ಬೆಳಗ್ಗೆ ರಿಲೀಸ್ ಆದ ಸಿನಿಮಾ ಸಂಜೆ ಲೀಕ್! ಸ್ಟಾರ್ ನಟನ ಚಿತ್ರಕ್ಕೆ ಪೈರಸಿ ಕಾಟ
ನಿರ್ಮಾಪಕರು ಕೋಟ್ಯಾಂತರ ರೂಪಾಯಿ ಹಾಕಿ ಸಿದ್ಧಪಡಿಸಿದ ಸಿನಿಮಾ ಕ್ಷಣಮಾತ್ರದಲ್ಲಿ ಲೀಕ್ ಮಾಡಿಬಿಡುತ್ತಾರೆ. ಈ ಮೂಲಕ ಸಾವಿರಾರು ಜನರ ಶ್ರಮವನ್ನು ವ್ಯರ್ಥಮಾಡಿ ಬಿಡುತ್ತಾರೆ ಕಳ್ಳರು.
ಪೈರಸಿ ಅನ್ನೋದು ಚಿತ್ರರಂಗಕ್ಕೆ ಶಾಪವಾಗಿ ಮಾರ್ಪಟ್ಟಿದೆ. ನಿರ್ಮಾಪಕರು ಕೋಟ್ಯಾಂತರ ರೂಪಾಯಿ ಹಾಕಿ ಸಿದ್ಧಪಡಿಸಿದ ಸಿನಿಮಾ ಕ್ಷಣಮಾತ್ರದಲ್ಲಿ ಲೀಕ್ ಮಾಡಿಬಿಡುತ್ತಾರೆ. ಈ ಮೂಲಕ ಸಾವಿರಾರು ಜನರ ಶ್ರಮವನ್ನು ವ್ಯರ್ಥಮಾಡಿ ಬಿಡುತ್ತಾರೆ. ಈಗಲೂ ಹಾಗೆಯೇ ಆಗಿದೆ. ಇಂದು ರಿಲೀಸ್ ಆದ ಸ್ಟಾರ್ ನಟನ ಚಿತ್ರಕ್ಕೆ ಪೈರಸಿ ಕಾಟ ಎದುರಾಗಿದೆ.
ಬಾಲಿವುಡ್ ನಟ ರಾಜ್ಕುಮಾರ್ ರಾವ್ ಹಾಗೂ ಜಾಹ್ನವಿ ಕಪೂರ್ ನಟನೆಯ ‘ರೂಹಿ’ ಚಿತ್ರ ರಿಲೀಸ್ ಆದ ದಿನವೇ ಸೋರಿಕೆ ಆಗಿದೆ. Tamilrockers, Movierulz, Telegramಗಳಲ್ಲಿ ಈ ಸಿನಿಮಾದ ಪ್ರಿಂಟ್ ಹರಿದಾಡಿದೆ. ಇದು ಚಿತ್ರತಂಡಕ್ಕೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಹಾರರ್ ಕಾಮಿಡಿ ಶೈಲಿಯಲ್ಲಿ ಮೂಡಿ ಬಂದ ಈ ಚಿತ್ರಕ್ಕೆ ಪೈರಸಿ ತೀವ್ರ ಹಿನ್ನಡೆ ಉಂಟು ಮಾಡಿದೆ. ಈ ಮೊದಲು ತೆರೆಕಂಡಿದ್ದ ರಾಜ್ಕುಮಾರ್ ರಾವ್ ನಟನೆಯ ಸ್ತ್ರೀ ಸಿನಿಮಾ ಹಾರರ್ ಕಾಮಿಡಿ ಶೈಲಿಯಲ್ಲೇ ಮೂಡಿ ಬಂದಿತ್ತು. ಇದೇ ಮಾದರಿಯಲ್ಲಿ ರೂಹಿ ಸಿನಿಮಾ ಇದೆ ಎಂದು ಹೇಳಲಾಗುತ್ತಿದೆ.
ಶ್ರೀದೇವಿ ಮಗಳಾಗಿರುವ ಜಾಹ್ನವಿ ಚಿತ್ರದ ನಾಯಕಿ. ಅವರ ಸಿನಿಮಾಗೆ ಪದೇ ಪದೇ ಹಿನ್ನಡೆ ಉಂಟಾಗುತ್ತಲೇ ಇದೆ. ಈ ಮೊದಲು ಕಾರ್ಗಿಲ್ ಸಿನಿಮಾಗೆ ಕಥೆ ತಿರುಚಲಾಗಿದೆ ಎನ್ನುವ ಆರೋಪ ಕೇಳಿ ಬಂದಿತ್ತು. ಇದರಿಂದ ಚಿತ್ರಕ್ಕೆ ಹಿನ್ನಡೆ ಉಂಟಾಗಿತ್ತು. ಈಗ ಪೈರಸಿ ವಿಚಾರ ಜಾಹ್ನವಿ ಸಿನಿಮಾಗೆ ಏಟು ನೀಡಿದೆ.
Tamilrockers ಸೇರಿ ಸಾಕಷ್ಟು ಸೈಟ್ಗಳು ಸಿನಿಮಾ ಪೈರಸಿಯಲ್ಲೇ ತೊಡಗಿಕೊಂಡಿವೆ. ಇವರು ಎಲ್ಲಿಂದ ಕಾರ್ಯಾಚರಣೆ ನಡೆಸುತ್ತಿದ್ದಾರೆ ಎನ್ನುವ ವಿಚಾರ ಇಲ್ಲಿಯವರೆಗೆ ಬಯಲಾಗಿಲ್ಲ. ಅಷ್ಟೇ ಅಲ್ಲ, ಈ ಸೈಟ್ಗಳ ವಿರುದ್ಧ ಅದೆಷ್ಟೋ ಕೇಸ್ಗಳು ಕೂಡ ದಾಖಲಾಗಿವೆ ಎನ್ನುವ ಮಾಹಿತಿಯೂ ಸಿಕ್ಕಿದೆ.
ಇದನ್ನೂ ಓದಿ: