ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚಿತು ರೂಪೇಶ್ ಶೆಟ್ಟಿ-ಸಾನ್ಯಾ ಐಯ್ಯರ್ ಆಪ್ತತೆ; ಇಲ್ಲಿದೆ ವಿಡಿಯೋ ಸಾಕ್ಷಿ

‘ಬಿಗ್ ಬಾಸ್ ಒಟಿಟಿ’ (Bigg Boss OTT) ಹಾಗೂ ‘ಬಿಗ್ ಬಾಸ್ ಕನ್ನಡ ಸೀಸನ್ 9’ರ ಎಪಿಸೋಡ್​ನಲ್ಲಿ ರೂಪೇಶ್ ಶೆಟ್ಟಿ ಹಾಗೂ ಸಾನ್ಯಾ ಐಯ್ಯರ್ ಮಧ್ಯೆ ಒಳ್ಳೆಯ ಕೆಮಿಸ್ಟ್ರಿ ಸೃಷ್ಟಿ ಆಗಿದೆ. ಇವರಿಗೆ ಅಭಿಮಾನಿ ಬಳಗವೇ ಸೃಷ್ಟಿ ಆಗಿದೆ. ದಿನ ಕಳೆದಂತೆ ರೂಪೇಶ್ ಶೆಟ್ಟಿ ಹಾಗೂ ಸಾನ್ಯಾ ಐಯ್ಯರ್ (Sanya Iyer) ಮಧ್ಯೆ ಆಪ್ತತೆ ಹೆಚ್ಚುತ್ತಿದೆ. ಇದು ವೀಕ್ಷಕರಿಗೂ ಮನದಟ್ಟಾಗುತ್ತಿದೆ. ಕಲರ್ಸ್ ಕನ್ನಡ ವಾಹಿನಿ ಹೊಸ ಪ್ರೋಮೋ ಒಂದನ್ನು ಹಂಚಿಕೊಂಡಿದೆ. ಈ ವಿಡಿಯೋದಲ್ಲಿ ಇಬ್ಬರೂ ಸಖತ್ ಕ್ಲೋಸ್ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಪ್ರೋಮೊಗೆ ಬಗೆ ಬಗೆಯಲ್ಲಿ ಕಮೆಂಟ್​ಗಳು ಬರುತ್ತಿವೆ.

‘ಬಿಗ್ ಬಾಸ್ ಒಟಿಟಿ’ಯಲ್ಲಿ ರೂಪೇಶ್ ಶೆಟ್ಟಿ ಹಾಗೂ ಸಾನ್ಯಾ ಐಯ್ಯರ್ ಸಖತ್ ಕ್ಲೋಸ್ ಆದರು. ಇವರ ಮಧ್ಯೆ ಒಳ್ಳೆಯ ಬಾಂಡಿಂಗ್ ಬೆಳೆಯಿತು. ಈ ಕಾರಣಕ್ಕೂ ಇಬ್ಬರೂ ಒಟಿಟಿ ಸೀಸನ್​ನಲ್ಲಿ ಮಿಂಚಿದ್ದಾರೆ. ಈಗ ಟಿವಿ ಸೀಸನ್​ಗೆ ಇಬ್ಬರೂ ಎಂಟ್ರಿ ಕೊಟ್ಟಾಗಿದೆ. ಇವರು ಮನೆಯಲ್ಲಿ ಒಟ್ಟಾಗಿ ಕಾಣಿಸಿಕೊಳ್ಳುತ್ತಾರೆ. ಈಗ ಇಬ್ಬರ ಮಧ್ಯೆ ಆಪ್ತತೆ ಹೆಚ್ಚುತ್ತಿರುವುದು ಕಂಡು ಬಂದಿದೆ.

ಈ ವಾರದ ಕ್ಯಾಪ್ಟನ್ಸಿ ಟಾಸ್ಕ್​ನಲ್ಲಿ ಪ್ರಶಾಂತ್ ಸಂಬರ್ಗಿ ಅತ್ಯುತ್ತಮ ಆಟ ಪ್ರದರ್ಶನ ತೋರಿದ್ದರು. ಕೆಲವರು ಅವರ ಆಟವನ್ನು ಮೆಚ್ಚಿಕೊಂಡರೆ, ಇನ್ನೂ ಕೆಲವರು ಅವರ ಆಟವನ್ನು ಮೆಚ್ಚಿಕೊಂಡಿಲ್ಲ. ಅಚ್ಚರಿ ಎಂಬಂತೆ ಈ ಬಾರಿ ಪ್ರಶಾಂತ್ ಜತೆ ಸಾನ್ಯಾ ಐಯ್ಯರ್ ಕೂಡ ಕೈ ಜೋಡಿಸಿ ಆಟ ಆಡಿದ್ದರು. ಈ ವಿಚಾರದಲ್ಲಿ ರೂಪೇಶ್​ಗೆ ಕೋಪ ಬಂದಿದೆ.

ಪ್ರಶಾಂತ್ ಅವರನ್ನು ಕಂಡರೆ ರೂಪೇಶ್​​ ಶೆಟ್ಟಿಗೆ ಅಷ್ಟಕ್ಕಷ್ಟೇ. ಯಾರಾದರೂ ಆಪ್ತವಾಗಿದ್ದು ಕಂಡರೆ ಅದನ್ನು ಪ್ರಶಾಂತ್ ಸಂಬರ್ಗಿ ಖಂಡಿಸುತ್ತಾರೆ. ಈ ಕಾರಣಕ್ಕೂ ಅವರನ್ನು ಕಂಡರೆ ರೂಪೇಶ್ ಇಷ್ಟಪಡುವುದಿಲ್ಲ. ಹೀಗಿರುವಾಗ ಪ್ರಶಾಂತ್ ಜತೆ ಸಾನ್ಯಾ ಐಯ್ಯರ್ ಕೈ ಜೋಡಿಸಿದ್ದು ರೂಪೇಶ್ ಬೇಸರಕ್ಕೆ ಕಾರಣವಾಗಿತ್ತು. ಇದನ್ನು ಓಪನ್ ಆಗಿ ಹೇಳಿಕೊಂಡಿದ್ದಾರೆ ರೂಪೇಶ್. ಆ ಸಂದರ್ಭದಲ್ಲಿ ಇಬ್ಬರೂ ತುಂಬಾನೇ ಆಪ್ತವಾಗಿದ್ದರು.

ಇದನ್ನೂ ಓದಿ: ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚಾಯ್ತು ಕಳ್ಳರ ಕಾಟ; ರೂಪೇಶ್ ಶೆಟ್ಟಿ ಬಳಿ ಇದ್ದ ಚಿನ್ನ ಕದ್ದವರು ಯಾರು?

ರೂಪೇಶ್ ಬೆಡ್​ ಮೇಲೆ ಮಲಗಿದ್ದರು. ಅವರ ಮೇಲೆ ಸಾನ್ಯಾ ಐಯ್ಯರ್ ಮಲಗಿದ್ದರು. ಇದಕ್ಕೆ ಎಲ್ಲರೂ ಬಗೆ ಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಕೆಲವರು ಈ ಜೋಡಿಯನ್ನು ಇಷ್ಟಪಟ್ಟರೆ ಇನ್ನೂ ಕೆಲವರು ‘ಸಾರ್ವಜನಿಕ ವೇದಿಕೆಯಲ್ಲಿ ಇಷ್ಟು ಕ್ಲೋಸ್ ಆಗಿರುವ ಅವಶ್ಯಕತೆ ಏನಿದೆ’ ಎಂದು ಪ್ರಶ್ನೆ ಮಾಡಿದ್ದಾರೆ.