ಮಿಡ್-ವೀಕ್ ಎಲಿಮಿನೇಷನ್’ನಲ್ಲಿ ದೊಡ್ಡ ಟ್ವಿಸ್ಟ್; ವೋಟ್ ಕಸಿದುಕೊಳ್ಳೋ ಅವಕಾಶ
‘ಬಿಗ್ ಬಾಸ್’ ಕನ್ನಡ ಮನೆಯಲ್ಲಿ ಮಿಡ್-ವೀಕ್ ಎಲಿಮಿನೇಷನ್ ಕಾವು ಜೋರಾಗಿದ್ದು, 50% ವೋಟ್ ಕಸಿಯುವ ಹೊಸ ಟ್ವಿಸ್ಟ್ ನೀಡಲಾಗಿದೆ. ಇದರಿಂದ ಅಡ್ವಾಂಟೇಜ್ ಪಡೆದವರು ಬಚಾವ್ ಆಗಿ, ಅನರೀಕ್ಷಿತ ಸ್ಪರ್ಧಿ ಮನೆ ಹೊರಬೀಳುವ ಭೀತಿಯಲ್ಲಿದ್ದಾರೆ. ಈ ರೋಚಕ ಪ್ರಕ್ರಿಯೆ ದೊಡ್ಮನೆಯ ಆಟವನ್ನೇ ಬದಲಾಯಿಸಿದ್ದು, ವೀಕ್ಷಕರಲ್ಲಿ ಕುತೂಹಲ ಹೆಚ್ಚಿಸಿದೆ.
‘ಬಿಗ್ ಬಾಸ್’ ಕನ್ನಡ ಮನೆಯಲ್ಲಿ ಈ ವಾರ ಮಿಡ್ ವೀಕ್ ಎಲಿಮಿನೇಷನ್ ಕಾವು ಜೋರಾಗಿದೆ. ಈ ಶೋ ವೀಕ್ಷಕರಲ್ಲಿ ತೀವ್ರ ಕುತೂಹಲ ಮೂಡಿಸಿದೆ. ಮನೆಮಂದಿಗೆ ಬಿಗ್ ಬಾಸ್ ನೀಡಿದ ಬಿಗ್ ಶಾಕ್ ಸ್ಪರ್ಧಿಗಳ ನಿದ್ದೆಗೆಡಿಸಿದೆ. ಅಂದುಕೊಳ್ಳದೆ ಇದ್ದವರು ಬಿಗ್ ಬಾಸ್ ಮನೆಯಿಂದ ಹೊರ ಹೋಗುತ್ತಾರಾ ಎನ್ನುವ ಪ್ರಶ್ನೆ ಮೂಡಿದೆ.
ಶೇ. 50ರಷ್ಟು ವೋಟ್ ಕಸಿಯುವ ವಿಶೇಷ ಅಧಿಕಾರ
ಈ ಬಾರಿಯ ಮಿಡ್-ವೀಕ್ ಎಲಿಮಿನೇಷನ್ ಪ್ರಕ್ರಿಯೆಗೆ ಬಿಗ್ ಬಾಸ್ ಸಂಪೂರ್ಣ ಹೊಸ ಹಾಗೂ ಅಪರೂಪದ ಟ್ವಿಸ್ಟ್ ನೀಡಿದೆ. ಅಡ್ವಾಂಟೇಜ್ ಪಡೆದಿರುವ ನಾಲ್ವರು ಸ್ಪರ್ಧಿಗಳು, ತಮ್ಮಿಚ್ಛೆಯ ಯಾವುದೇ ಒಬ್ಬ ಸದಸ್ಯರ ಒಟ್ಟು ವೋಟ್‌ಗಳಲ್ಲಿ ಶೇಕಡಾ 50% ರಷ್ಟು ವೋಟ್‌ಗಳನ್ನು ತಮ್ಮದಾಗಿಸಿಕೊಳ್ಳಬಹುದು.
ಎಲಿಮಿನೇಷನ್ ಭೀತಿಯಲ್ಲಿ ಸ್ಪರ್ಧಿಗಳು
ಈ ಟ್ವಿಸ್ಟ್‌ನಿಂದಾಗಿ ತಮ್ಮ ವೋಟ್‌ಗಳನ್ನು ಹೆಚ್ಚಿಸಿಕೊಂಡು ಎಲಿಮಿನೇಷನ್‌ನಿಂದ ಬಚಾವ್ ಆಗುವ ಅವಕಾಶ ಕೆಲವರಿಗೆ ಸಿಕ್ಕರೆ, ಮತ್ತೆ ಕೆಲವರು ವೋಟ್‌ಗಳನ್ನು ಕಳೆದುಕೊಂಡು ನೇರವಾಗಿ ಮನೆಯಿಂದ ಹೊರಹೋಗುವ ಅಪಾಯದಲ್ಲಿದ್ದಾರೆ. ವೋಟ್ ಕಸಿಯುವ ಈ ಪ್ರಕ್ರಿಯೆಯು ಬಿಗ್ ಬಾಸ್ ಮನೆಯ ಒಳಗಿನ ಸಮೀಕರಣವನ್ನೇ ಬದಲಾಯಿಸಿದೆ.
ಈ ಅಪರೂಪದ ಅವಕಾಶವನ್ನು ಸ್ಪರ್ಧಿಗಳು ಹೇಗೆ ಬಳಸಿಕೊಳ್ಳಲಿದ್ದಾರೆ ಮತ್ತು ಮಿಡ್-ವೀಕ್ ಎಲಿಮಿನೇಷನ್‌ನಿಂದ ಯಾರು ಮನೆಗೆ ತೆರಳಲಿದ್ದಾರೆ ಎಂಬುದು ಇಂದಿನ ರಾತ್ರಿ 9.30ರ ಸಂಚಿಕೆಯಲ್ಲಿ ಸ್ಪಷ್ಟವಾಗಲಿದೆ.
ಇದನ್ನೂ ಓದಿ: ಮಿಡ್ ವೀಕ್ ಎಲಿಮಿನೇಷನ್ನಲ್ಲಿ ಬಿಗ್ ಬಾಸ್ ಮನೆಯಿಂದ ಹೊರಹೋಗಿದ್ದು ಯಾರು? ಕಣ್ಣೀರು ಹಾಕಿದ ಜಗದೀಶ್
ಈ ಬೆಳವಣಿಗೆಯಿಂದ ಅಂದುಕೊಳ್ಳದೇ ಇದ್ದವರು ಬಿಗ್ ಬಾಸ್ ಮನೆಯಿಂದ ಹೊರ ಹೋಗುವ ಸಾಧ್ಯತ ಇದೆ. ದೊಡ್ಮನೆಯಿಂದ ಯಾರು ಹೊರ ಹೋಗುತ್ತಾರೆ ಎನ್ನುವ ಪ್ರಶ್ನೆ ವೀಕ್ಷಕರನ್ನು ಬಲವಾಗಿ ಕಾಡುತ್ತಾ ಇದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.