‘ಮಿಷನ್ ಇಂಪಾಸಿವಲ್’ ನಟನಿಗೆ ಕಡೆಗೂ ವಯಸ್ಸಾಯ್ತು; ಅಚ್ಚರಿ ವ್ಯಕ್ತಪಡಿಸಿದ ಫ್ಯಾನ್ಸ್

ಹಾಲಿವುಡ್​ನ ಹಲವಾರು ಆ್ಯಕ್ಷನ್​ ಸಿನಿಮಾಗಳಲ್ಲಿ ನಟಿಸಿ ಟಾಮ್​ ಕ್ರೂಸ್​ ಅವರು ಫೇಮಸ್​ ಆಗಿದ್ದಾರೆ. ವಿಶ್ವಾದ್ಯಂತ ಅವರಿಗೆ ಅಭಿಮಾನಿಗಳು ಇದ್ದಾರೆ. ಅವರ ಸಿನಿಮಾಗಳು ಸಾವಿರಾರು ಕೋಟಿ ರೂಪಾಯಿ ಕಲೆಕ್ಷನ್ ಮಾಡುತ್ತವೆ. ‘ಮಿಷನ್ ಇಂಪಾಸಿಬಲ್’ ಸರಣಿ ಸಿನಿಮಾಗಳನ್ನು ನೋಡಿ ಮೆಚ್ಚಿಕೊಳ್ಳದವರೇ ಇಲ್ಲ. ಎಲ್ಲರಿಗೂ ಟಾಮ್​ ಕ್ರೂಸ್​ ಎಂದರೆ ಇಷ್ಟ. 1981ರಿಂದಲೂ ಚಿತ್ರರಂಗದಲ್ಲಿ ಇರುವ ಅವರು ಸಖತ್ ಯಂಗ್ ಆಗಿ ಕಾಣಿಸುತ್ತಾರೆ. ಹದಿಹರೆಯದವರೂ ನಾಚುವಂತೆ ಫಿಟ್ನೆಸ್ ಕಾಪಾಡಿಕೊಂಡಿದ್ದಾರೆ. ಹಾಗಾಗಿ ಟಾಮ್​ ಕ್ರೂಸ್​ ಅವರಿಗೆ ವಯಸ್ಸೇ ಆಗುವುದಿಲ್ಲ ಎಂದು ಫ್ಯಾನ್ಸ್ ನಂಬಿದ್ದರು. ಆದರೆ ಈಗ ಅವರ ಹೊಸ ಫೋಟೋ ನೋಡಿದ ಅಭಿಮಾನಿಗಳಿಗೆ ಬೇರೆ ಅಭಿಪ್ರಾಯ ಬಂದಿದೆ. ಕೊನೆಗೂ ಟಾಪ್​ ಕ್ರೂಸ್​ ಅವರು ವಯಸ್ಸಾದಂತೆ ಕಾಣಿಸುತ್ತಿದ್ದಾರೆ!

ಟಾಮ್ ಕ್ರೂಸ್​ ಅವರಿಗೆ ಇತ್ತೀಚೆಗೆ ಅಮೆರಿಕದ ನೌಕಾಪಡೆಯಿಂದ ಗೌರವ ಸಲ್ಲಿಸಲಾಗಿದೆ. ಟಾಮ್ ಕ್ರೂಸ್​ ಅವರು ವಿಮಾನ ಚಲಾಯಿಸುತ್ತಾರೆ. ಸಿನಿಮಾಗಳ ಶೂಟಿಂಗ್​ನಲ್ಲಿ ಅವರು ನೈಜವಾಗಿ ಯುದ್ಧ ವಿಮಾನಗಳನ್ನು ಹಾರಿಸಿ ಸೈ ಎನಿಸಿಕೊಂಡಿದ್ದಾರೆ. ‘ಟಾಪ್​ ಗನ್’, ‘ಎ ಫೀವ್ ಗುಡ್ ಮೆನ್’, ‘ಬಾರ್ನ್​ ಆನ್ ಫೋರ್ತ್ ಆಫ್ ಜುಲೈ’ ಮುಂತಾದ ಸಿನಿಮಾಗಳ ಮೂಲಕ ನೌಕಾಪಡೆಯ ಮಹತ್ವವನ್ನು ಜನರಿಗೆ ತಿಳಿಸಿದ್ದಾರೆ. ಈ ಕಾರಣದಿಂದ ಅವರಿಗೆ ‘Distinguished Public Service Award’ ನೀಡಿ ಗೌರವಿಸಲಾಗಿದೆ.

ಪ್ರಶಸ್ತಿ ನೀಡುತ್ತಿರುವ ಸಂದರ್ಭದ ವಿಡಿಯೋ ಮತ್ತು ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳಲಾಗಿದೆ. ಅದರಲ್ಲಿ ಟಾಮ್ ಕ್ರೂಸ್​ ಅವರು ವಯಸ್ಸಾದಂತೆ ಕಾಣಿಸಿಕೊಂಡಿದ್ದಾರೆ. ಈ ಫೋಟೋ ಮತ್ತು ವಿಡಿಯೋವನ್ನು ನೋಡಿ ಜನರು ನಾನಾ ಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದರೆ. ‘ಅಂತೂ ಇಂತೂ ಟಾಮ್​ ಕ್ರೂಸ್​ ಅವರಿಗೆ ವಯಸ್ಸಾಯ್ತು. ಅದಕ್ಕಾಗಿ ಅವರಿಗೆ ಅಭಿನಂದನೆಗಳು’ ಎಂದು ನೆಟ್ಟಿಗರೊಬ್ಬರು ಕಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ: ‘ದಿ ಅಪ್ರೆಂಟಿಸ್’ ಸಿನಿಮಾದಲ್ಲಿ ಡೋನಾಲ್ಡ್ ಟ್ರಂಪ್ ಜೀವನದ ಕಥೆ; ಭಾರಿ ವಿವಾದ

ಟಾಮ್ ಕ್ರೂಸ್​ ಈ ರೀತಿ ಕಾಣಿಸಿಕೊಂಡಿದ್ದನ್ನು ನೋಡಿ ಕೆಲವರು ನಂಬುತ್ತಲೇ ಇಲ್ಲ. ‘ಇದು ಟಾಪ್​ ಕ್ರೂಸ್​ ಅಲ್ಲ. ಬೇರೆ ಯಾರೋ ಇರಬಹುದು’ ಎಂಬ ಕಮೆಂಟ್ ಕೂಡ ಬಂದಿದೆ. ಅಸಲಿಗೆ, ಟಾ​ಮ್ ಕ್ರೂಸ್​ ಅವರಿಗೆ ಈಗ 62 ವರ್ಷ ವಯಸ್ಸು. ಈ ಪ್ರಾಯದಲ್ಲೂ ಅವರು ರಣರೋಚಕ ಆ್ಯಕ್ಷನ್​ ಸನ್ನಿವೇಶಗಳಲ್ಲಿ ನಟಿಸುತ್ತಾರೆ. ಅವರು ನಟಿಸುತ್ತಿರುವ ‘ಮಿಷನ್​ ಇಂಪಾಸಿಬಲ್: ದಿ ಫೈನಲ್ ರೆಕನಿಂಗ್’ ಸಿನಿಮಾ 2025ರ ಮೇ ತಿಂಗಳಲ್ಲಿ ಬಿಡುಗಡೆ ಆಗಲಿದೆ. ಆ ಬಳಿಕ ‘ಡೀಪರ್’ ಸಿನಿಮಾದಲ್ಲಿ ಅವರು ನಟಿಸಲಿದ್ದಾರೆ. ಈ ಎಲ್ಲ ಸಿನಿಮಾಗಳ ಮೇಲೆ ಅಭಿಮಾನಿಗಳಿಗೆ ತುಂಬಾ ನಿರೀಕ್ಷೆ ಇದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.