‘ಬಾಹುಬಲಿ’ ರೀ ರಿಲೀಸ್ ನೋಡುವವರಿಗೆ ಕಾದಿದೆ ಬಿಗ್ ಸರ್ಪ್ರೈಸ್

ಬಾಹುಬಲಿ’ ಸಿನಿಮಾ ಬಿಡುಗಡೆ ಆಗಿ 10 ವರ್ಷಗಳಾಗಿವೆ. ಭಾರತೀಯ ಚಿತ್ರರಂಗದ ದಿಕ್ಕನ್ನೇ ಬದಲಿಸಿದ ಸಿನಿಮಾ ಅದು. ಬಾಕ್ಸ್​​ ಆಫೀಸ್​​ನಲ್ಲಿ ಭಾರಿ ದೊಡ್ಡ ದಾಖಲೆಗಳನ್ನು ಬರೆದ ಸಿನಿಮಾ ಅದು. ರಾಜಮೌಳಿ ನಿರ್ದೇಶಿಸಿದ ಸಿನಿಮಾದ ಎರಡು ಭಾಗಗಳು ಬಿಡುಗಡೆ ಆಗಿದ್ದವು, ಅಣ್ಣ-ತಮ್ಮಂದಿರ ಕತೆಯನ್ನು ಎರಡು ಭಾಗಗಳಲ್ಲಿ ರಾಜಮೌಳಿ ಹೇಳಿದ್ದರು. ಎರಡನೇ ಭಾಗದಲ್ಲಿ ಕತೆಯನ್ನು ಅಂತ್ಯಗೊಳಿಸಿದ್ದರು. ಸಿನಿಮಾ ಬಿಡುಗಡೆ ಆಗಿ 10 ವರ್ಷವಾದ ನೆನಪಿನಲ್ಲಿ ‘ಬಾಹುಬಲಿ’ ಸಿನಿಮಾ ಮರು ಬಿಡುಗಡೆ ಆಗಲಿದೆ.

‘ಬಾಹುಬಲಿ: ದಿ ಬಿಗಿನಿಂಗ್’ ಮತ್ತು ‘ಬಾಹುಬಲಿ: ದಿ ಕನ್​​ಕ್ಲೂಷನ್’ ಸಿನಿಮಾ ಎರಡನ್ನೂ ಒಟ್ಟಿಗೆ ಅಂದರೆ ಎರಡೂ ಸಿನಿಮಾ ಸೇರಿಸಿ ಒಂದೇ ಸಿನಿಮಾ ಅನ್ನಾಗಿ ಮಾಡಿ ಮರು ಬಿಡುಗಡೆ ಮಾಡಲಾಗುತ್ತಿದೆ. ಸ್ವತಃ ನಿರ್ದೇಶಕ ಎಸ್​​ಎಸ್ ರಾಜಮೌಳಿ ಅವರೇ ಮುಂದೆ ನಿಂತು ‘ಬಾಹುಬಲಿ’ ಸಿನಿಮಾದ ಎರಡೂ ಭಾಗಗಳನ್ನು ಸರಿಯಾಗಿ ಎಡಿಟ್ ಮಾಡಿಸಿ, ಅನವಶ್ಯಕ ಎನಿಸಿದ ದೃಶ್ಯಗಳನ್ನು ತೆಗೆದು, ಕೆಲವೆಡೆ ವಾಯ್ಸ್ ಓವರ್​​​ಗಳನ್ನು ಸೇರಿಸಿ ಎರಡು ಸಿನಿಮಾಗಳನ್ನು ಒಂದೇ ಸಿನಿಮಾ ಅನ್ನಾಗಿ ಮಾಡಿದ್ದಾರೆ.

‘ಬಾಹುಬಲಿ: ದಿ ಬಿಗಿನಿಂಗ್’ ಮತ್ತು ‘ಬಾಹುಬಲಿ: ದಿ ಕನ್​​ಕ್ಲೂಷನ್’ ಸಿನಿಮಾಗಳ ಒಟ್ಟು ಅವಧಿ ಐದು ಗಂಟೆಗೂ ಹೆಚ್ಚಾಗಿದೆ. ಈಗ ರಾಜಮೌಳಿ ಹಾಗೂ ತಂಡ ಈ ಅವಧಿಯನ್ನು 3:40 ನಿಮಿಷಕ್ಕೆ ಇಳಿಸಿದ್ದಾರೆ. ಈ ಸಿನಿಮಾಕ್ಕೆ ‘ಬಾಹುಬಲಿ: ದಿ ಎಪಿಕ್’ ಎಂದು ಹೆಸರಿಡಲಾಗಿದೆ. ಈ ಸಿನಿಮಾದ ಮರು ಬಿಡುಗಡೆ ವೀಕ್ಷಿಸಲು ಹೋದವರಿಗೆ ಹಲವು ಸರ್ಪ್ರೈಸ್​​ಗಳು ಸಿಗಲಿವೆ ಎಂದು ಸಿನಿಮಾದ ನಿರ್ಮಾಪಕ ಶೋಭು ಯರ್ಲಗಡ್ಡ ಹೇಳಿದ್ದಾರೆ.

ಇದನ್ನೂ ಓದಿ:ಮಹೇಶ್ ಬಾಬು ಸಿನಿಮಾಕ್ಕೆ ಬ್ರೇಕ್, ಮತ್ತೆ ‘ಬಾಹುಬಲಿ’ಗೆ ಕೈಹಾಕಿದ ರಾಜಮೌಳಿ

‘ಬಾಹುಬಲಿ’ ಸಿನಿಮಾದ ಮುಂದಿನ ಭಾಗ ಬರಬೇಕು ಎಂಬುದು ಅಭಿಮಾನಿಗಳ ಒತ್ತಾಯ ಆಗಿತ್ತು. ಇದೀಗ ನಿರ್ಮಾಪಕ ಶೋಭು ಯರ್ಲಗಡ್ಡ ಈ ಬಗ್ಗೆ ಮಾತನಾಡಿದ್ದು, ‘ಬಾಹುಬಲಿ 3’ ಸಿನಿಮಾ ಖಂಡಿತ ಬರಲಿದೆ ಎಂದಿದ್ದಾರೆ. ಅಲ್ಲದೆ ‘ಬಾಹುಬಲಿ: ದಿ ಎಪಿಕ್’ ಸಿನಿಮಾನಲ್ಲಿ ಅದರ ಹಿಂಟ್ ಇದೆ. ಅದು ಮಾತ್ರವೇ ಇನ್ನೂ ಹಲವು ಸರ್ಪ್ರೈಸ್​​ಗಳು ಸಿನಿಮಾನಲ್ಲಿ ಇರಲಿವೆ ಎಂದು ಶೋಭು ಹೇಳಿದ್ದಾರೆ. ‘ಬಾಹುಬಲಿ: ದಿ ಎಪಿಕ್’ ಸಿನಿಮಾ ಅಕ್ಟೋಬರ್ 31ರಂದು ಬಿಡುಗಡೆ ಆಗಲಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ