ಅಶ್ಲೀಲ ಕಂಟೆಂಟ್ ಪ್ರಸಾರ ಮಾಡುತ್ತಿದ್ದ ಆಲ್ಟ್ ಬಾಲಾಜಿಯಿಂದ ಏಕ್ತಾ ಕಪೂರ್​ಗೆ ಆಗುತ್ತಿದ್ದ ಲಾಭ ಎಷ್ಟು?

ಅಶ್ಲೀಲ ಕಂಟೆಂಟ್​ಗಳ ವಿರುದ್ಧ ಕೇಂದ್ರ ಸರ್ಕಾರ ಪ್ರಮುಖ ಕ್ರಮ ಕೈಗೊಂಡಿದೆ. ಅಶ್ಲೀಲ ವಿಷಯವನ್ನು ನಿರ್ಮಿಸುವ ಆರೋಪದ ಮೇಲೆ ಸರ್ಕಾರವು ಏಕ್ತಾ ಕಪೂರ್ ಅವರ OTT ಪ್ಲಾಟ್‌ಫಾರ್ಮ್ ALT ಬಾಲಾಜಿ ಜೊತೆಗೆ ಉಲ್ಲು ಸೇರಿದಂತೆ ಅನೇಕ ಅಪ್ಲಿಕೇಶನ್ ಸರ್ಕಾರ ನಿಷೇಧಿಸಿದೆ. ಈ ನಿಷೇಧದಿಂದ ಏಕ್ತಾ ಕಪೂರ್ ಅವರ ಬಾಲಾಜಿ ಟೆಲಿಫಿಲ್ಮ್ಸ್‌ಗೆ ಹೆಚ್ಚು ಹೊಡೆತ ಬಿದ್ದಿದೆ. ಈ ಕಂಪನಿಗಳ ಷೇರುಗಳು ಕುಸಿದಿವೆ. ಈ ನಿಷೇಧವು ಏಕ್ತಾ ಕಪೂರ್ ಅವರ ಆಲ್ಟ್ ಬಾಲಾಜಿ ಮೇಲೆ ಎಷ್ಟು ಪರಿಣಾಮ ಬೀರುತ್ತದೆ ಮತ್ತು ಈ ಕಂಪನಿ ಎಷ್ಟು ದೊಡ್ಡದಾಗಿದೆ ಎಂಬ ಬಗ್ಗೆ ಇಲ್ಲಿದೆ ವಿವರ.

ಬಾಲಾಜಿ ಟೆಲಿಫಿಲ್ಮ್ಸ್ ಆಲ್ಟ್ ಬಾಲಾಜಿಯನ್ನು ವಿಲೀನಗೊಳಿಸುವ ಮೂಲಕ ತನ್ನ ಡಿಜಿಟಲ್ ವ್ಯವಹಾರಕ್ಕೆ ಹೊಸ ದಿಕ್ಕನ್ನು ನೀಡಿದೆ. ಈ ಹಿಂದೆ ಕೇವಲ ಚಂದಾದಾರಿಕೆ ಆಧಾರಿತ ಮಾದರಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಆಲ್ಟ್ ಬಾಲಾಜಿ, ಈಗ ಜಾಹೀರಾತು-ಬೆಂಬಲಿತ ಮತ್ತು ಚಂದಾದಾರಿಕೆ ಮೂಲಕ ಆದಾಯ ಪಡೆಯುತ್ತಿದೆ.

ಎಷ್ಟು ಆದಾಯ ಗಳಿಸಿದೆ?

ಬಾಲಾಜಿ ಟೆಲಿಫಿಲ್ಮ್ಸ್ ಕಿರುತೆರೆಯಿಂದ 367 ಕೋಟಿ ರೂ. ಗಳಿಸುತ್ತದೆ. ಸಿನಿಮಾಗಳಿಂದ 212 ಕೋಟಿ ರೂ. ಗಳಿಸುತ್ತದೆ. ಆಲ್ಟ್ ಬಾಲಾಜಿಯ ಡಿಜಿಟಲ್‌ನ ಆದಾಯ 45.7 ಕೋಟಿ ರೂ. enterpriseappstoday.com ಪ್ರಕಾರ, ಅದರ ಬಳಕೆದಾರರು 34.60 ಪ್ರತಿಶತ ಮಹಿಳೆಯರು ಮತ್ತು 65.40 ಪ್ರತಿಶತ ಪುರುಷರು. 2023ರಲ್ಲಿ ಈ ಕಂಪನಿಗೆ 593 ಕೋಟಿ ಆದಾಯ ಬಂದಿತ್ತು. ಆದರೆ, ಈ ಕಂಪನಿಗೆ 38 ಕೋಟಿ ರೂಪಾಯಿ ನಷ್ಟ ಆಗಿದೆ. ಆದಾಯಕ್ಕಿಂತ ಆಪರೇಷನಲ್ ಖರ್ಚು ಹೆಚ್ಚಿದೆ.

ಕಂಪನಿಯನ್ನು ಯಾವಾಗ ಸ್ಥಾಪಿಸಲಾಯಿತು?

ಆಲ್ಟ್ ಬಾಲಾಜಿ ಮುಂಬೈ ಮೂಲದ ಆನ್‌ಲೈನ್ ವೀಡಿಯೊ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಆಗಿದೆ. ಇದನ್ನು 2015ರಲ್ಲಿ ಸ್ಥಾಪಿಸಲಾಯಿತು.  ಇದು ವಿವಿಧ ಭಾಷೆಗಳಲ್ಲಿ (ಮಲಯಾಳಂ, ತಮಿಳು, ತೆಲುಗು, ಹಿಂದಿ, ಇತ್ಯಾದಿ) ಥ್ರಿಲ್ಲರ್‌ ಸೀರಿಸ್, ಶೋ ಹಾಗೂ ಮಕ್ಕಳ ಕಾರ್ಯಕ್ರಮ ನೀಡುತ್ತದೆ.

ಇದನ್ನೂ ಓದಿ: ಅಶ್ಲೀಲ ಶೋಗಳ ಪ್ರದರ್ಶನ: ಉಲ್ಲು, ಆಲ್ಟ್ ಬಾಲಾಜಿ ಸೇರಿ 25 ಒಟಿಟಿಗಳ ನಿಷೇಧ

 ಮಾಲೀಕರು ಯಾರು?

ಬಾಲಾಜಿ ಟೆಲಿಫಿಲ್ಮ್ಸ್ ಏಕ್ತಾ ಕಪೂರ್ ಮತ್ತು ಶೋಭಾ ಕಪೂರ್ ಒಡೆತನದ ಭಾರತೀಯ ಕಂಪನಿಯಾಗಿದೆ. ಕಂಪನಿಯು ವಿವಿಧ ಭಾಷೆಗಳಲ್ಲಿ ರಿಯಾಲಿಟಿ ಶೋಗಳು, ಹಾಸ್ಯಗಳು ಮತ್ತು ಗೇಮ್ ಶೋಗಳನ್ನು ನಿರ್ಮಿಸುತ್ತದೆ. ಕಂಪನಿಯು ಆಲ್ಟ್ ಬಾಲಾಜಿ ಹೆಸರಿನ ಒಟಿಟಿ ಪ್ಲಾಟ್‌ಫಾರ್ಮ್ ಅನ್ನು ಸಹ ನಿರ್ವಹಿಸುತ್ತದೆ. ಇದು ಅಶ್ಲೀಲ ಕಂಟೆಂಟ್ ನಿರ್ಮಿಸಲು ಹೆಸರುವಾಸಿಯಾಗಿದೆ.

ಷೇರು ಬೆಲೆ ಕುಸಿತ

ಎಎಲ್‌ಟಿ ಬಾಲಾಜಿ ಮೇಲಿನ ನಿಷೇಧದಿಂದಾಗಿ ಶುಕ್ರವಾರ ಬಾಲಾಜಿ ಟೆಲಿಫಿಲ್ಮ್ಸ್ ಷೇರುಗಳು ಕುಸಿದವು. ಷೇರಿನ ಬೆಲೆ ಐದು ಪ್ರತಿಶತದಷ್ಟು ಕುಸಿದು 93.47 ರೂ.ಗೆ ತಲುಪಿತು. ಇದಲ್ಲದೆ, ಕಂಪನಿಯು ಕಳೆದ ಒಂದು ವಾರದಲ್ಲಿ 3.64 ರಷ್ಟು ಋಣಾತ್ಮಕ ಲಾಭವನ್ನು ನೀಡಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.