ಶಾರುಖ್​ ಖಾನ್​ ಮಗಳು ಸುಹಾನಾಗೆ ಬಂತು ಮ್ಯಾರೇಜ್​ ಪ್ರಪೋಸಲ್​; ಹುಡುಗನ ಸ್ಯಾಲರಿ ಎಷ್ಟು ಗೊತ್ತಾ?

ಸ್ಟಾರ್​ ಮಕ್ಕಳ ಮದುವೆ ಎಂದರೆ ಅದ್ದೂರಿಯಾಗಿ ನಡೆಯುತ್ತದೆ. ಇನ್ನು, ಅವರಿಗೆ ಬರುವ ಸಂಬಂಧ ಕೂಡ ದೊಡ್ಡದೇ ಆಗಿರುತ್ತದೆ. ಸಾಕಷ್ಟು ಐಶ್ವರ್ಯ ಇದ್ದು ಚಿತ್ರರಂಗದವರು ಸಾಮಾನ್ಯರನ್ನು ಮದುವೆ ಆದ ಉದಾಹರಣೆ ಇಲ್ಲ. ಅದೇನಿದ್ದರೂ ಸಿನಿಮಾ ಕಥೆಗೆ ಮಾತ್ರ ಸೀಮಿತ. ಈಗ ಶಾರುಖ್​ ಖಾನ್​ ಮಗಳಿಗೆ ಮದುವೆ ಪ್ರಪೋಸಲ್​ ಒಂದು ಬಂದಿದೆ. ಹುಡುಗನ ಸ್ಯಾಲರಿ ಕೇಳಿ ಎಲ್ಲರೂ ಅಚ್ಚರಿಪಟ್ಟಿದ್ದಾರೆ.

ಶಾರುಖ್​ ಖಾನ್​ ಬಾಲಿವುಡ್​ನ ಕಿಂಗ್​ ಖಾನ್​. ಬಾಲಿವುಡ್​ನಲ್ಲಿ ಸಿದ್ಧವಾಗುತ್ತಿರುವ ‘ಪಠಾಣ್’​ ಚಿತ್ರಕ್ಕಾಗಿ ಅವರು ಬರೋಬ್ಬರಿ 100 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಿದ್ದಾರೆ ಎನ್ನಲಾಗಿದೆ. ಶಾರುಖ್​ ಆದಾಯ ಸಿನಿಮಾ ರಂಗಕ್ಕೆ ಮಾತ್ರ ಸೀಮಿತವಾಗಿಲ್ಲ. ಅವರದೇ ಆದ ಕ್ರಿಕೆಟ್​ ಟೀಂ, ಪ್ರೊಡಕ್ಷನ್​ ಹೌಸ್​​ ಇದೆ. ಸಾಕಷ್ಟು ಉದ್ಯಮಗಳಲ್ಲಿ ಅವರು ಪಾಲುದಾರರು. ಸಾಕಷ್ಟು ಪ್ರತಿಷ್ಠಿತ ಕಂಪೆನಿಗಳಿಗೆ ಶಾರುಖ್​ ರಾಯಭಾರಿ. ಹೀಗಾಗಿ, ಶಾರುಖ್​ ವರ್ಷದ ಆದಾಯ ಸಾಮಾನ್ಯರ ಲೆಕ್ಕಕ್ಕೆ ಸಿಗುವಂತದ್ದಲ್ಲ.

ಇಂಥ ಸ್ಟಾರ್​ ನಟನ ಮಗಳು ಸುಹಾನಾ. ಅವರು ಸದ್ಯ, ಅಮೆರಿಕದಲ್ಲಿ ಶಿಕ್ಷಣ ಪಡೆಯುತ್ತಿದ್ದಾರೆ. ಅವರು ಇತ್ತೀಚೆಗಷ್ಟೇ 21ನೇ ವರ್ಷದ ಜನ್ಮದಿನಾಚರಣೆ ಆಚರಿಸಿಕೊಂಡಿದ್ದರು. ಅವರ ಬರ್ತ್​​ಡೇ ಆಚರಣೆ ಜೋರಾಗಿಯೇ ಇತ್ತು. ಅವರ ತಾಯಿ ಗೌರಿ ಖಾನ್​ ಟ್ವಿಟರ್​ನಲ್ಲಿ ವಿಶ್​ ಮಾಡಿದ್ದರು. ಇದಕ್ಕೆ ಸಾಕಷ್ಟು ಜನರು ಕಮೆಂಟ್​ ಮಾಡಿ ಶುಭ ಹಾರೈಸಿದ್ದರು.

ಈ ವೇಳೆ ಸುಹೈಬ್​ ಹೆಸರಿನ ವ್ಯಕ್ತಿಯ ಕಮೆಂಟ್​ ಎಲ್ಲರನ್ನು ಆಕರ್ಷಿಸಿತ್ತು. ಗೌರಿ ಮೇಡಮ್​ ನನ್ನ ಮದುವೆಯನ್ನು ಸುಹಾನಾ ಜತೆ ಮಾಡಿ. ನನ್ನ ತಿಂಗಳ ಸ್ಯಾಲರಿ 1 ಲಕ್ಷಕ್ಕೂ ಅಧಿಕವಾಗಿದೆ ಎಂದು ಬರೆದುಕೊಂಡಿದ್ದಾನೆ.

ಈ ಕಮೆಂಟ್​ ನೋಡಿದ ಸಾಕಷ್ಟು ಮಂದಿ ನಕ್ಕಿದ್ದಾರೆ. ಸುಹಾನಾ ನಿತ್ಯದ ಖರ್ಚು 1 ಲಕ್ಷಕ್ಕೂ ಅಧಿಕ ಇರಬಹುದು. ಹೀಗಿರುವಾಗ ಕೇವಲ ಒಂದು ಲಕ್ಷ ಸ್ಯಾಲರಿ ಹೊಂದಿರುವ ವ್ಯಕ್ತಿ ಸುಹಾನಾ ಅವರನ್ನು ವರಿಸುತ್ತಾರೆಯೇ ಎಂದು ಅನೇಕರು ಪ್ರಶ್ನೆ ಮಾಡಿದ್ದಾರೆ. ಸದ್ಯ, ಈ ಟ್ವೀಟ್​ನ ಕಮೆಂಟ್​ ಸಾಕಷ್ಟು ವೈರಲ್​ ಆಗಿದೆ.

ಶಾರುಖ್​ ಮಗಳ ಮೇಲೆ ಹೆಚ್ಚು ಕಾಳಜಿ ಹೊಂದಿದ್ದಾರೆ. ತಮ್ಮ ಮಗಳನ್ನು ಮದುವೆ ಆಗುವ ಹುಡುಗ ಹೇಗಿರಬೇಕು ಎಂಬ ಬಗ್ಗೆ ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು. ಆ ವಿಡಿಯೋ ಇತ್ತೀಚೆಗೆ ಸಾಕಷ್ಟು ವೈರಲ್​ ಆಗಿತ್ತು.

ಇದನ್ನೂ ಓದಿ: Suhana Khan: ಗರ್ಲ್ಸ್​ ಗ್ಯಾಂಗ್​ನಲ್ಲಿ ಹಾಟ್​ ಆಗಿ ಕಾಣಿಸಿಕೊಂಡ ಶಾರುಖ್​ ಮಗಳು ಸುಹಾನಾ ಖಾನ್​

‘ನಾನು ಜೈಲಿಗೆ ಹೋಗಲು ಹಿಂಜರಿಯುವುದಿಲ್ಲ’; ಪುತ್ರಿ ಸುಹಾನಾ ಬಾಯ್​ಫ್ರೆಂಡ್​ ಬಗ್ಗೆ ಶಾರುಖ್​ ಖಡಕ್​ ವಾರ್ನಿಂಗ್​