ನಟಿ ರಾಧಿಕಾ ಕುಮಾರಸ್ವಾಮಿ ಅಡ್ವಾನ್ಸ್ ತೆಗೆದುಕೊಂಡಿದ್ದ ಸಿನಿಮಾಕ್ಕೆ ಟೈಟಲ್ ರಿಜಿಸ್ಟ್ರೇಷನ್ ಆಗಿತ್ತಾ?

ಬೆಂಗಳೂರು: ಅಣ್ಣ-ತಂಗಿ ಸಿನಿಮಾ ಖ್ಯಾತಿಯ ನಟಿ ರಾಧಿಕಾ ಕುಮಾರಸ್ವಾಮಿ ಅಕ್ರಮ ಹಣ ಪಡೆದ ಆರೋಪವೊಂದನ್ನು ಎದುರಿಸುತ್ತಿದ್ದಾರೆ. ಈ ಪ್ರಕರಣವು ಹಲವು ಅನುಮಾನಗಳಿಗೆ ಎಡೆ ಮಾಡಿಕೊಟ್ಟಿದೆ. ಇದರ ಜೊತೆಗೆ ಮತ್ತೊಂದು ಪ್ರಶ್ನೆಯನ್ನು ಹುಟ್ಟುಹಾಕಿದೆ. ಅದುವೇ ಪ್ರಸ್ತಾವಿತ ನಾಟ್ಯ ರಾಣಿ ಶಾಂತಲಾ ಸಿನಿಮಾಕ್ಕೆ ಟೈಟಲ್ ರಿಜಿಸ್ಟ್ರೇಷನ್ ಆಗಿತ್ತಾ? ಎಂಬುದು ಸದ್ಯದ ಪ್ರಶ್ನೆ. ರಿಜಿಸ್ಟ್ರೇಷನ್ ಮಾಡಿಸದೆಯೇ ಅವರು ಲಕ್ಷ ಲಕ್ಷ ರೂಪಾಯಿ ಅಡ್ವಾನ್ಸ್ ಪಡೆದಿದ್ದಾರೆ ಎಂಬ ಮಾತು ಇದೀಗ ಚರ್ಚೆಯನ್ನು ಹುಟ್ಟುಹಾಕಿದೆ.

ಒಬ್ಬ ನಟಿ ಅಥವಾ ನಟ ಯಾವುದೇ ಸಿನಿಮಾ ಮಾಡಿದ್ರು ಮೊದಲು ಅದರ ಆಯ್ಕೆಯಲ್ಲಿ ಹೆಚ್ಚಿನ ಗಮನವಹಿಸುತ್ತಾರೆ. ಯಾಕಂದ್ರೆ ಒಂದು ಒಳ್ಳೆಯ ಸಿನಿಮಾ ಅವರ ಬದುಕನ್ನೇ ಬದಲಾಯಿಸಬಹುದು. ಹಾಗಾಗಿ ಕಥೆ, ನಿರ್ದೇಶನ, ಚಿತ್ರ ತಂಡ ಎಲ್ಲವನ್ನು ನೋಡಿ ಸಿನಿಮಾ ಮಾಡಬೇಕಾ, ಬೇಡವಾ ಎಂಬ ನಿರ್ಧಾರವನ್ನು ಮಾಡ್ತಾರೆ.

ಆದ್ರೆ ನಟಿ ರಾಧಿಕಾ ಕುಮಾರಸ್ವಾಮಿ ಸಿನಿಮಾ ಮಾಡಲು ಲಕ್ಷ ಲಕ್ಷ ಹಣವನ್ನು ಪಡೆದಿದ್ದು ಸಿನಿಮಾ ಹೆಸರು ನಾಟ್ಯ ರಾಣಿ ಶಾಂತಲಾ ಅನ್ನೋದು ಬಿಟ್ಟು ಬೇರೇನೂ ಅವರಿಗೆ ಗೊತ್ತಿಲ್ಲವಂತೆ. ಈ ಸಿನಿಮಾಗೆ ನಿರ್ದೇಶಕರು ಯಾರು, ಚಿತ್ರ ತಂಡ ಯಾವುದು, ಸಿನಿಮಾ ಯಾವಾಗ ಸೆಟ್ಟೇರಲಿದೆ ಎಂಬ ಯಾವ ಮಾಹಿತಿ ಇಲ್ಲದಿದ್ದರೂ ಸಿನಿಮಾಗಾಗಿ ಹಣ ಪಡೆದಿದ್ದಾರೆ. ಹೀಗಾಗಿ ಈ ಕೇಸ್ ಹಲವು ಅನುಮಾನಗಳಿಗೆ ಎಡ ಮಾಡಿಕೊಟ್ಟಿದೆ.

ರಿಜಿಸ್ಟ್ರೇಷನ್ ಮಾಡಿಸದೇ ಲಕ್ಷ ಲಕ್ಷ ಅಡ್ವಾನ್ಸ್: ಇನ್ನು ನಾಟ್ಯ ರಾಣಿ ಶಾಂತಲಾ ಸಿನಿಮಾವನ್ನು ರಿಜಿಸ್ಟ್ರೇಷನ್ ಸಹ ಮಾಡಿಸಿಲ್ಲವಂತೆ. ರಿಜಿಸ್ಟ್ರೇಷನ್ ಮಾಡಿಸದೆಯೂ,  ಜೊತೆಗೆ ಅಗ್ರಿಮೆಂಟ್ ಇಲ್ಲದೆ ಬಾಯಿ ಮಾತಿನಲ್ಲೆ ಸಿನಿಮಾ ಮಾಡಲು ಒಪ್ಪಿಕೊಂಡಿದ್ದಾರೆ. 75 ಲಕ್ಷ ಹಣವನ್ನು ಪಡೆದಿದ್ದಾರೆ.

ನಿರ್ಮಾಪಕನ ಭೇಟಿ ಮಾಡದೆಯೂ ಹಣ ಪಡೆದ್ರಾ ರಾಧಿಕಾ.. ಸಿನಿಮಾ ಮಾಡುವ ನೆಪದಲ್ಲಿ ರಾಧಿಕಾ ಕುಮಾರಸ್ವಾಮಿ ಒಟ್ಟು 75 ಲಕ್ಷ ಹಣ ಪಡೆದಿದ್ದಾರೆ. ಅದರೆ ಈ ಹಣದ ಪೈಕಿ ಅವರ ಅಕೌಂಟ್​ನಲ್ಲಿ 60 ಲಕ್ಷ ಹಣ ವರ್ಗಾವಣೆಯಾಗಿತ್ತು. ಆದ್ರೆ ಆ ಹಣ ಕೊಟ್ಟ ವ್ಯಕ್ತಿ ಯಾರು ಅನ್ನೋದೂ ಗೊತ್ತಿಲ್ಲವಂತೆ. ಹಾಗಾದ್ರೆ ಗೊತ್ತಿಲ್ಲದ ವ್ಯಕ್ತಿಯಿಂದ ಹಣ ಪಡೆದು ಒಂಬತ್ತು ತಿಂಗಳು ಸುಮ್ಮನೆ ಇದ್ರಾ ಸದರಿ ನಟಿ ಮಣಿ ಎಂಬ ಪ್ರಶ್ನೆಯೂ ಚಿತ್ರಪ್ರೇಮಿಗಳಲ್ಲಿ ಗಾಢವಾಗಿ ಕಾಡುತ್ತಿದೆ.

ಜೊತೆಗೆ ರಾಧಿಕಾ ಕುಮಾರಸ್ವಾಮಿ ಒಂದು ಸಿನಿಮಾಗೆ ಈಗಾಗಲೆ 75 ಲಕ್ಷ ಅಡ್ವಾನ್ಸ್ ಪಡೆದಿದ್ದಾರೆ ಅಂತಾದರೆ.. ಫುಲ್​ ಸಂಭಾವನೆ ಎಷ್ಟು ಇರಬಹುದು? ಈ ಪ್ರಶ್ನೆಗೆ ಕನ್ನಡ ಸಿನಿ ರಂಗ ಹೇಳೋದು ಕನ್ನಡದಲ್ಲಿ ಒರ್ವ ನಟಿಗೆ ಅತಿಹೆಚ್ಚು ಅಂದ್ರೆ 40 ಲಕ್ಷ ಪೇಮೆಂಟ್ ಕೊಡಬಹುದಂತೆ. ಅದ್ರೆ ಇಲ್ಲಿ ನಟಿ ರಾಧಿಕಾ ಕುಮಾರಸ್ವಾಮಿ ಅಡ್ವಾನ್ಸ್ ಅಗಿ 75 ಲಕ್ಷ ಹಣ ಪಡೆದಿರೊದು ಅನುಮಾನವನ್ನು ಹೆಚ್ಚಾಗಿಸಿದೆ.

ರಾಧಿಕಾ ಕುಮಾರಸ್ವಾಮಿಗೆ ಬಂತು CCB ಬುಲಾವ್, ನಾಳೆಯೇ ವಿಚಾರಣೆ

Published On - 1:29 pm, Fri, 8 January 21