Jr NTR: ಜೂ ಎನ್ಟಿಆರ್ ತೊಟ್ಟಿರುವ ಟಿ-ಶರ್ಟ್ ಬೆಲೆಗೆ 150 ಲೀಟರ್ ಪೆಟ್ರೊಲ್ ಬರುತ್ತೆ!
ದುಬಾರಿ ಸಂಭಾವನೆ ಪಡೆವ ನಟ ಜೂ ಎನ್ಟಿಆರ್, ಅದಕ್ಕೆ ತಕ್ಕಂತೆ ಐಶಾರಾಮಿ ಜೀವನ ಶೈಲಿಯನ್ನು ಹೊಂದಿದ್ದಾರೆ. ಇತ್ತೀಚೆಗೆ ಜೂ ಎನ್ಟಿಆರ್ ಭಾಗವಹಿಸಿದ್ದ ಇವೆಂಟ್ ಒಂದರಲ್ಲಿ ಅವರು ಧರಿಸಿದ್ದ ಟಿ-ಶರ್ಟ್ ಗಮನ ಸೆಳೆದಿದ್ದು, ಟಿ-ಶರ್ಟ್ ಬೆಲೆ ಎಷ್ಟು ಗೊತ್ತೆ?
ಕೋಟಿಗಳ ಲೆಕ್ಕದಲ್ಲಿ ಸಂಭಾವನೆ ಪಡೆವ ಸ್ಟಾರ್ ನಟರು ತಮ್ಮ ಸಂಭಾವನೆಯ (Remuneration) ಸೈಜಿಗೆ ಹೊಂದುವಂತೆಯೇ ಐಶಾರಾಮಿ ಜೀವನಶೈಲಿ ರೂಢಿಸಿಕೊಂಡಿರುತ್ತಾರೆ. ವಿದೇಶಿ ಕಾರುಗಳು, ದೊಡ್ಡ-ದೊಡ್ಡ ಮನೆಗಳು ಸಾಮಾನ್ಯ. ಇವರು ತೊಡುವ ಬಟ್ಟೆಗಳು ಸಹ ತುಸು ತುಟ್ಟಿಯಲ್ಲ. ಸಾಮಾನ್ಯವಾಗಿರುವಂತೆ ಕಾಣುವ ಬಟ್ಟೆಗಳು ಸಹ ಭಾರಿ ಬೆಲೆಯ ಟ್ಯಾಗ್ ಹೊಂದಿರುತ್ತವೆ. ಇತ್ತೀಚೆಗಷ್ಟೆ ಆಸ್ಕರ್ ಇವೆಂಟ್ ಅಟೆಂಡ್ಮಾಡಿ ವಾಪಸ್ಸಾಗಿರುವ ನಟ ಜೂ ಎನ್ಟಿಆರ್ (Jr NTR) ತೆಲುಗು ಸಿನಿಮಾವೊಂದರ ಪ್ರೀ ರಿಲೀಸ್ ಇವೆಂಟ್ನಲ್ಲಿ ಭಾಗವಹಿಸಿದ್ದರು. ಇವೆಂಟ್ನಲ್ಲಿ ಜೂ ಎನ್ಟಿಆರ್ ತೊಟ್ಟಿದ್ದ ಟಿ-ಶರ್ಟ್ ತೀರ ಅದ್ಭುತ ಎಂಬಂತಿರಲಿಲ್ಲವಾದರೂ ಬೆಲೆ ಮಾತ್ರ ಅಬ್ಬಬ್ಬ!
ತೆಲುಗು ಚಿತ್ರರಂಗದ ಯುವನಟ ವಿಶ್ವಕ್ ಸೇನ್ ನಟಿಸಿರುವ ‘ದಾಸ್ ಕ ಧಮ್ಕಿ’ ಸಿನಿಮಾದ ಪ್ರೀ ರಿಲೀಸ್ ಕಾರ್ಯಕ್ರಮದಲ್ಲಿ ನಿನ್ನೆ ಮಾರ್ಚ್ 17 ರಂದು ಜೂ ಎನ್ಟಿಆರ್ ಭಾಗವಹಿಸಿದ್ದರು. ಇವೆಂಟ್ನಲ್ಲಿ ಅವರ ಭಾಷಣದ ಜೊತೆಗೆ ಅವರು ಧರಿಸಿದ್ದ ಟಿ-ಶರ್ಟ್ ಸಹ ಗಮನ ಸೆಳೆಯಿತು. ಕಪ್ಪು ಬಿಳಿಪು ಬಣ್ಣದ ಪುಲ್ಓವರ್ ಅಥವಾ ಹುಡಿ ಮಾದರಿಯ ಟಿ-ಶರ್ಟ್ ಅನ್ನು ಜೂ ಎನ್ಟಿಆರ್ ಧರಿಸಿದ್ದರು. ಬಟ್ಟೆ ಅಂಗಡಿಗಳಲ್ಲಿ ಸುಮಾರು 1000-1500 ರುಪಾಯಿಗಳಿಗೆ ದೊರಕಿಬಿಡಬಹುದಾದ ಟಿ-ಶರ್ಟ್ ಅದು ಎನಿಸುವಂತಿತ್ತು. ಆದರೆ ಅದರ ನಿಜವಾದ ಬೆಲೆ ಮಾತ್ರ ಬಲು ದುಬಾರಿ.
ಪ್ರೀ ರಿಲೀಸ್ ಇವೆಂಟ್ನಲ್ಲಿ ಜೂ ಎನ್ಟಿಆರ್ ಧರಿಸಿದ್ದಿದ್ದು ಒನಿಟ್ಸುಕಾ ಟೈಗರ್ ಬ್ರ್ಯಾಂಡ್ನ ಹುಡಿ. ಆ ಹುಡಿಯ ಬೆಲೆ 15,200 ರುಪಾಯಿಗಳು! ಇಷ್ಟು ಹಣಕ್ಕೆ 150 ಲೀಟರ್ ಪೆಟ್ರೊಲ್ ಖರೀದಿ ಮಾಡಬಹುದು. ಇವೆಂಟ್ನಲ್ಲಿ ಜೂ ಎನ್ಟಿಆರ್ ಧರಿಸಿದ್ದ ಶೂ ಸಹ ಅದೇ ಬ್ರ್ಯಾಂಡ್ನದ್ದು ಎನ್ನಲಾಗುತ್ತಿದ್ದು, ಶೂನ ನಿಖರ ಬೆಲೆಯ ಮಾಹಿತಿ ಇಲ್ಲ. ಆದರೆ ಒನಿಟ್ಸುಕಾ ಟೈಗರ್ ಬ್ರ್ಯಾಂಡ್ನ ಶೂಗಳು, ಅವರ ಟೀ-ಶರ್ಟ್ಗಳಷ್ಟೆ ದುಬಾರಿ.
ಒನಿಟ್ಸುಕಾ ಟೈಗರ್ ಬ್ರ್ಯಾಂಡ್ನ ಕೇವಲ ಎಂಟು ಶಾಪ್ಗಳಷ್ಟೆ ಭಾರತದಲ್ಲಿದೆ. ದೆಹಲಿಯಲ್ಲಿ ಮೂರು, ಮುಂಬೈನಲ್ಲಿ ಎರಡು, ಪಂಜಾಬ್ನ ಚಂಡೀಘಡ್ನಲ್ಲಿ ಒಂದು, ಪುಣೆಯಲ್ಲಿ ಒಂದು ಹಾಗೂ ಹೈದರಾಬಾದ್ನಲ್ಲಿ ಒಂದು ಶಾಪ್ ಇದೆ. ಟಿ-ಶರ್ಟ್, ಶೂಗಳನ್ನಷ್ಟೆ ಈ ಬ್ರ್ಯಾಂಡ್ನವರು ಮಾರಾಟ ಮಾಡುತ್ತಾರೆ.
ಜೂ ಎನ್ಟಿಆರ್ ತಮ್ಮ ನಟನೆಯಿಂದ ಮಾತ್ರವಲ್ಲದೆ ಲಕ್ಸುರಿ ಜೀವನ ಶೈಲಿಯಿಂದಲೂ ಜನಪ್ರಿಯರು. ಸುಮಾರು 3.50 ಕೋಟಿಗೂ ಹೆಚ್ಚು ಬೆಲೆಯ ಲ್ಯಾಂಬರ್ಗಿನಿ ಉರುಸ್ ಕಾರು ಹೊಂದಿರುವ ಜೂ ಎನ್ಟಿಆರ್ ದೊಡ್ಡ ಮೊತ್ತದ ಬೆಲೆ ತೆತ್ತು 9999 ನಂಬರ್ ಸಹ ಹಾಕಿಸಿದ್ದಾರೆ. ಲ್ಯಾಂಬೊರ್ಗಿನಿ ಉರುಸ್ ಮಾತ್ರವೇ ಅಲ್ಲದೆ ಇನ್ನೂ ಹಲವು ಐಶಾರಾಮಿ ಕಾರುಗಳನ್ನು ಜೂ ಎನ್ಟಿಆರ್ ಹೊಂದಿದ್ದಾರೆ. ಹೈದರಾಬಾದ್ನಲ್ಲಿ ಇಂಟೀರಿಯರ್ ಜಿಮ್, ಥಿಯೇಟರ್ ಇನ್ನಿತರೆ ಸವಲತ್ತುಗಳನ್ನು ಒಳಗೊಂಡಿರುವ ಐಶಾರಾಂಇ ಸಹ ಮನೆಯ ಒಡೆಯರೂ ಹೌದು.
ಆರ್ಆರ್ಆರ್ ಸಿನಿಮಾದ ಮೂಲಕ ದೊಡ್ಡ ಗೆಲುವು ಪಡೆದಿರುವ ನಟ ಜೂ ಎನ್ಟಿಆರ್ ಇದೀಗ ಕೊರಟಾಲ ಶಿವ ನಿರ್ದೇಶನದ ಇನ್ನೂ ಹೆಸರಿಡದ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆ ಸಿನಿಮಾಕ್ಕೆ ಬಾಲಿವುಡ್ ನಟಿ ಜಾಹ್ನವಿ ಕಪೂರ್ ನಾಯಕಿ. ಸೈಫ್ ಅಲಿ ಖಾನ್ ವಿಲನ್ ಎನ್ನಲಾಗುತ್ತಿದೆ. ಅದರ ಬಳಿಕ ಪ್ರಶಾಂತ್ ನೀಲ್ ನಿರ್ದೇಶನದ ಸಿನಿಮಾದಲ್ಲಿ ನಟಿಸಲಿದ್ದಾರೆ ಜೂ ಎನ್ಟಿಆರ್.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 10:09 pm, Sat, 18 March 23
