ಪದೇ ಪದೇ ಪ್ರಶ್ನೆ ಕೇಳಿದವರಿಗೆ ಯಶ್​ ಉತ್ತರ; ಝಲಕ್ ತೋರಿಸಿದ ರಾಕಿ ಭಾಯ್​

ನಟ ಯಶ್​ (Yash) ಅವರು ಸಿನಿಮಾ ಕೆಲಸಗಳನ್ನು ಬಹಳ ಸಾವಧಾನದಿಂದ ಮಾಡುತ್ತಾರೆ. ಆದರೆ ಫಲಿತಾಂಶ ಬಹಳ ದೊಡ್ಡದಾಗಿರುತ್ತದೆ. ಅದಕ್ಕೆ ‘ಕೆಜಿಎಫ್​: ಚಾಪ್ಟರ್​ 2’ ಸಿನಿಮಾದ ಗೆಲುವೇ ಸಾಕ್ಷಿ. ಈಗ ಅವರು ‘ಟಾಕ್ಸಿಕ್​’ (Toxic) ಸಿನಿಮಾಗೂ ಸಹ ದೀರ್ಘ ಸಮಯವನ್ನು ಮೀಸಲಿಟ್ಟಿದ್ದಾರೆ. ಯಾವುದೇ ಅವಸರ ಇಲ್ಲದೇ ಅವರು ಕೆಲಸ ಮಾಡುತ್ತಿದ್ದಾರೆ. ಅಪ್​ಡೇಟ್​ ಸಲುವಾಗಿ ಯಶ್​ ಅವರಿಗೆ ಹಲವು ಪ್ರಶ್ನೆಗಳು ಎದುರಾಗುತ್ತಲೇ ಇವೆ. ಅಂಥವರಿಗೆಲ್ಲ ‘ರಾಕಿಂಗ್​ ಸ್ಟಾರ್​’ (Rocking Star) ಈಗ ಝಲಕ್​ ತೋರಿಸಿದ್ದಾರೆ. ಏನದು ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ.

ಸೋಶಿಯಲ್​ ಮೀಡಿಯಾದಲ್ಲಿ ಯಶ್​ ಅವರು ಹೊಸ ವಿಡಿಯೋ ಹಂಚಿಕೊಂಡಿದ್ದಾರೆ. ಸುದ್ದಿಗೋಷ್ಟಿಯಲ್ಲಿ ಯಶ್​ ಕುಳಿತುಕೊಂಡಿರುವ ದೃಶ್ಯ ಇದರಲ್ಲಿದೆ. ಆಗ ಪತ್ರಕರ್ತೆಯೊಬ್ಬರು ಪಿಸುದನಿಯಲ್ಲಿ ‘Question Question Question.. He avoids’ ಎಂದು ಕೆಜಿಎಫ್​ ಸ್ಟೈಲ್​ನಲ್ಲಿ ಹೇಳುತ್ತಾರೆ. ಬಳಿಕ ‘ಫಾಲೋ ಮೀ’ ಎನ್ನುತ್ತಾರೆ ಯಶ್​. ಇಡೀ ವಿಡಿಯೋದಲ್ಲಿ ಇರುವುದು ಇಷ್ಟು ಮಾತ್ರ. ಇದನ್ನು ನೋಡಿ ಅಭಿಮಾನಿಗಳ ಕೌತುಕ ಜಾಸ್ತಿ ಆಗಿದೆ.

‘ಒಂದು ಪ್ರಶ್ನೆಯಿಂದ ಅಚ್ಚರಿ ಆಯಿತು. ನಾನು ಇದನ್ನು ತಪ್ಪಿಸಲು ಸಾಧ್ಯವಿಲ್ಲ. ನಿಜವಾಗಿಯೂ ಪವರ್​ಫುಲ್​ ಆದಂತಹ ಒಂದು ವಿಚಾರಕ್ಕಾಗಿ ಕಾಯಿರಿ’ ಎಂದು ಯಶ್​ ಅವರು ಈ ವಿಡಿಯೋಗೆ ಕ್ಯಾಪ್ಷನ್​ ನೀಡಿದ್ದಾರೆ. ಹಾಗಂತ ಇದು ಸಿನಿಮಾಗೆ ಸಂಬಂಧಿಸಿದ ವಿಡಿಯೋ ಅಲ್ಲ. ಯಾಕೆಂದರೆ, #Ad ಎಂದು ಯಶ್​ ಅವರು ಹ್ಯಾಶ್​ ಟ್ಯಾಗ್​ ಬಳಸಿದ್ದಾರೆ. ಹಾಗಾಗಿ ಇದು ಯಾವುದೋ ಪ್ರತಿಷ್ಠಿತ ಕಂಪನಿಯ ಜಾಹೀರಾತು ಎಂಬುದು ನೆಟ್ಟಿಗರಿಗೆ ಅರ್ಥ ಆಗಿದೆ. ಆದರೆ ಆ ಬ್ರ್ಯಾಂಡ್​ ಯಾವುದು ಎಂಬುದು ಇನ್ನಷ್ಟೇ ಗೊತ್ತಾಗಬೇಕಿದೆ.

ಯಶ್​ ಹಂಚಿಕೊಂಡ ಹೊಸ ವಿಡಿಯೋ:

‘ಕೆಜಿಎಫ್​: ಚಾಪ್ಟರ್​ 2’ ಸಿನಿಮಾ ಬ್ಲಾಕ್​ ಬಸ್ಟರ್​ ಆದ ಬಳಿಕ ಯಶ್​ ಅವರು ಜಾಗತಿಕ ಮಟ್ಟದಲ್ಲಿ ಖ್ಯಾತಿ ಗಳಿಸಿದರು. ಹಾಗಾಗಿ ಅವರಿಗೆ ದೊಡ್ಡ ದೊಡ್ಡ ಕಂಪನಿಗಳಿಂದ ಆಫರ್​ ಬರುತ್ತಿದೆ. ಈಗಾಗಲೇ ಅವರು ‘ಪೆಪ್ಸಿ’, ‘ವಿಲನ್​’ ಮುಂತಾದ ಕಂಪನಿಗಳಿಗೆ ಪ್ರಚಾರ ರಾಯಭಾರಿ ಆಗಿದ್ದಾರೆ. ಇವುಗಳ ಜಾಹೀರಾತಿನಲ್ಲಿ ನಟಿಸಿರುವ ಅವರಿಗೆ ಕೈತುಂಬ ಸಂಭಾವನೆ ಸಿಗುತ್ತಿದೆ. ಈಗ ಅವರು ಕಾಣಿಸಿಕೊಂಡಿರುವ ಹೊಸ ಜಾಹೀರಾತಿನ ಬಗ್ಗೆಯೂ ಕೌತುಕ ಮೂಡಿದೆ.

‘ಟಾಕ್ಸಿಕ್​’ ಸಿನಿಮಾದ ಶೂಟಿಂಗ್​ ಸೆಟ್​ನಿಂದ ಯಶ್​ ಫೋಟೋಗಳು ಲೀಕ್​

ಯಶ್​ ನಟನೆಯ ‘ಟಾಕ್ಸಿಕ್​’ ಸಿನಿಮಾಗೆ ಗೀತು ಮೋಹನ್​ದಾಸ್​ ಅವರು ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾದ ಪಾತ್ರವರ್ಗದ ಬಗ್ಗೆ ಹಲವು ಅಂತೆ-ಕಂತೆಗಳು ಹರಿದಾಡುತ್ತಿವೆ. ಸಾಯಿ ಪಲ್ಲವಿ, ಕರೀನಾ ಕಪೂರ್​ ಖಾನ್​ ಮುಂತಾದ ನಟಿಯರ ಹೆಸರುಗಳು ಕೇಳಿಬರುತ್ತಿವೆ. ಆ ಬಗ್ಗೆಯೂ ಅಪ್​ಡೇಟ್​ ಸಿಗಲಿ ಎಂದು ಯಶ್​ ಫ್ಯಾನ್ಸ್​ ಬಯಸಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.