ಜಪಾನಿನ ಬಾಕ್ಸ್ ಆಫೀಸ್ನಲ್ಲಿ ಓಟವನ್ನು ಮುಂದುವರಿಸಿದ ‘ಆರ್ಆರ್ಆರ್’; ‘3 ಈಡಿಯಟ್ಸ್’ ದಾಖಲೆ ಉಡೀಸ್
ಈ ವರ್ಷ ಮಾರ್ಚ್ನಲ್ಲಿ ರಿಲೀಸ್ ಆದ ‘ಆರ್ಆರ್ಆರ್’ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ನೂರಾರು ಕೋಟಿ ರೂಪಾಯಿ ಬಾಚಿಕೊಂಡಿತ್ತು. ಈಗ ಜಪಾನ್ನಲ್ಲಿ ‘ಆರ್ಆರ್ಆರ್'(RRR) ಚಿತ್ರಕ್ಕೆ ಅತ್ಯುತ್ತಮ ವಿಮರ್ಶೆ ಸಿಗುತ್ತಿದೆ. ಜಪಾನ್ ಮಂದಿ ಈ ಚಿತ್ರವನ್ನು ಮೆಚ್ಚಿಕೊಂಡಿದ್ದಾರೆ. ಜಪಾನ್ನಲ್ಲಿ ಅಮಿರ್ ಖಾನ್ಅಭಿನಯದ ‘3 ಈಡಿಯಟ್ಸ್' ಮಾಡಿದ ದಾಖಲೆಯನ್ನ ಈ ಚಿತ್ರ ಹಿಂದಿಕ್ಕಿದೆ. ವಿಶ್ವದಾದ್ಯಂತ ಈ ಚಿತ್ರ 1200 ಕೋಟಿ ರೂಪಾಯಿಗೂ ಅಧಿಕ ಗಳಿಕೆ ಮಾಡಿದೆ.
Updated on:Nov 08, 2022 | 5:39 PM
‘ಆರ್ಆರ್ಆರ್’ ಚಿತ್ರಕ್ಕೆ ಸಾಕಷ್ಟು ಮೆಚ್ಚುಗೆ ಸಿಕ್ಕಿದೆ. ರಾಜ್ಮೌಳಿ ನಿರ್ದೇಶನದ ಈ ಚಿತ್ರವನ್ನು ಹಾಲಿವುಡ್ (hollywood) ಮಂದಿಯೂ ಮೆಚ್ಚಿಕೊಂಡಿದ್ದಾರೆ. ಜಪಾನ್ನಲ್ಲಿ ಕಳೆದ 17 ದಿನಗಳಲ್ಲಿ 1.2 ಲಕ್ಷಕ್ಕೂ ಹೆಚ್ಚು ಜನರು ಸಿನಿಮಾವನ್ನ ಚಿತ್ರಮಂದಿರದಲ್ಲಿ ಸಿನಿಮಾ ವೀಕ್ಷಿಸಿದ್ದಾರೆ. ಇದರಿಂದ ಚಿತ್ರವು ಜಪಾನ್ನಲ್ಲಿ ಒಳ್ಳೆಯ ಗಳಿಕೆ ಮಾಡುತ್ತಿದೆ. ‘ಆರ್ಆರ್ಆರ್’(RRR) ಚಿತ್ರ ಜಪಾನ್ನಲ್ಲಿ 10 ಕೋಟಿ ರೂಪಾಯಿ ಗಳಿಕೆ ಮಾಡಿದೆ. ‘3 ಈಡಿಯಟ್ಸ್’ ಸಿನಿಮಾ 9.4 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು.
ಬಾಲಿವುಡ್ ನಟ ಆಮಿರ್ ಖಾನ್ ಅವರ ‘3 ಈಡಿಯಟ್ಸ್‘ ಹಾಗೂ ರಾಜಮೌಳಿ ನಿರ್ದೇಶನ ‘ಬಾಹುಬಲಿ 2’ ಸಿನಿಮಾದ ನಂತರ ‘ಆರ್ಆರ್ಆರ್’ಚಿತ್ರ ಜಪಾನ್ನಲ್ಲಿ ಸಕ್ಸ್ಸ್ಸ್ ಕಂಡಿದೆ. ಈ ಮೂಲಕ ನಿರ್ದೇಶಕ ರಾಜ್ಮೌಳಿಯವರ ಎರಡನೇ ಚಿತ್ರವು ಜಪಾನ್ನಲ್ಲಿ ಹಿಟ್ ಆಗಿ ಹೊರಹೊಮ್ಮಿದೆ. ಆದರೆ 1995ರಲ್ಲಿ ರಿಲೀಸ್ ಆದ ಕೆ.ಎಸ್ ರವಿಕುಮಾರ್ ನಿರ್ದೇಶನ ಮಾಡಿದ್ದ ರಜನಿಕಾಂತ್ ಅಭಿಯನದ ‘ಮುತ್ತು’ ಸಿನಿಮಾದ ಜಪಾನ್ ಕಲೆಕ್ಷನ್ ಹಿಂದಿಕ್ಕಿಲು ಈ ಚಿತ್ರಗಳು ವಿಫಲವಾಗಿವೆ.
ಜೂನಿಯರ್ ಎನ್ಟಿಆರ್ ಮತ್ತು ರಾಮ್ ಚರಣ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವ ‘ಆರ್ಆರ್ಆರ್’ ಸಿನಿಮಾವು ಭಾರತದ ಬ್ರಿಟಿಷ್ ಆಳ್ವಿಕೆಯ ವಿರುದ್ಧದ ದಂಗೆಯ ಕಾಲ್ಪನಿಕ ಕಥೆಯನ್ನ ವಿವರಿಸುತ್ತದೆ. ಇನ್ನು ನಿರ್ಮಾಪಕರು ಈ ಸಿನಿಮಾವನ್ನ ಎಲ್ಲಾ ಜನಪ್ರಿಯ ವಿಭಾಗಗಳ ಪ್ರಶಸ್ತಿಗಳಿಗೆ ಸಲ್ಲಿಸಿದ್ದಾರೆ.
ನಿರ್ದೇಶಕ ರಾಜಮೌಳಿ ಅವರು ಆರ್ಆರ್ಆರ್ ಯಶಸ್ಸಿನ ನಂತರ ಮುಂದಿನ ಸಿನಿಮಾವನ್ನ ತೆಲುಗು ನಟ ಸೂಪರ್ ಸ್ಟಾರ್ ಮಹೇಶ ಬಾಬು ಜೊತೆ ಮಾಡುವುದಾಗಿ ಘೋಷಿಸಿದ್ದಾರೆ. ಈ ಸಿನಿಮಾದ ಕಥೆಯು ನಿಜ ಜೀವನದ ಘಟನೆಗಳಿಂದ ಸ್ಪೂರ್ತಿ ಪಡೆದಿದೆ ಎಂದು ಹೇಳಲಾಗುತ್ತಿದೆ ಹಾಗೂ ಮಹೇಶ ಬಾಬು ಜೋಡಿಯಾಗಿ ದೀಪಿಕಾ ಪಡುಕೋಣೆ ನಟಿಸಲಿದ್ದಾರೆ ಎನ್ನಲಾಗಿದೆ.
ಮತ್ತಷ್ಟು ಮನರಂಜನಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 5:10 pm, Tue, 8 November 22
