‘ಸಿನಿಮಾ ವಿಚಾರದಲ್ಲಿ ಸಂದೀಪ್ ರೆಡ್ಡಿ ಆರ್​ಜಿವಿಯ ಅಪ್ಪ’; ಕೊಂಡಾಡಿದ ರಾಜಮೌಳಿ

ಖ್ಯಾತ ನಿರ್ದೇಶಕ ಸಂದೀಪ್ ರೆಡ್ಡಿ ವಂಗ ಅವರ ಸಿನಿಮಾ ಮೇಕಿಂಗ್ ಭಿನ್ನ. ಅವರು ಎಲ್ಲ ವಿಷಯಗಳನ್ನು ತುಂಬಾನೇ ರಾ ಆಗಿ ತೋರಿಸುತ್ತಾರೆ. ಅವರು ನಿರ್ದೇಶನ ಮಾಡಿದ್ದು ಮೂರು ಸಿನಿಮಾಗಳನ್ನು ಮಾತ್ರ. ಈ ಮೂರು ಚಿತ್ರಗಳು ಹಿಟ್ ಆಗಿವೆ. ಈಗ ಅವರನ್ನು ಖ್ಯಾತ ನಿರ್ದೇಶಕ ಎಸ್​​ಎಸ್​ ರಾಜಮೌಳಿ ಬಾಯ್ತುಂಬ ಹೊಗಳಿದ್ದಾರೆ. ‘ಸಿನಿಮಾ ವಿಚಾರದಲ್ಲಿ ಸಂದೀಪ್ ಅವರು ಆರ್​ಜಿವಿ ಅಪ್ಪ’ ಎಂದು ಕರೆದಿದ್ದಾರೆ.

ಆರ್​ಜಿವಿ ಅವರು ರಾ ಸಿನಿಮಾಗಳನ್ನು ಹೆಚ್ಚು ನೀಡಿದ್ದಾರೆ. ಅವರು ಯಾವುದೇ ವಿಚಾರಗಳನ್ನು ಹೇಳಬೇಕು ಎಂದರೆ ನೇರ ಮಾತುಗಳಲ್ಲಿ ಹೇಳುತ್ತಾರೆ. ಸಂದೀಪ್ ಅವರಲ್ಲೂ ಇದೇ ಗುಣ ಇದೆ ಎಂಬುದು ರಾಜಮೌಳಿಯ ಅಭಿಪ್ರಾಯ. ಹೀಗಾಗಿ, ಸಂದೀಪ್ ಅವರನ್ನು ಆರ್​ಜಿವಿಗೆ ಹೋಲಿಕೆ ಮಾಡಿ ಹೊಗಳಿದ್ದಾರೆ ಸಂದೀಪ್.

ಇತ್ತೀಚೆಗೆ ಸಿನಿಮಾ ಈವೆಂಟ್​ ಒಂದರಲ್ಲಿ ರಾಜಮೌಳಿ ಅವರು ಮಾತನಾಡಿದ್ದಾರೆ. ‘ಆರ್​ಜಿವಿ, ಸಂದೀಪ್ ರೆಡ್ಡಿ ವಂಗ ಇವರೆಲ್ಲ ಖ್ಯಾತ ನಿರ್ದೇಶಕರು. ಅಪರೂಪಕ್ಕೆ ಒಮ್ಮೆ ಈ ರೀತಿಯ ನಿರ್ದೇಶಕರು ಸಿಗುತ್ತಾರೆ’ ಎಂದು ರಾಜಮೌಳಿ ಹೇಳಿದ್ದಾರಂತೆ. ಅಲ್ಲದೆ, ರಾಜಮೌಳಿಯ ಹೊಗಳಿಕೆಯಿಂದ ಸಂದೀಪ್​ಗೆ ಹೊಸ  ಹುಮ್ಮಸ್ಸು ಸಿಕ್ಕಂತೆ ಆಗಿದೆ.

ಸಂದೀಪ್ ಅವರು ಇತ್ತೀಚೆಗೆ ಸುದ್ದಿಯಲ್ಲಿದ್ದಾರೆ. ಅವರು ‘ಸ್ಪಿರಿಟ್’ ಸಿನಿಮಾನ ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರಕ್ಕೆ ದೀಪಿಕಾ ಪಡುಕೋಣೆ ನಾಯಕಿ ಆಗಿರಬೇಕಿತ್ತು. ಆದರೆ, ಚಿತ್ರದಿಂದ ಅವರು ಹೊರ ನಡೆದರು. ಇದಕ್ಕೆ ಸಂದೀಪ್ ಕಾರಣ ಎಂದು ನೇರವಾಗಿಯೇ ಹೇಳಿದ್ದರು. ಇದರಿಂದ ಸಂದೀಪ್ ಅವರ ಚಾರ್ಮ್​ಗೆ ಧಕ್ಕೆ ಬಂದಿತ್ತು. ಆದರೆ, ರಾಜಮೌಳಿ ಅವರಂಥ ನಿರ್ದೇಶಕರು ಅವರು ಬಗ್ಗೆ ಮೆಚ್ಚುಗೆ ಸೂಚಿಸಿದಾಗ ಅವರಿಗೆ ಸಹಜವಾಗಿಯೇ ಖುಷಿ ಆಗುತ್ತದೆ.

ಇದನ್ನೂ ಓದಿ: ಸಂದೀಪ್ ರೆಡ್ಡಿ ವಂಗ ಯಾವಾಗಲೂ ಕುರ್ತಾ ಧರಿಸೋದು ಏಕೆ? ಆ ಘಟನೆಯೇ ಕಾರಣ

ಸಂದೀಪ್ ರೆಡ್ಡಿ ಅವರು ಆಲ್ಫಾ ಮೇಲ್ ಸಿನಿಮಾಗಳನ್ನು ತೆಗೆಯುತ್ತಾರೆ. ಅವರ ಸಿನಿಮಾಗಳಲ್ಲಿ ಮಹಿಳೆಯರನ್ನು ಕೀಳಾಗಿ ತೋರಿಸಲಾಗುತ್ತದೆ ಎಂಬ ಆರೋಪ ಇದೆ. ಆದರೆ, ಈ ವಿಚಾರದಲ್ಲಿ ಸಂದೀಪ್ ಅವರಿಗೆ ಯಾವುದೇ ಬೇಸರ ಇಲ್ಲ. ಅವರು ತಮ್ಮ ಸಿನಿಮಾಗಳನ್ನು ಸಮರ್ಥಿಸಿಕೊಂಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.