ದೇಹ ತಂಪಾಗಲೆಂದು ಐಸ್ ಕ್ರೀಮ್ ತಿನ್ನುತ್ತೀರಾ? ಅಸಲಿ ಸತ್ಯ ಇಲ್ಲಿದೆ

ಬೇಸಿಗೆಯಲ್ಲಿ ತಾಪಮಾನ ಹೆಚ್ಚಾದಾಗ ಐಸ್ ಕ್ರೀಮ್ ತಿನ್ನಲು ಯಾರಿಗೆ ತಾನೇ ಇಷ್ಟವಾಗುವುದಿಲ್ಲ? ರುಚಿಕರವಾಗಿರುವುದರ ಹೊರತಾಗಿ ಈ ಐಸ್​ ಕ್ರೀಂ ನಿಮ್ಮ ಬಾಯಿಯನ್ನು ತಂಪಾಗಿಸುವ ಪರಿಣಾಮವನ್ನು ಅನುಭವಿಸಲು ಸಹಾಯ ಮಾಡುತ್ತದೆ. ಕೆಲವು ಅಧ್ಯಯನಗಳ ಪ್ರಕಾರ, ಐಸ್ ಕ್ರೀಂ ದೇಹವನ್ನು ತಂಪಾಗಿಸುವ ಬದಲು ನಿಮ್ಮ ದೇಹದ ಉಷ್ಣತೆಯನ್ನು ಹೆಚ್ಚಿಸುತ್ತದೆ. ಹೀಗಾಗಿ, ಐಸ್ ಕ್ರೀಂ ತಿಂದರೆ ಉರಿಶೀತವಾಗಬಹುದಷ್ಟೇ ಅಲ್ಲದೆ ಶೀತವಾಗಲು ಸಾಧ್ಯವಿಲ್ಲ.

ಐಸ್ ಕ್ರೀಮ್ ನಿಮ್ಮನ್ನು ಹೇಗೆ ಬಿಸಿ ಮಾಡುತ್ತದೆ?:

ಐಸ್ ಕ್ರೀಮ್ ಸಕ್ಕರೆಯೊಂದಿಗೆ ಶೇಕಡಾ 10ಕ್ಕಿಂತ ಹೆಚ್ಚು ಹಾಲಿನ ಕೊಬ್ಬನ್ನು ಹೊಂದಿರುತ್ತದೆ ಎಂದು ಸಂಶೋಧನೆ ಹೇಳುತ್ತದೆ. ದೇಹದಲ್ಲಿ ಕೊಬ್ಬು ವಿಭಜನೆಯಾದಾಗ, ಅದು ಗಮನಾರ್ಹ ಪ್ರಮಾಣದ ಶಾಖವನ್ನು ಬಿಡುಗಡೆ ಮಾಡುತ್ತದೆ. ಈ ಪ್ರಕ್ರಿಯೆಯನ್ನು ಆಹಾರ ಪ್ರೇರಿತ ಥರ್ಮೋಜೆನೆಸಿಸ್ ಎಂದು ಕರೆಯಲಾಗುತ್ತದೆ. ಇತರ ಪೋಷಕಾಂಶಗಳಿಗೆ ಹೋಲಿಸಿದರೆ, ಕೊಬ್ಬುಗಳು ಹೆಚ್ಚಿನ ಶಕ್ತಿ ಮತ್ತು ದೇಹದಲ್ಲಿ ಶಾಖವನ್ನು ಬಿಡುಗಡೆ ಮಾಡುವ ಹೆಚ್ಚಿನ ಸಾಮರ್ಥ್ಯವನ್ನು ಹೊಂದಿವೆ.

ಇದನ್ನೂ ಓದಿ: ಬೇಸಿಗೆಯಲ್ಲಿ ಉತ್ತಮ ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುವ 8 ಹಣ್ಣುಗಳಿವು

ಬೇಸಿಗೆಯ ದಿನದಲ್ಲಿ ಐಸ್ ಕ್ರೀಮ್ ಅನ್ನು ಆನಂದಿಸುವಾಗ ಮೊದಲ ಕೆಲವು ಕ್ಷಣಗಳ ಪರಿಹಾರವನ್ನು ನೀಡಿದರೂ ಹೊಟ್ಟೆಗೆ ಉಷ್ಣತೆಯನ್ನು ಉಂಟುಮಾಡುತ್ತದೆ. ಐಸ್ ಕ್ರೀಂನ ಘಟಕಗಳು ಒಡೆಯಲು ಪ್ರಾರಂಭಿಸಿದ ನಂತರ ಅದರ ತಂಪಾಗಿಸುವ ಪರಿಣಾಮವು ಕಡಿಮೆಯಾಗುತ್ತದೆ. ಹಾಲಿನ ಕೊಬ್ಬು ಮತ್ತು ಸಕ್ಕರೆಯು ದೇಹದಲ್ಲಿ ಶಾಖವನ್ನು ಉತ್ಪಾದಿಸುತ್ತದೆ. ಹೊರಗಿನ ಉಷ್ಣತೆಯು ಅಧಿಕವಾಗಿರುವಾಗ ಈ ಹೆಚ್ಚುವರಿ ಶಾಖವು ನಮ್ಮನ್ನು ತಂಪಾಗಿಡುವುದಿಲ್ಲ. ಆದರೆ ಬದಲಾಗಿ ವ್ಯತಿರಿಕ್ತ ಪರಿಣಾಮವನ್ನು ಬೀರುತ್ತದೆ ಎನ್ನಲಾಗಿದೆ.

ಕೇವಲ ಐಸ್ ಕ್ರೀಂ ಮಾತ್ರವಲ್ಲದೆ ದೀರ್ಘಕಾಲದವರೆಗೆ ದೇಹವನ್ನು ತಂಪಾಗಿಸುವ ಪಾನೀಯಗಳೆಂದು ಪ್ರಚಾರದಲ್ಲಿರುವ ಐಸ್ಡ್ ಕಾಫಿ ಮತ್ತು ಬಿಯರ್ ಕೂಡ ದೇಹದಿಂದ ದ್ರವವನ್ನು ಖಾಲಿ ಮಾಡುತ್ತದೆ ಎಂದು ಅಧ್ಯಯನಗಳು ಹೇಳುತ್ತವೆ. ಬಿಯರ್ ಮತ್ತು ಕಾಫಿ ಎರಡೂ ಮೂತ್ರವರ್ಧಕಗಳಾಗಿವೆ. ಇದು ನೀವು ಹೆಚ್ಚಾಗಿ ಮೂತ್ರ ವಿಸರ್ಜಿಸುವಂತೆ ಮಾಡುತ್ತದೆ. ವಿಶೇಷವಾಗಿ ಬೇಸಿಗೆಯಲ್ಲಿ ದೇಹದಲ್ಲಿ ಹೆಚ್ಚಿನ ಶಾಖವನ್ನು ಉತ್ಪಾದಿಸುವ ನಿರ್ಜಲೀಕರಣವನ್ನು ಉಂಟುಮಾಡುತ್ತದೆ.

ನಿಮ್ಮ ದೇಹವನ್ನು ತಂಪಾಗಿಸಲು ಬೇಸಿಗೆಯಲ್ಲಿ ಏನು ತಿನ್ನಬೇಕು?:

ಕಾರ್ಬೊನೇಟೆಡ್ ನೀರು:

ಕಾರ್ಬೊನೇಟೆಡ್ ನೀರನ್ನು ಹೊಂದಿರುವ ಪಾನೀಯಗಳು ಅವುಗಳ ಫಿಜ್ ಅಂಶದಿಂದಾಗಿ ಉತ್ತಮ ಪರ್ಯಾಯವಾಗಿದೆ.

ಸೌತೆಕಾಯಿಗಳು:

ಸೌತೆಕಾಯಿಗಳು ನೀರಿನಿಂದ ತುಂಬಿರುತ್ತವೆ ಮತ್ತು ದಿನವಿಡೀ ಆಗಾಗ ಅವುಗಳನ್ನು ತಿನ್ನುವುದು ದೇಹದಲ್ಲಿ ಹೆಚ್ಚು ಶಾಖವನ್ನು ಉತ್ಪಾದಿಸದ ಕಾರಣ ನೀವು ಸಾಕಷ್ಟು ದ್ರವವನ್ನು ಪಡೆಯಬಹುದು.

ಇದನ್ನೂ ಓದಿ: Leg Cramps: ಬೇಸಿಗೆಯಲ್ಲಿ ಕಾಲು ಸೆಳೆತ ತಡೆಗಟ್ಟಲು ಏನು ಮಾಡಬೇಕು?

ಪುದೀನಾ:

ತಾಜಾ ಪುದೀನಾ ನಿಮ್ಮ ದೇಹದ ಮೇಲೆ ಸೂಪರ್ ಕೂಲಿಂಗ್ ಪರಿಣಾಮವನ್ನು ಬೀರುತ್ತದೆ. ಆದ್ದರಿಂದ ನೀವು ಅದನ್ನು ನಿಮ್ಮ ನೀರಿಗೆ ಸೇರಿಸಿ ಸೇವಿಸಬಹುದು ಅಥವಾ ನಿಂಬೆ ಪಾನಕವನ್ನು ತಯಾರಿಸಬಹುದು. ಅದನ್ನು ದಿನವಿಡೀ ಕುಡಿಯಬಹುದು.

ಕ್ಯಾಪ್ಸಿಕಂ:

ಕ್ಯಾಪ್ಸಿಕಂ ಕ್ಯಾಪ್ಸೈಸಿನ್ ಎಂಬ ಅಂಶದಿಂದಾಗಿ ತಂಪಾಗಿಸುವ ಪರಿಣಾಮವನ್ನು ಉಂಟುಮಾಡುತ್ತದೆ. ಇದು ಬೆವರು ಗ್ರಂಥಿಗಳನ್ನು ಉತ್ತೇಜಿಸುತ್ತದೆ ಮತ್ತು ನಿಮ್ಮನ್ನು ತಂಪಾಗಿರಿಸುತ್ತದೆ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ