ಚಿತ್ರಬ್ರಹ್ಮ ಪುಟ್ಟಣ್ಣ ಕಣಗಾಲ್ ಪುತ್ರ ರಾಮು ಕಣಗಾಲ್ ಕೊವಿಡ್ 19 ಸೋಂಕಿನಿಂದ ಸಾವು
ಕೆಲವು ದಿನಗಳ ಹಿಂದೆ ಕೊರೊನಾ ಸೋಂಕಿನಿಂದ ಬಳಲುತ್ತಿದ್ದ ಚಿತ್ರಬ್ರಹ್ಮ ಪುಟ್ಟಣ್ಣ ಕಣಗಾಲ್ ಪುತ್ರ ಖ್ಯಾತ ನೃತ್ಯ ಗುರು ರಾಮು ಕಣಗಾಲ್ ಇಂದು ಕೊನೆಯುಸಿರೆಳೆದಿದ್ದಾರೆ.
Updated on:Apr 28, 2021 | 11:28 AM
ಚಿತ್ರಬ್ರಹ್ಮ ಪುಟ್ಟಣ್ಣ ಕಣಗಾಲ್ ಅವರ ಪುತ್ರ ರಾಮು ಕಣಗಾಲ್ ಅವರು ಕೊರೊನಾ ಸೋಂಕಿಗೆ ಬಲಿಯಾಗಿದ್ದಾರೆ. ಕೆಲವು ದಿನಗಳ ಹಿಂದೆ ಕೊರೊನಾ ಸೋಂಕಿನಿಂದ ಬಳಲುತ್ತಿದ್ದ ಖ್ಯಾತ ನೃತ್ಯ ಗುರು ರಾಮು ಕಣಗಾಲ್ ಇಂದು ಮುಂಜಾವು ಕೊನೆಯುಸಿರೆಳೆದಿದ್ದಾರೆ. ಉಸಿರಾಟ ಸಮಸ್ಯೆಯಿಂದಾಗಿ ಬೆಂಗಳೂರಿನ ಆಸ್ಪತ್ರೆಯಲ್ಲಿ ರಾಮು ಕಣಗಾಲ್ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಿಸದೇ ರಾಮು ಕಣಗಾಲ್(45) ನಿಧನರಾಗಿದ್ದಾರೆ.
ರಾಮು ಅವರಿಗೆ ಕೆಲವು ದಿನಗಳ ಹಿಂದೆ ಕೊರೊನಾ ಸೋಂಕು ತಗುಲಿತ್ತು. ಕೊವಿಡ್ನಿಂಡಾಗಿ ತೀವ್ರ ಅನಾರೋಗ್ಯಕ್ಕೆ ತುತ್ತಾಗಿದ್ದರು. ಈ ಕಾರಣದಿಂದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಯಾವುದೇ ಚಿಕಿತ್ಸೆ ಫಲಕಾರಿಯಾಗಿದೆ ಇಂದು ಖ್ಯಾತ ನೃತ್ಯ ಗುರು ರಾಮು ಅವರು ನಿಧನರಾಗಿದ್ದಾರೆ.
ರಾಮು ಕಣಗಾಲ್ ಅವರ ಸ್ನೇಹಿತ ಶಂಕರ್ ಎಸ್.ಎನ್ ಮಾತು ಮೊನ್ನೆ ಇಂಡಿಯನ್ ಎಕ್ಸ್ಪ್ರೆಸ್ ಸುದ್ದಿ ಸಂಸ್ಥೆಯ ಅಶ್ವಿನಿ ಅವರು ಟ್ವೀಟ್ ಮಾಡಿ ಕೊವಿಡ್ ಸೋಂಕು ಪೀಡಿತ ರಾಮು ಅವರಿಗೆ ಐಸಿಯುನಲ್ಲಿ ವೆಂಟಿಲೇಟರ್, ಆಕ್ಸಿಜನ್ ಇರುವ ಬೆಡ್ ಬೇಕಾಗಿದೆ. ಬೆಡ್ ಸಿಗದೇ ರಾಮು ಇರುವ ಅಂಬ್ಯುಲೆನ್ಸ್ ಗಿರಿನಗರ, ಬನಶಂಕರಿ ಸುತ್ತಾ 24 ತಾಸುಗಳಿಂದಲೂ ಸುತ್ತುತ್ತಿದೆ. ಆಸ್ಪತ್ರೆಯಲ್ಲಿ ಪ್ರವೇಶ ಸಿಗುತ್ತಿಲ್ಲ ಎಂದು ತಿಳಿಸಿದ್ದರು. ರಾಮು ಇನ್ನಿಲ್ಲ ಎಂಬುದನ್ನು ಕೇಳಿಯೇ ತುಂಬಾ ಆಘಾತವಾಗುತ್ತಿದೆ. ತಕ್ಷಣ ನಾನು ಹಲವು ಶಾಸಕರಿಗೆ ಕರೆ ಮಾಡಿ ಸ್ಪಂದಿಸಲು ಕೋರಿದ್ದೆ. ಕೊನೆಯಲ್ಲಿ ಸರ್ಕಾರದ ಅಪರ ಮುಖ್ಯ ಕಾರ್ಯದರ್ಶಿ ಶ್ರೀ ರಾಕೇಶ್ ಸಿಂಗ್, ರಾಮುಗೆ ಚಿಕಿತ್ಸೆ ದೊರೆಯುವಂತೆ ಮಾಡಿದ್ದರು. ಅಷ್ಟರೊಳಗೆ ಅವರ ಶ್ವಾಸಕೋಶದಲ್ಲಿ ಸೋಂಕು ಉಲ್ಬಣಿಸಿತ್ತು ಎಂದು ಶಂಕರ್.ಎಸ್. ಎನ್ ಮಾಹಿತಿ ಹಂಚಿಕೊಂಡಿದ್ದಾರೆ.
ಖ್ಯಾತ ನೃತ್ಯಪಟುವಾಗಿದ್ದ ಕನ್ನಡ ಚಲನಚಿತ್ರರಂಗದ ಪ್ರಖ್ಯಾತ ನಿರ್ದೇಶಕ, ಚಿತ್ರಬ್ರಹ್ಮ ಪುಟ್ಟಣ್ಣ ಕಣಗಾಲ್ ಅವರ ಪುತ್ರ ನನ್ನ ಸ್ನೇಹಿತ ರಾಮು ಕಣಗಾಲ್ರನ್ನು ಕೋವಿಡ್ ಹೆಮ್ಮಾರಿ ಬಲಿತೆಗೆದುಕೊಂಡಿದೆ ಎಂದು ತಿಳಿಸಲು ತೀವ್ರ ವಿಷಾಧವಾಗುತ್ತಿದೆ ಎಂದು ರಾಮು ಅವರ ಸ್ನೇಹಿತ ಶಂಕರ್. ಎಸ್ ಎನ್ ವಿಷಾದ ವ್ಯಕ್ತಪಡಿಸಿದ್ದಾರೆ.
‘ಕಣಗಾಲ್ ನೃತ್ಯಾಲಯ’ ನೃತ್ಯಶಾಲೆ
ಪುಟ್ಟಣ್ಣ ಕಣಗಾಲ್ ಅವರಿಗೆ ಐದು ಜನ ಮಕ್ಕಳು ಅವರಲ್ಲಿ ರಾಮು ಕಣಗಾಲ್ ಕೂಡಾ ಒಬ್ಬರು ತಮ್ಮ ವಿದ್ಯಾಭ್ಯಾಸವನ್ನು ಚೆನ್ನೈನಲ್ಲಿ ಪಡೆದಿದ್ದು, ಬೆಂಗಳೂರಿನಲ್ಲಿ ವಾಸವಾಗಿದ್ದರು. ಕಣಗಾಲ್ ನೃತ್ಯಾಲಯ ಎಂಬ ಹೆಸರಿನಲ್ಲಿ ಬೆಂಗಳೂರಿನಲ್ಲಿ ನೃತ್ಯ ಶಾಲೆ ನಡೆಸುತ್ತಿದ್ದರು.
ಇದನ್ನೂ ಓದಿ: ಚಿತ್ರಬ್ರಹ್ಮ ಪುಟ್ಟಣ್ಣ ಕಣಗಾಲ್ ನೆನಪು
Published On - 10:52 am, Wed, 28 April 21
