ಮನೋಜ್ ಬಾಜಪೇಯಿ ‘ದಿ ಫ್ಯಾಮಿಲಿ ಮ್ಯಾನ್ 3’ಗೆ ಪಡೆಯುವ ಸಂಭಾವನೆ ಎಷ್ಟು?

ಅಮೇಜಾನ್​ ಪ್ರೈಮ್​ನಲ್ಲಿ ಇತ್ತೀಚೆಗೆ ರಿಲೀಸ್​ ಆದ ‘ದಿ ಫ್ಯಾಮಿಲಿ ಮ್ಯಾನ್​ 2’ ವೆಬ್​ ಸೀರಿಸ್​ ಬಗ್ಗೆ ಎಲ್ಲರೂ ಮೆಚ್ಚುಗೆಯ ಮಾತುಗಳನ್ನು ಆಡಿದ್ದಾರೆ. ಇದನ್ನು ನೋಡಿದ ನಂತರದಲ್ಲಿ ಮನೋಜ್​ ನಟನೆಯನ್ನು ಹೊಗಳದೇ ಇರುವವರೇ ಇಲ್ಲ. ಈಗ ‘ದಿ ಫ್ಯಾಮಿಲಿ ಮ್ಯಾನ್​ ಸೀಸನ್​ 3’ ಬರೋಕೆ ಸಿದ್ಧತೆ ನಡೆಯುತ್ತಿದ್ದು, ಮನೋಜ್​ ಹೆಚ್ಚು ಸಂಭಾವನೆಗೆ ಬೆಡಿಕೆ ಇಟ್ಟಿದ್ದಾರಂತೆ.

ದಿ ಫ್ಯಾಮಿಲಿ ಮ್ಯಾನ್​  ಮೊದಲ ಮತ್ತು ಎರಡನೇ ಸೀಸನ್​ಗೆ ಮನೋಜ್​ 10 ಕೋಟಿ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗುತ್ತಿದೆ. ಈಗ ಕೇಳಿ ಬರುತ್ತಿರುವ ಲೇಟೆಸ್ಟ್​ ಮಾಹಿತಿ ಪ್ರಕಾರ, ಮೂರನೇ ಸೀಸನ್​ಗೆ ಸಂಭಾವನೆಯನ್ನು ಡಬಲ್​ ಮಾಡಿಕೊಂಡಿದ್ದಾರೆ ಮನೋಜ್​!

ಹೌದು, ಪ್ರತಿ ಎಪಿಸೋಡ್​ಗೆ ಮನೋಜ್​ 2.25ರಿಂದ 2.50 ಕೋಟಿ ರೂಪಾಯಿ ನೀಡುವಂತೆ ಬೇಡಿಕೆ ಇಟ್ಟಿದ್ದಾರೆ. ಎರಡನೇ ಸೀಸನ್​ನಂತೆ ಮೂರನೇ ಸೀಸನ್​ನಲ್ಲೂ 9 ಎಪಿಸೋಡ್​ ಇರಲಿದೆ ಎಂದುಕೊಂಡರೆ ಮನೋಜ್​ ಸಂಭಾವನೆ 20ರಿಂದ 22.5 ಕೋಟಿ ರೂಪಾಯಿ ಆಗಲಿದೆ.

ಮನೋಜ್​ ಬಾಜಪೇಯಿ, ದಿ ಫ್ಯಾಮಿಲಿ ಮ್ಯಾನ್ ಸರಣಿಯಲ್ಲಿ ಅದ್ಭುತವಾಗಿ ನಟಿಸಿದ್ದಾರೆ. ಪ್ರೇಕ್ಷಕರಿಗೂ ಅವರ ಪಾತ್ರ ಇಷ್ಟವಾಗಿದೆ​. ಈ ಕಾರಣಕ್ಕೆ ಅವರಿಗೆ ಹೆಚ್ಚು ಸಂಭಾವನೆ ಕೊಡುವುದರಲ್ಲಿ ಯಾವುದೇ ತಪ್ಪಿಲ್ಲ ಎಂಬುದು ನಿರ್ಮಾಣ ಸಂಸ್ಥೆಯ ಲೆಕ್ಕಾಚಾರ. ಈ ಕಾರಣಕ್ಕೆ ವೇತನ ಹೆಚ್ಚಿಸೋಕೆ ನಿರ್ಮಾಣ ಸಂಸ್ಥೆ ಒಪ್ಪಿಕೊಂಡಿದೆ.

‘ದಿ ಫ್ಯಾಮಿಲಿ ಮ್ಯಾನ್​ 2’ ವೆಬ್​ ಸೀರಿಸ್​ ರಿಲೀಸ್​ಗೂ ಮೊದಲೇ ವಿವಾದ ಸೃಷ್ಟಿಸಿತ್ತು. ಟ್ರೇಲರ್​ ನೋಡಿದ ಅನೇಕರು ತಮಿಳರನ್ನು ಉಗ್ರರ ರೀತಿ ತೋರಿಸಲಾಗಿದೆ, ಈ ವೆಬ್​ ಸೀರಿಸ್​ ತೆರೆಕಾಣಬಾರದು ಎಂದು ವಾದ ಮಂಡಿಸಿದ್ದರು. ವೆಬ್​ ಸೀರಿಸ್​ ತೆರೆಕಂಡ ನಂತರವೂ ಒಂದಿಬ್ಬರು ಈ ಬಗ್ಗೆ ಕೊಂಕು ತೆಗೆದಿದ್ದರು. ಇದಕ್ಕೆ ಮನೋಜ್​ ಬಾಜಪೇಯಿ ಸ್ಪಷ್ಟನೆ ನೀಡಿದ್ದು, ‘ನಾವೆಲ್ಲರೂ ಜವಾಬ್ದಾರಿಯುತ ಜನರು. ನಾವು ನಮ್ಮ ದೇಶದ ಪ್ರತಿ ಸಂಸ್ಕೃತಿಯನ್ನು ಗೌರವಿಸುತ್ತೇವೆ. ಹೀಗಾಗಿ, ಇದು ಪ್ಯಾನ್​ ಇಂಡಿಯಾ ಶೋ ಆಗಿದೆ. ಇದರಲ್ಲಿ ಯಾವುದೇ ರಾಜಕೀಯ ಇಲ್ಲ’ ಎಂದಿದ್ದಾರೆ.

ಇದನ್ನೂ ಓದಿ:

Samantha Akkineni: ‘ದಿ ಫ್ಯಾಮಿಲಿ ಮ್ಯಾನ್ 2’ಗಾಗಿ ಸಮಂತಾ, ಮನೋಜ್ ಬಾಜಪೇಯಿ ಪಡೆದ ಸಂಭಾವನೆ ಎಷ್ಟು?

‘ದಿ ಫ್ಯಾಮಿಲಿ ಮ್ಯಾನ್​ 2’ ವೆಬ್​ ಸಿರೀಸ್​ನ ಮುಖ್ಯವಾದ ಸೀಕ್ರೆಟ್​ ಬಗ್ಗೆ ಮನೋಜ್​ ಬಾಜಪೇಯ್​ ಹೇಳಿದ್ದೇನು?