ಆಸಿಯಾ, ಸೋನಿಕಾ, ತಾಂಡವ್​​ಗೆ ಉಡುಗೊರೆಗಳ ತಂದ ಮಂಜ

ತನ್ನ ಕೆಟ್ಟ ವರ್ತನೆ, ವ್ಯಕ್ತಿತ್ವದಿಂದಾಗಿ ಬಿಗ್​​ಬಾಸ್​​ ಇಂದ ಹೊರಗೆ ಹಾಕಿಸಿಕೊಂಡಿದ್ದ ಮಂಜ, ಈಗ ಮತ್ತೆ ಬಿಗ್​​ಬಾಸ್ ಮನಗೆ ಬಂದಿದ್ದಾನೆ. ಮನೆಯ ಸದಸ್ಯರ ಬಗ್ಗೆ ಅವರ ಕುಟುಂಬದವರ ಬಗ್ಗೆ ತೀರಾ ಕೆಟ್ಟದಾಗಿ ಮಾತನಾಡಿದ್ದ ಕಾರಣದಿಂದಾಗಿ ಮಂಜನನ್ನು ಮನೆಯಿಂದ ಹೊರಗೆ ಹಾಕಲಾಗಿತ್ತು. ಆದರೆ ಹೊರಹಾಕಲ್ಪಟ್ಟ ಕೆಲ ವಾರಗಳ ಬಳಿಕ ಇದೀಗ ಬಿಗ್​​ಬಾಸ್ ಮನೆಗೆ ವಾಪಸ್ ಕರೆತರಲಾಗಿದ್ದು, ದೀಪಾವಳಿಯ ಸವಿ ಸಮಯದಲ್ಲಿ ಮಂಜನನ್ನು ಮನೆಗೆ ಕರೆಸಲಾಗಿದೆ.

ಭಾನುವಾರದ ಎಪಿಸೋಡಿನಲ್ಲಿ ಸುದೀಪ್ ಅವರು ಮಂಜನ, ರೀ ಎಂಟ್ರಿಯನ್ನು ಕನ್​​ಫರ್ಮ್ ಮಾಡಿದ್ದರು. ಆಗ ಮಂಜ, ತಾನು ಬದಲಾಗಿರುವುದಾಗಿ, ಈ ಬಾರಿ ಸಿಗುವ ಅವಕಾಶವನ್ನು ಸೂಕ್ತವಾಗಿ ಬಳಸಿಕೊಳ್ಳುವುದಾಗಿ ಹೇಳಿದ್ದ. ಸೋಮವಾರದಂದು ಮಂಜನನ್ನು ಮನೆಯ ಒಳಗೆ ಕಳಿಸಲಾಯ್ತು. ಮನೆಗೆ ಹೋದ ಕೂಡಲೇ ಮಂಜ ಮೊದಲು ಇಡೀ ಮನೆಯನ್ನು ಕಸದಿಂದ ತುಂಬಿಸಿದ. ಇಡೀ ಮನೆಯನ್ನು ಕೊಳಕು ಮಾಡಿದ. ಆ ಮನೆಯನ್ನು ಎಲ್ಲ ಸ್ಪರ್ಧಿಗಳು ಸೇರಿಕೊಂಡು ಕ್ಲೀನ್ ಮಾಡಿದರು.

ಬಳಿಕ ಬಿಗ್​​ಬಾಸ್​​ ಆದೇಶದಂತೆ ಮನೆಯ ಎಲ್ಲ ಸದಸ್ಯರ ಜೊತೆಗೆ ಒಬ್ಬೊರನ್ನಾಗಿ ಕರೆದು ಅವರೊಟ್ಟಿಗೆ ಮಾತನಾಡಿದ, ಹೊರಗೆ ಅವರ ಬಗ್ಗೆ ಇರುವ ಅಭಿಪ್ರಾಯಗಳನ್ನು ಹೇಳಬೇಕಿತ್ತು, ಆದರೆ ಮಂಜ ಸ್ಪರ್ಧಿಗಳ ಜೊತೆ ಮಾತನಾಡಿ, ಮನೆಯ ಒಳಗೆ ನಡೆಯುತ್ತಿರುವ ವಿಷಯಗಳನ್ನು ಹೇಳಿದ. ಕೆಲವರ ಗೆಳೆತನಕ್ಕೆ ಬೆಂಕಿ ಇಡುವ ಪ್ರಯತ್ನವನ್ನೂ ಸಹ ಮಂಜ ಮಾಡಿದ.

ಇದನ್ನೂ ಓದಿ:ಬಿಗ್​​ಬಾಸ್ ಮನೆಯಲ್ಲಿ ತಾಂಡವ್-ಪ್ರಶಾಂತ್ ಸಖತ್ ಕಾಮಿಡಿ: ವಿಡಿಯೋ

ಆ ಬಳಿಕ ಮನೆಯ ಎಲ್ಲ ಸದಸ್ಯರು ಖುಷಿಯಿಂದ ದೀಪಾವಳಿ ಆಚರಣೆ ಮಾಡಿದರು. ಮನೆಯಲ್ಲಿ ದೀಪಗಳನ್ನು ಹಚ್ಚಿ, ಪಟಾಕಿಗಳನ್ನು ಸಹ ಹಚ್ಚಿದರು. ಅದಾದ ಬಳಿಕ ಮಂಜನ್ನು ಮನೆಯ ಒಳಕ್ಕೆ ಕಳಿಸಲಾಯ್ತು. ಮಂಜ ಚಿಪ್ಸು ಇತರೆ ಖಾರದ ತಿನಿಸುಗಳನ್ನು ಜೊತೆಗೆ ಒಂದು ಸೂಟ್​​ಕೇಸ್ ಹಿಡಿದು ಮನೆಗೆ ಎಂಟ್ರಿ ಕೊಟ್ಟ. ಎಲ್ಲರಿಗೂ ಖಾರ ತಿನ್ನಿಸಿದ ಮಂಜ, ಬಳಿಕ ಸೂಟ್​​ಕೇಸ್ ತೆರೆದು, ಕಳೆದ ವಾರ ಕುಟುಂಬದ ಪತ್ರದಿಂದ ವಂಚಿತರಾಗಿದ್ದ ತಾಂಡವ್, ಆಸಿಯಾ ಮತ್ತು ಸೋನಿಕಾಗೆ ಅವರ ಪತ್ರಗಳನ್ನು ತಂದಿರುವುದಾಗಿ ಹೇಳಿದರು.

ಆದರೆ ಪತ್ರಗಳನ್ನು ಪಡೆಯಲು, ಆ ಮೂವರು ಒಟ್ಟಿಗೆ ಚರ್ಚಿಸಿ ಒಬ್ಬರನ್ನು ನೇರವಾಗಿ ನಾಮಿನೇಟ್ ಮಾಡಬೇಕಿತ್ತು. ಅದರಂತೆ ಆಸಿಯಾ ಮತ್ತು ತಾಂಡವ್ ಒಟ್ಟಿಗೆ ಗಾನವಿ ಹೆಸರು ತೆಗೆದುಕೊಂಡರು. ಸೋನಿಕಾ ಜಗ್ಗನ ಹೆಸರು ತೆಗೆದುಕೊಂಡರು. ಆದರೆ ಬಹುಮತ ಇದ್ದಿದ್ದರಿಂದ ಅಂತಿಮವಾಗಿ ಗಾನವಿ ಅವರನ್ನೇ ನೇರವಾಗಿ ನಾಮಿನೇಟ್ ಮಾಡಲಾಯ್ತು. ಬಳಿಕ ಮಂಜ, ತಾಂಡವ್, ಆಸಿಯಾ ಮತ್ತು ಸೋನಿಕಾಗೆ ಅವರ ಪತ್ರಗಳನ್ನು ನೀಡಿದ. ಮಂಜ ಎಂಟ್ರಿ ಇಂದ ಮನೆಯ ಈಕ್ವೇಷನ್ ಬದಲಾವಣೆ ಆಗಲಿದ್ದು, ಆಟದಲ್ಲಿ ಏನು ಬದಲಾವಣೆ ಆಗಲಿದೆ ನೋಡಬೇಕಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ