‘ಓಂ’ ಚಿತ್ರಕ್ಕೆ ಕೇಳಿ ಬಂದಿತ್ತು ತಕರಾರು; ರಾಜ್​ಕುಮಾರ್ ಹೇಳಿದ ಒಂದೇ ಮಾತಿಗೆ ಎಲ್ಲರೂ ಸೈಲೆಂಟ್

ಶಿವರಾಜ್​ಕುಮಾರ್ (Shiva Rajkumar) ನಟನೆಯ ‘ಓಂ’ ಸಿನಿಮಾ 1995ರಲ್ಲಿ ರಿಲೀಸ್ ಆಯಿತು. ಈ ಸಿನಿಮಾ ನೂರಾರು ಬಾರಿ ರೀ-ರಿಲೀಸ್ ಆಗಿದೆ. ಈ ಚಿತ್ರವನ್ನು ಉಪೇಂದ್ರ ನಿರ್ದೇಶನ ಮಾಡಿದ್ದರೆ, ಪಾರ್ವತಮ್ಮ ಅವರು ನಿರ್ಮಾಣ ಮಾಡಿದ್ದರು. ಈ ಸಿನಿಮಾ ಈಗ 30 ವರ್ಷಗಳನ್ನು ಪೂರೈಸುತ್ತಿದೆ. ಈ ಚಿತ್ರಕ್ಕೆ ಸಾಕಷ್ಟು ವಿರೋಧ ಕೂಡ ವ್ಯಕ್ತವಾಗಿತ್ತು. ಸೆನ್ಸಾರ್ ಮಂಡಳಿಯಿಂದಲೇ ತಕರಾರರು ಎದ್ದಿತ್ತು. ಈ ಬಗ್ಗೆ ರಾಜ್​ಕುಮಾರ್ ಹೇಳಿದ ಒಂದೇ ಮಾತಿನಿಂದ ಎಲ್ಲವೂ ಸೈಲೆಂಟ್ ಆಯಿತು.

ಇಂದು (ಏಪ್ರಿಲ್ 12) ರಾಜ್​ಕುಮಾರ್ ಅವರ ಪುಣ್ಯತಿಥಿ. ಅವರು ನಮ್ಮನ್ನು ಅಗಲಿ 19 ವರ್ಷಗಳು ಕಳೆದಿವೆ. ರಾಜ್​ಕುಮಾರ್ ಅವರು ಇಲ್ಲದೆ ಹೋದರು ಅವರು ಮಾಡಿದ ಕೆಲಸಗಳನ್ನು ನೆನಪಿಸಿಕೊಳ್ಳಲಾಗುತ್ತಿದೆ. ರಾಜ್​ಕುಮಾರ್ ಪುಣ್ಯತಿಥಿ ವೇಳೆ ಅವರು ಮಾಡಿದ ಕೆಲವು ಒಳ್ಳೆಯ ಕೆಲಸಗಳ ಬಗ್ಗೆ ಮಾತನಾಡೋಣ. ಅದರಲ್ಲಿ ‘ಓಂ’ ಚಿತ್ರದ ಸಂದರ್ಭದಲ್ಲಿ ಎದ್ದ ತಕಾರರು ಕೂಡ ಒಂದು. ಈ ಬಗ್ಗೆ ಕೋಟೆ ಪ್ರಭಾಕರ್ ಅವರು ‘ಕಲಾಮಾಧ್ಯಮ’ ಯೂಟ್ಯೂಬ್ ಚಾನೆಲ್​ಗ ನೀಡಿದ ಸಂದರ್ಶನದಲ್ಲಿ ಮಾತನಾಡಿದ್ದಾರೆ.

‘ಓಂ ಸಿನಿಮಾ ಇನ್ನೂ ಅದ್ದೂರಿಯಾಗಿತ್ತು. ಆದರೆ, ಸಿನಿಮಾಗೆ ಸೆನ್ಸಾರ್ ಮಂಡಳಿಯವರು ತಕರಾರು ಎತ್ತಿದ್ದರು. ರೌಡಿಗಳನ್ನು ನೀವೇ ಬೆಳೆಸುತ್ತಿದ್ದೀರಾ ಎಂದು ಸೆನ್ಸಾರ್ ಮಂಡಳಿಯವರು ಹೇಳಿದರು. ಹಾಗಾಗಿ ಹಲವು ಕಡೆ ಟ್ರಿಮ್ ಮಾಡಲಾಯಿತು. ಆಮೇಲೆ ರಾಜ್​ಕುಮಾರ್ ಅವರೇ ಬಂದು, ಬ್ರಾಹ್ಮಣ ರೌಡಿ ಆಗೋದಷ್ಟೇ ಅಲ್ಲವಾ? ಕಥೆ ಹಾಗಿದೆ. ಅದಕ್ಕೆ ಹಾಗೆ ಮಾಡಲಾಗಿದೆ ಎಂದು ರಾಜ್​ಕುಮಾರ್ ಮನ ಒಲಿಸಿದ ಬಳಿಕ ಯಾರೂ ಸಿನಿಮಾ ಬಗ್ಗೆ ಮಾತನಾಡಲಿಲ್ಲ’ ಎಂದು ಕೋಟೆ ಪ್ರಭಾಕರ್ ಹೇಳಿದ್ದಾರೆ.

ಇದನ್ನೂ ಓದಿ: ‘ನನ್ನ ಸುದೀಪ್ ಮಧ್ಯೆ ಸಣ್ಣಪುಟ್ಟ ಮನಸ್ತಾಪ ಆಗಿರಬಹುದು, ಆದರೆ ವೈರತ್ವ ಬೆಳೆದಿಲ್ಲ’; ಶಿವರಾಜ್​ಕುಮಾರ್

ರಾಜ್​ಕುಮಾರ್ ಅವರು ಸಿನಿಮಾ ರಂಗಕ್ಕೆ ನೀಡಿದ ಕೊಡಗೆ ತುಂಬಾನೇ ದೊಡ್ಡದು. ಅವರು ಅನೇಕರನ್ನು ಬೆಳೆಸಿದ್ದಾರೆ. ಅವರು ಇಲ್ಲ ಎಂಬ ನೋವು ಅಭಿಮಾನಿಗಳಿಗೆ ಎಂದಿಗೂ ಮರೆ ಆಗುವಂಥದ್ದಲ್ಲ. ಅವರ ಹಿಟ್ ಚಿತ್ರಗಳನ್ನು ಈಗಲೂ ಫ್ಯಾನ್ಸ್ ವೀಕ್ಷಿಸುತ್ತಾರೆ. ರಾಜ್​ಕುಮಾರ್ ಅವರ ಪುಣ್ಯಸ್ಮರಣೆ ಪ್ರಯುಕ್ತ ಕುಟುಂಬದವರು ರಾಜ್​ಕುಮಾರ್ ಸಮಾಧಿಗೆ ತೆರಳಿ ಪೂಜೆ ಸಲ್ಲಿಸೋ ಸಾಧ್ಯತೆ ಇದೆ. ರಾಜ್​ಕುಮಾರ್ ಹುಟ್ಟಿದ್ದು ಹಾಗೂ ಸತ್ತಿದ್ದು ಒಂದೇ ತಿಂಗಳಲ್ಲಿ. ಅವರಿಗೆ ಏಪ್ರಿಲ್ 24 ಜನ್ಮದಿನ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.