ರಾತ್ರಿ ಅನ್ನ ತಿನ್ನುವುದರಿಂದಾಗುವ ಪ್ರಯೋಜನ ಹಾಗೂ ದುಷ್ಪರಿಣಾಮಗಳು

ದಿನದಲ್ಲಿ ಮೂರು ಹೊತ್ತು ಅನ್ನ(Rice) ವನ್ನೇ ತಿಂದು ಬದುಕುವವರಿದ್ದಾರೆ. ವಿವಿಧ ರೀತಿಯನ್ನು ಅನ್ನದ ಬಳಕೆ ಮಾಡುತ್ತಾರೆ. ಕೆಲವರು ಅನ್ನ ಸಾಂಬಾರ್ ಊಟ ಮಾಡಿದರೆ, ಇನ್ನೂ ಕೆಲವು ಮಂದಿ ಚಿತ್ರಾನ್ನ, ಮೊಸರನ್ನ, ಫ್ರೈಡ್​ರೈಸ್, ಪುಳಿಯೊಗರೆ ಹೀಗೆ ಹತ್ತು ಹಲವು ರೀತಿಯಲ್ಲಿ ಅನ್ನವನ್ನು ಬಳಸುತ್ತಾರೆ. ಅನ್ನ ತಿನ್ನುವುದರಿಂದ ಕೊಬ್ಬು( Fat) ಹೆಚ್ಚಾಗುತ್ತದೆ ಎಂಬ ಕಲ್ಪನೆ ಜನರಲ್ಲಿದೆ. ಆದರೆ ರಾತ್ರಿ ಅನ್ನ ತಿನ್ನುವುದರಿಂದ ಪ್ರಯೋಜನಗಳು ಕೂಡ ಇವೆ. ಅನ್ನವು ಪ್ರೋಟೀನ್, ಕೊಬ್ಬು, ಕ್ಯಾಲ್ಸಿಯಂ, ಮೆಗ್ನೀಸಿಯಮ್, ಪೊಟ್ಯಾಸಿಯಮ್ ಕೂಡ ಒಳಗೊಂಡಿದೆ. ಹೀಗಿದ್ದರೂ ರಾತ್ರಿ ಅನ್ನ ತಿನ್ನಬೇಕೋ ಬೇಡವೋ ಎಂಬ ಪ್ರಶ್ನೆ ಅನೇಕರ ಮನದಲ್ಲಿದೆ.

ರಾತ್ರಿ ಅನ್ನ ತಿನ್ನುವುದರಿಂದ ಆಗುವ ಪ್ರಯೋಜನಗಳು :

ಉದರ ಸಮಸ್ಯೆಗೆ ಪರಿಹಾರ :
ಬೇರೆ ಗಟ್ಟಿ ಆಹಾರ ಪದಾರ್ಥಗಳಿಗಿಂತ ಅನ್ನವು ಸುಲಭವಾಗಿ ಜೀರ್ಣವಾಗುತ್ತದೆ. ಇದರೊಂದಿಗೆ ಹೊಟ್ಟೆನೋವು ಮತ್ತು ಅಜೀರ್ಣ ಸಮಸ್ಯೆಯಲ್ಲೂ ಪ್ರಯೋಜನ ಸಿಗುತ್ತದೆ. ಅದಕ್ಕಾಗಿಯೇ ಹೊಟ್ಟೆ ಸರಿಯಿಲ್ಲ ಎಂದಾದಾಗ ಅಥವಾ ಅಜೀರ್ಣದ ಸಮಸ್ಯೆ ತಲೆದೋರಿದಾಗ ವೈದ್ಯರು ಮೊಸರನ್ನ ತಿನ್ನುವಂತೆ ಸಲಹೆ ನೀಡುತ್ತಾರೆ.

ರಾತ್ರಿ ಅನ್ನ ತಿನ್ನಬಹುದೇ?
ರಾತ್ರಿ ಹೊತ್ತು ಅನ್ನ ಸೇವನೆ ಆರೋಗ್ಯಕ್ಕೆ ಅಷ್ಟು ಒಳ್ಳೆಯದಲ್ಲ ಎನ್ನಲಾಗಿದೆ. ಅದರಲ್ಲೂ ತೂಕ ಕಡಿಮೆ ಮಾಡಿಕೊಳ್ಳಲು ಬಯಸುವವರು ರಾತ್ರಿ ಹೊತ್ತು ಅನ್ನ ಸೇವಿಸದೆ ಇರುವುದು ಒಳ್ಳೆಯದು. ಇದರ ಹೊರತಾಗಿಯೂ ಅನ್ನ ತಿನ್ನದೇ ಭೋಜನ ಪೂರ್ಣವಾಗುವುದಿಲ್ಲ ಎಂದಾದರೆ ಬ್ರೌನ್ ರೈಸ್ ಬಳಸುವುದು ಒಳ್ಳೆಯದು. ಇದರಿಂದ ಕಾರ್ಬೋಹೈಡ್ರೇಟ್‌ಗಳ ಬದಲಿಗೆ ಫೈಬರ್ ದೇಹಕ್ಕೆ ಸಿಗುತ್ತದೆ.

ಅನ್ನ ತಿನ್ನುವುದರಿಂದಾಗುವ ಅನನುಕೂಲಗಳು
ಬಿಳಿ ಅಕ್ಕಿಯಲ್ಲಿ ಫೈಬರ್ (Fiber) ಅಂಶ ಸಾಕಷ್ಟು ಕಡಿಮೆ ಇದೆ ಎಂದು ಕಂಡುಬಂದಿದೆ. ಹೆಚ್ಚು ತಿನ್ನುವುದರಿಂದ ಜೀರ್ಣಾಂಗ ವ್ಯವಸ್ಥೆ ದುರ್ಬಲಗೊಳ್ಳುತ್ತದೆ ಮತ್ತು ಅನಿಲ ಸಮಸ್ಯೆಗಳಿಗೆ ಕಾರಣವಾಗಬಹುದು.ಇದಲ್ಲದೆ ಹಲವು ಸಮಸ್ಯೆಗಳು ಸಹ ಅನ್ನದ ನಿರಂತರ ಸೇವನೆಯಿಂದ ಉಂಟಾಗುತ್ತದೆ.

ಮಧುಮೇಹ
ಪ್ರತಿದಿನ ಹೆಚ್ಚಿನ ಪ್ರಮಾಣದಲ್ಲಿ ಅನ್ನ ತಿನ್ನುವುದರಿಂದ ಮಧುಮೇಹದ ಅಪಾಯ ಹೆಚ್ಚಿಸಬಹುದು. ಇದರಲ್ಲಿ ಕ್ಯಾಲೋರಿಗಳು ಅಧಿಕ. ಹೆಚ್ಚು ಅಕ್ಕಿ ಸೇವಿಸುವುದರಿಂದ ಸಕ್ಕರೆ ಮಟ್ಟವನ್ನು ಹೆಚ್ಚಿಸಬಹುದು. ಈಗಾಗಲೇ ಮಧುಮೇಹವಿದ್ದರೆ ಬಿಳಿ ಅನ್ನ ತಿನ್ನಬೇಡಿ. ಬಿಳಿ ಅಕ್ಕಿಯ ಬದಲು ಕಂದು ಅಕ್ಕಿಯನ್ನು ತಿನ್ನುವುದು ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿ.

ಮತ್ತಷ್ಟು ಓದಿ

ವಿಟಮಿನ್ ಸಿ ಕೊರತೆ
ಅನ್ನ ದೇಹಕ್ಕೆ ಅಗತ್ಯ ವಿಟಮಿನ್ ಮತ್ತು ಪೋಷಕಾಂಶಗಳನ್ನು ಒದಗಿಸುವುದಿಲ್ಲ. ಇದರಲ್ಲಿ ನವಿರಾದ ವಿಟಮಿನ್ ಸಿ ಕಡಿಮೆ ಪ್ರಮಾಣದಲ್ಲಿರುವ ಕಾರಣ ಮೂಳೆಗಳಿಗೆ ಯಾವುದೇ ಪ್ರಯೋಜನವಾಗುವುದಿಲ್ಲ. ಹೆಚ್ಚು ಬಿಳಿ ಅಕ್ಕಿಯನ್ನು ತಿನ್ನುವುದರಿಂದ ಮೂಳೆಗಳನ್ನು ದುರ್ಬಲಗೊಳಿಸಬಹುದು.

ಕೊಬ್ಬು
ಬೇಯಿಸಿದ ಅಕ್ಕಿಯಲ್ಲಿ ಕೊಬ್ಬಿನ ಅಂಶಗಳಿವೆ. ಇದನ್ನು ಹೆಚ್ಚಿನ ಪ್ರಮಾಣದಲ್ಲಿ ತಿನ್ನುವುದರಿಂದ ನಿಮಗೆ ಬೊಜ್ಜು ಬರಬಹುದು. ಈಗಾಗಲೇ ನಿಮಗೆ ಬೊಜ್ಜು ಇದ್ದರೆ, ಅತಿ ಕಡಿಮೆ ಪ್ರಮಾಣದ ಅಕ್ಕಿಯನ್ನು ಸೇವಿಸಿ.
ಅಡುಗೆ ಮಾಡಿದ ನಂತರ ಅಕ್ಕಿಯನ್ನು ತಂಪಾಗಿಸಿದರೆ, ನಿರೋಧಕ ಪಿಷ್ಟವಾಗುತ್ತದೆ. ನಮ್ಮ ದೇಹವು ಎಲ್ಲಾ ಪಿಷ್ಟವನ್ನು ಹೀರಿಕೊಳ್ಳಲು ಸಾಧ್ಯವಿಲ್ಲ, ಮತ್ತು ಅದು ನಮ್ಮ ಉತ್ತಮ ಬ್ಯಾಕ್ಟೀರಿಯಾವನ್ನು (Bacteria) ಪೋಷಿಸುವ ಕರುಳಿನೊಳಗೆ ಜೀರ್ಣಗೊಳ್ಳದೆ ಹೋಗುತ್ತದೆ. ನಿರೋಧಕ ಪಿಷ್ಟವು ಇನ್ನೂ ನಮ್ಮ ರಕ್ತದಲ್ಲಿನ ಸಕ್ಕರೆಯನ್ನು ಹೆಚ್ಚಿಸುತ್ತದೆ.

ಅತಿಯಾಗಿ ತಿನ್ನುವುದು
ಅನ್ನ ತಿನ್ನುವುದರಿಂದ ಹೊಟ್ಟೆ ಬೇಗ ತುಂಬುತ್ತದೆ. ಇದನ್ನು ತಿಂದ ನಂತರ ಮತ್ತೆ ಮತ್ತೆ ಹಸಿವಾಗುತ್ತದೆ ಮತ್ತು ನೀವು ಹೆಚ್ಚು ತಿನ್ನುತ್ತೀರಿ. ಆದುದರಿಂದ ಸಾಧ್ಯವಾದಷ್ಟು ಕಡಿಮೆ ಅನ್ನ ಸೇವಿಸುವುದು ಉತ್ತಮ.

ಜೀವನಶೈಲಿಗೆ ಸಂಬಂಧಿತ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ