ಚಳಿಗಾಲದಲ್ಲಿ ಶುರುವಾಗುವ ಶೀತ, ಕೆಮ್ಮಿಗೆ ಇಲ್ಲಿದೆ ನೈಸರ್ಗಿಕ ಪರಿಹಾರ

ಹವಾಮಾನದಲ್ಲಿರುವ ಬದಲಾವಣೆಯು ಶೀತ (Cold) ಮತ್ತು ಕೆಮ್ಮನ್ನು (Cough) ಹೆಚ್ಚಿಸುತ್ತದೆ. ನೆಗಡಿಗೆ ನಿಗದಿತವಾಗಿ ಯಾವುದೇ ಚಿಕಿತ್ಸೆ ಇಲ್ಲ. ಆದರೆ, ಅನಾರೋಗ್ಯದ ವಿರುದ್ಧ ಹೋರಾಡಲು ಕೆಲವು ಮನೆಮದ್ದುಗಳು ಸಹಾಯ ಮಾಡುತ್ತವೆ. ಚಳಿಗಾಲದಲ್ಲಿ (Winter Health) ಹೆಚ್ಚಾಗುವ ಮೈಕೈ ನೋವು, ಜ್ವರ, ಶೀತ ಮತ್ತು ಮೂಗು ಕಟ್ಟುವಿಕೆಯಂತಹ ರೋಗಲಕ್ಷಣಗಳನ್ನು ನಿವಾರಿಸಲು ಇವು ಸಹಾಯ ಮಾಡುತ್ತದೆ. ಈ ಬಗ್ಗೆ ಪೌಷ್ಟಿಕತಜ್ಞೆ ಅಂಜಲಿ ಮುಖರ್ಜಿ ಅವರು ಕೆಲವು ಮಸಾಲೆ ಪದಾರ್ಥಗಳ ಮಹತ್ವವನ್ನು ಹಂಚಿಕೊಂಡಿದ್ದಾರೆ. ಇವು ಮೂಗು ಮತ್ತು ಗಂಟಲಿನ ಕಿರಿಕಿರಿಯಿಂದ ಪರಿಹಾರವನ್ನು ನೀಡುತ್ತದೆ. ಈ ಮಸಾಲೆಗಳನ್ನು ಮನೆಗಳಲ್ಲಿ ಸುಲಭವಾಗಿ ಬಳಸಬಹುದು. ಸಾಮಾನ್ಯವಾಗಿ ದೈನಂದಿನ ಅಡುಗೆಗಳಲ್ಲಿ ಇವುಗಳನ್ನು ಬಳಸಲಾಗುತ್ತದೆ.

ಶೀತ ಮತ್ತು ಕೆಮ್ಮನ್ನು ಕಡಿಮೆ ಮಾಡಲು ಸುಲಭವಾಗಿ ಸಹಾಯ ಮಾಡುವ 4 ಮಸಾಲೆಗಳು ಇಲ್ಲಿವೆ.

ಕಾಳು ಮೆಣಸು:

ಕಾಳು ಮೆಣಸು ಗಂಟಲಿನ ಕಿರಿಕಿರಿ ಮತ್ತು ಕೆಮ್ಮನ್ನು ಗುಣಪಡಿಸುವ ಪರಿಣಾಮಗಳನ್ನು ಹೊಂದಿದೆ. ವಿಟಮಿನ್ ಸಿ ಮತ್ತು ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿರುವ ಕರಿಮೆಣಸು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಕೆಮ್ಮು ಮತ್ತು ಶೀತವನ್ನು ನಿವಾರಿಸುತ್ತದೆ. ಒಂದು ಕಪ್ ಕರಿ ಮೆಣಸು ಮತ್ತು ಶುಂಠಿ ಚಹಾವನ್ನು ಜೇನುತುಪ್ಪದೊಂದಿಗೆ ಸೇವಿಸುವುದರಿಂದ ಕೆಮ್ಮು ಕಡಿಮೆಯಾಗುತ್ತದೆ.

ಇದನ್ನೂ ಓದಿ: ನಿಮ್ಮ ಮಕ್ಕಳನ್ನು ಶೀತ, ಮಾಲಿನ್ಯದಿಂದ ಕಾಪಾಡುವ 5 ಮಾರ್ಗಗಳು ಇಲ್ಲಿವೆ

ದಾಲ್ಚಿನ್ನಿ:

ದಾಲ್ಚಿನ್ನಿ ಮಧುಮೇಹ ಮತ್ತು ತೂಕ ಇಳಿಸಲು ಸಹಕಾರಿಯಾಗಿದೆ. ಇದು ನೋಯುತ್ತಿರುವ ಗಂಟಲನ್ನು ಸರಿಪಡಿಸಲು ಮತ್ತು ಶೀತ ನಿವಾರಿಸಲು ಸಹ ಉತ್ತಮವಾಗಿದೆ. ಉತ್ಕರ್ಷಣ ನಿರೋಧಕಗಳಿಂದ ತುಂಬಿರುವ ದಾಲ್ಚಿನ್ನಿ ವೈರಸ್ ಮತ್ತು ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡುತ್ತದೆ. ದಾಲ್ಚಿನ್ನಿ ಮತ್ತು ಜೇನುತುಪ್ಪದೊಂದಿಗೆ ಬೆಚ್ಚಗಿನ ನೀರನ್ನು ಕುಡಿಯುವುದರಿಂದ ಗಂಟಲು ನೋವನ್ನು ನಿವಾರಿಸುತ್ತದೆ.

ಲವಂಗ:

ಉರಿಯೂತದ ಸಂಯುಕ್ತಗಳಿಂದ ತುಂಬಿರುವ ಲವಂಗವು ನೋಯುತ್ತಿರುವ ಗಂಟಲು, ಕೆಮ್ಮು ಮತ್ತು ಶೀತಕ್ಕೆ ಸಹಕಾರಿಯಾಗಿದೆ. ಲವಂಗವನ್ನು ಅಗಿಯಿರಿ, ಬಿಸಿನೀರಿನೊಂದಿಗೆ ಕುಡಿಯಿರಿ ಅಥವಾ ಚಹಾಕ್ಕೆ ಸೇರಿಸಿ. ಲವಂಗದ ಎಣ್ಣೆಯು ಕಟ್ಟಿದ ಮೂಗನ್ನು ತೆರವುಗೊಳಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: Cold Home Remedies: ವಿಪರೀತ ಶೀತ ಆಗಿದೆಯೇ? ಇಲ್ಲಿದೆ ಮನೆಮದ್ದು

ಏಲಕ್ಕಿ:

ಏಲಕ್ಕಿ ಹಸಿರು ಮತ್ತು ಕಪ್ಪು ಪ್ರಭೇದಗಳಲ್ಲಿ ಬರುತ್ತದೆ. ಎರಡೂ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಪರಿಣಾಮಕಾರಿಯಾಗಿದೆ. ಕಪ್ಪು ಏಲಕ್ಕಿ ವಿಶೇಷವಾಗಿ ಶೀತ ಮತ್ತು ಕೆಮ್ಮಿನ ನಿವಾರಣೆಗೆ ಸಹಾಯ ಮಾಡುತ್ತದೆ. ನೀವು ಚಹಾಕ್ಕೆ ಏಲಕ್ಕಿಯನ್ನು ಸೇರಿಸಬಹುದು ಅಥವಾ ಅಗಿದು ಸೇವಿಸಬಹುದು.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ