ಶ್ವಾಸಕೋಶದ ಕ್ಯಾನ್ಸರನ್ನು ಆರಂಭದಲ್ಲೇ ಪತ್ತೆ ಮಾಡುವುದು ಹೇಗೆ? ಇಲ್ಲಿದೆ ಮಾಹಿತಿ

ಇತ್ತೀಚಿನ ದಿನಗಳಲ್ಲಿ ಕ್ಯಾನ್ಸರ್(Cancer)​​ ಅತಿ ಹೆಚ್ಚು ಕಾಡುತ್ತಿರುವ ಕಾಯಿಲೆಯಾಗಿದೆ.  ಯುವ ಜನತೆಯಿಂದ ಹಿಡಿದು, ಎಲ್ಲಾ ವಯಸ್ಸಿನವರಲ್ಲಿಯೂ  ಅತಿ ಸಂಖ್ಯೆಯಲ್ಲಿ ಕ್ಯಾನ್ಸರ್​ ರೋಗಿಗಳು ಪತ್ತೆಯಾಗುತ್ತಿದ್ದಾರೆ. ಅದೇ ರೀತಿ  ಸಾವಿನ ಸಂಖ್ಯೆ ಏರಿಕೆಯಾಗುತ್ತಿದೆ. ಇದಕ್ಕೆ ಕಾರಣ ಸರಿಯಾದ ಅರಿವು ಮತ್ತು ರೋಗವನ್ನು ಪತ್ತೆ ಮಾಡಲು ಆಗದೇ ಇರುವುದು.  ಯಾವುದೇ ಕ್ಯಾನ್ಸರ್​ ಇರಲಿ  ಅದು ಆರಂಭದಲ್ಲಿ ಯಾವುದೇ ರೀತಿಯ ಲಕ್ಷಣಗಳು ಕಂಡುಬರುವುದಿಲ್ಲ. ಸಣ್ಣ ಪುಟ್ಟ ಅನಾರೋಗ್ಯ ಸಮಸ್ಯೆ ಕಂಡುಬರುತ್ತವೆ. ಇಲ್ಲವಾದರೆ ಕ್ಯಾನ್ಸರ್​​ ರೋಗದ ಲಕ್ಷಣ ಎಂದು ಕಂಡುಬರುವುದಿಲ್ಲ. ಅಂತಹ ಕ್ಯಾನ್ಸರ್ ಗಳಲ್ಲಿ ಒಂದು ಶ್ವಾಸಕೋಶದ ಕ್ಯಾನ್ಸರ್ (Lung Cancer)​. ಆರಂಭದಲ್ಲಿ ಯಾವುದೇ ಲಕ್ಷಣಗಳನ್ನು ತೋರಿಸದೆ ಅಪಾಯವನ್ನು ತಂದೊಡ್ಡುವ ಕಾಯಿಲೆಯಾಗಿದೆ.  ಕ್ಯಾನ್ಸರ್​ ಪತ್ತೆ ಮಾಡಲು ಸಿಟಿ ಸ್ಕ್ಯಾನ್​ (CT Scan)ಗಳನ್ನು ಮಾಡಲಾಗುತ್ತದೆ. ಆದರೆ  ಕಡಿಮೆ ಡೋಸ್​ನ ಸ್ಕ್ಯಾನ್​ಗಳಿಂದ ಸರಿಯಾದ ರಿಪೋರ್ಟ್​ ಬರಲು ಸಾಧ್ಯವಿಲ್ಲ ಎನ್ನುತ್ತಾರೆ ತಜ್ಞರು.

ಇದೀಗ ಚೀನಾದ ಪೀಕಿಂಗ್​ ಯುನಿವರ್ಸಿಟಿ ಪೀಪಲ್ಸ್​ ಹಾಸ್ಪಿಟಲ್​ನ  ವಿಜ್ಞಾನಿಗಳು  ಆರಂಭಿಕ ಹಂತದಲ್ಲಿಯೇ ಶ್ವಾಸಕೋಶದ ಕ್ಯಾನ್ಸರ್​ ಅನ್ನು ಪತ್ತೆ ಮಾಡುವ ವಿಧಾನವನ್ನು  ಕಂಡುಹಿಡಿದಿದ್ದಾರೆ ಎಂದು ಮೆಡಿಕಲ್​ ನ್ಯೂಸ್​ ಟುಡೆ ವರದಿ ಮಾಡಿದೆ.  ಈ ವಿಧಾನವು ದೇಹದಲ್ಲಿನ ರಕ್ತದಲ್ಲಿ ಇರುವ ಲಿಪಿಡ್​ ಅಂಶಗಳನ್ನು ಗುರುತಿಸಿ ಕ್ಯಾನ್ಸರ್​​ ಇರುವ ಬಗ್ಗೆ ಸ್ಪಷ್ಟ ವರದಿ ನೀಡಲಿದೆ ಎಂದು ಹೇಳಲಾಗಿದೆ.  ಈ ವಿಧಾನವನ್ನು ಲಂಗ್​ ಕ್ಯಾನ್ಸರ್​ ಆರ್ಟಿಫಿಷಿಯಲ್​ ಇಂಟೆಲಿಜೆನ್ಸ್​ ಡಿಟೆಕ್ಟರ್​ ( Lung Cancer Artificial Intelligence Detector) ಎಂದು ಕರೆಯುತ್ತಾರೆ. ಇದರಿಂದ ಸುಲಭವಾಗಿ ಶ್ವಾಸಕೋಶದ ಕ್ಯಾನ್ಸರ್​​ ಅನ್ನು ಪತ್ತೆ ಮಾಡಬಹುದಾಗಿದೆ,  ಇದರ ಜತೆಗೆ ಹಲವು ರೀತಿಯ ರಕ್ತ ಪರೀಕ್ಷೆಗಳು ಕ್ಯಾನ್ಸರ್​ ಅನ್ನು ಪತ್ತೆ ಮಾಡುತ್ತವೆ.

 ಪರೀಕ್ಷೆಗಳ ಜತೆಗೆ ಈ ಲಕ್ಷಣಗಳು ಶ್ವಾಸಕೋಶದ ಕ್ಯಾನ್ಸರ್​ ಬಗ್ಗೆ ತಿಳಿಸುತ್ತದೆ:

ಸದಾ ಕಾಲ ಕೆಮ್ಮು ಕೆಮ್ಮಿನೊಂದಿಗೆ ರಕ್ತ ಕಾಣಿಸಿಕೊಳ್ಳುವುದು ದೇಹ ಮತ್ತು ಹೃದಯ ಭಾಗದಲ್ಲಿ ಭಾರವಾಗುವ ಅನುಭವ ಆಗಾಗ ಎದೆನೋವು ತಲೆನೋವು ಮೂಳೆಗಳಲ್ಲಿ ನೋವು ಕಾಣಿಸಿಕೊಳ್ಳುವುದು ದೇಹದ ತೂಕ ಇಳಿಕೆ. ಇವುಗಳು ಶ್ವಾಸಕೋಶ ಕ್ಯಾನ್ಸರ್​ನ  ಮುಖ್ಯವಾದ ಲಕ್ಷಣವಾಗಿದೆ.

ಯಾವೆಲ್ಲಾ ವಿಧಾನದಿಂದ ಕ್ಯಾನ್ಸರ್​​ ರೋಗವನ್ನು ಪತ್ತೆ ಮಾಡಬಹುದು? ಇಲ್ಲಿದೆ ಮಾಹಿತಿ

1. ಆರ್ಟಿಫಿಷಿಯಲ್​ ಇಂಟೆಲಿಜೆನ್ಸ್​ ಡಿಟೆಕ್ಟರ್​ ಮೂಲಕ ಶ್ವಾಸಕೋಶದ ಕ್ಯಾನ್ಸರ್​ ಅನ್ನು ಪತ್ತೆ ಮಾಡಬಹುದು. ಇದು  ಶ್ವಾಸಕೋಶದಲ್ಲಿನ ಪ್ಲಾಸ್ಮಾದ ಬಯೋಮಾರ್ಕ್​ಗಳನ್ನು ಗುರುತಿಸುತ್ತದೆ.
2. ಶ್ವಾಸಕೋಶದ ಕ್ಯಾನ್ಸರ್​​ ಕಾಯಿಲೆ ತಗುಲಿದರೆ ಶ್ವಾಸಕೋಶದಲ್ಲಿ ಗಡ್ಡೆಗಳು ಬೆಳೆಯಲು ಆರಂಭವಾಗುತ್ತದೆ, ಇದರಿಂದ ನೋವು ಕಾಣಿಸಿಕೊಳ್ಳುತ್ತದೆ.
3.  

   ಶ್ವಾಸಕೋಶದ ಕ್ಯಾನ್ಸರ್​​ ಉಂಟಾದಾಗ ಜೀನ್​ನಲ್ಲಿ ಬದಲಾವಣೆ ಉಂಟಾಗುತ್ತದೆ. ಇದು ಲಿಪಿಡ್​ ಚಯಾಪಯ ಕ್ರಿಯೆಯ ಮೇಲೂ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ.

4.  

   ಶ್ವಾಸಕೋಶದ ಕ್ಯಾನ್ಸರ್​ ಹೊಂದಿರುವ ವ್ಯಕ್ತಿಗಳಲ್ಲಿ ಹಾಗೂ ಆರೋಗ್ಯವಂತ ವ್ಯಕ್ತಿಯ ದೇಹದಲ್ಲಿ ಕಂಡುಬರುವ ಲಿಪಿಡ್ ಅಂಶಗಳಲ್ಲಿ ದೊಡ್ಡ ಪ್ರಮಾಣದಲ್ಲಿ ವ್ಯತ್ಯಾಸ ಕಂಡುಬರುತ್ತದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.

5.  

   ಒಟ್ಟು 311 ಮಂದಿಯನ್ನು ಅಧ್ಯಯನದಲ್ಲಿ ಬಳಸಿಕೊಂಡ ವಿಜ್ಞಾನಿಗಳು ಪ್ಲಾಸ್ಮಾ ಮೂಲಕ ಶ್ವಾಸಕೋಶದ ಕ್ಯಾನ್ಸರ್​ಅನ್ನು ಪತ್ತೆ ಮಾಡಬಹುದು ಎಂದು ಕಂಡುಕೊಂಡಿದ್ದಾರೆ.

6.  

   ಒಟ್ಟು 9 ಲಿಪಿಡ್​ಗಳ ಕೂಡ ಶ್ವಾಸಕೋಶದ ಕ್ಯಾನ್ಸರ್​ನ  ಆರಂಭಿಕ ಹಂತವನ್ನು ಪತ್ತೆ ಮಾಡಬಹುದು ಎಂದು ಹೇಳಲಾಗಿದೆ.

ಇದನ್ನೂಓದಿ:

Headache: ಆಗಾಗ ತಲೆನೋವು ಬರುತ್ತಾ? ತಲೆನೋವಿನಿಂದ ಸುಲಭವಾಗಿ ಮುಕ್ತಿ ಹೊಂದಲು ಹೀಗೆ ಮಾಡಿ

Published On - 10:31 am, Fri, 18 February 22