ಮಯಾಳಂ ಹಿಟ್ ಸಿನಿಮಾ ‘ಲೋಕಃ’ ಒಟಿಟಿ ರಿಲೀಸ್ ಬಗ್ಗೆ ಹಾಟ್​ಸ್ಟಾರ್ ಕಡೆಯಿಂದ ಸಿಕ್ತು ಅಪ್​ಡೇಟ್; ಕನ್ನಡದಲ್ಲೂ ಲಭ್ಯ

ಕಲ್ಯಾಣಿ ಪ್ರಿಯದರ್ಶನ್ ಅವರು ನಟಿಸಿದ ‘ಲೋಕಃ ಚಾಪ್ಟರ್ 1’ ಸಿನಿಮಾ ಸೂಪರ್ ಹಿಟ್ ಆಯಿತು. ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದು ದುಲ್ಖರ್ ಸಲ್ಮಾನ್ ಅವರು. ಈ ಚಿತ್ರದಲ್ಲಿ ದುಲ್ಖರ್, ಟುವಿನೋ ಥಾಮಸ್ ಸೇರಿದಂತೆ ಅನೇಕರು ಅತಿಥಿ ಪಾತ್ರ ಮಾಡಿದ್ದಾರೆ. ಈಗ ಚಿತ್ರದ ಒಟಿಟಿ ರಿಲೀಸ್ ಬಗ್ಗೆ ಮಾಹಿತಿ ನೀಡಲಾಗಿದೆ. ಜಿಯೋ ಹಾಟ್​ಸ್ಟಾರ್​ನಲ್ಲಿ ಈ ಸಿನಿಮಾ ಪ್ರದರ್ಶನ ಕಾಣಲಿದೆ.

ಆಗಸ್ಟ್ 28ರಂದು ‘ಲೋಕಃ’ ಸಿನಿಮಾ ಥಿಯೇಟರ್​​ನಲ್ಲಿ ರಿಲೀಸ್ ಆಯಿತು. ಈ ಸಿನಿಮಾ ಕರ್ನಾಟಕದಲ್ಲೂ ಒಳ್ಳೆಯ ಕಲೆಕ್ಷನ್ ಮಾಡಿದೆ. ಈ ಚಿತ್ರ ಥಿಯೇಟರ್​ನಲ್ಲಿ ಕನ್ನಡ ಭಾಷೆಯಲ್ಲಿ ವೀಕ್ಷಣೆಗೆ ಲಭ್ಯ ಇರಲಿಲ್ಲ. ಆದರೆ, ಒಟಿಟಿಯಲ್ಲಿ ಈ ಅವಕಾಶವನ್ನು ಮಾಡಿಕೊಡಲಾಗಿದೆ. ಹೀಗಾಗಿ, ಮಲಯಾಳಂ ಜೊತೆ ಕನ್ನಡದಲ್ಲೂ ಸಿನಿಮಾ ವೀಕ್ಷಿಸಬಹುದಾಗಿದೆ.

ಇದನ್ನೂ ಓದಿ: ಇದಪ್ಪಾ ಡೆಡಿಕೇಷನ್ ಅಂದ್ರೆ; ಹೇಗಿದ್ದ ಕಲ್ಯಾಣಿ ಪ್ರಿಯದರ್ಶನ್ ಹೇಗಾದ್ರು ನೋಡಿ

ಸಾಮಾನ್ಯವಾಗಿ ಎಂತಹುದೇ ಸೂಪರ್ ಹಿಟ್ ಚಿತ್ರವಾದರೂ ಸಿನಿಮಾ ರಿಲೀಸ್ ಆದ ಒಂದು ತಿಂಗಳಿಗೆ ಒಟಿಟಿಗೆ ಕಾಲಿಡುತ್ತದೆ. ಆದರೆ, ‘ಲೋಕಃ’ ಸಿನಿಮಾ ಹಾಗಲ್ಲ. ಈ ಚಿತ್ರ ರಿಲೀಸ್ ಆಗಿ 50 ದಿನಗಳ ಮೇಲಾಗಿದೆ. ಆದಾಗ್ಯೂ ಸಿನಿಮಾ ಒಟಿಟಿಗೆ ಕಾಲಿಟ್ಟಿಲ್ಲ. ಸದ್ಯ ಹಾಟ್​ ಸ್ಟಾರ್ ಕಡೆಯವರು ‘ಶೀಘ್ರವೇ ಸಿನಿಮಾ ಪ್ರಸಾರ ಕಾಣಲಿದೆ’ ಎಂದಷ್ಟೇ ಮಾಹಿತಿ ನೀಡಿದೆ. ಈ ಶುಕ್ರವಾರ (ಅಕ್ಟೋಬರ್ 24) ಸಿನಿಮಾ ಒಟಿಟಿಯಲ್ಲಿ ಪ್ರಸಾರ ಕಾಣುವ ನಿರೀಕ್ಷೆ ಇದೆ.

‘ಲೋಕಃ’ ಸಿನಿಮಾ ಥಿಯೇಟರ್​ನಲ್ಲಿ ಇದ್ದಾಗಲೇ ವಿವಾದ ಸೃಷ್ಟಿ ಮಾಡಿತ್ತು. ಈ ಸಿನಿಮಾದಲ್ಲಿ ಬರೋ ಪೊಲೀಸ್ ಪಾತ್ರಧಾರಿ ಇಡೀ ಬೆಂಗಳೂರಿನ ಹುಡುಗಿಯರಿಗೆ ಅವಮಾನ ಮಾಡುವ ರೀತಿಯಲ್ಲಿ ಡೈಲಾಗ್ ಹೇಳಿದ್ದರು. ಆ ಬಳಿಕ ದುಲ್ಖರ್ ನಿರ್ಮಾಣ ಸಂಸ್ಥೆ ಈ ಬಗ್ಗೆ ಕ್ಷಮೆ ಕೇಳಿ ಡೈಲಾಗ್ ಬದಲಿಸಿತ್ತು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.