ಬಿಗ್ಬಾಸ್ ಇಂದ ಸಿನಿಮಾ ಅವಕಾಶಗಳು ಬರುವುದಿಲ್ಲ: ನಟಿ ಬೇಸರ
ಬಿಗ್ಬಾಸ್ ಸೀಸನ್ ಮತ್ತೆ ಪ್ರಾರಂಭ ಆಗಿದೆ. ಒಟ್ಟಿಗೆ ಹಲವು ಭಾಷೆಗಳಲ್ಲಿ ಬಿಗ್ಬಾಸ್ ಚಾಲ್ತಿಯಲ್ಲಿದೆ. ಹಲವಾರು ನಟ-ನಟಿಯರು ಬಿಗ್ಬಾಸ್ ಮನೆಗೆ ಪ್ರವೇಶ ಮಾಡಿದ್ದಾರೆ. ನಟನಾ ವೃತ್ತಿಗೆ ಬೂಸ್ಟ್ ಸಿಗುತ್ತದೆ, ಹೊಸ ಅವಕಾಶಗಳು ಸಿಗುತ್ತವೆ ಎಂಬ ಕಾರಣಕ್ಕೆ ಹಲವು ನಟ-ನಟಿಯರು ಬಿಗ್ಬಾಸ್ ಮನೆಗೆ ಹೋಗುತ್ತಾರೆ. ಆದರೆ ಇಲ್ಲೊಬ್ಬ ನಟಿ, ಬಿಗ್ಬಾಸ್ನಿಂದ ಸಿನಿಮಾ ಅವಕಾಶ ಸಿಗುವುದಿಲ್ಲ ಎಂದಿದ್ದಾರೆ.
Updated on: Sep 09, 2026 | 6:48 PM
ಬಿಗ್ಬಾಸ್ ಹೊಸ ಸೀಸನ್ ಶುರುವಾಗಿದೆ. ಈ ಬಾರಿ ವಿಶೇಷವಾಗಿ ಆರು ಪ್ರಮುಖ ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಗ್ಬಾಸ್ ಹೊಸ ಸೀಸನ್ಗೆ ಚಾಲ್ತಿ ನೀಡಲಾಗಿದೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿ ಬಿಗ್ಬಾಸ್ ಏಕಕಾಲಕ್ಕೆ ಚಾಲ್ತಿಯಾಗಿದೆ. ಹಲವಾರು ಸಿನಿಮಾ, ಟಿವಿ ಸೆಲೆಬ್ರಿಟಿಗಳು ಸಾಮಾಜಿಕ ಜಾಲತಾಣದ ಇನ್ಫ್ಲ್ಯುಯೆನ್ಸರ್ಗಳು ಈ ಬಾರಿ ಬಿಗ್ಬಾಸ್ ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ. ಅದರಲ್ಲೂ ಸಿನಿಮಾ ಮತ್ತು ಟಿವಿ ಕಲಾವಿದರು ತಮ್ಮ ನಟನಾ ವೃತ್ತಿಗೆ ಸಹಾಯವಾಗಲೆಂದೇ ಬಿಗ್ಬಾಸ್ಗೆ ಪ್ರವೇಶ ಮಾಡುತ್ತಾರೆ. ಕನ್ನಡ ಬಿಗ್ಬಾಸ್ ವೇದಿಕೆಯಲ್ಲಿ ಕೆಲವು ನಟ-ನಟಿಯರು ಈ ಬಗ್ಗೆ ಮುಕ್ತವಾಗಿ ಹೇಳಿಕೊಂಡಿದ್ದಾರೆ. ಆದರೆ ಇಲ್ಲೊಬ್ಬ ನಟಿ, ಬಿಗ್ಬಾಸ್ ಇಂದ ಸಿನಿಮಾ ಅವಕಾಶಗಳು ಬರುವುದಿಲ್ಲ ಎಂದಿದ್ದಾರೆ.
ಇನಾಯಾ ಸುಲ್ತಾನಾ, ತೆಲುಗು ಚಿತ್ರರಂಗದ ನಟಿ. ತೆಲುಗಿನ ಬಿಗ್ಬಾಸ್ ಸೀಸನ್ 6ರಲ್ಲಿ ಅವರು ಸ್ಪರ್ಧಿಯಾಗಿ ಭಾಗಿ ಆಗಿದ್ದರು. ಬಿಗ್ಬಾಸ್ ಮನೆಗೆ ಹೋಗುವಾಗ ತಮ್ಮ ನಟನಾ ವೃತ್ತಿಗೆ ದೊಡ್ಡ ಸಹಾಯ ಆಗಲಿದೆ ಎಂಬ ನಿರೀಕ್ಷೆಯಿಂದಲೇ ಬಿಗ್ಬಾಸ್ ಮನೆಗೆ ಇನಾಯಾ ಸುಲ್ತಾನಾ ಹೋಗಿದ್ದರಂತೆ. ಆದರೆ ‘ನಾನು ನಿರೀಕ್ಷಿಸಿದಂತೆ ಅದು ಆಗಲಿಲ್ಲ’ ಎಂದು ನಟಿ ಇನಾಯಾ ಸುಲ್ತಾನಾ ಹೇಳಿದ್ದಾರೆ.
ಬಿಗ್ಬಾಸ್ ಮನೆಯಿಂದ ಹೊರ ಬಂದ ಬಳಿಕ ಸಾಕಷ್ಟು ಜನಪ್ರಿಯತೆ ಸಿಕ್ಕಿತ್ತು. ಸಾಕಷ್ಟು ಇನ್ಯಾಗುರೇಷನ್ ಕಾರ್ಯಕ್ರಮಗಳಿಗೆ ಇನ್ನಿತರೆ ಕಾರ್ಯಕ್ರಮಗಳಿಗೆ ಜನ ಕರೆಯುತ್ತಿದ್ದರು ಆದರೆ ಸಿನಿಮಾ ಅವಕಾಶಗಳು ಮಾತ್ರ ಬರಲಿಲ್ಲ. ಎಷ್ಟೋ ಮಂದಿ, ಸಿನಿಮಾ ಅವಕಾಶ, ಟಿವಿ ಅವಕಾಶಗಳು ಬರುತ್ತವೆ ಎಂಬ ಆಸೆಯಿಂದಾಗಿ ಬಿಗ್ಬಾಸ್ ಮನೆಗೆ ಹೋಗುತ್ತಾರೆ ಆದರೆ ಅದ್ಯಾವುದೂ ಆಗುವುದಿಲ್ಲ ಬಿಗ್ಬಾಸ್ ಮನೆಯಿಂದ ಜನಪ್ರಿಯತೆ ಸಿಗಬಹುದೇನೋ ಆದರೆ ಸಿನಿಮಾ ಅವಕಾಶ ಸಿಗುವುದಿಲ್ಲ ಎಂದಿದ್ದಾರೆ ಇನಾಯಾ.
ಇದನ್ನೂ ಓದಿ:ಬಿಗ್ಬಾಸ್ ‘ಅಗ್ನಿಪರೀಕ್ಷೆ’ಯಲ್ಲಿ ಗಲಾಟೆ: ‘ವಿನಯ್ ಗೌಡ ಅಲ್ಲಿರೋದಕ್ಕೆ ಲಾಯಕ್ಕಿಲ್ಲ’ ಎಂದ ಸ್ಪರ್ಧಿ
ಬಿಗ್ಬಾಸ್ ನಿಂದ ಹೊರಬಂದ ಬಳಿಕ ಸಾಕಷ್ಟು ಜನಪ್ರಿಯತೆ ಧಕ್ಕಿತ್ತು, ಆದರೆ ನಾನು ಆ ಜನಪ್ರಿಯತೆಯನ್ನು ಸರಿಯಾಗಿ ಬಳಸಿಕೊಳ್ಳಲಿಲ್ಲ. ಅದೇ ಸಮಯದಲ್ಲಿ ನನಗೊಬ್ಬ ಬಾಯ್ಫ್ರೆಂಡ್ ಇದ್ದ, ಅವನು ನನ್ನ ಜನಪ್ರಿಯತೆ ಬಳಸಿಕೊಂಡು ಲಕ್ಷಾಂತರ ರೂಪಾಯಿ ಹಣ ದೋಚಿದ. ನಾನು ನನ್ನ ಸರ್ವಸ್ವವನ್ನೂ ಅವನಿಗೆ ಕೊಟ್ಟಿದ್ದೆ ಆದರೆ ಅವನು ನನಗೆ ಮೋಸ ಮಾಡಿದ ಎಂದು ಇನಾಯಾ ಆರೋಪ ಮಾಡಿದ್ದಾರೆ.
ಬಿಗ್ಬಾಸ್ ಬಳಿಕ ಹಲವು ನಿರ್ಮಾಣ ಸಂಸ್ಥೆಗಳಿಗೆ ನಾನೇ ಖುದ್ದಾಗಿ ಹೋಗಿ ಅವಕಾಶಗಳಿಗಾಗಿ ಕೇಳಿ ಕೊಂಡೆ ಆದರೆ ಯಾರೂ ನೀಡಲಿಲ್ಲ. ಈಗ ಕೆಲ ಸಿನಿಮಾಗಳಲ್ಲಿ ನಟಿಸುತ್ತಿದ್ದೇನೆ ಎಂದು ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಇದೀಗ ಹಲವು ಭಾಷೆಗಳಲ್ಲಿ ಬಿಗ್ಬಾಸ್ ಪ್ರಾರಂಭವಾಗಿದ್ದು, ಹಲವು ನಟ-ನಟಿಯರು ಸಿನಿಮಾ ಅವಕಾಶಗಳ ಆಸೆಗಾಗಿ ಬಿಗ್ಬಾಸ್ ಮನೆ ಸೇರಿಕೊಂಡಿದ್ದಾರೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
