ಮುಖದಲ್ಲಿರುವ ಕೂದಲನ್ನು ತೊಡೆದುಹಾಕಲು ನೈಸರ್ಗಿಕ ಸಲಹೆ ಇಲ್ಲಿದೆ

ಪುರುಷರು ಮಾತ್ರವಲ್ಲ, ಮಹಿಳೆಯರು ಸಹ ಮುಖದ ಕೂದಲನ್ನು ತೆಗದುಕೊಳ್ಳಬೇಕಾಗುತ್ತದೆ. ಕೆಲವರಲ್ಲಿ ತುಂಬಾ ಕೂದಲು ಪದೇ ಪದೇ ಕಾಣಿಸಿಕೊಳ್ಳುವುದರಿಂದ ಅದನ್ನು ನಿಭಾಯಿಸುವುದು ಅನಿವಾರ್ಯವಾಗಿರುತ್ತದೆ. ಅದಕ್ಕಾಗಿಯೇ ಶೇವಿಂಗ್, ವ್ಯಾಕ್ಸಿಂಗ್ ಮಾಡಿಕೊಳ್ಳುತ್ತಾರೆ. ನೀವು ಸ್ವಲ್ಪ ಹೆಚ್ಚು ಖರ್ಚು ಮಾಡಲು ಸಿದ್ಧರಿದ್ದರೆ, ನೀವು ಲೇಸರ್ ಚಿಕಿತ್ಸೆಯನ್ನು ಸಹ ಪ್ರಯತ್ನಿಸಬಹುದು. ಆದರೆ ನೀವು ಆಗಾಗ ಸಲೂನ್​​ಗಳು ಅಥವಾ ಕ್ಲಿನಿಕ್​​ಗಳಿಗೆ ಹೋಗಲು ಇಷ್ಟಪಡದಿದ್ದರೆ ಮುಖದ ಕೂದಲನ್ನು ತೆಗೆಯಲು ನೀವು ಮನೆಮದ್ದುಗಳನ್ನು ಪ್ರಯತ್ನಿಸಬಹುದು. ಇದು ಸರಳವೂ ಹೌದು. ಜೊತೆಗೆ ಯಾವುದೇ ಅಡ್ಡಪರಿಣಾಮಗಳು ಇರುವುದಿಲ್ಲ.

ಮಹಿಳೆಯರಲ್ಲಿ ಮುಖದ ಮೇಲೆ ಕೂದಲು ಬರಲು ಕಾರಣವೇನು?

ಪಾಲಿಸಿಸ್ಟಿಕ್ ಓವರಿ ಸಿಂಡ್ರೋಮ್​​ಗಳು ನಂತಹ ವೈದ್ಯಕೀಯ ಪರಿಸ್ಥಿತಿಗಳಿಂದ ಉಂಟಾಗುವ ಹಾರ್ಮೋನುಗಳ ಅಸಮತೋಲನವು ಮಹಿಳೆಯರಲ್ಲಿ ಮುಖದ ಕೂದಲಿಗೆ ಸಾಮಾನ್ಯ ಕಾರಣವಾಗಿದೆ ಎಂದು ಬ್ಲಾಸಮ್ ಕೊಚ್ಚರ್ ಗ್ರೂಪ್ ಆಫ್ ಕಂಪನಿಗಳ ಅಧ್ಯಕ್ಷ ಡಾ. ಹಿರ್ಸುಟಿಸಂ ಹೇಳುತ್ತಾರೆ.

ಇದರಿಂದ ಅತಿಯಾದ ಕೂದಲು ಬೆಳವಣಿಗೆಗೆ ಕಾರಣವಾಗುತ್ತದೆ. ದೇಹ ಮತ್ತು ಮುಖದಲ್ಲಿ ಕೂದಲಿನ ಬೆಳವಣಿಗೆಯ ಮಾದರಿಯನ್ನು ನಿರ್ಧರಿಸುವಲ್ಲಿ ಜೆನೆಟಿಕ್ಸ್ ಮಹತ್ವದ ಪಾತ್ರ ವಹಿಸುತ್ತದೆ. ಸ್ಟೀರಾಯ್ಡ್ಗಳಂತಹ ಕೆಲವು ರೀತಿಯ ಔಷಧಿಗಳು, ಮಹಿಳೆಯರಲ್ಲಿ ಮುಖದ ಕೂದಲಿನ ಸಮಸ್ಯೆಗಳನ್ನು ಉಂಟು ಮಾಡುವ ಮತ್ತೊಂದು ಅಂಶವಾಗಿದೆ.

ಇದನ್ನೂ ಓದಿ: ಬಿಡುವಿನ ವೇಳೆಯಲ್ಲಿ ಪಾದಗಳಿಗೆ ಬಿಸಿ ನೀರಿನ ಸ್ನಾನ ಮಾಡಿಸಿ: ನಿಮ್ಮ ಒತ್ತಡ ನಿವಾರಣೆಗೂ ಒಳಿತು

ಮುಖದ ಕೂದಲನ್ನು ನೈಸರ್ಗಿಕವಾಗಿ ತೆಗೆದು ಹಾಕುವ ವಿಧಾನಗಳು

ಮುಖದ ಕೂದಲನ್ನು ತೆಗೆಯಲು ನೀವು ಅಡುಗೆಮನೆಯ ಪದಾರ್ಥಗಳನ್ನು ಅವಲಂಬಿಸಬಹುದು. ನಿಮಗೆ ಕೆಲವು ಆಯ್ಕೆಗಳು ಇಲ್ಲಿವೆ:

1. ಸಕ್ಕರೆ ಮತ್ತು ನಿಂಬೆ ರಸ;

ನೀವು ಎರಡು ಚಮಚ ಸಕ್ಕರೆ ಮತ್ತು ನಿಂಬೆ ರಸವನ್ನು 35 ಮಿ. ಲೀ. ನೀರಿನೊಂದಿಗೆ ಮಿಶ್ರಣ ಮಾಡಬೇಕು. ಮಿಶ್ರಣವು ಕುದಿಯಲು ಪ್ರಾರಂಭಿಸುವವರೆಗೆ ಬಿಸಿ ಮಾಡಿ. ನಂತರ ತಣ್ಣಗಾಗಲು ಬಿಡಿ. ಇದನ್ನು ಕೂದಲಿರುವ ಪ್ರದೇಶಗಳಿಗೆ ಹಚ್ಚಿ ಮತ್ತು 20 ರಿಂದ 25 ನಿಮಿಷಗಳ ಕಾಲ ಬಿಡಿ. ಬಳಿಕ ವೃತ್ತಾಕಾರದ ಚಲನೆಯಲ್ಲಿ ಉಜ್ಜಿಕೊಳ್ಳಿ, ಬಳಿಕ ಇದನ್ನು ನೀರಿನಿಂದ ತೊಳೆಯಿರಿ ಎಂದು ಡಾ. ಕೊಚ್ಚರ್ ಸಲಹೆ ನೀಡುತ್ತಾರೆ.

2. ನಿಂಬೆ ಮತ್ತು ಜೇನುತುಪ್ಪ;

ಒಂದು ಚಮಚ ಜೇನುತುಪ್ಪ, ಎರಡು ಚಮಚ ಸಕ್ಕರೆ ಮತ್ತು ನಿಂಬೆ ರಸವನ್ನು ಮಿಶ್ರಣ ಮಾಡುವ ಮೂಲಕ ಅದನ್ನು ಸುಮಾರು ಮೂರು ನಿಮಿಷಗಳ ಕಾಲ ಬಿಸಿ ಮಾಡಿ ಮತ್ತು ತುಂಬಾ ದಪ್ಪವಾದ ಮಿಶ್ರಣವಾಗಿದ್ದರೆ, ತೆಳುವಾಗಿಸಲು ನೀರನ್ನು ಹಾಕಿ ನಿಧಾನವಾಗಿ ಕಲಕಿ. ಪೇಸ್ಟ್ ತಣ್ಣಗಾದ ನಂತರ, ಅದನ್ನು ಕೂದಲು ಬಂದ ಪ್ರದೇಶಗಳಿಗೆ ಹಚ್ಚಿ. ಇದು ನೈಸರ್ಗಿಕ ಮೇಣದಂತಿರುತ್ತದೆ. ಹಾಗಾಗಿ ಆ ಮಾಸ್ಕ್ ನನ್ನು ಕೂದಲಿನ ಬೆಳವಣಿಗೆಯ ವಿರುದ್ಧ ದಿಕ್ಕಿನಲ್ಲಿ ಎಳೆಯಿರಿ.

3. ಮೊಟ್ಟೆಯ ಬಿಳಿಭಾಗ ಮತ್ತು ಅಕ್ಕಿ ಹಿಟ್ಟು;

ಒಂದು ಬಟ್ಟಲಿನಲ್ಲಿ, ಒಂದು ಮೊಟ್ಟೆಯ ಬಿಳಿಭಾಗ, ಒಂದು ಚಮಚ ಸಕ್ಕರೆ ಮತ್ತು ಅರ್ಧ ಟೀ ಸ್ಪೂನ್ ಅಕ್ಕಿ ಹಿಟ್ಟನ್ನು ತೆಗೆದುಕೊಳ್ಳಿ. ದಪ್ಪ ಪೇಸ್ಟ್ ಮಾಡಿ ಅವುಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ. ಮುಖದ ಅನಗತ್ಯ ಕೂದಲು ಇರುವ ಪ್ರದೇಶಗಳಿಗೆ ಹಚ್ಚಿ ನಂತರ ಸುಮಾರು 20 ರಿಂದ 30 ನಿಮಿಷಗಳ ಕಾಲ ಒಣಗಲು ಬಿಡಿ. ಒಣಗಿದ ಮಾಸ್ಕ್ ಅನ್ನು ಕೂದಲಿನ ಬೆಳವಣಿಗೆಯ ವಿರುದ್ಧ ದಿಕ್ಕಿನಲ್ಲಿ ನಿಧಾನವಾಗಿ ತೆಗೆದು ನಂತರ ನೀರಿನಿಂದ ತೊಳೆಯಿರಿ.

4. ಓಟ್ ಮೀಲ್ ಮತ್ತು ಬಾಳೆಹಣ್ಣು;

ಪರಿಣಾಮಕಾರಿ ನೈಸರ್ಗಿಕ ಎಕ್ಸ್ಫೋಲಿಯಂಟ್ ಆಗಿರುವ ಎರಡು ಚಮಚ ಓಟ್ ಮೀಲ್ ಅನ್ನು ಮಾಗಿದ ಬಾಳೆಹಣ್ಣಿನೊಂದಿಗೆ ಮಿಶ್ರಣ ಮಾಡಿ, ಮತ್ತು ಈ ಪೇಸ್ಟ್ ಅನ್ನು ವೃತ್ತಾಕಾರದ ಚಲನೆಯಲ್ಲಿ ಕೂದಲಿರುವ ಪ್ರದೇಶಗಳಿಗೆ ಹಚ್ಚಿ. 15 ನಿಮಿಷಗಳ ಕಾಲ ಮಸಾಜ್ ಮಾಡಿ ಮತ್ತು ಮುಖವನ್ನು ನೀರಿನಿಂದ ನಿಧಾನವಾಗಿ ತೊಳೆಯಿರಿ.

5. ಪಪ್ಪಾಯಿ ಮತ್ತು ಅರಿಶಿನ;

ಪಪ್ಪಾಯಿಯಲ್ಲಿ ಪಪೈನ್ ಎಂಬ ಕಿಣ್ವವಿದೆ, ಇದು ಕೂದಲಿನ ಬುಡವನ್ನು ಒಡೆಯಲು ಮತ್ತು ಕೂದಲಿನ ಬೆಳವಣಿಗೆಯನ್ನು ತಡೆಯಲು ಸಹಾಯ ಮಾಡುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಪಪ್ಪಾಯಿ ಮತ್ತು ಅರಿಶಿನ ಪೇಸ್ಟ್ ತಯಾರಿಸಲು, ಪಪ್ಪಾಯಿ ತಿರುಳನ್ನು ಚಿಟಿಕೆ ಅರಿಶಿನ ಪುಡಿಯೊಂದಿಗೆ ಬೆರೆಸಿ ಮುಖಕ್ಕೆ ಹಚ್ಚಿ. ಇದನ್ನು 15 ರಿಂದ 20 ನಿಮಿಷಗಳ ಕಾಲ ಮಸಾಜ್ ಮಾಡಿ ನಂತರ ನೀರಿನಿಂದ ತೊಳೆಯಿರಿ.

ಈ ನೈಸರ್ಗಿಕ ಪದಾರ್ಥಗಳನ್ನು ಬಳಸುವ ಮೊದಲು, ಅನಗತ್ಯ ಚರ್ಮದ ಪ್ರತಿಕ್ರಿಯೆಯನ್ನು ತಪ್ಪಿಸಲು ಪ್ಯಾಚ್ ಟೆಸ್ಟ್ ಮಾಡಿ. ನಿಮ್ಮ ಮುಖದ ಮೇಲಿನ ಚರ್ಮವು ಸಾಮಾನ್ಯವಾಗಿ ದೇಹದ ಇತರ ಭಾಗಗಳಿಗಿಂತ ಹೆಚ್ಚು ಸೂಕ್ಷ್ಮವಾಗಿರುತ್ತದೆ, ಆದ್ದರಿಂದ ಕೂದಲು ತೆಗೆಯುವ ವಿಧಾನಗಳ ವಿಷಯಕ್ಕೆ ಬಂದಾಗ ಇದಕ್ಕೆ ಕಾಳಜಿಯ ಅಗತ್ಯವಿದೆ.

ಇದನ್ನು ಓದಿ:ಸೂಕ್ತ ತೂಕದಿಂದ ಉತ್ತಮ ಆರೋಗ್ಯ; 6 ಕಾರಣಗಳು ಇಲ್ಲಿವೆ

ಶೇವಿಂಗ್ ಮಾಡಿದ ನಂತರ ಚರ್ಮದ ಆರೈಕೆ ಸಲಹೆಗಳು;

• ಶೇವಿಂಗ್ ಮಾಡಿದ ನಂತರ, ಸೌಮ್ಯ ಕ್ಲೆನ್ಸರ್ ನಿಂದ ನಿಮ್ಮ ಚರ್ಮವನ್ನು ಸ್ವಚ್ಛಗೊಳಿಸಿ. ಯಾವುದೇ ಕಠಿಣ ರಾಸಾಯನಿಕ ಅಥವಾ ಆಲ್ಕೋಹಾಲ್ ಆಧಾರಿತ ಕ್ಲೆನ್ಸರ್ ಅಥವಾ ಫೇಸ್ ವಾಶ್ ಗಳನ್ನು ಬಳಸಬೇಡಿ.

• ನಿಮ್ಮ ಮುಖವನ್ನು ತಣ್ಣೀರಿನಿಂದ ತೊಳೆಯಿರಿ, ನಂತರ ಒಣಗಿಸಿ, ಆದರೆ ನಿಮ್ಮ ಚರ್ಮವನ್ನು ಉಜ್ಜಬೇಡಿ.

• ನಿಮ್ಮ ಚರ್ಮಕ್ಕೆ ಸರಿಹೊಂದುವ ಮಾಯಿಶ್ಚರೈಸರ್ ಹಚ್ಚಿಕೊಳ್ಳಿ ಮತ್ತು ಕಿರಿಕಿರಿಯನ್ನು ತಪ್ಪಿಸಲು ಸುವಾಸನೆ ಭರಿತ ಯಾವುದೇ ಚರ್ಮದ ಉತ್ಪನ್ನಗಳನ್ನು ಬಳಸಬೇಡಿ.

• ಯುವಿ ಹಾನಿಯಿಂದ ನಿಮ್ಮ ಚರ್ಮವನ್ನು ರಕ್ಷಿಸಲು ಹೆಚ್ಚಿನ ಎಸ್ಪಿಎಫ್ ಹೊಂದಿರುವ ಸನ್ಸ್ಕ್ರೀನ್ ಬಳಸಿ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ