ನೈಲ್ ಪಾಲಿಶ್ ಹಾಗೂ ಶಾಂಪೂವಿಂದಲೂ ಮಹಿಳೆಯರು ಮಧುಮೇಹಕ್ಕೆ ಒಳಗಾಗುವ ಸಾಧ್ಯತೆ

ನೈಲ್ ಪಾಲಿಶ್ ಹಾಗೂ ಶಾಂಪೂವಿನಿಂದಲೂ ಮಹಿಳೆಯರು ಮಧುಮೇಹಕ್ಕೆ ಒಳಗಾಗುವ ಸಾಧ್ಯತೆ ಇದೆ ಎಂದು ವರದಿಯೊಂದು ಹೇಳಿದೆ. ಪಾರ್ಟಿ, ಫಂಕ್ಷನ್‌ಗೆ ಹೋಗುವಾಗ ಅಥವಾ ದೈನಂದಿನ ದಿನಚರಿಯಲ್ಲಿ ಜನರು ಈ ರೀತಿಯ ಉತ್ಪನ್ನವನ್ನು ಬಹಳ ಉತ್ಸಾಹದಿಂದ ಬಳಸುತ್ತಾರೆ. ತಿಯೊಬ್ಬರೂ ಸುಂದರವಾಗಿ, ಸ್ಮಾರ್ಟ್ ಆಗಿ ಕಾಣಲು ಇಂತಹ ಉತ್ಪನ್ನಗಳನ್ನು ಬಳಸುತ್ತಾರೆ. ಆದರೆ ದೇಶ ಮಾತ್ರವಲ್ಲದೆ ವಿದೇಶಗಳಲ್ಲೂ ಸ್ಥಾನ ಪಡೆದಿರುವ ಈ ಉತ್ಪನ್ನಗಳು ದೇಹವನ್ನು ಆಕರ್ಷಣೀಯವಾಗಿಸುತ್ತದೆ, ಆದರೆ ಆರೋಗ್ಯಕ್ಕೂ ಅಷ್ಟೇ ಅಪಾಯಕಾರಿ ಎಂದು ಯಾರಾದರೂ ಊಹಿಸಿದ್ದೀರಾ?.

ನೈಲ್ ಪಾಲಿಶ್, ಶಾಂಪೂ ಮತ್ತು ಸುಗಂಧ ದ್ರವ್ಯಗಳಂತಹ ಸೌಂದರ್ಯವರ್ಧಕಗಳನ್ನು ನಿಯಮಿತವಾಗಿ ಬಳಸುತ್ತಿದ್ದರೆ ಲಿವರ್ , ಕಿಡ್ನಿ, ಶ್ವಾಸಕೋಶಗಳಿಗೆ ಹಾನಿಯಾಗುತ್ತದೆ . ಹಾಗಾಗಿ ಈ ಉತ್ಪನ್ನಗಳಲ್ಲಿ ಬಳಸುವ ರಾಸಾಯನಿಕ ಅಂಶಗಳನ್ನೂ ಪರಿಶೀಲಿಸಬೇಕು. ಹೇರ್ ಸ್ಪ್ರೇ ಮತ್ತು ಆಫ್ಟರ್ ಶೇವ್ ಸೇರಿದಂತೆ ಇಂತಹ ಉತ್ಪನ್ನಗಳಲ್ಲಿ ಕಂಡುಬರುವ ವಿಷಕಾರಿ ರಾಸಾಯನಿಕಗಳು ಚರ್ಮದ ಮೂಲಕ ದೇಹವನ್ನು ಪ್ರವೇಶಿಸಬಹುದು ಎಂದು ಹೊಸ ಅಧ್ಯಯನವು ಕಂಡುಹಿಡಿದಿದೆ. ಇದು ಯಕೃತ್ತು, ಮೂತ್ರಪಿಂಡಗಳು, ಶ್ವಾಸಕೋಶಗಳು ಮತ್ತು ಇತರ ಅಂಗಗಳಿಗೆ ಗಂಭೀರ ಹಾನಿಯನ್ನುಂಟುಮಾಡುತ್ತದೆ.

ಇತ್ತೀಚೆಗೆ ಈ ಬಗ್ಗೆ ಅಧ್ಯಯನವನ್ನು ಮಾಡಲಾಗಿದೆ. ಇದು ಎಂಡೋಕ್ರೈನ್ ಸೊಸೈಟಿಯ ಜರ್ನಲ್ ಆಫ್ ಕ್ಲಿನಿಕಲ್ ಎಂಡೋಕ್ರೈನಾಲಜಿ ಮತ್ತು ಮೆಟಾಬಾಲಿಸಮ್‌ನಲ್ಲಿ ಪ್ರಕಟವಾಗಿದೆ.

ಉತ್ಪನ್ನಗಳಿಂದ ಹೊರಬರುವ ರಾಸಾಯನಿಕಗಳಿಂದ ಮಹಿಳೆಯರಲ್ಲಿ ಮಧುಮೇಹದ ಸಾಧ್ಯತೆಯನ್ನು ಹೆಚ್ಚಿಸುವ ಅಪಾಯವು ತುಂಬಾ ಹೆಚ್ಚಾಗಿದೆ ಎಂದು ಅಧ್ಯಯನದಲ್ಲಿ ತಿಳಿದುಬಂದಿದೆ. ಮಿಚಿಗನ್ ವಿಶ್ವವಿದ್ಯಾನಿಲಯದ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್‌ನ ಅಧಿಕಾರಿಗಳು ಥಾಲೇಟ್ಸ್ ರಾಸಾಯನಿಕಗಳು ಆರು ವರ್ಷಗಳ ಅವಧಿಯಲ್ಲಿ ಮಹಿಳೆಯರಲ್ಲಿ, ವಿಶೇಷವಾಗಿ ಬಿಳಿ ಮಹಿಳೆಯರಲ್ಲಿ ಮಧುಮೇಹದ ಅಪಾಯವನ್ನು ಹೆಚ್ಚಿಸಬಹುದು ಎಂದು ಸಂಶೋಧನೆ ಕಂಡುಹಿಡಿದಿದೆ ಎಂದು ವರದಿ ಮಾಡಿದೆ.

ಮತ್ತಷ್ಟು ಓದಿ: Diabetes: ಮೊದಲ ಬಾರಿಗೆ ಮಧುಮೇಹ ಪತ್ತೆಯಾಗಿದ್ದು ಯಾವ ದೇಶದಲ್ಲಿ, ಯಾವಾಗ?, ಲಕ್ಷಣಗಳು ಏನಿದ್ದವು?

ಸಂಶೋಧಕರು ಆರು ವರ್ಷಗಳಲ್ಲಿ 1,308 ಮಹಿಳೆಯರನ್ನು ಅಧ್ಯಯನ ಮಾಡಿದರು. ಅಧ್ಯಯನವು ಮಹಿಳೆಯರ ಆರೋಗ್ಯದ ಮೇಲೆ ಕೇಂದ್ರೀಕರಿಸಿದೆ. ಮಧುಮೇಹವನ್ನು ಹೆಚ್ಚಿಸಲು ಥಾಲೇಟ್ಸ್ ಎಂಬ ರಾಸಾಯನಿಕವು ಕೆಲಸ ಮಾಡಿದೆ ಎಂದು ಗಮನಿಸಲಾಗಿದೆ. ಕಳೆದ 6 ವರ್ಷಗಳಲ್ಲಿ ಸುಮಾರು 5 ಪ್ರತಿಶತ ಮಹಿಳೆಯರು ಮಧುಮೇಹಕ್ಕೆ ಬಲಿಯಾದರು.

2000 ರ ದಶಕದ ಆರಂಭದಲ್ಲಿ ಮೂತ್ರದ ಮಾದರಿಗಳನ್ನು ಸಂಗ್ರಹಿಸಲಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ. ಅಮೆರಿಕದ ಮಧ್ಯ ವಯಸ್ಕ ಮಹಿಳೆಯರು ತಮ್ಮ ಮೂತ್ರದಲ್ಲಿ ಥಾಲೇಟ್ಸ್ ಎಂಬ ರಾಸಾಯನಿಕಗಳ ಹೆಚ್ಚಿನ ಅಂಶವನ್ನು ಹೊಂದಿದ್ದರು, ಇತರ ಮಹಿಳೆಯರಲ್ಲಿ, ಇದರ ಅಪಾಯ ಸ್ವಲ್ಪ ಕಡಿಮೆಯಾಗಿದೆ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ