ರಣಬೀರ್ ಜೊತೆ ನಟಿಸಲ್ಲ ಎಂದಿದ್ದ ಕತ್ರಿನಾ; ಮತ್ತೆ ಒಂದಾದ ಹಳೆಯ ಜೋಡಿ

ರಣಬೀರ್ ಕಪೂರ್ (Ranbir Kapoor) ಹಾಗೂ ಕತ್ರಿನಾ ಕೈಫ್ ಒಂದು ಕಾಲದಲ್ಲಿ ಪರಸ್ಪರ ಡೇಟ್ ಮಾಡುತ್ತಿದ್ದರು. ಆ ಬಳಿಕ ಇವರು ಬೇರೆ ಆದರು. ವಿಶೇಷ ಎಂದರೆ ಈಗ ಇಬ್ಬರೂ ಸಿನಿಮಾ ರಂಗದಲ್ಲಿ ಇರುವವರನ್ನೇ ಮದುವೆ ಆಗಿದ್ದಾರೆ. ರಣಬೀರ್-ಕತ್ರಿನಾ ಒಟ್ಟಾಗಿ ‘ಅಜಬ್ ಪ್ರೇಮ್​ ಕಿ ಗಜಬ್ ಕಹಾನಿ’ (2009), ‘ರಾಜ್​ನೀತಿ’ (2019) ಹಾಗೂ ‘ಜಗ್ಗಾ ಜಾಸೂಸ್’ (2017) ಸಿನಿಮಾಗಳಲ್ಲಿ ಒಟ್ಟಾಗಿ ನಟಿಸಿದ್ದರು. ಇಬ್ಬರೂ ಮತ್ತೊಮ್ಮೆ ಒಟ್ಟಾಗಿ ನಟಿಸಲ್ಲ ಎಂದು ಕತ್ರಿನಾ ಕ್ಲಿಯರ್ ಆ್ಯಂಡ್ ಕಟ್ ಆಗಿ ಹೇಳಿದ್ದರು. ಆದರೆ, ಈ ವಿಚಾರ ಸುಳ್ಳಾಗಿದೆ. ಇಬ್ಬರೂ ಈಗ ಮತ್ತೆ ಒಂದಾಗಿದ್ದಾರೆ.

2017ರಲ್ಲಿ ಕತ್ರಿನಾ ಕೈಫ್ ಅವರಿಗೆ ಈ ಬಗ್ಗೆ ಪ್ರಶ್ನೆ ಎದುರಾಗಿತ್ತು. ‘ರಣಬೀರ್ ಜೊತೆ ಮತ್ತೆ ಒಂದಾಗಿರೋದು ಹೇಗೆ ಅನಿಸುತ್ತಿದೆ’ ಎಂದು ಕೇಳಿದ್ದರು. ಇದಕ್ಕೆ ಉತ್ತರಿಸಿದ್ದ ಕತ್ರಿನಾ, ‘ಇದು ತುಂಬಾನೇ ಕಷ್ಟವಾಗಿತ್ತು. ನಾವು ಇನ್ನುಮುಂದೆ ಒಟ್ಟಾಗಿ ಕೆಲಸ ಮಾಡಲ್ಲ’ ಎಂದು ಕತ್ರಿನಾ ಹೇಳಿದ್ದರು.

ಆದರೆ, ರಣಬೀರ್ ಕಪೂರ್ ಈ ವಿಚಾರದಲ್ಲಿ ಹೇಳೋದೇ ಬೇರೆ. ‘ಅದು ಸುಮ್ಮನೆ ಫನ್​ಗೆ ಹೇಳಿದ್ದಾಗಿತ್ತು. ನಾನು ಅವರ ಮೇಲೆ ಜೋಕ್ ಮಾಡಿದೆ, ಅವರು ನನ್ನ ಮೇಲೆ ಜೋಕ್ ಮಾಡಿದರು. ನಾನು ಕತ್ರಿನಾ ಬಳಿಯೂ ಮಾತನಾಡಿದ್ದೇನೆ, ಜೋಕ್​​ ರೀತಿ ಹೇಳಿದ್ದನ್ನು ಮಾಧ್ಯಮದವರು ಬೇರೆ ರೀತಿ ತೆಗೆದುಕೊಂಡರು, ನಾನು ಆ ಅರ್ಥದಲ್ಲಿ ಹೇಳಿಯೇ ಇರಲಿಲ್ಲ ಎಂದು ಕತ್ರಿನಾ ನನ್ನ ಬಳಿ ಹೇಳಿಕೊಂಡಿದ್ದರು’ ಎಂಬುದಾಗಿ ರಣಬೀರ್ ಹೇಳಿದ್ದರು.

‘ನನ್ನ ಹಾಗೂ ಕತ್ರಿನಾ ಮಧ್ಯೆ ಒಳ್ಳೆಯ ಪಾರ್ಟ್ನರ್​ಶಿಪ್​ ಇದೆ. ಅವರ ಜೊತೆ ಕೆಲಸ ಮಾಡೋಕೆ ನನಗೆ ಇಷ್ಟ. ನನ್ನ ಸ್ಟಾರ್​ಡಂನ ಅವರು ಹೆಚ್ಚಿಸಿದ್ದರು. ಅವರು ನನಗಿಂತ ದೊಡ್ಡ ಸ್ಟಾರ್ ಆಗಿದ್ದರು’ ಎಂದಿದ್ದರು ರಣಬೀರ್ ಕಪೂರ್.

‘ಜಗ್ಗಾ ಜಾಸೂಸ್’ ಸಿನಿಮಾದಲ್ಲಿ ರಣಬೀರ್ ಹೀರೋ ಆಗಿ ನಟಿಸುವುದರ ಜೊತೆಗೆ ಅವರು ನಿರ್ಮಾಣವನ್ನು ಮಾಡಿದ್ದರು. ಈ ಚಿತ್ರವನ್ನು ಅನುರಾಗ್ ಬಸು ಅವರು ನಿರ್ದೇಶನ ಮಾಡಿದ್ದರು. ಆದರೆ. ಈ ಸಿನಿಮಾ ಬಾಕ್ಸ್ ಆಫೀಸ್​ನಲ್ಲಿ ಸದ್ದು ಮಾಡೋಕೆ ವಿಫಲವಾಯಿತು. ಇದಾದ ಬಳಿಕ ಕತ್ರಿನಾ ಹಾಗೂ ರಣಬೀರ್ ಒಟ್ಟಾಗಿ ತೆರೆ ಹಂಚಿಕೊಂಡಿಲ್ಲ.

ಇದನ್ನೂ ಓದಿ: ರಣಬೀರ್ ಕಪೂರ್ ಒಡೆತನದ 8 ಕೋಟಿ ರೂ. ಕಾರಿನ ಹಿಂದೆ ಬಿದ್ದ ಫ್ಯಾನ್ಸ್; ಅಪ್ಸೆಟ್ ಆದ ನಟ ಮಾಡಿದ್ದೇನು?

ರಣಬೀರ್ ಕಪೂರ್, ಆಲಿಯಾ ಭಟ್, ವಿಕ್ಕಿ ಕೌಶಲ್, ಕತ್ರಿನಾ ಕೈಫ್ ಅವರು ಸಂಜಯ್ ಲೀಲಾ ಬನ್ಸಾಲಿ ‘ಲವ್ ಆ್ಯಂಡ್ ವಾರ್’ ಸಿನಿಮಾದಲ್ಲಿ ಮುಖ್ಯಭೂಮಿಕೆ ನಿರ್ವಹಿಸುತ್ತಿದ್ದಾರೆ. ಈ ಸಿನಿಮಾ ಜನವರಿಯಲ್ಲಿ ಘೋಷಣೆ ಆಗಿದ್ದು 2025ರ ಕ್ರಿಸ್​​ಮಸ್​ಗೆ ತೆರೆಮೇಲೆ ಬರಲಿದೆ. ಈ ವರ್ಷ ನವೆಂಬರ್​ನಲ್ಲಿ ಸಿನಿಮಾ ಸೆಟ್ಟೇರಲಿದೆ. ಮತ್ತೊಮ್ಮೆ ಕತ್ರಿನಾ ಹಾಗೂ ರಣಬೀರ್ ಒಟ್ಟಾಗಿ ನಟಿಸುತ್ತಿದ್ದಾರೆ ಅನ್ನೋದು ವಿಶೇಷ. ರಣಬೀರ್ ಅವರು ‘ರಾಮಾಯಣ’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ‘ಮೇರಿ ಕ್ರಿಸ್​ಮಸ್’ ಬಳಿಕ ಕತ್ರಿನಾ ಹೊಸ ಸಿನಿಮಾ ಘೋಷಿಸಿಲ್ಲ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.