Kichcha Sudeep: ಕಿಚ್ಚ ಸುದೀಪ್ ಧರಿಸೋ ವಾಚ್ ಬೆಲೆ ಎಷ್ಟು ಕೋಟಿ ರೂಪಾಯಿ ಗೊತ್ತಾ?
ಸುದೀಪ್ ಧರಿಸಿದ್ದ ವಾಚ್ ರಿಚರ್ಡ್ ಮಿಲ್ಲೆ (Richard Mille) ಕಂಪೆನಿಗೆ ಸೇರಿದ್ದಾಗಿದೆ. ಸ್ವಿಸ್ ಮೂಲದ ಈ ಕಂಪೆನಿ 2001ರಲ್ಲಿ ಸ್ಥಾಪನೆಗೊಂಡಿತ್ತು.
ಸೆಲೆಬ್ರಿಟಿಗಳು ಧರಿಸುವ ಬಟ್ಟೆಯಿಂದ ಹಿಡಿದು ಅವರು ಹಾಕುವ ವಾಚ್, ಶೂ, ಚೈನ್ ಮತ್ತಿತ್ಯಾದಿ ವಿಚಾರಗಳು ಫ್ಯಾನ್ಸ್ ಗಮನ ಸೆಳೆಯುತ್ತಲೇ ಇರುತ್ತವೆ. ಸೆಲೆಬ್ರಿಟಿಗಳು ಸ್ಪೋರ್ಟ್ಸ್ ಬಟ್ಟೆ ತೊಟ್ಟು ಜಿಮ್ಗೆ ಹೋದರೆ ಅದರ ಬೆಲೆಯನ್ನು ಹುಡುಕಿ, ಸಾಮಾಜಿಕ ಜಾಲತಾಣದಲ್ಲಿ ಹಾಕಿ ಅಚ್ಚರಿ ಹೊರ ಹಾಕುವವರ ಪಟ್ಟಿ ದೊಡ್ಡದಿದೆ. ಈಗ ಇಂಥದ್ದೇ ವಿಚಾರಕ್ಕೆ ಕಿಚ್ಚ ಸುದೀಪ್ ಸುದ್ದಿಯಾಗಿದ್ದಾರೆ. ಅವರು ಧರಿಸಿದ ದುಬಾರಿ ಬೆಲೆಯ ವಾಚ್ ಎಲ್ಲರ ಕಣ್ಣು ಕುಕ್ಕಿದೆ.
ಕಿಚ್ಚ ಸುದೀಪ್ ಕಾರು ಹಾಗೂ ಬೈಕ್ಗಳ ಬಗ್ಗೆ ಕ್ರೇಜ್ ಹೊಂದಿದ್ದಾರೆ. ಅವರ ಕಾರ್ ಕಲೆಕ್ಷನ್ ಎಲ್ಲರ ಗಮನ ಸೆಳೆಯುವಂಥದ್ದು. ಇದರ ಜತೆಗೆ ಅವರು ವಾಚ್ ಪ್ರಿಯರು! ಅವರ ಬಳಿ ಸಾಕಷ್ಟು ದುಬಾರಿ ವಾಚ್ಗಳಿವೆ ಅನ್ನೋದು ವಿಶೇಷ. ಇತ್ತೀಚೆಗೆ ಅವರು ಧರಿಸಿದ್ದ ವಾಚ್ ಒಂದು ಎಲ್ಲರ ಗಮನ ಸೆಳೆದಿದೆ.
ಕಿಚ್ಚ ಸುದೀಪ್ ಚಿತ್ರರಂಗದಲ್ಲಿ 25 ವರ್ಷ ಪೂರೈಸಿದ್ದಾರೆ. ಇದೇ ವಿಶೇಷ ದಿನದಂದು ಕನ್ನಡ ಸಂಘಟನೆಗಳೆಲ್ಲ ಸೇರಿ ಸುದೀಪ್ಗೆ ಸನ್ಮಾನ ಮಾಡಿದ್ದವು. ಈ ವೇಳೆ ಸುದೀಪ್ ಧರಿಸಿದ್ದ ವಾಚ್ ಎಲ್ಲರ ಗಮನ ಸೆಳೆದಿದೆ. ಅವರು ಧರಿಸಿದ್ದ ವಾಚ್ ಯಾವುದು? ಇದರ ಬೆಲೆ ಎಷ್ಟು ಎನ್ನುವ ಬಗ್ಗೆ ಅಭಿಮಾನಿಗಳು ಗೂಗಲ್ನಲ್ಲಿ ಸರ್ಚ್ ಮಾಡಿದ್ದಾರೆ.
ಸುದೀಪ್ ಧರಿಸಿದ್ದ ವಾಚ್ ರಿಚರ್ಡ್ ಮಿಲ್ಲೆ (Richard Mille) ಕಂಪೆನಿಗೆ ಸೇರಿದ್ದಾಗಿದೆ. ಸ್ವಿಸ್ ಮೂಲದ ಈ ಕಂಪೆನಿ 2001ರಲ್ಲಿ ಸ್ಥಾಪನೆಗೊಂಡಿತ್ತು. ಐಷಾರಾಮಿ ವಾಚ್ಗಳನ್ನು ಸಿದ್ಧಪಡಿಸೋದಕ್ಕೆ ಈ ಕಂಪೆನಿ ಹೆಸರುವಾಸಿಯಾಗಿದೆ.
ಸುದೀಪ್ ಧರಿಸಿರೋ ವಾಚ್ ಬೆಲೆ 1.5 ಕೋಟಿ ರೂಪಾಯಿ ಇದೆ ಎಂದು ಅಂದಾಜಿಸಲಾಗಿದೆ. ಈ ಸಂಸ್ಥೆ ಸಿದ್ಧಪಡಿಸುವ ವಾಚ್ನ ಆರಂಭಿಕ ಬೆಲೆ 1 ಕೋಟಿ ಮೇಲಿದೆ. ಸದ್ಯ, ಸುದೀಪ್ ವಾಚ್ ಮೌಲ್ಯ ಕೇಳಿ ಅನೇಕರು ಅಚ್ಚರಿ ಹೊರ ಹಾಕಿದ್ದಾರೆ. ಸುದೀಪ್ಗೆ ಕಾರು, ಬೈಕ್ ಕ್ರೇಜ್ ಇದೆ ಎಂಬುದು ಅಭಿಮಾನಿಗಳಿಗೆ ಗೊತ್ತಿತ್ತು. ಇದರ ಜತೆಗೆ ವಾಚ್ ಕ್ರೇಜ್ ಇದೆ ಎಂಬ ವಿಚಾರವೂ ಈಗ ಅಭಿಮಾನಿಗಳಿಗೆ ತಿಳಿದಂತಾಗಿದೆ.
ಇದನ್ನೂ ಓದಿ: Kichcha Sudeep: ನಟ ಕಿಚ್ಚ ಸುದೀಪ್ಗೆ ಸನ್ಮಾನ ಮಾಡಲಿದ್ದಾರೆ ಮುಖ್ಯಮಂತ್ರಿ ಯಡಿಯೂರಪ್ಪ