾರೆ ವರುಣ್​. ಈ ವಿಡಿಯೋದಲ್ಲಿ ಜಾಯ್​ಗೆ ವರುಣ್ ಅವರು ಕಿಸ್ ಮಾಡುತ್ತಿರುವುದು ಕೂಡ ಇದೆ.

TV9kannada Web Team

| Edited By: Rajesh Duggumane

Apr 07, 2022 | 2:33 PM

ನಟ ವರುಣ್ ಧವನ್​ (Varun Dhawan) ಹಾಗೂ ಅವರ ಪತ್ನಿ ನತಾಶಾ ದಲಾಲ್​ ​ (Natasha Dalal) ದಂಪತಿ ಜಾಯ್​ ಹೆಸರಿನ ಶ್ವಾನವನ್ನು ಸಾಕಿದ್ದಾರೆ. ಇದನ್ನು ಕಂಡರೆ ಈ ದಂಪತಿಗೆ ಎಲ್ಲಿಲ್ಲದ ಪ್ರೀತಿ. ಅದರಲ್ಲೂ ವರುಣ್​ ಧವನ್​ ಅವರು ಜಾಯ್ ಜತೆಗಿನ ಸಾಕಷ್ಟು ಫೋಟೋ ಹಾಗೂ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಇದನ್ನು ಕಂಡರೆ ಅವರ ಅಭಿಮಾನಿಗಳಿಗೂ ಎಲ್ಲಿಲ್ಲದ ಪ್ರೀತಿ. ಈಗ ಜಾಯ್​ ಜತೆ ಕಳೆದ ಸಮಯದ ವಿಡಿಯೋ ಹಾಗೂ ಫೋಟೋಗಳನ್ನು ಜೋಡಿಸಿ ಒಂದು ರೀಲ್ಸ್​ ಮಾಡಿ ಇನ್​ಸ್ಟಾಗ್ರಾಮ್​ನಲ್ಲಿ (Instagram) ಪೋಸ್ಟ್​ ಮಾಡಿದ್ದಾರೆ ವರುಣ್. ಈ ರೀಲ್ಸ್ ಲಕ್ಷಾಂತರ ಬಾರಿ ವೀಕ್ಷಣೆ ಕಂಡಿದೆ.

ಶ್ವಾನಗಳಿಗೂ ಹೊಟ್ಟೆಕಿಚ್ಚು ಆಗುತ್ತದೆ. ತನ್ನ ಮಾಲೀಕ ಬೇರೆ ನಾಯಿಯನ್ನು ಮುದ್ದು ಮಾಡಿದರೆ ಅಥವಾ ಬೇರೆಯವರು ತನ್ನ ಯಜಮಾನನಿಗೆ ಕ್ಲೋಸ್​ ಆದರೆ ಅವುಗಳು ಇದನ್ನು ಸಹಿಸಿಕೊಳ್ಳುವುದಿಲ್ಲ. ಈಗ ವರುಣ್ ಸಾಕಿರುವ ನಾಯಿ ವಿಚಾರದಲ್ಲೂ ಹಾಗೆಯೇ ಆಗಿದೆ. ನತಾಶಾ ಅವರು ವರುಣ್​ಗೆ ಕಿಸ್ ಮಾಡಿದ್ದಾರೆ. ಈ ವೇಳೆ ಜಾಯ್​ ಹೊಟ್ಟೆಕಿಚ್ಚು ಪಟ್ಟಂತೆ ಕಂಡುಬಂತು. ಈ ವಿಡಿಯೋ ಸಖತ್​ ವೈರಲ್ ಆಗುತ್ತಿದೆ.

View this post on Instagram

A post shared by VarunDhawan (@varundvn)

ಈ ರೀಲ್ಸ್​ಗೆ ‘ತೇರಾ ಜೇಸಾ ಯಾರ್​ ಕಹಾ..’ ಹಾಡನ್ನು ಹಾಕಿದ್ದಾರೆ ವರುಣ್​. ಈ ವಿಡಿಯೋದಲ್ಲಿ ಜಾಯ್​ಗೆ ವರುಣ್ ಅವರು ಕಿಸ್ ಮಾಡುತ್ತಿರುವುದು ಕೂಡ ಇದೆ. ಈ ವಿಡಿಯೋಗೆ ನಾನಾ ಸೆಲೆಬ್ರಿಟಿಗಳು ಕಮೆಂಟ್ ಮಾಡುತ್ತಿದ್ದಾರೆ. ಅನುಷ್ಕಾ ಶರ್ಮಾ ಅವರಿಗೆ ಪ್ರಾಣಿಗಳೆಂದರೆ ಪಂಚಪ್ರಾಣ. ಅವರು ಈ ಫೋಟೋಗೆ ‘ಅದ್ಭುತ’ ಎಂದು ಕಮೆಂಟ್ ಮಾಡಿದ್ದಾರೆ. ಕೆಲ ಅಭಿಮಾನಿಗಳು ‘ವಿಡಿಯೋ ಸಖತ್ ಕ್ಯೂಟ್ ಆಗಿದೆ’ ಎಂದು ಬರೆದುಕೊಂಡಿದ್ದಾರೆ.

ವರುಣ್​ ಅವರು ಕಳೆದ ತಿಂಗಳು ಜಾಯ್​ ಜತೆ ಇರುವ ಫೋಟೋ ಹಂಚಿಕೊಂಡಿದ್ದರು. ‘ನಿನ್ನಿಂದಾಗಿ ನಾನು ಜೋರಾಗಿ ನಗುತ್ತೇನೆ, ಕಡಿಮೆ ಅಳುತ್ತೇನೆ ಮತ್ತು ಮುಖದ ಮೇಲೆ ಹೆಚ್ಚು ನಗು ಇರುತ್ತದೆ’ ಎಂದು ಅವರು ಬರೆದುಕೊಂಡಿದ್ದರು. ಇತ್ತೀಚೆಗೆ ರಶ್ಮಿಕಾ ಮಂದಣ್ಣ ಜತೆ ವರುಣ್​ ಧವನ್​ ಅವರು ಬೀಚ್​ನಲ್ಲಿ ಮಾಡಿದ್ದ ರೀಲ್ಸ್ 8 ಕೋಟಿ ಬಾರಿ ವೀಕ್ಷಣೆ ಕಂಡಿದೆ.

‘ಭೇಡಿಯಾ’ ಸಿನಿಮಾ ಶೂಟಿಂಗ್​ನಲ್ಲಿ ವರುಣ್ ಧವನ್​ ಬ್ಯುಸಿ ಆಗಿದ್ದಾರೆ. ಈ ಚಿತ್ರದಲ್ಲಿ ಕೃತಿ ಸನನ್ ಅವರು ನಾಯಕಿ ಆಗಿ ನಟಿಸುತ್ತಿದ್ದಾರೆ. ಕಿಯಾರಾ ಅಡ್ವಾಣಿ ಜತೆಗಿನ ‘ಜುಗ್​ ಜುಗ್​ ಜಿಯೋ’ ಸಿನಿಮಾದ ಶೂಟಿಂಗ್ ಮುಗಿಸಿದ್ದಾರೆ ವರುಣ್​. ಅನಿಲ್​ ಕಪೂರ್ ಹಾಗೂ ನೀತು ಕಪೂರ್ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಇದಲ್ಲದೆ, ವೆಬ್​ ಸರಣಿ ಒಂದರಲ್ಲಿ ವರುಣ್​ ಬಣ್ಣ ಹಚ್ಚಲಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ​ರಶ್ಮಿಕಾ ಮಂದಣ್ಣ ಕೊಟ್ಟ ಚಮಕ್​ ಕಂಡು ಹೌಹಾರಿದ ವರುಣ್​ ಧವನ್​; ವೈರಲ್​ ಆಗಿದೆ ಈ ವಿಡಿಯೋ

ಮೊನ್ನೆ ರಶ್ಮಿಕಾ, ನಿನ್ನೆ ಸಮಂತಾ; ದಕ್ಷಿಣ ಭಾರತದ ಬೆಡಗಿಯರ ಜತೆ ವರುಣ್​ ಧವನ್​ ಸುತ್ತಾಟ

Follow us on

Related Stories

Most Read Stories

Click on your DTH Provider to Add TV9 Kannada